وفي الجزء التاسع من رواية لن استسلم دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء التاسع من رواية لن استسلم
فتحت الباب سمية وخشتله تبكي تلفت عليها
سمية: اسامة
اسامة يكشخ:اطلعي من اهني معش نبي نشوفك ياسمية اطلللعي
سمية :اسامة اسمعني !
اسامة:مانيش سامع شي مانيش سامعك اطلعي .
وخدي قيتارة وخبطها ع الكمدينو ليين كسرها
جت خ نفيسة وزينب واقفين شن فيه شن فيه ؟
سمية ل اسامة: تتفكر تتفكر لما انا نجري وراك ونقولك شنو منظورك للحب وشنو انا بالنسبة ليك وهلبا مواقف برايك انا مانجرحتش ؟شادلي كلمة انتي اختي انتي زي اختي شنو واﻻ مانحسش اتكلم ﻻش ساكت اها ﻻش …
اسامة:انا ماكنتش حاس بحاجة ناحيتك
سمية:باهي انا كنت حاسة واﻻ بالك تحساب قلبي رمانة
اسامة ساكت ويشبحلها
سمية:انت ديما تقول رافض البنات وانا شنوو مش بنت ؟
اسامة:اطلعي من اهنا واﻻ وحق ربي انا نطلع من الحوش
خ نفيسة:ﻻ وليدي ﻻ
هيا فيسع يا سمية خليه بروحه
سمية:ﻻ يا خالتي مش حنخليه
وتلفتت لاسامة وقتله انا درت هكي نبيك تحس بيا شن كنت انحس سنين عديدة 7 سنين حب من طرف واحد وانت ادير ف حركات اتكلفز الرقبة ونقول معليشي لن استسلم وانت وﻻ هنا
اسامة:مهما كان شن طريقة الفروخ هادي نبيك تحس اللي حسيته ؟انا بروحي ماكنتش نعرف شن نبي اصﻻ ..
سمية:باه باه منن اللي كان بعﻻقة ب سندس منوو بالك حناي ؟؟
اسامة:عﻻقة شنو والنبي ماتكسريليش راسي تره خﻻص اللي هناك قلتيه واللي هناك قلته تقدري تتفضلي
سمية:سندس جتني ف يوم اللي مشينا فيه لصبراتة وهزبتني وورتني الرسايل بينكم حب وغراميات وكﻻم يسخط ومزال تبيني نحط امل في انك تحبني؟؟
اسامة:امتى صارت دوة هادي مافيش بيني وبينها شي سندس سمية:اسال حتى زينب
زينب ل اسامة :ايه صح يااسامة
اسامة:معناها معناها
سمية:معناها عندي الحق نقول اللي قلتهولك ف المحل واﻻه
اسامة:استغفر الله ياربي باهي بش توا بديتي تعتبري فيا خوك خﻻص مافيش داعي لنقاش هدا كله
سمية:ايه معتبراتك خوي
اسامة ولى وجه احمر اتكنطا
وقالها:اماﻻ شن ت…
قاطعاته :وبوي وخالي وعمي وانحبك ودنيتي كلها والله انحبك
خ نفيسة:راك تستحي انت وياها
اسامة ابتسم وقالها:ﻻش درتي هكي والله كنطيتيني
سمية:معليشي خالتي سامحيني
وانت يااسامة تستاهل تكنطى شوي زي ماتكنطيت انا سنين
فات شوي وروحت سمية
اسامة يبتسم ويشوف ل خالتي نفيسة
خ نفيسة ل اسامة :
ماتقوليش بري اخطبي راه
اسامة:عﻻش
خ نفيسة:هكي ﻻن نادية زي اختي ومانبيش نخسرها انت عصبي ووين ندري عليك شن ادير ف البنت وتخليني ف موقف
اسامة:ﻻ يمى تو نحاول انحيها عصبيتي
خدتله نقاله ولوحاته ع الحيط
اسامة:ﻻ يمى عﻻش هكي تو هي اهو فسد
خ نفيسة:ريت روحك كيف عصبي؟
اسامة:ﻻ يمى غير هكي انفعلت
خ نفيسة:المهم زي ما قتلك انا مش حنخطبها وتو نخطبلك سندس بنت عمتك
اسامة:وااااك حنتكنطا عليها وتقعدي ف مشاكل مع عمتي
خ نفيسة:ﻻ عادي اصﻻ عمتك انا وياها مش ف الصافي وتانيا سندس تبيك وهيا ف يوم البحر كنا نتكلمو ع عصبيتك وان مافيش واحدة تتحملك فهيا قتلي انها تبيك و تتحملك
اسامة:شنو خطبتني منك يعني ؟؟ وليت مراة يمى على اخر الوقت؟؟
خ نفيسة:حشاك ياوليدي انت تريس
اسامة:اماﻻ شن يقولوله هدا
خ نفيسة:المهم زي ماقتلك حتى امس كلمت امها وقتلها نبو نزوروكم
اسامة:يمى انتي على العين والراس وماعمري وحياتي رديتلك كلمة ديما نقول باهي وحاضر لكن معليشي الزواج قراري انا هدا زواج دوم مش يوم
خ نفيسة:اياح عاد
ناض اسامة متكنطي طلع من الحوش وسكر نقاله وماحد يعرفله طريق
فات يوم يومين تﻻتة
خ نفيسة تبكي وقالت لزينب :حيه عليا ولدي ضاع مني وووك عليا بكري وووه عليا تريس الحوش والله كان تولي بس والله نخطبهالك سمية يعطيني دعوة شن دخلني توا ف قرار حياته
زينب؛ياسر ماما معش اتنوحي ان شاء الله يرجع
خ نفيسة :والله مانسامح روحي كان صارتله حاجة
زينب:بالك يمى عند جﻻل صاحبه
خ نفيسة :كلمته مش عنده وووك عليا وووك بنهبل
زينب تبكي:وخيي ان شاء الله يرجع
طقطق الباب
خ نفيسة لزينب:نوضي نوضي بالك هوا
ناضت تجري زينب فتحت
زينب:اهلين خالتي نادية خشي خشي
خ نادية:اهليين شنو وين امك اماﻻ
زينب:اهي ف وسط الحوش
خشت خ نادية ..شبحتها خ نفيسة وقتلها ولدي ولدي يانادية وك عليا
خ نادية: خيره العفو ،؟
خ نفيسة حطت الشكارة كلها ل خ نادية
خ نادية:اللطف والله اﻻ مانوريها هالكلبة هادي خزيه ع اخر الوقت بنتي تمشي لشاب ف نص حوشه وتقوله نبيك
والله اﻻ مانوريها حشمتني
خ نفيسة:ماطينيهاش يانادية خلي البنت انا بنخطبها ل اسامة غير ايروح بس
ناضت خ نادية تجري بش تروح
خ نفيسة:يانادية يانادية تعالي اهني
طلعت خ نادية وماشية تتجارى لحوشها
زينب ل امها:ياريتك ماقتيلها يمى عريتي البنت اشبح شن ادير فيها احنا نبو انطببو الموضوع وانتي زدتي عميتيه
خشت خ نادية للجوش وقالت:ياسمية يابلوة يادعوة
سمية كانت تبكي ﻻن اسامة معش فيه عليه اخبار مسحت دموعها وطلعت تجري
سمية:نعم ماما نعم
خ نادية:والله ماتتحشمي الله … ياخسارة ماربيت وتعبت وف نهاية تمشي لولد ف حوشه وتقوليله نحبك ياكلبة
وشدتها من شعرها وبدت تضرب فيها هات وين يوجعك
سمية:ماما بالله عليك خﻻص والنبي خﻻص موقف صار مش عارفة كيف لكن انا نبيه اسامة وهوا يبيني
خ نادية:ضمي فمك يامعفنة اسكتي حتى كلمة
مشت سمية لدارها وتبكي وخشت تحت اليرغان قاتلة روحها بكي
يوم اتنين تﻻتة وسمية بنفس الحال لين ولت صفراء زي الخيال..
اسامة روح للحوش
خ نفيسة :ولدي لولولولولي
اسامة:كيف حالك يمى
خ نفيسة:هكي ادير فيا وليدي تشيطلي ريقي ليلي ماهو بليل ونهاري ماهو بنهار
اسامة:والله اضايقت يمى الحق
خ نفيسة:يا زينببببب
زينب جت:اساااااامة والله استاحشتك
خ نفيسة:وليدي تو نمشي نخطبهالك هاتي العباية يازينب
اسامة:بالحق يمى ؟؟؟؟
خ نفيسة:ايييه لكن امها ام شاء الله توافق ﻻن وانت مهناش((حكتله كل شي))
اسامة:والله حشيشتك اطينها يمى
خ نفيسة:اسكت ان شاء الله توافق امها راسها يابس من صغرها
اسامة:هههههههههههههه وانا نقول خيرها سمية عناد هكي
جابت زينب عباية امها ولبستها …
اسامة:نبي نمشي معاك يمى
خ نفيسة:نوض هي
خشت خ نادية لدار سمية وقتلها:نوضي يا سمية كان بتتغدي نوضي
سمية:مش خاطري ماما
خ نادية:نوضي فيسع قداش بتقعدي هكي
سمية:مش حناكل لين نشوف اسامة
خ نادية:موتي باهي اجعنك ماكليتي ياكلبة تو نوريك انا اسامة كيف شكله
الحوش يشرين
طلعت خ نادية من دار سمية وقالت هيا هي جاية وفتحت الباب…
يتبع ……..
لقراءة الجزء التالي : الجزء العاشر من رواية لن استسلم
لقراءة الجزء السابق : الجزء الثامن من رواية لن استسلم
للإطلاع علي فهرس اجزاء الرواية : رواية لن استسلم جميع الاجزاء كاملة
جميع الحقوق محفوظة للكاتبة لوزة .
