الجزء العاشر من رواية متعصب واحببته

زين ركب في السيارة

طول الطريق صمت ولا كلمة لعند وصلو للفيلا بتاع زين

زين≈ فتح الباب رفع حاجبه دار بيده بمعني تفضلي *

جود≈اسلوبه زاد وترها.. خشت ماركزت في الفيلا.. واقفة بجنب الصالون وتفرك في يديها من التوتر

زين≈يمشي ..تعالى نوريك عرفتك المؤقتة

جود≈تشوف فيه..انت ليش تزوجتني

زين≈ وقف وحط يديه في جيوبه.. اكيد مش حبا فيك عشان الصغار يعني انتي في الفيلا هذي عشان الصغار بس قدام الصغار انا وياك اب وام مثاليين وبنشرحلك حاجة ثانية اي حاجة تخصني انتي ما تدخلي فيها اي شي وانا مانحب الخدم لذلك الفيلا هذي كله شغلها عليك انتي واكيد ما عندك اعترض في شي .. نوضي انوريك غرفتك الى اليوم حترقدي فيها.. عدا

جود≈ ناضت تلحق فيه..

زين≈ هذي غرفتك الى اليوم حترقدي فيها بس للاسف من غدوا حترقدي في غرفتي..

جود≈ماركزت شن قال في الاخير..وانت ما تبي تعرف الى صار

زين≈ماضيك ما يهمني

جود ≈بس انا مظلومه

زين≈ منغير ما يشوف فيها..قتلك مايهمني بس حطي في بالك انك توا حرم الاستاد زين علي تمام .. وفات عنها

جود≈ مشت الغرفتها كان فيها حمام فتحت الدش ع المية المصقعة ضامة رجليها لصدرها وتبكي وترعش وشريط حياتها كله يمشي قدامها انهارت كل قوتها اذكرت كل شي

الى واجعها حالها كله

زين≈ متصطح ع السرير في غرفته يذكر الى صار

في المربوعة قاعدين وجا الشيخ عشان يقرو الفاتحة بس في اخر لحظة خش زياد

زياد≈ وقفو

علي ≈خيرك!!

زياد≈ انا خلاص مانبيها

علي ≈لعب مفرخ هو !!

زياد≈ والله لو الفاتحة اتم نقلبها عليكم كلكم .. كان واضح انه شارب حاجة مش واعي

علي≈ بصوت واطي.. زين نوض طلع خوك بيدرنا العار قدام الناس اخخ هالفرخ شن غير رايه قبل شوي يبيها

زين ≈هز براسه وطلع.. صرف زياد

الشيخ≈ ها شنو صاير نقرو الفاتحة ولا شنو

علي≈ بإحراج.. معليش يا شيخ سامحنا سامحونا يا جماعة عطلناكم شوية انشوف العيلة وانجي

المربوعة انقلبت دوشة كل واحد يفسر شن صار بروحه

علي≈ زين الفاتحة لازم اتم

زين≈ شارب و مصكر راسه مايبيها

علي≈ زين انت اعقد عليها

زين≈ بلع ريقهه.. شنو!!

علي≈ ايه ضروري واحد منكم يعقد عليها اليوم زين انا اول مرة نطلب منك طلب ماتردني وحتي عشان الصغار يحبوها وهما محتاجين ام

زين≈ مسح ع وجهها بقوةمن وين طلعتلي هذي.. ياهي

علي≈ بارك الله فيك يا ولدي عدا لمربوعة

زين≈ اكيد فيه ليش بوي متمسك بيها لدرجة هذي!!

فاق من افكاره اذكر انه ماعندها بشنو تغير لانه الدبش قاعدات في الفيلا تنهد بقوة.. رفع دبش منه وعدا لغرفتها خبط الباب محد رد نادى جوود جوود خاف دارت في روحها حاجة ويبتلي فيها خش يسمع في صوت الدش والباب مفتوح تردد بس خش طفى الدش ويبوض فيها.. انتي بعقلك عبيطة ولا شنو

جود≈ كانت حكم دايخة لانها نست حتى تكسر صيامها تسمع في صوت زين بس مش قادرة تتكلم

زين≈ شافها كيف دايخة.. افف شن الحصلة هذي بس ربي يصلحك يابوي غمرها وطلعها حطها ع السرير ولفها بالورغان.. قاعد يلود مش عارف يتصرف

جود≈تلهوس.. آآه ءااا انا مظلومه م ظللوو م مة

زين≈متوتر.. يضرب فيها ع خدودها ع الخفيف..جود شوفي فيا جود جوود .. مشى للمطبخ جاب طاسة عصير مش عارفة شن خطر عليه يدير هكي يشرب فيها قريب نصه تبزع عليها

جود≈ فتحت عيونها ترعش من الصقع(لان الجو بارد شوي) تستوعب الى صار

زين≈ ارتاح نوعا ما بعد فتحت عيونها.. هذين الدبش غيري بيهم لين غدوا انجيبلك حاجاتك .. طلع

جود≈غيرت دبشها ورجعت بترقد

زين≈هاك كولي حاجة تسحري بيها ولا نسيتي انه رمضان

وطلع

جود≈ابتسمت..والله غريب هالراجل كلت ورقدت من التعب

زين≈يتسحر ويفكر..الموضوع فيه حاجة غلط ولازم نعرفها والبنت شكلها صادقة.. رقد من كتر التفكير،

في الفندق

زياد≈ مثقل في الشرب ومدايرلهم العارر في الفندق ماقدرو عليه كلمو علي وجو رفعوه..حالة هبة لا توصف

في الصبح

جود≈فتحت عيونها راسها رزين من البكي ناضت غسلت وجهها وتوضت ركزت في لبسها كان لبس رجالى اذكرت الى صار امس ماكانت واعية انها لبستهم بروحها .. مسحت دموعها وصلت بعد كملت صلاة يارب انت عارف كل الى صاير معاي وعارف اني مظلومة يارب كون معايا يارب عطيني الصبر والقوة يارب مسحت دموعها وناضت شافت السفرة الي ع الطاولة رفعتها يعني ماكنت نتخيل انه هو دار الاكل والله فيه الخير طلعت ادور في المطبخ لين لقاته خشت كان حلو وفيه كان لونه ابيض بالاخضر ودرجة الاخضر فاتح يفتح النفس

غسلت السفرة وقعدت تتمشى في الفيلا تفتح باب تسكر باب بس لفت انتباهها دار مقفولة والشي الثاني لفت انتباهها ان الفيلا مسكونة من قبل يعني الاثاث واضح مش جديد ولقت مكتبة عيونها لفت فيها شوي بعدين طلعت مشت للحديقة شي ينسيك شي تجنن بكل سمعت صوت بجنب المسبح لقت زين كالعادة يسبح(ينصح في الناس وناسي روحه ) عدت بسرعة قبل لا يشوفها

زين≈كان يسبح شاف ظل عرفها جود طلع لبس المنشف.. جود جوود

جود≈ افف اكيد شافني ونسيت لبستي الخطيرة الى كانت تيشرت وشورت تحت الركبة بشوي ..منحرجة رجعت نعم

زين ≈وتي روحك توا كلموني عازمين ولازم نجو

جود ≈ ءاا بس انا م …

زين≈ الدبش في الدار تلقيهم في الشناطي عندك ربع ساعة بس.. عدا

جود≈ عدت لغرفتها لقت الشناطي نفسهم الى اختارتهم هيا وخديجة مشت ادوش وبدت تلبس

زين≈ مشى لغرفته عشان يغير مستاحش الصغار بكل

في فيلا علي

عليا≈ اصبري عليه يابنتي المسألة مسألة وقت بس

هبة≈ شنو يا خالتي مسألة وقت والله امس الليل دارلي العار تي انا يناديني باسمها الخدامة هذيويتخايل فيا هيا

عليا≈ زياد هو ليك بس انتي اكسبيه انتي وشطارتك وجود خلاص توا مرت زين افتكينا منها الله لا يردها.. انا كلمت زين عشان يجي هو وياها بعدين انا عازمة ع الفطور وتي روحك نبيك تطلعي احلا منها الحقيرة هذي وريحي روحك الدنيا صيام

هبه≈ومن امتى انصيم نا!

عليا≈ اللطف

على طاولة الفطور

فادية≈ اهلين بالعرسان

جود≈ بخجل.. احم اهلين بيك عمتي فادية

هبة≈ اهلين بيك فادية

الكل≈ !!

فادية≈ مولودة معاك انا !!

هبة≈تمضغ في العلكة..وشن في عادي هههه

فادية ≈مشاءالله ع التربية

زياد≈ نغص في جنبها بصوت واطي.. يا حمارة هذي كبر امك قوليلها عمتي توا امشي اعتذري منها

هبة≈ انا نعتذر من هاذي !!

زياد ≈فنص فيها..

هبة≈ خافت .. هههه نبصر معاك عميمة فادية باستها ع راسها

عليا≈عشان تلطيف الجو.. تفضلو بتقعدو واقفين هكي

عدو ع طاولة الاكل

بعد الاكل في الصالة جو النساوين يباركو للعراسان و الرجالة في المربوعة ..

جود≈ ادور بعيونها ع شخص بس مالقاته .. انخبطت في غادة

غادة≈ بزعزت عليها العصير مصقع بالعاني.. اوو اسفة

جود≈ تنفض في قفطانها..آآه ح حصر خير. مشت لدارها

غادة≈.. مازال ما شفتي شي يا حقيرة

جود≈ كانت ادور ع ثريا بس صار الى صار مشت لدارها فتحت الدولاب احتارت شن تلبس شافت احلى قفطان الاسود نفس الى لبساته يوم عيد ميلاد عشان فيه نساوين ولمت حاجاتها عشان تروح بيهم وصلت في الكتب نزلو دموعها اذكرت ايام هيا وياه في الحديقة استغفرت ربها لان مهما كان علاقتها هيا وزين تعتبر متزوجة وما يصير كملت وطلعت لقت..

زياد≈يشوف فيها بياكلها بعيونه بس كل مايذكر الى صار قلبه يتحجر فات وما عبرها

جود ≈كل ماتشوفه تذكر الموقف قبل العرس بيوم

جود≈ زياد مزال فيه وقت انا موافقة ادير العرس توا عادي بس انت والله ظلمتني ما تخليني

زياد≈ قاعد رجل ع رجل ويشرب في العصير.. انتي ماتفهمي ولا شنو مازال عندك وجه تكلمي فيا

جود≈ قاعدة بجنب رجليه.. زياد والله ظلمتني انا مظلومة وانت حتعرف هذا الشي بس حيكون فات الوقت احسن توا صدقني والله نا مظلومه

زياد≈كل شي ضدك صور رسائل تلفون وحاجات غرامية طلعتي مانك ساهلة

جود≈ والله انت كيف ماتعرفني حيجي يوم وتعرف اني مظلومة ومش حتقدر تسامح نفسك لانه ظلمتني بس وقتها مش حينفع شي لان ح يفوت الوقت…

زياد≈ صب عليها طاسة العصير.. خلاص اسكتي مانبيش نسمع ولا كلمة والعرس بيتم وب نتزوج هبة.. عدا

جود≈ قاعدة ع الوطى تمسح في العصير الى ع وجهها تبكي منهارة مافي حد مصدقها ولا يسمعها

فاقت من ذكرياتها عدلت قفطانها وخدت نفس طويييل وطلعت لصالة

فادية≈ اللطف خيرك غيرتي

جود≈ لا تبزع عليه العصير فـ غيرته

فادية≈ عوينة وجت فيه فداك..ربي يحفظك انتي وزين

جود≈ ابتسمت.. ويحفظك .. معليش عمتي بنسألك عن المدام ثريا ماشفتها مع النساوين

فادية≈ اه اعتذرت قالت مريضة ماتقدر تجي

جود≈ سلامتها ربي يشفيها

فادية≈جود اعتبريني زي اختك الكبيرة وماتتحشمي مني

جود≈ابتسمت.. واعز والله ارتحتلك من اول ما شفتك

فادية≈ شن امورك انتي وزين امس

جود ≈اتصدمت لين تغير لونها..

فادية≈ خيرك تحشمتي لو فيه حاجة تكلمي يابنتي

جود≈في داخلها افف ياربي شن الاحراج هذا.. ءاا الحمدالله امورنا تمام

فادية≈ بشك.. متأكدة!!

جود≈ ابتسمت عشان تطمنها.. ايه عمتي ما تخافي

فادية≈براحة.. الحمدلله طمنتيني واالله هارولد نحبه ليه معزة خاصة عندي من لما ماتت امه وهو متحمل المسؤلية من صغره

جود≈بصدمة.. كيف ماتت امه!!

فادية≈كيف ماعندك العلم..ماتت امه من لما صغير و عليا مرت بوه رباته بس هو كان مش زي الصغار بكل كان اكبر من عمره كان يحب يعتمد ع نفسه في كل شي عكس زياد

جود≈ماحبت تتعمق لانها تعبت نفسيتها من الصدمات.. ءاا لالا قالي زين ع كل حاجة بس انا دايخه،

فادية≈ هكي انا رتحت مادام قالك اكيد اموركم تمام لان زين كتوم وما يحكي واجد وبذات الموضوع هذا مايحب يتكلم فيه

بس اكيد قالك ان الفيلا الى ساكنين فيها فيلة امة وغاليا عليه واجد لان فيه ريحتها

جود≈ ابتسمت.. ءاا ايه

بعد ساعات

لمار≈ يا عروسة

هبة≈ نعم

لمار ≈ومن كلمك انتي

هبة≈ يا قليلة الادب والت … قطعت عليها

جود≈ اكيد هيا ماتقصد.. نعم حبيبتي

لمار≈ قالك بابا هيا وتي روحك عشان نروحو

جود ≈ءاا هيا توا نلبس عبايتي حاضر

لمار≈ خالتي جود انتي حلوه.. وعدت تجري

جود≈ محلاهم الصغار

هبة≈ بشوي ع روحك

جود≈ماعدلت عليها

هبة≈استفزها حركة جود دارت روحها تتكلم في التلفون.. اهلين بيبي زوزو

جود≈ تلبس في العبايا لفت انتباهها تسمع

هبة≈تتكلم بصوت عالي بالعاني مريضة .. هههه عيب توا كنت معاك مسرع ماستاحشتني هههه شوية توا نجيك

جود≈ حست بغصة بس ما وضحت طلعت بسرعة ركبت السيارة من غير ولا كلمة..

فادية≈ زين حكتلي جود عن كل حاجة

زين≈ في باله افف زعم خبرتها بالى قلتا ليها احم احم

فادية≈ وصراحة عجبني قرارك انك تسمع كلامي و تفتح قلبك بجد البنت تنحب وشكراتك ليا واجد

زين≈ تريح نوعا ما.. شكرتني نا!!

فادية≈ وخيرك مستغرب

زين≈ هههه لا شي هيا تصبحي ع خير

فادية≈ كان غير تريح روحك وتخلي الصغار معاي كم يوم

زين≈ ردينا ع نفس الموضوع

فادية≈ راس مصكر زي بوك ..ابتسمت..وانت من اهله

في السيارة

ليث≈ يعني انت بتقعدي معانا ديما

لمار≈ انت خيرك عبيط اكيد ايه

جود≈ هههه خيرك يا لمار عليه خليه يسأل ايه بنقعد معاكم بس مرات انتم ما تبوني نروح عادي

لمار≈ لا نحنا نبوك ديما معانا ونحنا فرحانين بيك

ليث≈ اي صح

جا زين

زين≈ ها شنو تعبتو عمتكم امس

لمار≈ وليث ببراءة ..لالا

زين ≈والله انتم لا ياخدو منكم لا حق ولا باطل

يسوق ويهدرز معاهم و يضحكو

جود≈ كانت تشوف من النافذة سرحانة في عالم ثاني

وصلو

زين≈ هيا انزلو بشوي

لمار≈ هذا بيتنا الجديد

ليث ≈حلو واجددد

زين ≈هههه هيا تعالو نوريكم عليه

جود≈ نزلت .. زين

زين ≈تلفت نعم

جود≈ ءاا انسيت

زين≈عطاها ظهره.. حاجاتك كلهم تلقيهم في دارك .. عدا

جود≈ ساحر كيف عرف اني نبي حاجاتى بس ماعنده اسلوب

خشت جود لدارها دوشت و غيرت و رتبت دبشها اكسسواراتها ومكياجها والدنيا كلها عاد متزوجة وصلت في الكتب ما قدرت خلتهم في الكرتونة وحطتهم بجنب الدولاب بتحط الشناطي فوق الدولاب في شنطة طاح منها خزنة رجعت بيها الذاكرة

خديجة≈ هذي يابنتي الخزنة ليك ماتفتحيها الا للضرورة القسوة وما تخلي حد يشوفها

جود≈خوفتني شن فيها يعني

خديجة≈ زي ماقتلك هذي ليك توا دسيها في مكان آمان

جود حاضر

جود≈ تخمم ..زعم شن فيها توا

لمار≈ خشت خالتي جود،

جود≈ مشت بسرعة حطتها في الدولاب ..نعم حبيبتي

لمار≈ عادي اترتبيلي دبشي لان ليث يضحك عليا ويقولي لولاد للولاد والبنات للبنات وانا ما عندي ام

جود≈ تنهدت.. جود نحنا شن اتفقنا

لمار ≈شنو

جود≈مش قتلك نحنا صاحبات يعني اي حاجة تبيها نديرها ليك

لمار ≈باستها ع خدها ..شكرا

جود≈ هههه هيا نمشو

لمار ≈ هيا

يتبعع..

لقراءة الجزء التالي : الجزء الحادي عشر من رواية متعصب واحببته

لقراءة الجزء السابق : الجزء التاسع من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .