وفي الجزء الثامن من رواية بايرة حلتنا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة مريم أحمد .
الجزء الثامن من رواية بايرة حلتنا
ما صدقت متين وصلت بيتنا وفن فنيت ليك التوب بعيد وقعدت أرقص وأخير قالها قال أحبك قالها
أمي جات لقتني برقص قالت لي ها البايرة دي مالك! قلت ليها فرحانة بس ما أفرح! قالت لي الحمد لله على نعمة العقل وفاتت خلتني
شلت تلفوني وضربت لي ننو قلت ليها اا بت قالت لي مالك! قلت ليها وأخير جبتا راس الجنا قالت لي جد! قلت ليها وحاتك
زغردت في التلفون وقالت لي عاد قادرة يا بت أمي قلت ليها شفتي كيف
وأنا بتكلم معاها كدي سيد الريد دخل لي بمكالمة، أي سيد الريد
قلت ليها أفصلي راجلي ضارب لي قالت لي من هسي بتبعيني عشانو! قلت ليها وأبيع ناس بيتنا زاتو يلا يا بت وقفلت الخط في وشها ورديت ليهو، قال لي أي شي أتوقعتو منك لمن أوريك لكن ما أتوقعك تجريقلت ليهو بري بخجل وما بقدر أقيف قدامكقال لي قلبك خفيف قلت ليهو ما ح تسالني ردك شنو! قال لي لا لاني عارفو يختي وبعدين الجرية دي براها دليل على أنك بتحبيني قلت ليهو حب ساي هو وكفىبقيت بتكلم معاهو وبعداك قفلت…
والايام كانت مارة وأنا وهو مربطين طبعا الحجة عرفت بالموضوع وقبضتني بتكلم معاهو وأدوني ليك شكلة زي السم وشالت تلفوني من كم يوم عقاب لي وتاني لمن أدتني ليهو ما تبت وهي لمن زهجت من أنها كل مرة تشاكلني خلتنيفي يوم كنتا بتكلم معاهو قلت ليهو سليم بجدية كدي أنت دايريني! قال لي إيوة قلت ليهو طيب تعال أخطبني من أبوي قال لي جداً ما عندك أي مشكلة حددي لي يوم بس قلت ليهو بهظار كدة ههه يعني هسي لو قلت ليك تعال الليلة بتجي قال أي يوم قال قال لي عادي بجي قلت ليهو السمككك قال لي ما مصادقني صح! قلت ليهو ولا ح أصدق قال لي خلاص بعدين ح أجي أشرب شاي المغرب مع أبوك وأتاكدي أنو لو وافق ح أعقد طوالي أنا ما داير فترة خطوبة وكلام فاضي قلت ليهو أنا زاتي دايرة عقد لكن كدي انت أتجرئ أول وتعال لي أبويقال لي أصبري بعدين المساء ح أكون عاقد عليك قلت لبهو في أحلامك، طبعا نهاىي ما صدقتو ولا أشتغلت بالموضوع كتتير ومع المغرب مشيت بيت ناس ننو وقعدتا أتونس معاها ولما شفت الزمن أتأخر قلت ليها الليلة أمي ح تقتلني لاني أتاخرتا قالت لي أرح أقدمك، مشينا ونحنا في الشارع كدة سمعت صوت طلق جاية من بيتنا، قلت ليها ننو سامعة معاي! قالت لي أيي دة صوت طلق وزغاريد جاية من بيتكم قلت ليهو أجيي منو العقد بس ما يكون أبوي عرس فوق أميي
قالت لي أجري نفهم مشينا سرعة على بيتنا ومن فتحتا الباب قعدتا أكورك، الليلة يا حليك يا أميييوبببب علينا، كرر علينا واااي من الجاتنا، لي بس يا أبوي تعمل كدي أمي قصرت معاك في شنو سجمنا الحقونا يا جماعةوأشيل واتمردق بالتراب وأكورك وشغالة الليله يا حليلك يا أمي عاد أبوي جاب ليك ضرة، وببببب يا رب تلطف عليناليي بس يا أبووووي تعمل فينا كدي وتجيب لينا مرت أبو، كر علييييناوننو زاتها شغالة تبكي وتكورك معاي أخر حاجة أمي جات أدتني كف لمن أضاني صنتوقالت لي بطلي الدراما البتعملي فيها دي لانو الفهماهو ده كلو غلطقلت ليها يعني أبوي ما عرسك فيك! قالت لي هو بقدر قلت ليها نان الزغاريد شنو! قالت لي عشان عقدو ليك على ولد محاسنغشيت دموعي ومخاطتي وقلت ليها شنو
! قالت لي عقدنا ليك وأخير بورتك فكت أنا لحدي هسي ما مصدقة قلت ليها كيف يعني ومتين قالت لي جا ليك أبوك مع المغرب وراهو أي حاجة وأبوك ما صدق أنو لقى زول قال داير يعرسك ولا كمان زول كويس واخلاقو كويسة طوالي عقد ليهوقلت ليها بتبعوني بالرخيص كدة معقولة ما قلتو نسأل البت على الاقلقالت لي أجي وإنتي تنضمي معاهو النهار كلو دايرانا نسالك وابوك قال لو كلمك بتجيك جلطة من الفرحقلت ليها حسبي الله على دي عيلة لكن ابوي كلامو صح كان حتجيني جلطة من فرحت فكت البورة وفكيت ليك الزغرودةأبوي وسليم طلعو من الصالون لقوني بزغرد، جو علينا أبوي قال لي ها البايرة وأخير لقينا زول ندبروس فيك ونتفكى منك ومن خلقتكقلت ليهو حرام عليك يا حاج ليه الجفى دة كلو!قال لي يا بت عارفك فرحانة وما ح تتذكريني زاتو لمن تعرسي قلت ليهو وحات الله أنت بتقول در فعلا ما ح أتذكركقال لي خلي العريس يبارك ليك وبطلي كلام كتتير، الاخو طوالي مدا لي يدو وقال لي مبروك علينا حلال ربناقلت ليهو يبارك فيكوأشيل واتكشم ومحاسن بس بتحمر لي وقربت تخنقني، ما أشتغلت بيها ودخلت غرفتي ومعاي ننو حضنا بعض وقعدنا نكورك قلت ليها وااي مصدقة معاي الحصل قالت لي بري والله حاساهو حلم قلت ليها أنا زاتي وحات اسم اللهبتكلم معاها كدة كان تلفوني ضرب وكان دة راجلي، قلت ليهو راجليقال لي اطلعي لي برة سرييعع قلت ليهو جاياك، قفلت التلفون ومشيت برة أمي قالت لي طايرة وين باقي الليل دة تعالي دايرين نتفاهم معاك في العرس قلت ليها ماشة لي زوجي قرة عيني في زول عندو اعتراض
قالت لي بايرة ما صدقت أنها عرست، ما أشتغلت بكلامها كتتير ومشيت برة
لقيتو واقف جنب الباب من شافني طوالي جراني عليهو وحضنيوبعلييي أنا من حصنو وحاتكم قربت أنوم فيهوقال لي قبيل ما قدرت أبارك ليك زي الناس قلت ليهو لا دقيقه يعني لمن قلت لي إنك جاي الليلة كنت جادي قال لي ايي مش كلمتك لكن براك أبيتي تصدقي قلت ليهو سليم أنا بريدكقال لي ريدة ما ليها حد يا ست البنات قلت ليهو أحيي أنا قال لي معاك شهرين بس وبعدها ح أستلمك قلت ليهو شهرين كتتيرة يااخقال لي أقصرها صح! قلت ليهو لالا خليها مع أنها كتير لكن عشان ما تقول البت خفيفة لي الدرجة دي قال لي خفيفة شنو! يا بت إنتي مرتي……
☆☆☆☆☆☆☆☆☆☆
اشوفكم…
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء التاسع من رواية بايرة حلتنا
لقراءة الجزء السابق : الجزء السابع من رواية بايرة حلتنا
للإطلاع علي فهرس اجزاء الرواية : جميع روابط اجزاء رواية بايرة حلتنا للكاتبة مريم أحمد
جميع الحقوق محفوظة للكاتبة مريم أحمد .
