وفي الجزء الخامس من رواية اولاد سلطان ماذا تتوقع ان يحدث من جديد المواقف مع ابطالنا ؟ دعونا نعرف إجابة هذا التساؤل في السطور التالية بإذن الله مع الكاتبة ميشو محمد .
الجزء الخامس من رواية اولاد سلطان
شيماء روحت وكل الطريق فهمت انه كلام مازن كان توديع والهدية كانت عبارة عن تذكار منه
معتصم وصلو: انزلي
شيماء نزلت تجري ركبت لحوشهم رغم الزحمه بسبب العرس ركبت لغرفتها تجري فتحت نت
مازن كان مصكر
شيماء فتحت ريكورد وبدت تبكي فهمت كلل شي( مازن انت تخليت عليا في بداية الطريق وكان كلامك كله مفهوم بس اني مقدرتش نفهم توا بس فهمت كل كلمة قلتهالي انت تخليت عليا صح)
ريكورد تاني تبكي (مازن رد عليا)
وقعمزت تبكي : لاياربي اكيد اني فهمت غلط لااااا
رانيا اختها كانت ف الممر سمعتها تعيط خشت: خيرررك شن فييي
شيماء تبكي بشهقه
رانيا: مجاوبتيش شيمااء
شيماء تبكي:اطللللعي خليني ف حااالي
رانيا:اني توا مشغوله دقيقه ونجيك ..وطلعت
شيماء صكرت النت وتلوحت السرير وتبكي والسلسال ف ايدها وخداها النوم 
بعد دقايق خشت رانيا وامها فاطمه مشغولين ع شيماء لقوها راقده طلعو وخلوها راقده
مرور سعتين
مازن فتح نت ووصلوه الريكوردات فتحهم وتقطع وشافها قعده فاتحه اتصل بها ع المسنجر
وشافها قعده فاتحه اتصل بها ع المسنجرتررررن ترررن
شيماء فاقت شافت ايميله:مازن
مازن:اححممم شيماء كل شي فهمتيه صح اني منقدرش نكمل معاك
شيماء: علاش اني درت شي زعلتك بدون مانقصد علاش
مازن صوت تغير: شيماء انتي بنت سلطان واخت انس
شيماء: كيف يعني
مازن: يعني اني مش معروف اصلي من فصلي ومش معروف اني ولد حلال او….قطعاته
شيماء تبكي: اني ميهمنيش انت مش ذنبك ربي هكي كاتبلك
مازن سكت
شيماء:مازن اني نحبك
مازن
شيماء: نحبك مازن
مازن: واني نحبك
شيماء: علاش بدير فيا هكي مدام تحبني
مازن:لاني نحبك ومتمنيلك الاحسن مني لاني نحبك نبي نشوف فرحتك مع الاحسن مني
شيماء:انت قصدك فرحانه مع غيرك هكي تقصد
مازن تنهد وضرب الدومان
شيماء: اني مكنتش نعرفك علاش كلمتني علاش شفتني علاش بتجرحني اني شن درتلك
مازن: اني كل شي درته نادم عليه بس ماعمري ندمت ع حبي ليك ندمت اني تعرفت عليك بس مندمتش على حبي صدقيني نحببك ولو مانحبك مستحيل نعطيك شي غالي عليا ومستحيل نعطيك قلبي
شيماء بدت تبكي:عرس خوي يامازن طيعتلي فرحتي بيك
مازن:اسسسف ياعمري
شيماء صكرت معاد قدرت تتحمل صوته ولا تتحمل تنهيدته ولا تسمع بحته وهو يتكلم
شيماء وقفت
تررررن تررررن
شيماء:ياسر مازن خلاص
مازن: نحبك يابنت مش رح ننسحب ولا رح انزلك دمعه اني مش قادر نتخيل انك ممكن تكوني لغيري
شيماء:من قال اني اني رح نجرب من بعدك ولا رح نشوف لغيرك
مازن:رح نحاول عشانك ولو نقعد العمر كله نطلب فيك
شيماء: ووعد مش رح نكون لغيرك ياعمرري
مازن تنهد: اضحكي
شيماء تبكي: معاد تعاودها
مازن:معاد تنعاد وعد
شيماء:حني لبعض 
مازن: نشالله
ــــــــــــــــــــ
عهد جهزت نفسها لكل شي
وكل مرة تتصل بصدام اضحك فيه وبجنانها وهبالها
ــــــــــــــــــ
يوم الحنه
انس ع الخط: نكلم فيك
ايلاف:نسمع مش طرشه واني قلت لا
انس:امي قالت مش اني
ايلاف: مانقدرش خلاص افهم
انس:هدا امر مش طلب امي قالت تجي لعرس صدام يعني كلمتها تمشي مش متصل ناخد ف رايك اني
ايلاف نهارو اعصابها:افهمممم اني في مستشفى مانقدرش نجيي ياسر من اسلوب انك تامر واني انفد ياسر بابا ف مستشفى مانقدرش اسفه
انس: بوك مريض امورك هديكاا بس اني تكلمت …قطعاته
ايلاف بنبرة باكيه:نكرررهك اني نكرهك ياعديم الضمير…صكرت الخط
ايلاف كانت ماتقدرش ترفض او تفسخ انس بسبب بوها كان فرحاااان هلبااااا لم نخطبت لـ انس وجبرت بخاطره لانه مريض سرطان
زينب:معليشي خودي سيارتي وبري مدام عزوزتك عزماتك وبوك احساسا حالته كويسه شوية
ايلاف: اوكى اني بنروح نلبس ونمشي للحفله مش رح نتاخر
ــــــــــــــــــ
في الحفله في الحوش
شيماء: تبصر قصدك انت برا
مازن:اي اني برا
شيماء: انت قريب مني
مازن: شيماء اني صح صاحب صدام ومعتصم بس متعارك مع انس بس عشانك ياقلبي بنحاول بكل جهدي نتقرب منه عشان ميقعدليش حاجز
شيماء: نحبك اني
مازن: واني نحبك
شيماء:سلسالك لبسته
مازن: اكيد طالع حلو عليك
شيماء جتها فكره:مازن نطلب منك طلب
مازن: عيوني ليك
شيماء: اسمع اني وراى الحوش نبيك تقرب من السور وتحدف مفاتيح سيارتك ف الجنان متعنا
مازن:بتاخدي سيارتي ؟!
شيماء:لا بس لم تخش انت والولاد لمعاك للقراج تتعشو اني بنطلع نحطلك حاجه ف السيارة ونحط المفاتيح ف السيارة
مازن: اي وشن بديري ف السيارة
شيماء:سرررر
مازن:اول شي متفكريش انك تطلعي برا وظلام وزحمه ممكن يشوفك حد او يصير شي مش كويس
شيماء:بلله عليك مش رح يصير شي
مازن:تفكير العواويل هدا وووواك باهي دقايق وتكون المفتاح عندك
شيماء:اوكي يلا اني وراى الحوش تعلا احدفها هي
مازن: تمام
شيماء قعدت واقفه وصلتها المفتاح
استنت لعند يخشو كلهم وتاكدت وطلعت
شيماء لبسة عبايتها ووشاحها وسبيدرو وطلعت بس حست بحد جبدها من خطرها
مازن: اشششش انس وصاحبه جنب السيارات انتي ف الظلام مش رح يشوفك استني لعند مايمشي
شيماء ارتعبت بس لم عرفت انه مازن خفت شوية بس الوضعيه لفها هما مطمنش
كل مازن عبارة انه حاضنها وجابدها ليا من الخلف ومصكر فمها وعطرها جننه
شيماء شاده البوكس لفي ايدها كويس
مازن ايده ع بطنها وايد ع فمها
شيماء مركزه ع ايده لـ ع بطنها حطت ايدها ع ايده ونزلتها من ع فمها وتلفتتله
ومشو وراى الحوش
مازن:خفت يصير شي وفعلا كان توقعي ف مكانه
شيماء ضحكت: هدا كله بسبب ساعه اني خديتلك ساعه
مازن:انتي كلك هديه
شيماء فتحت البوكس وحطاته ع الارض قربت حولتلها ساعته ولبستله سعتها
مازن قرب راسها وباسها ع راسها
شيماء: ممكن الدنيا ضلام ومتشوفش فيا واضحه
مازن:مش مهم الظلام المهم روحك معاي مش ضروري نشوفك او تشوفيني
شيماء شدت ايدها: نحبك مازن
مازن:واني نحبك
شيماء عطاته المفاتيح وخشت من الباب الخلفي
شيماء خشت شافت قدامها ايلاف واقفه ع المرايا تعدل ف روحها
شيماء خشت حولت عبايتها ووشاحها وسلمو عبعض
ايلاف: شيماء حسه روحي غريبه قصدي مانعرف حد هني
شيماء: تعالي نقعمزو مع بعض
ايلاف: اوكي ياريت بس لحظه نسلم ع عمتي ونجي
ايلاف لابسة قفطان بيجي نازك طويل وكمام شفافات مع شعرها فلو ومكياج ترابي خفيف
وشيماء لابسة قفطان ازرق غامق طويل وشعرها ديل مع نفخه ومكياج خفيف
وخشت ايلاف خطفت الانظار لانها كانت ف غايت الاناقه ولبستها نازكه هلبااا وبدت تسلم وكريمه تعرف فها ع الناس
انس طلع اتصل من الخيمه وشاف مازن تجاهله واتصل بـ شيماء
انس: جت؟!،،، ميةمية.. وصكر الخط
شيماء: يسال عليك انس
ايلاف فخاطرها: يسال عليه عزرائيل يريحني منه
شيماء: ايلاف خيرك مش عبعضك
ايلاف شافت الساعه: شيماء اني بنروح بس ياريت تقولي لـ انس انه اني جيت
شيماء: مززال
كريمه جتهم: انستينا وين عمتك
ايلاف وقفت: اني بنروح بالي مشغول ع بابا مريض وعمتي قعدت معاه بس اصر عليا انس فاجيت
كريمه: الف لاباس طهورا نشالله
ايلاف: سلمك ياعمتي نشالله
ايلاف خشت تلبس عبايتها بس خشت للمطبخ لكان مفتوح باب الجنان متعه قربت تشرب وهي نشرب
انس خش: عطيني كاسات امية
ايلاف شافتله
انس عرفها تجاهلها قرب من الفريز
قرب من الفريزايلاف: انس بابا مريض ف المستشفى اني معاد نقدر نتاخر بنرجع
انس ياخد ف الكاسات من الفريز : تتامري عليا ولا تاخدي ف رااي
ايلاف: انس افهم بابا مريض منقدرش نتاخر
انس: اني كنت عنده وغيرت مكانه لعيادة متخصصه
وتين خشت: بابا شدير
انس ساكت
ايلاف قعدت واقفه
انس خدي سفره حط الكاسات فيها شاف ايلاف: زيدي دقايق وروحي
ايلاف طلعت
انس قعد يشوفله طالعه (القلب بدي يحن 
)
(القلب بدي يحن )ايلاف قعدت وقفه ف الممر دقايق ولبسة وطلعت
انس شافها طلعت ركب سيارته وقعد وراها
ايلاف شافت المرايا شافت سيارة انس نفس السيارة لكانت قدام المزين اتصلت بيه: الوو
انس: اني وراك
ايلاف: شفتك اي بابا ف اي مصحه
انس: مصحة ال،،،،،،
ايلاف: تمام صحيت
انس لـ اول مرة تصبحي ع خير
ايلاف: وانت بخير… وصكرت الخط
انس قعد يسوق ببطىء عشان يقعد وراها وصلها لعند الحوش
ايلاف خشت غيرت ومسحت مكياجها ورجعت لسيارة واتجهت للعيادة
وانس وراها
ووصلو ونزلو
انس: ف الدور التاني
ايلاف ركبت واول ماخشو لدور التاني طلعو شخص ع السرير ميت مغطيينه بلابيض
ايلاف قربت تجري ع السرير: انس هدا بابا؟؟؟؟؟
انس بخوف شد الشرشاف: لا مستحيل… وقام الشرشف
تتبع…
لقراءة الجزء التالي : الجزء السادس من رواية اولاد سلطان
لقراءة الجزء السابق : الجزء الرابع من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
