الجزء الرابع من رواية لن استسلم

مهند أدهميونيو 18, 2022

0 192 5 دقائق

وفي الجزء الرابع من رواية لن استسلم دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .

الجزء الرابع من رواية لن استسلم

روحت سمية مع العشية وهدرزت مع امها وكسدت وخدت نقالها بتتصل ب عبدو …بعدين قعدت تفكر ف كﻻم اسامة نتصل ﻻ نتصل ﻻ نتصل ﻻ ..ااممم ﻻﻻ فكني منه اسامة
بس ﻻزم انطيحه وياانا ياهوا مداير روحه مايدورش ف البنات وان البنات اخر اهتماماته هه مانبداش سمية كان ماجبتك لطريق يا شبلي

فاتو 3 ايام ك اي يوم وروح جﻻل
اسامة لجﻻل:جلووو حمدلله عالسﻻمة
جﻻل:الله ايسلمك يااحبيبي..شن مداير
اسامة:اهو ماشية.. امتى روحت
جﻻل:اليوم ف الصبح.. تعال هدرز
اسامة:توا؟؟؟قايلة ونو
جﻻل:غير تعال ياراجل
اسامة:باهي اوكي هي تو نجيك
خ نفيسة:وسيما جيبلي طشة فاكهة وانت مروح
اسامة:ان شاء الله
طلع اسامة ومشي لحوش جﻻل.هدرزو شوي
جﻻل ل اسامة:جبتلك البضاعة
اسامة:كويس.. وشنو اجرائات الجمرك ؟
جﻻل:ﻻ تمام كلمت ميﻻد وقتله انا من طرف الشبلي
اسامة:هههههههه خزيه ياعافن تستعمل ف اسمي من وراي
جﻻل :ههههه تي اغلبيتها بضاعتك
اسامة :باهي حطيتها ف المخزن
جﻻل:اي
اوكي ف العشية تو نمشي نخطم ع امي وانت تعال معاي بش توصل بضاعة لمحل سمية
جﻻل:وعﻻش هدا كله ؟؟اللي يسمع يقول ماتعرفهاش بكل
اسامة :ماهو مش هكي مانحبش حد يوصل فيا بكلمة عاطلة
جﻻل:وعﻻش فاش وصلت فيك
اسامة حكي كلللل شي لجلال
جﻻل:ههههههههههههههه عبدو هدا طالعلك ف البخت لكن اكيدة ماقصدهاش البنت مرات لحظة غضب
اسامة:مش عارف لكن وجعتني شنو عبدو واقف معاها هادي ،؟؟تي انا من صغرها واقف معاها يا جﻻل مش بجميلة …مدايرها زي اختي زينب مش عارف ديما نسخف عليها ممكن ﻻن بوها هاملها هيا وامها ومخليهم خزي ع التريس
جﻻل:عارف عارف تتفكر مرة لما مشيت ضربت ولد يناشب فيها في جامعة
اسامة:هههههههههههه
جﻻل:مسكين الولد وجعني وقتها ههههههههه بس بجد برا انت ارفعلها بضاعة ﻻن كان مامشيتلهاش مش حتاخدها
اسامة:يستر الله
وقعدو يهدرزو طول القايلة وجت العشية ولع سيارته
ومشي وصل قدام حوش خ نادية
نزل اسامة وطق طق طق
فتحت خ نادية:وسيما كيف حالك
اسامة:تمام كيفك انت
خ نادية:كويسة
اسامة:بالله خالتي مديلي مفتاح المحل متع سمية وصلت البضاعة
خ نادية:شوية بس
سمية :منو ماما
خ نادية:هدا اسامة قالك هاتي المفتاح
سمية:اهواه مديهوله
خ نادية:تي نوضي بروحك فزي
طلعتله سمية مدتله المفتاح خداه منها ﻻ سﻻم وﻻ كﻻم ومشي
خشت سمية لامها :ماما نبي نمشي محل
خ نادية :عﻻش
سمية:نبي نشوف بضاعة عالسريع ماما نظرة خاطفة
خ نادية:باهي فيسع وروحي قبل المغرب
لبست عبايتها وطلعت طبت ع اسامة قتله سﻻم عليكم
اسامة: وعليكم السﻻم
..تمام هادي البضاعة
سمية طلعت من شنطتها زرف فيه 850 ومدتهمله
اسامة:هدا شنو ؟
سمية:حق البضاعة
اسامة:خليهم عندك مافيش داعي
سمية:ﻻ ﻻزم تاخدهم
اسامة:سمية كلمة مرة واحدة مانعاوداش مرتين قيميهم خير ماناكلك
سمية:باهي
اسامة:هي تو بنمشي انا
سمية:قصدك تبيش تستف معاي بضاعة ؟؟؟
اسامة:@_@ شن نستف معاك ياسمية مﻻبس زي هادي
سمية:بالله عليك نخاف بروحي اهنا والنبي اسامة((فرصة بش اطيحه))
اسامة:باهي باهي بطلي نقان اهو قاعد قدام المحل
سمية:علمني كيف نسعر
اسامة ادكر وقت كانت سمية طفلة كانت ديما شادة فيه ارفعني معاك خودني معاك وتقوله اشامه هههه ابتسم اسامة ع دكريات قال فباله ايه بالله كبرت وولت عنيدة
سمية:ااسااامة وين سرحت علمنييي كيف نسعر
اسامة:باهي هي
وفتحلها البضاعة وبدت سمية اتحنكس وشدت روب وقالت محﻻاااه مش عادي
اسامة اتخزرط وقالها: باهي نزلي لوطة شن عارضتيه هكي تو يخطم حد
وسعرو واذن المغرب ونست سمية روحها
اسامة:هيا خﻻص روحي ليل
سمية:ﻻﻻ بالله عليك خلينا نبي ندير اﻻفتتاح غدوة
استنى خلي نحط هادي فوق
اسامة هاتي نحطهالك
وفجأة تخش قطوسة
سمية صيحت:وووه
اسامة:تي خير بﻻك
سمية:اسامة قطوسة
اسامة:تخافي منها؟
استني نجيبهالك ..شد اسامة قطوسة وجابها جيهتها
سمية:بالله عليك ﻻ ﻻﻻ والنبي اسامة بعدها وووه ﻻﻻﻻ
اسامة:هههه بتخبشك هاه
سمية :والنبي خﻻص ﻻاااا
بتطلع تجري من محل وانضربت ف الباب اييي
اسامة طلق قطوسة وجاها قالها معليشي خﻻص راك تبكي توريني امك بعدين تقولي بكيت بنتي هههه
سمية:هههه ﻻﻻ جت بسيطة
ع اتصال خ نادية ب اسامة
خ نادية:اسامة خيره مقفل تلفون سمية معاك ف محل؟ انشغلت عليها؟
اسامة:ايه معاي كنا نستفو ف الحاجات ..باهي هي تو نبعتها
خ نادية:بالله وصلها يااسامة مش ﻻزم بسيارة حتى ع رجليكم
اسامة:ان شاء الله هي…سكر وقال لسمية هيا سمية بنروح بيك غدوة الصبح ان شاء الله ولي
سمية:بتولي معاي؟
اسامة:يستر الله هي خلي نروحو توا
في الطريق
سمية تفكر فبالها ﻻزم نجس نبضه شن ندير زعما شنو شن نقوله اممم
سمية:اسامة شن منظورك للحب
اسامة:دوة فارغة
سمية:اها فارغة !
اسامة يكشخ:وبعدين شن هالأسئلة اللي تسئلي فيها
سمية:وعادي شن قلت انا اللطف مجرد سؤال
اسامة:سؤال مايجيش اعتباطا اكيد وراه شئ ما ((يحساب انها تبي شاب ماحطش فباله ابدا ان تجبد فيه لدوة))
سمية:ﻻ ياسيدي اعتباطا وانا عبيطة نحب نسئل اسئلة هكي
اسامة:سمية !
سمية :اسامة !
معش تكشخ عليا هكي مش صغيرة انا
اسامة:ﻻ صغيرة ومهما كبرتي حتقعدي ف نظري صغيرة
سمية:به خﻻص امشي تو نروح بروحي امشي هي
اسامة:سمية سادك منه شاد روحي مانبيش نتكنطا عليك
سمية:ياسﻻم هدا كله ومش متكنطي …هيا باي بنروح بروحي
اسامة:اوكي بري هي تو يطلعولك عزقة قطاطيس
سمية خافت لكن مابتش تعدل
اسامة دار روحه مشي لكنه قاعد وراها فات فيه عطي كلمة لامها

سمية ماشية وتقول ان شاء الله ماتطلعش قطوسة ان شاء الله
وفجأة طلعلها واحد مخروم قالها مﻻيكة بدت تمشي ع الوطا ياارض احفزي ماعليكي ويضحك يهيئيهئ وقرب منها ويتل فيها
ومايندري ع روحه المخروم اﻻ وهوا ملوح ع المرشبيدي ضربه اسامة
سمية:اسامة كنت حنتصرف انا
اسامة :اسكتي حتى كلمة قدامي للحوش
سمية:اسفة وسيما
اسامة:ياريتك ديما تقعدي هادية
سمية بصوت دلع:وسيمااا
اسامة:نعمممم
سمية: خاطري ف طابونة
اسامة:ههههه يعطيك طابونة ع راسك باهي نحطك ف الحوش ونمشي نجيبلك
سمية:ومعاها حوة وسكﻻتة وعصير ناناناس
اسامة:ان شاء الله
وصلها للحوش ومشي خطم ع الخضار خدي فاكهة وخطم على القهوة خدي طابونة ل سمية و ل زينب وطلع وصل قدام حوش خ نادية اتصل ب سمية … الو اطلعي هي خودي الحجات
سمية:استنى شوية
وخﻻته مشطح قدام حوشهم ربع ساعة وطلعتله
اسامة :تو هدا شن يقولوله
سمية:يقولوله اني كنت اندوش
اسامة:باهي قتيلي راني مديتهم لخالتي
سمية:ﻻ نبي نتمﻻ في عيونك و زويلك .. اي اعتراض؟؟
اسامة:بري كولي سمية بري الجوع اثر فيك الباين هي سﻻم

روح اسامة
خ نفيسة:اللطف خيرك معش روحت من قايلة
اسامة:كنت مع سمية نستف ف بضاعة ف محل ….يا زينبببب
زينب:نعم نعم
اسامة:هاك جبتلك طابونة
زينب _ جتىف وقتها جعانةةة
خ نفيسة ل اسامة:اها تستف باهي كويس .. اسمع بش بعد غدوة هكي ترفعنا للبحر
اسامة:بحر شنو يمى توا بالله
خ نفيسة:بحر صبراتة نغيرو جو واحنا محبوسات ف هالحوش
اسامة:يمى تحملو والله ماعندي خلوق الحق للبحر
خ نفيسة:ﻻ ياغزيل بترفعنا وكان تشريهم الخلوق شري
اسامة:ان شاء الله يمى ان شاء الله
خ نفيسة:بناخد حتى خالتك نادية وبنتها
اسامة:اياح عاد شنو قصدك زردة بتعطلو
خ نفيسة :ئه اماﻻ شنو نفيص ساعة ونروحو … بناخد حتى بنت عمتك معانا شدت فيا امبكري انفتح موضوع قدامها
اسامة:وااااااك يمى عﻻش تتكلمي قدام سندس
خ نفيسة:هدا اللي صار تو بش توتي روحك
اسامة:استغفر الله وخﻻص الله يسامحك يمى تتفقي من غير ماتقوليلي ……باهي ان شاء الله تو نرفعكم ع خاطرك بس
خ نفيسة:سلمه وليدي

شن بيصير وكيف حتقدر اطيحه سمية حتعرفو في الجزء القادم
يتبع…
لوزة