الجزء

الجزء الثالث عشر من رواية لهيب الإنتقام

الجزء الثالث عشر من رواية لهيب الإنتقام

وفي الجزء الثالث عشر من رواية لهيب الإنتقام للكاتبة ميشو محمد ماذا يا تري من رأيك سيحدث من جديد المواقف مع ابطالنا وهل ستكون كلها سعيدة ؟ دعونا نعرف إجابة ذلك في السطور التالية بإذن الله .

الجزء الثالث عشر من رواية لهيب الإنتقام

وجت لساعه تلاته
نيسان لبسة عباية زرقه كحليه بس تصميمها حلو مع وشاح وردي هاااادي وميك اب خفيف ♥🤤
صقر جي من المطبخ خش لغرفة النوم: يلاجاهزة
نيسان رشت عطرها: اي اطلع تو نلحقك

وطلعوو
خشت نيسان تلاقت مع راغب طالع
نيسان سلمت عليه: مبروك ربي يتتملك ع خير
راغب تحشم: سلمك يارب… وطلع
نيسان خشت سلمت وكانت عندهم خالة صقر سلمت عليها
ميسون: خيرك قالي المغضوب مريضه؟!
نيسان نزعجت من كلمة مغضوب: بسيطه ياعمتي مريضة شوية بس
ميسون ناضت للمطبخ
سليمه: مدرتيش صغار؟!
نيسان: لالا مزال
سليمه: شن مزال قداش ليك متزوجه
نيسان: شهرين
سليمه: هو هذاكا
نيسان انزعجت
ميسون ضيفت نيسان
نيسان: قعمزي ياعمتي مش ضيفه اني
ميسون: كيف حال ضهره اليوم
نيسان: باهي الحمدلله
سليمه: قلت مدام مريضةكنتك بالك داستلكم حاجه
ميسون: نشالله

وهدرزة مع سليمه ادرره الكبد اذن العصر طلعوو
نيسان مع صقر والباقي راغب
نيسان: اني تهنيت من يومين وخالتك نزلت فيا بالك مريضة وداسه حاجه
صقر: خالتي سليمه دوتها هلبااا فوتها
نيسان: ماتتكاش ع ظهرك
صقر: اموري تمام مدوريش
نيسان تنهدت: بندووخ
صقر: اهي خمسه دقايق اطلبو البنت وبنروح بيك طول
نيسان: لالا حطني وبرا اني نروح مع عمتي مش حلوة اللقطه ز الخايفين نهرب
صقر: تمام
ونززلوو
نيسان: هدا حوش صاحبتي نور
ميسون: الله
وخشوو
وطلبوها
جت نور قعمزت جنب نيسان: سلفتي القنينه
نيسان: يابارده علاش ماقلتي
نور: بللهي اسكتي نتصل بيك هاتفك مقفل
نيسان: اهاا
نور: موليه احلا بعد العرس 😉
نيسان: صقع عليك 😎
نور ضحكت
ويهدرزو بس نيسان ساكته
نور قربت لـ نيسان: اشربي عصيرك
نيسان: لالا منقدرش دايخه يانور بنستفرغ منقدر ناخد شي
نور: في بيبي ؟!
نيسان: ف برويطه مش بيبي شوره كان وحده مرضت معنها بيبي
نور ضحكت: وين نندري عليك
نيسان ايدها ع جبينها
ميسون: خيرك
نيسان ابتسمت: لالا شي راسي بس
ومررر الوقت وطلعو روحو لحوش ميسون
سليمه قعمزت جنب نيسان : من لم وصلنا وانتي ايدك ع راسك شن فيك
نيسان تعصبت بس تحكمت ف اعصابها
ميسون: قتلك مريضه البنت
صقر: السلام عليكم
ميسون: اهوو جي الزول
نيسان وسن وسليمه: وعليكم السلام
صقر: خيرني ياام خيرك جيااتك عليا
ميسون: لاشي انت تعرف علاش
نيسان وقفت: عمتي عادي نكلمك شوية ف المطبخ
وناضو ومشو للمطبخ
نيسان تشوف ف المطبخ يتحرررك: عمتي عرفاتك اديري هكي مع صقر عشاني بس صدقيني…. قطعاتها
ميسون: واخد هاتفك ويومها شفته كيف كشخ عليك
نيسان شدت ف الرخام
ميسون سندتها: ياحليلي يساتر ووسسسن ياوووسسسن
وسن خشت تجري: شن في
نيسان وقفت وشدها راسها مافيا شي شي نبي اميه بس
ميسون خدت طرف شكلاطه حطاته ف فم نيسان: كولي حاجه حلوة
نيسان كلتها: بنروح
وسن طلعت: صقر نوض روح بمرتك
صقر معدلش ناض ولع السيارة
نيسان ركبت
ووصلوو
نيسان حولت عبايتها ورتسطحت
نص ساعه خش صقر ومعاه وجبة من المطعم جهزها ف المطبخ وخش بها دار النوم
نيسان راقده
صقر قعمز ببطىء: نيسان نوسه
نيسان ف نومها: هاا
صقر: نوضي كولي
نيسان جبدت الشرشف: منبيش خليني
صقر نزل باس ع خدها: هياا ياعمري كولي نوضي
نيسان: منبييش
صقر:اي احسن حتى ني اصلا مريضة لوخدهولك..ناض
نيسان تلفتت قعمزت: خلاص اهو نضت
صقر ابتسم حط السفره: كولي
نيسان بدت تاكل ف شاورما
كملو ماكله
نيسان ناضت قامت السفرة خدت المرهم: هيا حول سوريتك
صقر حول السوريه ورقد ع ظهره
نيسان طفت الضي قعدت ع الايضاء المخفيه بس حولت اللصقه دارتله المرهم وتسطحت جنبه
صقر: فدييت امتى بنرقد ع ظهري النم
نيسان: علاش في شي مضايقك
صقر: انتي مضايقتيني 😉
نيسان ضحكت ضرباته ع ايده: سخيف
صقر: اااه ايدي
نيسان: نسيتها اسفه اسفه
صقر جبدها لصقها فيه: شن اسفه متعك
نيسان ابتسمت: نسيتها فكرتها ايدك الصحيحه
صقر يشوفلها بصوت هادي: ديما تهبلي هكي
نيسان ضحكت

🙈♥
عيبب
.
بعد مرور شهر
كملت امتحاناتها
صقر روح من الكوتش عاارق وشعره عارق 🤤♥
نيسان: هدا فاش فالح
صقر خش لدوش وطلع لابس سروال توتة رصاصي بس طلع للمطبخ
نيسان: اليوم بيان راغب
صقر سحب كرسي وقعمز: عارف
نيسان تحرك ف الطنجرة: جعان ؟
صقر جبدها قعمزها ع رجليه: هلبااا
نيسان ابتسمت: كل يوم تجبد فيا يوم من الايام بتجبدني بنجي مكسورها
صقر: منخليكش اطيحي… قام ايده وجبد الكماشه من شعرها
نيسان تعصبت: نفس الحركه يبارددد وقت غدي توا هات الكماشه .. وفتحت ايدها
صقر باس ايدها من داخل كيف مادتها: هادي اخر توكه ولا عندك غيرها
اني شن قلت قتلك خليه مفتوح ديما ولا
نيسان: هادي اخر توكه صقر وعد معاش نقيمه بس عطيهالي هادي الاخيره
صقر ابتسمت: وعدد؟!
نيسان: وعد
صقر عطاها التوكة: نلقاك قايمتيه ناخده نكسرها ز خوتها
نيسان: بنخليه مفتوح هكي نوو ياكبيدتي
صقر؛ وعدتيني واني قتلك
نيسان تحرك ف الطنجرة وحطت تغدوو
نيسان: صقر لو نتخرج بتخدليني نخدم؟!
صقر: خلها لوقتها
تررررن ترررن
نيسان قامت هاتفها: هلا سونه
وسن: هلاات هيا تعالي وينك
نيسان: دقايق ونجي
وسن: تمام… وصكرت
نيسان نظفت المطبخ خشت لصالة: حيي رقدت صقرر
نيسان: صقر حبيبي الغالي
صقر فتح عيونه: غالي اني؟!
نيسان: غالي والغالي يرخصلك ♥
صقر جبدها رقدها جنبه ع لكنبه: شن رايك نفوتو البيان ونقعدو مع بعض بروحنا ونصكرو الهواتف
نيسان ابتسمت: باش امك تفكرك حارمني من المشيه تجيك تفرغ فيك
صقر ضحك: نوضي يابارده
نيسان ناضت خدت قفطانها لبتلبسه ومكياجها ودارتهم ف شنطتها ومشت

جتهم كوافيره للحوش مكيجتهم
نيسان لبسة قفطان عنابي منفوخ وكمامه شيفون اختاره لها صقر مع اكسسوار فضي بسيط وصقر نبها الف مرة تخلي شعرها مفتوح دارت شعرها فولو وخلاته مفتوح

وسن لبسة قفطان ازرق ملكي لعند الركبه كمامه طايحات ع الكثاف وشعرها مفتوح بحكم قصير

ووصلوو
نيسان خطفت الاضواء بحكم شعرها طويل وملامحها تجنن والقفطان محليه اي ضيفه تشوف نيسان تقول بنت مني لانه يبان علها صغيرة ع عمرها ويقولو هادي مرت صقر
نور مع انها صاحبتها بس غارت انه نيسان كاعه حلوة والكل مهتم بها
ميسون باست نيسان:ياحليلي ياغبارتي كان ياخدوك بلعين نهاري من صقر
نيسان ضحكت
وسن: ماما نور بالغت هلباااا بـ الميك اب
ميسون تشوف ف نور وخلاص
سليمه معاها بنتها رواسي
رواسي تشوف ف نيسان من بعيد
نيسان:وسن مني هديكا لـ مع خالتك سليمه لتفنص
وسن قلبت عيونها:رواسي المصيبه
هادي مرة
ميسون:وسن خلاص قصة وتمت
وسن سكتت
نيسان: اني مزلت نلبس القفكان هدا كان نموت الاحراج لصاير اليوم
ميسون:مش من القفطان من ملامحك وطولك وشعرك
نيسان ابتسمت شافت لـ ميسون بصوت واطي :عمتي نبيك ف موضوع
وسن لاهيه تتفرج
ميسون:خير
نيسان تحشمت: هو مش وقته بس اني خلاص كان مقلتش بنفرر نبي نقول لـ صقر بس خايفه نكون غالطه
ميسون:حاامل 😍
نيسان ضحكت:اي منعرفش اني عليا الاغراض ومن يوم خطبنا نور معاش جتني
ميسون؛نشالله ياربي
نيسان:عميمه ماتقولي لحد باهي نتاكد قبل
ميسون:معاندك لاش متاكده اصلا هدكا هو
نيسان: لا عميمه بللهي
ميسون:حااظر براحتك
وسن:شن توشوش
رواسي:السلام عليكم
كلهم:وعليكم السلام
رواسي: خالتي متبيش تعرفيني ع كنتك
ميسون: نيسان هادي مرت صقر
رواسي سلمت علها:اهلين حلو اسمك عاشت الاسامي
نيسان ابتسمت: سلمك تعيشي وتسمي
رواسي قعمزت معاهم
ميسون.وقت خلي انوض نلببسها
✉️
نيسان قامت هاتفها شافت الرسالة ( استاحشتك من لم وصلتك ♥)
وسن ضحكت: قريتها
نيسان قلبت الهاتف وضحكت: تحشمي
وسن: وخياا طلع رومانسي
رواسي ضحكه صفره: صقر؟!
خيره وسن شن بعت
وسن: بعت رسالة 🌚
نيسان: وسن نور من بكري تشوفلي بنوض نشوفه خيره ونجي تمام
وسن: اوكى
نيسان قربت وركبت لنور والعيون قريب يكلهااا وزادو الوشوشه
وسن: شوفي رواسي مجرد مناضت الكل يشوفلها
رواسي 🔥
وسن:سعدود صقر ياكبدي
رواسي: قنينه ماشي حالها
وسن: احلا وحده ف القاعه تقوليلي ماشي حالها
.
نيسان قربت لنور:نور خيرك
نور متعصبه:شي نيسان انزلي ارتاحي بعدين نهدرزو
نيسان حستها تلز فها:تمام تبي شي قوليلي…ونزلت
نور ف داخلها:عرفاتك يا نيسان مسمومه وكل همك تكوني احلا مني
نيسان قعمزت: انظار الناس تفددد
وسن ضحكت:عسل ياحليلهم بكري ف وحده سالت ماما عليك فكراتك بنتها
نيسان: بس حسيت نور اضايقت مني نحس ف روحي مبالغه
وسن:ف شنو مبالغة قفطانك متع سهرات ومستور صح كبير ومنفوخ بس متع حفلات ومكياج بسيط اكسسوارات مش لابسه غير حلاقات ودبلته وحديده وفضة وبسيطات مافيك شي غير طالعه حلوة
رواسي نااااااار بتاكلها قامت فتحت الكاميرا القدامي تسرح ف شعرها ونيسان مقابلتها وسوسلها الشيطان وفتحت الكاميرا ع نيسان وصورتها اكثر من لقطه وتمتل انها تعدل ف شعرها
نيسان عيونها ف هاتفها وكل شوية يناشبها صقر برساله بعتتله (بنروح نقولك حاجة تهبلك ♥)
بعتللها (💗🤤)

.
ميسون لبسة نور وصورو
ميسون قعمزت جنب نيسان: انتي تو يطربقوك بعين وقولي قلتها
نيسان خافت
رواسي فتحت تسجيل صوتي
نيسان خافت: ياعمتي حسيت بتفنيص الناس هلبااا حتى ني خفت ع روحي بنروح اني
ميسون: اي سلم بنتي حتني خايفه عليك اتصلي بـ صقر يجيك
رواسي صكرت التسجيل وبعتاته لـ رواد
رواد سمع صوتها بس: شن هدا فهمتش من يتكلم
رواسي: هادي مرت صقر طالعه قنينه وكلهم دابو فها ياحليله كان تشوفها
رواد: شن تخرفي وشن بعتيلي صوتها… قاطعوه وصلوه صورها
رواد: نهار اسود هدا بنت؟! 🤤♥
بعتتلها (جلططه البنت)
رواسي حدفت صورها من الكل ف امحادته
رواد بعتلها(خير امك حدفتيهم)
رواسي ( بعتتهم بلغلط اصلا)
رواد (دمااار البنت 🔞🤤)
رواسي(انت مش بطلق مرتك اهي خود هادي تهبل واسلوب مش ز الخنزيره لعندك )
رواد (ناخدها عادي بنت مني هيا)
رواسي(هادي مش بنت هادي مرت صقر ولد خالتك)
رواد (صقرر لالا فوتها مالا)
رواسي (علاش تفوتها)
رواد(متزوجه تي حتى التفكير فها حرام هادي)

.
ركبت مع صقر
صقر:وين امي اتي بس بتروحي
نيسان:اي سلمت وطلعت
صقر:علاش
نيسان: شي مليت عمتي قتلي روحي كان تبي
صقر:بدينا ف اللف ودوران…واتصل بـ وسن
صقر:هاا وسن اسمعي خيرها هادي رمبت قالبه وجها
وسن ضحكت:مرتك يخطبو فها وماما خافت يطربقها بعين قتلها روحي لانه نظراتهم مبالغين فها
صقر.باهي باهي…وصكر
صقر شافلها: راك تريحي روحك تو يشوطوك ب عين اقعدي عاني بعدين
نيسان:اني مدرت شيييي ممكن لاني جديده ع منطقتكم والناس تتعرف بيا
عادي تو لم يتعودو عليا معاش يفنصو فيا
صقر ضحك بهستريا
نيسان:شن يضحك فيك
صقر:فرخه قصيرونه لعبت فيهم ياحليلي اني قداش قلبي يعاني اصلا استاحشتك♥

تتبـع..

لقراءة الجزء التالي : الجزء الرابع عشر من رواية لهيب الإنتقام

لقراءة الجزء السابق : الجزء الثاني عشر من رواية لهيب الإنتقام

للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى