الجزء

الجزء السادس من رواية اولاد سلطان

الجزء السادس من رواية اولاد سلطان

وفي الجزء السادس من رواية اولاد سلطان للكاتبة المتألقة ميشو محمد ماذا برأيك سيحدث من روائع المواقف مع ابطالنا ؟ وهل سيحدث شيء يعكر عليهم صفوهم ؟ دعونا نعرف إجابة هذا التساؤل في السطور التالية بإذن الله .

الجزء السادس من رواية اولاد سلطان

انس شد الشرشاف بيقيمه
ايلاف عيطت:لالالالا انس لااا
انس شافلها تبكي وقام الشرشاف انس شافه تنهد
ايلاف رجلها معاد حملوها اتكي ع لحيط
انس:خلاص اهدي مش بوك حتى اني نخلعت لانه كويس كان
ايلاف بدت تبكي دارت ايدها ع وجها
انس قهد ساكت
وايلاف تبكي وايدها ع وجها كانت متخيله بوها ميت 💔💔ونخلعت
انس شافها كيف ترجف ووقفه ومسنوده ع للحيط:ايلاف ❤
ايلاف تبكي شافتله ودموعها ينزلو:بوي بيموت ياانس عنده سرطان بيموت بنقعد بروحي
انس: شن فايدتهم الدموع و الكلام هدا
ايلاف تبكي:تخيلت انه بوي لمخطيين وجها وواخدينه
انس سكت محبش يكثر كلام
ايلاف تمشي ف الممر ومستمرة ترجف خشت وكان بوها راقد
زينب: مسرع جيتي
انس خش:سلام عليكم
زينب:وعليكم السلام
ايلاف مسحت دموعها:شن قالو ع بابا
زينب:ماقالو شي
ايلاف قعمزت:امتى رقد
زينب شافت انس:شن في خيرها
انس سكت
ايلاف طلعت:اني بنطلع ناخد اميه
انس لحقها:لديري فيه غلط
ايلاف تبكي: مانقصني غيرك تجي تعلمني الصح من الغلط امشي انس ماحد طلب منك تقعد معاي
انس تعصب:اسلوبك يتحسن فـ الجديد اني…قاطعاته
ايلاف دموعها ينزلو:انععرف انه اني جارية عندك نعرررف انه اني بنكون خدمة ليك نعرررف ياسر معاد اذكرني
انس:ايلاااف حني ف مستشفى نقصي صوتك
ايلاف قعمزت ف الدروج وبعبرتها: انس اني شن درت علاش منحوسه ف كل شي اني من ولادتي ماتت امي وكبرت ز متوحده مكان في حد يهتم بيا ولا يقري فيا كنت صغيرة وصغار المدرسة يضحكو عليا لاني كنت حمارة ماحد يقري فيا وبزياده….قاطعها
انس قعمز ف الدروج بس خلا بينهم مسافة: ممكن يصير شي يعوضك ع حياتك
ايلاف شافتله بهزوه:اي وشن هدا معجزة ملا انت تي انت ف فترة الخطوبة بس كرهتني في شي اسمه ايلاف
انس: في شنو غلطت معاك تتكلمي عليا هكي حتى اني مش طايقك واصلا ماعندي ماندير بيك
ايلاف مسحت دموعها ضحكت
انس شافلها:شن يضحك
ايلاف شافتله وضحكت: انت مافي حد جابرك عليا صح
انس:اي صح بكيفي نتصرف
ايلاف:واني نقدر نفسخ منك لكن ليضحك ف القصة انك تكرهني ومتتخلاش عليا وانه اني نكرهك وتعودت عليك تتامر عليا
انس ضحك ع جنب:هبلة
سكوووت
انس:تذكري لم لبزتيني بلحنه يادراه
ايلاف ضحكت: اي لاني نخلعت
انس ابتسم:واني نصدمت انه وتين منسجمه معاك فكرتك وقتها انك شيماء
ايلاف ضحكت
والناس راكبه ونازله من الدروج وهما يضحكو في يقولو محلاهم يضحك فها وهي تبكي وفي الناس يقولو صايعين وف الناس يقولو عديمين اخلاق
تررررن
انس طلع الهاتف من جيبه
ايلاف بانت علها شاشة الهاتف:بشرى تتصل
انس تلبك لم قرتله الاسم من شاشة الهاتف
ايلاف:عن اذنك خود راحتك..وركبت
انس رد:يانم شن مسمي روحك بشرى
معتصم:لاني عارف لو شفت اسمي بتصكر عليا مشي سجلت اسمي بـ اسم خطيبتك الاوله
انس صكر عليه وقفل الهاتف
ايلاف: نسونجي 💔
ـــــــــــــــــــــــــ
صدام: واخيرا اجتمعنا
عهد:صدام وين امي؟
صدام: كيف زين امك امك في حوشها
عهد:باهي جيبها تقعد معاي
صدام ضحك بستغراب:تبصري انتي صح
عهد:لالا وين امي مش لم يتزوجو يركبو الناس لحوش لعروس يهدرزو
صدام نصدم:نعممم
عهد ضحكت من منظره مصدوم
صدام ضحك:بارده ع لحظه جيت بنقول متوحده عطوهالي
عهد ضحكت:لاياربي
صدام يضحك قرب ايده وراى ضهرها:صار امك بتهدرز معانا
عهد تحشمت:نبصر متوترة لاني
صدام: تعالي نخشو نهدرزو حني لانه بعدين امك بتسالك ع الهدرزه 🙂
عهد وجها تحمر وتزرق وتصفر 😂
ـــــــــــــــــــــــــ
تاني يوم
انس فتح عيونه واذكر كلام ايلاف انهم يقدرو يفسخو الخطوبة بس تعلقو ببعض مع انهم ميحبوش بعض
انس وقف:لازم نصلح سو التفاهم قبل مايفوت الوقت
بس قبل مايطلع حب يسمع صوتها
واول مرررة يتكلمو بهدؤ
انس:الوو صباح الخير
ايلاف:اهلين صباح النور
انس:كيف الحال
ايلاف:الحمدلله وانت
انس:قعده ف المشفى
ايلاف: الصبح بكري طلعو بابا واني توا طالعه ناخد مسكنات
انس: لمني المسكنات؟!
ايلاف:ليا سهرنا وراسي بينفجر والخلعه متع امبارح مطبوعه ف عقلي
انس: ايلاف عادي تسمعيني
ايلاف:اي نسمع فيك
انس تلبك:مش هكي قصدي،اني قصدي عندي ليك كلام
ايلاف: انس قول ع الهاتف لانه بناخد المسكنات وبنرقد سهرنا مانقدرش نطلع
انس:ايلاف مطلبتش نشوفك نبيك تعطيني وقت اني …وسكت
ايلاف:اني مفهمت شي
انس غمض عيونه:ايلاف اني نبيك
ايلاف ركبت ف السيارة ومفهمتش قصده:اي نسمع فيك
انس تعصب:ايلاف خيرك حمارة اني معجب بيك
ايلاف جلدها تقشعر من الكلمه ❤:شن قلت
انس: اني لم نتصل بيك كل همي نسمع صوتك ولم طلبت تجي كنت نبي نشوفك بس لم شفتك صدقيني بصدفه
ايلاف سكتت
انس:تسمعي فيا
ايلاف:وبشرى لتصلت امبارح
انس: هدا خوي مسجل روحه بشرى لانه يعرف لو شفت اسمه بنصكر عليه
ايلاف بدون ماتحس:انت متكرهنيش؟!
انس:لا ❤
ايلاف ابتسمت عضت شفايفها وسكتت
انس تلبك: انتي باهي ف اي صيدالية ماشيه
ايلاف:تعلا صيدالية ال،،،،،
انس.تمام مسافة الطريق
ايلاف صكرت الخط
ــــــــــــــــــــــــــــ
انس فرحان بيمووووت انه واخيرااا تغلب ع قلبه الاسود واعترف قبل مايفوته الوقت
لكن هل الوقت هدا ف وقته او انس تاخر
انس وصل للصيدالية درس سيارته ويشوف ف السيارات كانت سيارتها مش موجوده
كانت ف زحمهههه كبيررررررة ف الطريق السريع لقدام الصيدالية
انس يستنى لكن عيونه ع صيدالية ومشافش شن سبب الزحمه بكل ولم تلفتت وشاف شن سبب الزحمه شاف سيارة ايلاف مقلوبه ف المرايا نزل ويشوف من بعيد السيارة مقلوبة ومجموعه ناس يحاولو يطلعو شخص منها
انس قرب: شن في ….ونزل عيونه شاف الشخص لمطلعينه من للسيارة وغااارق ف دمه ووجهااا دممم بلكااامل وجسمها دم
انس قعمز ع الارض: ايلاف ايلاااااف
الناس تشوفله ويقولو ممكن يعرفها
انس شاف للولاد لو قفين يتفرجو اشر بصبعه ع سيارته:قربولي السيارة بسرعه
مشي واحد من الولاد ولع سيارة انس ووخرها وقربها من انس
انس قامها وركبها ف السيارة والدم يقطططر منها
انس عدلها ف السيارة وطلع بها للمستشفى قامه ونزلهاا للمستشفى وهي جسمها دمم بلكااامل وغابية عن الوعي 💔
وملابس انس دم صدره وسرواله وايديه
دخلوها للعناية 💔
انس قعد قدام عرفة العناية لعند طلعت دكتورة
انس شافلها ومقدرش يسالها لانه المنظر لكانت فيه ايلاف منظر وحده ميته
انس يشوف ف للدم ف ايديه: هدا كله بسبب حبي لاني قتلك نحبك بتمشي مني …دمعته طاحت ع الارض
مرت ساعة وتنين وتلاته
طلع دكتور من العناية:انت مني
انس سكتتت يستنى فيهم يقتلوه بكلمة ايلاف ماتتت
انس قعد ساكت
دكتور:مرتك ولا اختك تكلم
انس بصوت واطي :مرتي
دكتور: نقصها دم والمركز التبرع مش متوفر عندنا فصيلتها لانها فصيلتها نادرة
انس بصوت مغلوق:شن الفصيله؟!
الدكتور:ياريت تستعجل او تجيب حد من عيلتها فصيلتها-AB
انس ناض طلع ركب ف السيارة كان متعصب وكاااره نفسه لـ ابعد الحدود علاش لم اعترفلها هكي صار
ــــــــــــــــــــــــــ
شيماء: ماما مانعرفش
كريمه: اوكى رانيا سكتي بنتك
رانيا:اي ولاد برا يلعبو
كريمه.رانيا ارفعي الفطور لـ صدام ومرته
رانيا خدت السفرة وركبت
وكلهم ف الصالة وخالته بايتين عندهم
خش انس ملابسه صدره وسوريته وسروال وايديه دم خش للحوش:ياام
شافوه خلااته لفي الصالة جوووه كلهم يفحصو فيه وشيماء ارتعبت من منضره
كريمه قريب داخت:شن فييي دم منيي هدا
انس بكسرة:ياام مش ناقص بوي وين
كريمه ارتعبك: شن فييي دم مني لـ عليك ولا دمك ولا شنوو تكلممم
انس بصوت عالي:بووووي ووووين
شيماء ترجف: بوي ف حوش عمي بايت برا
انس طلع بسرعه
وهو طالع معتصم شافه
معتصم جاه:هدا شنوو
انس طلع هاتفه:اسمع انت زمرتك-O اتصل بـ لتعرفهم نبي اي حددد زمرت دمه-AB
معتصم:-AB وين بنلقهاا اني مافيش هادي
انس:معتصم مش ناقصك بسرعه نبي ن
دم الفصيله اني بنتصل بلعندي
انس طلع يجري وهو يتصل ويكلم ف صحابه انه يبي زمرت الدم هادي ممكن حد ف العيلة عنده الفصيلة
وصل انس لحوش عمت ايلاف ونزل
طققق طققق
زينب فتحت وشافت الدم: ياساتر شن فيك
انس يشوف ف الحوش امنيته تطلع ايلاف تضحك ويطلع يتخايل 💔💔
زينب:نكلممم فيك شن في شن الدم هدا….قاطعها
انس: هدا دم ايلاف
ـــــــــــــــــــــــ
في المستشفى
انس تعصب: اتصلت بكلل لعندي مافي حد زمرته ز لطلبتها ممكن متلخبط شن الزمره هادي
الدكتور. هادي زمرة البنت وصح نادرة الزمرة واكثر مرضآ نفقدوهم بسبب منحصلوش متبرع للزمرة هادي
زينب: اني زمرتي مش زيها
انس: عيلتي بلكامل مافي حد فيهم يتوافق مع زمرت دم ايلاف ولا واحد حتى واتصلت بلعندي مافي حد عنده الزمرة
تررررن ترررن
انس: الووو
مازن: وينك انت
انس تعصب : شن في مازن مش فاضيلك
مازن: انسس في اي مستشفى انت
انس: اخطاني مازن مش ناقصك توا
مازن: اتصل بيا مراد وقالي انك محتاج زمرة دم-AB
انس: اي صح
مازن. عندي متبرع في اي مستشفى انت
انس فرح: مستشفى ال،،،،،
دقايق
ووصل مازن
انس يشوفله: وين المتبرع تتسهوك انتتت
مازن: اني المتبرع
انس هدي: انت بتتبرع
الدكتور طلع: هي بسرعه مش وقت اساله
ــــــــــــــــــــــــــ
انس واقف ع الباب ويشوف فيهم يجبدو ف دم مازن
ترررن ترررن
انس: ايوواه بوي
سلطان: شن في شن امك مرعوبة وشن الدم مافهمت شي
انس: مافي شي البنت لخطبتهو ليا ولكنت اني رافضها
سلطان: خيرها
انس: بين الحياة والموت دمها ع ملابسي ايديا مزال مشوهين بدمها
سلطان: في اي مستشفى
انس: عمتها وزحمه هني اني موجود انت خليك مع صدام وهدي الوضع
سلطان: لاحول ولا قوة الابالله العلي العظيم… وصكر الخط
انس طلع وانتبه انه الناس تفنص فيه لانه ملابسه دم ويخوفو
مازن طلع وضاغط ايده: روح غير ملابسك
انس: مانبيش نفارق المستشفى ولا دقيقه ملابسي مش مشكله
مازن: مني المصاب
انس: خطيبتي
مازن: اهاا الف لاباس طهورا نشالله
انس قعمز
المغرب اذن وانس متحركش من مكانه مازن روح وزينب قدام الغرفة هي واب ايلاف
انس من الصبح من الحادث وهو يلوم ف نفسه لصار كله بسبب انه اعترف بحبه لها
ــــــــــــــــــــ
ع الخط
شيماء: انت شن تقول قصدك الدم لـ علي انس دم ايلاف خطيبته
مازن: اي
شيماء ايدها ع فمها: مازن حبيبي بعدين نكلمك بنتصل بـ انس
مازن: تمام ياقلبي ربي ينوضهالكم بسلامه
ــــــــــــــــــــ
الدكتور طلع: للاسف
انس كان منزل راسه وقف يسمع
الدكتور: حوالنا معاها بكل جهدنا بس للاسف…..
تتبع….

لقراءة الجزء التالي : الجزء السابع من رواية اولاد سلطان

لقراءة الجزء السابق : الجزء الخامس من رواية اولاد سلطان

للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى