الجزء

الجزء الثامن عشر من رواية خط احمر

الجزء الثامن عشر من رواية خط احمر

وفي الجزء الثامن عشر يا تري من رأيك هل سنري ظهور بطل جديد يغير احداث الرواية رأساً علي عقب ام لا ؟ كل هذا وأكثر سوف نعرفه سوياً في السطور التالية بإذن الله من رواية خط احمر للكاتبة ميشو محمد .

الجزء الثامن عشر من رواية خط احمر

وصال فتحت الكيسه: هدا دواء لـ جاد تمام… ونزلت
يقين تنهدت بخوف وتسكت ف ميرال
_____________
.
.
رناد بكت بكت بكت وجعتها نفسها هلباااا
جدها دف الباب وخش: محمود اتصلو بيه وبطلل من انه يرجعك قعمزي هني لين ادودي تعفني هني قعمزي.. وطلع
رناد مسحت دموعها ورتاحت من لسمعاته بس قعد خاطرها مكسوراتصلت بيه
هشام: واحد يخش حوشك بدون استاذان وجعتيه اطيحي قدري قدام بوي بارك الله فيك
رناد: لكن مصح وجهك وتلوم فيا مزال انت من لسمحلك اصلا اني كرهت جنسكم رجاله كلكم كرهتتتتككككمممم
هشام: بطريقه هادي تكافئيني… ياضعيفه ربي يمتحن ف صبرك وقوتك علاش شخصيتك ضعيفه لدرجه هادي انتي تي بيقرو فاتحتك ع طلقيك ارفضي امه عندك لسااان تكلمي ودافعي ع روحك
رناد تبكي: قروها المرة الاول بدون موافقتي مش رح يتغير شي ولو ماسمعت صوتك اليوم ماتعرفش ممكن نكون توا مرتك
هشام ابتسم: بس اني عكسك منديرش شي بلغصب ف شي اسمه قلب ولم توقي قدامي يتحول لطبله من النبض ولم تتكلمي قدامي بيوقف في شي فيك لفتني بدون استاذن بنفس الطريقه لجيتك بيها وصدقيني منعت روحي وسالت عليك انك مطلقه حاولت نمنع روحي بس لزاد خلاني نحبك اكثر او انك ليلتها وتقتي فيا وطلعتيلي ف اليل كنتي واتقه اني مش رح نديرلك شي وكنت نقدر ندير ولجدبني اكثر هو نومك وضربك وفقدان وعيك ف المستشفى لا وبسبابي اني لاني اني لخليتك تتاخري كنت تقدري تقوليلي انه بسببي بس انتي راقده ودايخه وتغديه موصوله فيك ومع هدا مبتسمه تقوليلي شكرا ع اهتمامك لانك زرتني ❤
رناد فوسط بكها سكتت وطلعت منها ابتسامه
هشام تعصب: اني يابنت نبي نقولك كلام ز اي شاب بس مباش يطلع شي مانعرفش كيف مش شايف كيف يقولو فيه معرفتش صدقيني وقفت وحاولت نحفظ كلمات بنقولهملك ف عيد ميلاد لمى بس عارف روحي منقدرش نقولهم
رناد ضحكت من شخصيته كيف يعترفلها ❤
هشام ابتسم لضحكتها: لـ بنقوله اني من الاول حاكي لعيلتي عليك واني ولد واحد بس ومن لم حكيتلهم حمسو واليوم قلت لبوي يجي معاي طبعاا بما انه عارف بلقصه من الاول… قاطعاته
رناد: يعرفو بـ اني مطلقه
هشام: مديريليش سبله مطلقه يابنت اسمعي مني اني محامي تمام مطلقه لاعيب لا حرام صدقيني لو تسافري برا عندهم عادي جدا وحده مطلقه عادي ونفس الشي عندنا حني غير حني شعب ربي يبارك لسانات بس توا انتي سموك مطلقه واي واحد يشوفك ف الشارع بيقول هادي مطلقه صح باهي فهميني علاش لم يشوفو محمود ميقولوش هدا مطلق ترا قولي علاش لانه عايش حياته مش معبرك بس انتي لانك بنت ف مجتمعنا وشخصيتك ضعيفه وديما راسك ف الارض لـ بيشوفك بيقولو خيرها عطول بيقولوله مطلقه لكن ترا عيشي حياتك عادي
رناد: توا اني هكي؟! 😒
هشام: بتفصيل هكي شخصيتك ضعيفه دايره لناس وكلامهم قيمه
رناد: انت تتشرف انه ف يوم يقولوك مرتك كانت مطلقه؟! 🔥
هشام: نتشرف يقولولي مطلقه وبنت ناس وقعده افضل من جيلها واحسن من لتبيع ف روحها واحسن من لـ تركب مع صاحبها ف BMWوتروح بـ كيا 🔥🔥🔥🔥
رناد سكتت يعجز السان عن وصف شعورها 💗
هشام ضحك 🤤: وكان خايفه من محمود ماتبيش تردي عليا محمود توا خلاص تربى وصدقيني كان يلقاك ف الشارع يدير الحولة وتكنه مايعرفك
رناد: شكرا ع كل كلمه ع كل دعم ع كل شي حتى مشاعرك ع كللل شي بس اني توبه خلاص نتمنالك الاحسن
هشام نغزه قلبه 💔:مكالمتنا لها نص ساعه ليا نص ساعه ننبح اني عندي محكمه اجلتها تاخير لعند نكمل مكالمتي عشان نسمع صووووتك(سكت ويسمع ف شهقااتها)معرفه طيبه اسفه ع تضيع وقتك..طووط طوووط طوووط
وخش لـ محكمته وهو متعصب
رناد تشوف ف الهاتف معرفتش شن ادير تبكي ترقد تكسره معرفتش حدفاته ع السرير وطلعت دقااايق سمعت هاتفها يرن رجعت
رناد:الوو ياعممري استاحشتك ياكلبببه
غزل:رناد نبيك تعاليلي رح نقول لـ ايهاب يجي ياخدك
رناد:يارررريت
غزل:تمام هو ف المعرض تو نكلمه هو قرب يروح
رناد:تمام
غزل صكرت الخط
_____________
.
.
رسل طبعا رجعت لـ حوش العيله استقبلوهم احلا استقبال بس مرت الاب تعصبت شوية
يهدرزو ف الصالة
معاد اخ سامر: نورتي
رسل:تسلم منوره بيكم
سامر:وين وائل ملا؟!
معاد: قعد ف الريف يشتغل ف مصحه غادي
رسل:ربي يعاونه
سامر شاف لمرت بوه: مرت بوي ف…قطعاته ناضت طلعت من الصالة تعصب سامر
رسل حست بلموقف
معاد انزعج: متعصبه من وائل ماتحطش ف بالك
ناجي بوه: اركبو فوق كان تبو عدلو واستقرو واني ومعاد وزينب اصلا من يوم اياما نرقدو لوطى
سامر ركب فوق لغرفته
ناجي كان حنيين
رسل:نستاذن…ولحقاته وخشت للغرفة متع ليلة ادخول
سامر متعصب واقف جنب الشباك وايديه ف جيوب سرواله
رسل: تبي الصراحه من الاول محبيتهاش كشخت عليا لم تاخرت ع دخولي
سامر ابتسم: مريضه فوتها
رسل: زعلاتك مش رح نفوتها
سامر فكرها تبصر سكت
___________
.
.
سعاد وضياء وادم ويزن وباسم واسلام الصغيرون كلهم مقعمزين يتعشوو
ادم يذكر ف يقين:اليوم كنت عند خالتي
باسم نخنق بدي يكحح:احح اححح (شرب اميه)…ومحبش يكثر دوه
سعاد:شن حالهم؟!
ادم:كويسن كلمتني فرح تبي من صيدليتنا دواء لولدها محصلتاش وصلتهولها بس فتحتلي الباب بنت غريبه(باسم مركز وياكل)استغرببت هو صح قداش ليا مش شايف البنات خالتي بس حادي شكلها غيرر
باسم هني فنص فيه بدون مبالاه
يزن ضحك:يما قريب نخطبو لـ ادم ونديرو عرسنا مع بعض
كلهم ضحكو ماعاد باسم
باسم شاف لخوه ادم توقعه يقول لا اومزال بس لزاد ناره انه ضحك ونزل راسه ياكل عادي
باسم وقف:صحتين…وخش للمطبخ يشرب ويسمع فيهم يهدرزو بنفس الموضوع
باسم حط الكوب بقوه:انت علاش متعصب شن دخلك يشوفها ولا يطربق…طلع وف ايده الميه حطها ع السفره وقعمز
ادم:استغربببت لقيتها بيضا عيونها خضر مش ز بنات خالتي عارفهم سممر مش نفسهم قتلها مني انتي عتلي عمها عماد
باسم بينحرررق انه ركز ف تفاصيلها يعض ف لسانه وفمه مسكر
ادم ضحك:لا وفي ايدها ميرال…قاطعه
باسم بنبرة حاده وتفنيصه: شني سيد ادم شفت مخلوق فضائي ولا اووول مره تشوف بنت علاش مكبرها ف النهاية مجرد بنت من لم قعمزنا عيونها خضر بيضا وصفرا وزرقاء كول ولا نوض
ادم استغرب قبل ميتكلمش باسم بكل غير وقت الضروره فقط: عارفك متحبش سيرة البنات بس مش لهدرجه
باسم خدي هاتفه شرين ع الشرطه:شنو مافيش شي!؟….تمام لو صار شي اتصل…وصكر الخط
يزن شافله: انساان زيك لا يضحك لايبصر لايبستم لايهدرز لاااا وفوق هدا كله تتصل بشرطه تبيهم يخلوقلك مشكله عشان تشتغل
باسم شافله: خليك ف روحك اظن احسن..وناض طلع
اسلام يضحك لحق بوه: با باا
باسم تلفت: خش داخل اني بنطلع
اسلام زعلا ووقف مكانه
باسم طلع بدون ميعبره وقعمز برا ف الصقع دخان وراى دخاان وراى دخااان
لعند نزل عيونه وشاف العشقات متع الدخان شاف الباكو تام قرن حواجبه ومشي عقله(((يقين تبكي ومتبيش تمشي مع عمها
يقين تبكي: لو يبوني كانو دوروني من لم امي تزوجت لو يبوني راهم خدوني من لم امي توفت عرفاتك هدا شغلك بس ماتعطيني ليهم تربحي باسم
باسم طلع بدون مايعبرها بس طلع وسال ع عمامهم وعرف انه هادي تكون بنت اخ راجل خالته فا هو لانه يعرف راجل خالته وبحكم معنداش ولاد عطهاله وكان مداير احتيطاته انه بتكون مع خالته كويسه وعطاها ساعه عشان لو صار شي
لم جو بيسلمها
باسم طلع بوكس:البسي هادي لو صار شي تراسليني متفهمينيش غلط شغلي هكي لانك ع مسؤوليتي..وطلع)))
باسم
سعاد طلعت مدتله طاسة شاهي
باسم: معنديش نيه
سعاد قعمزت جنب وتشرب ف طاستها: عرفاتك متقدرش تتزوج تاني وانت لـ متبيش بس رح تحاسب روحك لم تشوف ولدك يبي قراية ويبي حفظ ويبي وحده تحن عليه وتعلمه وتوريه الصح من الغلط هدا كله ف رقبته وبعدين رح تتحاسب ع شبابك لـ قعده بدون مراة شن مفكر انت
باسم: نتحاسب؟!
سعاد: اي مالا شنو ربي بيحاسبك انت عندك باش تتزوج بحوشك مانقصك شي وبزياده رح تتحاسب ع ولدك هدا ولدك حتى لم يشوف الصغار ف حجور امهاتهم وهو معنداش ام بينقهر انت لبتتحاسب ع الشي هدا
باسم ساكت
سعاد: تكلم غيرك هكي بديت نحس ف روحي نكلم ف حجرر متحسش ولاشنو… قاطعها
باسم وقف بعصبيه وصوت عالي: بنت الناس نجيبها من غضوا ربي بيحاسبني حتى اني علها وع معاملتي لها ورح تتحمل مسؤوليت ولد مش ولدها علاش نبهدل في بنات الناس معاي
سعاد: خرفي ولله حييط قدامي حييط
باسم عيونه حمر بنبرة حادده: كان نخرفلك لغضوا مش رح تفهمي بـ ذره من لنحس بيه.. وطلع سرفق الباب الخارجي
___________
.
ايهاب مروح مع فادي
فادي: احم اءا وصلني للمستشفى اني
ايهاب شافله: مستشفت شني مش الصبح كنت فها
فادي: نقولك باش متقولش خوي دس عليا
ايهاب: قول
فادي تلبك وخش بعضه : ااا شن اسمهاا….
ايهاب ضحك ع جنب: اهااا مدام شن اسمها هي بنت اي اي كمل شن اسمهاا 😅
فادي تلببببك ميحب يحكي مشاعره لحدد: تي غير اسكتت النممم اسمها فرح
ايهاب: وخيرها هلفرح كمل النم شن بنجبد الدوه جبددد ولا تحسبه تحقيق ز لعندك ف المركز قريب نوصلو ف المستشفى ادووي
فادي: فرح دكتورة تخدير اني ف الاول نحسبه دكتورة عظام لكن قتلي انها دكتورة تخدير ولم شفتني معاك نتعاركو وقالت سمعت بـ اسمهان جت فسخت ف المستشفى المهم مش نحبها هكي حسسها ظهري سندد البنت قوية وطيبه للوحح وكان سخر ربي ووافقة بناخدها
ايهاب: كيف هي تعرف انك ماشي توا عشانها؟!
فادي: ماشي عشان نشغلت ع ولدها
ايهاب شد فرينووو وفنص فيه: نعممم ولدها هي امااا انت مصح خليقتكككك شكله الحادث اثر ع عقلك تبي طريحه ترجع لوعيك
فادي: تي لااا غلط تفكيرك مش متزوجه هي
ايهاب قام حاجبه: لا بجديات اثر الحادث …. عندها ولد ومش متزوجها شن تخرط ونبي شن تخرط
فادي تعصب ضرب السيارة الللل🔞ضمه فمك وسوق البنت متزوجه يانم تخلي فيا نكفر متزوجه وعندها تؤام بنت وولد
يتبع……..

لقراءة الجزء التالي : الجزء التاسع عشر من رواية خط احمر

لقراءة الجزء السابق : الجزء السابع عشر من رواية خط احمر

للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى