الجزء التاسع من رواية متعصب واحببته

زياد ≈تسألي ودايرا روحك ماتعرفيش

جود≈ مش فاهمة شي بس شمت ريحة قوية.. زياد انت شارب في رمضان!!

زياد≈ ليش ايهمك انتي!! يهز فيها من كتوفها.. تكلمى ما تسكتي جاااوبي جاوبيني

جود ≈الموقف كان اخييه كل العيلة مجتمعة ونظرات الناس الى متشمتة بروحها والخدم والى في المربوعة طلعو ع الصوت العالي.. زياد انت شن تقصد مش فاهمة عليك اطلقني خيرك.. تحول في يديه

زياد≈ دفها بكل قوته لدرجة جت متلوحة ع الارض يدها انجرحت.. تبي نطلقك صار اهو طلقتك شفتي شن صار ياريتني صدقت كلام امي من الاول

جود≈تحاول انها تنوض بس الطيحة قوية يدها تنزف بس ما نتبهتله او ماحست بيها كان همها تفهم الموضوع بس

عليا≈ تبتسم وعاجبها الموضوع

زياد ≈يبكي .. تي انتي شنو انسانة انانية حقيرة رخيصة مدايره فيها عذراء الشاشة تي انا تغيرت عشانك السجادة الى عمري ما ركعت عليها قعدت ديما نركع عليها كنت في كل صلاة ندعي ربي يجمعنا بالحلال وانتي طلعتي#$…. تي انا الى كنت الشركة مانعرفلها طريق بس ع شانك قعدت انسان جاد و قد المسؤلية بس الحمدالله الي ربي كشفك وعرفتك على حقيقتك قبل ما يصير شي والحمدالله الفاتحة مانقرت..

جود ≈فاتحة شنو!!

زياد≈ يضحك ويبكي في نفس الوقت .. دايرا روحك ما تعرفي شي طلعت انا الى ما نعرف شي.. هه كنت نبي نديرلك مفاجأة بس انا الى تفاجأت

جود≈ مصدومة.. يعني اليوم فاتحتي.. بس ليش هكي يتكلم في الصبح كان معايا كويس..

زياد≈ كمل كلامه بنفس الطريقة .. كنتى ناوية تهربي صح هيا امشي طريقك بيضة خلاص صار الى تبيه انا وليت خاتم في صبعك زي ماقلتي صح بس انتي غبية ونسيتي انك رسلتيلي الرسالة بالغلط .. تكلمي ماتقعدي ساكتة

وانت ليش ساكت.. يقصد زبير الى واقف ومتشمت

زبير≈ بخبث.. والله ياولد عمي انا حاولت انخبرك بالى صار بس يومها انت طردتني.. كنت بنقولك ان هيا تدحنس عليا تبيني بس انا رفضتها هيا ادزلي في رسائل بس انا نطنش فيها

جود≈وقفت قدام زياد.. والله انا مظلومة صدقني زياد بس انا تلفوني رايح ليه مدة مش عارفة وين مكانة والله العظيم

ام زبير ≈تلعلع بصوتها .. حي ع ولدي انا ولدي مربيته كويس عقاب خدامة كيف هذي تكذب ولدي

زياد≈ بصوت عالي..بـبس من الكذب زياد الاول بح عدا انا والله العظيم حبيتك بس انتي طلعتي وحده $##.. رفع يده بيضربها كف

علي ≈جا مسكله يده بصوت عالي.. زيااااااد ضربه كف من قوته طاح زياد ..

عليا≈ قلبها غل ع جود.. مشت تجري لزياد الى فقد الوعي لانه كان شارب واجد دخلوه لجناحه

جود≈ منهارة مش فاهمة شي

زين≈كان مستند ع الحيط ويديه في جوابه ويشوف في مسرحية ذات السيناريو الهندي بس الاخراج ليبي بصمت

علي≈ بما ان الكل حاضر مش حي توقف شي والفاتحة حتم

الكل≈ كيف!!؟

علي≈ بثقة.. بس العريس زين مش زياد

غادة شكلها ما ينوصف

مرت الليلة صعبة ع ابطالنا جود +زياد +زين

جود≈ ماقدرت ترقد مرة تستغفر ومرة تفكر ومرة تبكي حالتها ماتنوصف

زياد≈ راقد من الشرب مش حاس بشي

زين≈ ماقدر يرقد من التفكير في الشي الى داره هل هو صح او خطأ ..

انجو لى الشي الى خلا زياد يقول الكلام هذا

في داره يجهز في روحه وصلوا رسائل وصور من تلفون جود ع اساس بالغلط

الرسالة

اهلين حبيبي زوزو(زبير ) انت كيف حالك انا بخير المهم انا درت كل شي عشان بنهرب جمعت مبلغ مليح ههه و زياد صار خاتم في اصبعي واثق فيا ثقة عمياء وما يرفضلي في في طلب واليوم الفاتحة مش حتم انا حنهرب انا نعرف انك تحبني بس ع خاطر زياد معاند زياد طز فيه يزعل يومين ويرضى.. باي حبيبتك جود

وكلام ثاني مخل للادآب

والصور حبيبي حنبعتهم ليك من التلفون الثاني نسيت ما خبرتك اني شريت تلفون مدايرته سري الصور حيعجبوك بكل.. باي زوزو

زياد ماصدق بس لما شاف التلفون والصور الشيطان لعب بعقله وربط الاحداث مع بعضهم ومع ان هيا كانت تأجل في العرس ولما قالته اوعدني ما تخليني مهما يصير تجمعت كل الاحداث هذي .. وصار الى صار

في اليوم الثاني

في الصبح

زياد ≈ناض من النوم حس راسه ثقيل بكل خش الحمام غسل وجها وطلع بعد ثواني صحصح اذكر الى صار في لحظة غضب كسر كل ع الطاولة وكان حيكسر المرايا بس وقفه

جود≈واقفة مصدومه من المنظر.. زياد انا

زياد≈ شاف شكلها عيونها دبلانات ومتفخات من كثر البكي وحالتها حالا حنلها بس لما اذكر الى صارغمض عيونه ومسح ع لحيته بقوة.. اطلعي برا

جود≈قدمت عنده.زياد انت فاهم الموضوع غلط انت امس الكلام الى قلته مش من قلبك هذا لانه. مثقل في الشر..قطع

زياد≈ يهز فيها من كتوفها.. لا انا واعي مية في المية والكلام الى قلته من قلبي وانتي ولا شي بالنسبة ليا انتي مجرد وحده $#.. يبكي ليش انا شن درتلك عشان اديريلي هذا كله كنتي تقولي نبي فلوس والله نعطيك كنتي تقولي مانحبك والله ما نكلمك بكل انتي كسرتي قلبي انتي مستحيل تكوني انسانة انتي معدومة من المشاعر.. جاب التلفون .. هذا التلفون الى كنتي تكلمي بيه تسحابي مانعرف .. فتح ع الصور وقدم الفون في وجهها.. هذا عارك وصلني

جود≈ مسكت منه التلفون ومصدومه ع الاخر كان فعلا الصور ليها بس واضح فيه شي غلط الوجه وجهها بس الجسم لا

والى صدمها اكثر انه كيف صدق كلامه زي هذا .. زياد والله التلفون مش ليا مش بتاعي والله اول مرة نشوفه اكيد في حد حطه في داري عشان يفرق بينا ءاا انت وعدتني انك ماترخي بيا مهما يصير بس انت كيف صدقت عليا كلام زي هذا والله الصور مش مزبوطة والله العظيم انا مظلومة ورب العزا انا مظلومة تبي بشن نحلفلك عشان تصدك بس والله انا حبيتك يا يا زياد،و توا رمضان والله ما نكذب عليك

زياد≈ تعرفي مشكلتي اني ما سمعت كلام امي من الاول وانك بنت مش من مستوانا وانك ما تصلحيلي والمشكلة الثانية انك مهما تحلفي مانقدر نصدق بنت وضيعة زيك وو $##

جود≈ زياد انت غلطت فيا واجد زياد اسمعني وما تفسد الايام الحلوة الى بينا

زياد ≈لو سمحتي اطلعي احسن ما نكلم الخدم ههههه نسيت انك منهم يعني طلعي نفسك بنفسك يالله.. يدف فيها

جود≈ طلعت حالتها ما يعلم بيها الا الله.. تقطع القلب

عليا≈ بخبث ..كيف حالك توا ماتزعل روحك ياولدي عشان وحده زي هاذي

زياد≈امي اخطبيلي اليوم والعرس حيكون بعد يومين

عليا≈ بفرح.. هبة مشاءالله عليها جمال واخلاق واصل وفصل وبنت عيلة وناس واهم حاجة مش خدامة

زياد≈ المهم ديري رايك.. طلع

عليا≈ بفرح… لللللللوووووولللي للللللللووووولييي

بعد يومين

عرس زياد و هبة اي عرسه ماتستغربوش بس دار هكي عشان يقهر ويدمرها جود بدات لما عرف انها ح تتزوج زين بس مش عارف انه يدمر في نفسه

عند زياد كان يبين انه قوي و فرحان بس من داخله مكسور ومقهور،

هبة طايرة من الفرحة واخيرا حب حياتها صار ملكها و حتقهر صاحباتها بأنها زوجة ولد رجل الاعمال

جود جثة بلا روح كانت في عالم ثاني تسمع و ماتتكلم فوق انها مظلومة الكل مستحقرينها واليوم ح تتزوج بس مش الى اتحبه والى تحبه جرحها جرح عميق ما عطاها فرصة تدافع عن نفسها والى قاهرها اكثر انه طعنها في شرفها

زين سرحان ويخمم فاق ع صوت لمار وليث

ليث &و لمار≈ بابا من بدري ونحنا نكلمو فيك

زين≈خير حبايبي نعم

ليث≈ مش انت ح تتزوج خالتى جود

زين≈ تنهد.. صح

ليث≈ها مش قتلك انا

لمار≈ اسكت انت .. بابا مش انت قلت خالتى جود ح تتزوج عمي زياد ..

ليث≈ ماهو يا ذكية عشان عمو زياد عيط عليها هيا زعلت منه وحتتزوج بابا لانه ما يعيط ع حد

زين≈ شاد ضحكته ع كلامهم يحاول انه يتكلم بجدية.. اسمع انت وهيا جود حتعيش معانا في بيتنا الجديد الى وريته ليكم مانبيكم تزعجوها ولا تزعلوها ولا تكلموها واجد اذا تبو حاجة كلموني انا تمام

لمار +ليث≈ حاضر ياريس

زين≈ حضنهم ..ويلوموني ليش نحبكم

علي≈ يا بنتي انا كلمتك هنا عشان نبي نقولك هالكلمتين الى فات فات خلاص واليوم عرسك انتى وزين مانبي اي شي يعرقل العرس وانا كلمت اختي فادية عشان تكون معاك في اي حاجة تبيها..

جود≈ تسمع وتهز في راسها.. بس ياعمي انا مانبي عرس

علي≈ كيف!!

جود≈ ايه ما نبي عرس نروح ع السكيتي بس هذا شرطي

علي سكت شوي.. ع راحتك يابنتي ما نبي نغصبك ع شي

طلعت جود من ع دار زياد كان الباب مش مسكر تسمع صوت الضحكات هو وهبة قلبها

عدت تجري لدارها منهارة بالكامل

خشتلها فادية اخت علي مرا طيبة كبيرة في العمر متزوجة كانت مسافرة برا ولما عزموها ع العرس جت قريبة من زين.. معاها الحنايا

جود≈ مسحت دموعها ع السريع .. تشوف فيها

فادية≈مبتسمة ..فيه عروس تبكي يوم عرسها

جود≈ساكتة

فادية≈انا اليوم جيت وحكولي الى صار المظلوم يبان ع وجهها وانتي الباين هكي بس انحب انقولك انه زين شخص طيب وبأذن الله مش حيضلمك

جود≈ تشوف فيها و ساكتة

فادية≈ هيا يابنتي خلينا نبدو عشان نكملو بسرعة

جود ≈هزت راسها وناضت للحمام..( اكرمكم الله ) تغسل في وجهها بالقوة من الدموع اذكرت كلام خديجة ليها

جود≈ خالتي خديجة لما شخص ربي يبتليه ابتلاء صعب شن المفروض ايدير

خديجة≈ شوفي يابنتي الابتلاء امتحان من الله سبحانه وتعالى يختبر فيه قوة صبرك وايمانك فـ الشخص لازم يتعايش مع الابتلاء يعني مايقول لا الله انا ربي دارلي هكي مايحبني او ربي دارلي هكي انا خلاص حنقعد حزينة طول عمري هذا لازم نحبو الابتلاء وانتعايشو معاه لان ربي اذا احب عبدا ابتلاه زي ما صار في قصة سيدنا ايوب كيف ربي ابتلاه في صحته وصغاره ورزقه بس مع هذا كله صبر وربي عطاه ع قوة ايمانه وصبره..

جود≈ منسجمة.. الله كلامك حلو ياخالتي خديجة

خديجة≈ انتي احلا

جود≈ فاقت من افكارها.. لازم انكون قوية وهذا ابتلاء من ربي والحقيقة حتبان انشاء الله

فادية≈ آآه تقطع القلب هالبنت نقطع يدي من منبتها اذا ماتكون عليا السبب

جود ≈طلعت من الحمام وبدت الحنايا في الحنة وبعد ما كملو مشو للمزين

بعد ما عقدو القيران ..

زياد +هبة. زين +جود

الحفلة اجرو افخم صالة طبعا عليا الفرحة مش سايعتها بكل

كل شي ع دوقها الرفيع ع قولتها ماخلت ما عزمت

غادة طلعت بالمولد بلا حمص

ع ذكر المولد قريب ع فكرة

زياد عارف انه الى يدير فيه غلط بس القهر والكبرياء الى فيه مش قادر يفكر صح حسباله انها ضحكت عليه وستغلاته

كان ع كوشة لعروس او مش عارفة شن تقولولها انتم كان فيه هبة وزياد لان جود رفضت ادير عرس

ع دخلت جود طبعا الانظار كله عليها ماتوقعوها انها تجي بكل

رغم كل هذا كانت طالعة تجنن مع نقش الحنة الى زادها حلاوه الناس كلها تباركلها وهيا تجامل وتفوت

عليا≈ بنفاق.. اهلين بمرت ولدي زين اهلين

جود≈ عطتها شبحة.. وفاتت عنها

عليا ≈ نار والعة فيها من حركتها قدام الناس

جود كانت تمشى جتها

ثريا≈ الف مبروك .. عرفتيني؟

جود≈ ابتسمت.. الله يبارك فيك .. ايه مدام ثريا صح

ثريا ≈ايه.. عظم الله اجرك في خديجة

جود≈اجرنا واجرك ع الله

ثريا≈ما قلتيلي شن اسمك انتي

جود≈في داخلها(مش عارفه كل مانكلمها نحس بشعور غريب)جود اسمي جود.. معليش نستأذن انا

ثريا بعد سمعت الاسم معش قدرت تتمالك نفسها اتصلت بـ السواق وروحت..

جود≈ مشت للكوشة لعروس .. بإبتسامة مصتنعة.. مبروك عليك ياعريس

زياد≈ مصدوم منها بس ما وضح يشوف فيها كيف متغيرة ومحلوة يسحابها فرحانة ..حضن هبة عشان يقهرها.. الله يبارك فيك و حتى انتي مبروك يا عروسة

جود≈بقهر غطاته ببتسامة.. الله يبارك فيك و يهنيك.. قربت بجنب ودنه قالتله كلام وطلعت

هبة≈منقهر لان ما عطوها اي اعتبار

المعازيم مش فاهمين كيف تغيرت العروس وليش جود مادارت عرس والمهم لما قربت من زياد شن قاتله الى خلت زياد يتغير لونه ويطلع برا الصالة بكبرها

جود ≈تلبس في عبايتها ..عمتي فادية

فادية ≈ ابتسمت ..واخيرا الى نطقتي

جود≈سامحيني امب… قاطعتها

فادية≈ ماتكملي انا فاهمة عليك وهذي فترة وانشاء الله حتتخطيها.. توا كلمني زين وقالي لو بتروحي

جود≈ تفكرت انها متزوجة.. توترت.. وين ليث ولمار

فادية≈ انتي مادخلك فيهم اليوم عرسك والله انسيتي 3ايام قاعدين عندي هما انتي عروسة تريحي

جود≈ توترت ..في داخلها(خليها ع الله بس ) لالا شنو 3 ايام انا عادي…

فادية≈ لالا اليوم قاعدين عندي عشان تاخدو راحتكم

جود≈ لونها تغير من الاحراج.. احم

فادية≈ هيا زين برا

طلعت جود ومعاها فادية

زين ≈سلم عليها .. اهلين عمتي فادية

فادية≈ سلمت عليه سلام حار وباركتله.. وينكم لا تسألو لا تقولو عندي عمى ولا خلاص نسيتوني

زين≈ لا والله ديما ع البال بس مشاغل الدنيا

فادية≈ ايه واضح كلكم وهمين من بوك لعمك

جود ≈تشوف وشادة ضحكتها.. خشت خاطرها فادية وكيف تعاتب تمنت لو حد من عيلتها كان معاها في يوم زي هذا

وخطرت عليها خديجة الى ديما تقوللها خاطري نشوفك عروسة.. هي مادارت عرس لسببين الاول هو عشان خديجة والثاني انه حتى لو داراته اهلها مش معاها.. ركبت السيارة تمسح في دموعها خاطرها مكسور ومجروح

فادية≈ تشوف في جود.. والله هالبنت وجعتلي خاطري

زين≈يغير في الموضوع.. وين ليث ولمار

فادية≈ تغير في الموضوع 3 ايام حيقعدو عندي عشان تاخدو راحتكم

زين ≈لالا عمتي انا مانقدر نعيش بلاهم توا يروحو معايا

فادية≈ تكسر كلامي يعني

زين≈لا بس…

فادية≈ لابس ولا شي زين افتح قلبك والله البنت تخش الخاطر

زين≈ اليوم بس بكرا حنجي الصبح عشان ناخدهم .. بس توا كلميهم ليا بنكلمهم شوي

فادية≈ اخ من هالعناد الى فيك استني شوي

جو ليث ولمار

زين≈ انتم اليوم حتقعدو مع عمتكم فادية مانبي شطانة وخليكم مؤدبين..

لمار≈عارفين سلملنا ع عروسة يا عريس

زين≈ ضحك ع الغمزة.. اخخ من لسانك بس.. هيا وين بوسة البابا

لمار≈

ليث≈

زين≈ ههه هيا صبحي ع خير

فادية≈ وانت من اهله

زين ركب في السيارة

طول الطريق صمت ولا كلمة لعند وصلو للفيلا بتاع زين

زين …

جود…

يتبعع..

لقراءة الجزء التالي : الجزء العاشر من رواية متعصب واحببته

لقراءة الجزء السابق : الجزء الثامن من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .