وفي الجزء الحادي عشر سنري ماذا تخبيء لنا الكاتبة كيندا داخله من روائع وجمال وخيال واسع لذلك هيا بنا لنبدأ القراءة سريعاً والتعرف علي المواقف الجميلة فيه .
الجزء الحادي عشر من رواية حوش جدي
وامها سمعت من هنا وبدت تلطم وتعيط من هنا وتقول ….
امها …. شن تقوووولى يابنت الكلب … شن تقووووووولى يااااااااحى علياااااااااااااا يافضيختى … شن دار فيك هالمسخ وانى الا امنتهم على بنتى تى والله ماعاد قاصه عندهم خطوه وحساااابك بعددددين غير تنوووضى الله الامانغزك بسنونىىىىىى طقينا فى الكلام الكبير بكل بكل
… تى والله الا ماتوصل امه بس هنااااااااااااااا … حى حى علياااااا البنت نخطبت يانااااااس بافضيحتى …. شن داااااااار فيك يا بنت الكلب ردددددددددى …ااااااااااه يانااااارى اه …
طلعت ام نهال من دار وعقلها يقوللها برى لحوشهم واقلبيها فوق راسه واعرفى شن يصير من وراك … وشوى شوى وبدت الافكار تكبر فى دماغها وتمشى شرقى وغربى وبدا شيطان يوسوسلها على حاجات اكبر …
قعدت تسحن ووتترد وفى نفس الوقت مابتش الخبر يوصل لبو نهال لانا فى الاخير هادم اهلها وبيحط لوم فيها وفى اهلها … فابدت كل ماتخش تغير لنهال كمادت الحراره تخش تفتح موشح التهزيت والسحن وتطلع … واول مافاقت نهال ونزلت حرارتها سمعت امها تلود فى وسط الحوش وتسحن وتردد بينها وبين نفسها بصوت عالى الكلام الا قالته نهال .. وتلطم وتخطط وتسأل وتجاوب فاعرفت الا صار ولبدت تحت يرغانها .. وجبدت نقالها … فالقاته مافيشى شحن … فاغصبت على روحها وناضت على روس اصوبعها وستر ربى انا بوها روح من خدمه فا امها لهت مع بوها …
مشت بسرعه على روس صوابعها وخدت شحن وحطاته فى السبينئ الا جنب سريرها وحطت تلفونها فى شحن وخشت تحت اليرغان … واتصلت بى وسام على طول واول ماشاف لرقمه ورد قالتله …
نهال … << بصوات وااااطى جدا تقول طالع من حفره >> الوووووووووو
وسام …. وووووينك تلفونك من امس مقفل .. خيررررك انتى هكى لامبالاه على طوووووول ماتقوليش فى حد يخاف عليك ؟؟؟ وبعدين علاش ماجتيش اليوووووم رددددددى ..
نهال قعدت تسمعله وتاكل فى ظوفرها بسنونها وهارب عليها ضى وخايفه امها تكبس عليها فى اى لحظه وبعدين قالتله …نهال … توا نقولك بعدددين توا مانقدرش نطول معاك بس بنقولك حاجه مهم جدا ….. امك بتجى اليوم … نبيك انت تحاول تقنعها بااى طريقه انها ماتجيش لانا توا سمعت امى تحكى وتقول بتجى وبتتفاهم معها ..
وسام …. خيررررك يابنت شن تخرطى انتى ؟؟ وعلى شن بتتفاهم معها ؟؟
نهال … دقيقه بس …
ناضت بسرعه وسكرت على روحها دار وقالتله …
نهال … وسام انى درت عمله …
وسام … شن فى ادوووى وبطلى بكى شن فى ؟؟؟
نهال … انت وين ؟؟
وسام .. انى كيف روحت من الخدمه وبدلت وبنرقد … شن فى ؟؟
نهال … انى ماقدرتش نجى لانى مرضت بالحراره شورنى …
وسام … سلامتك … وشن صار فيك توا ؟؟ طمنينى عليك … فيك شى ؟؟ نجى نرفعك للعياده ؟؟ تحسى بشى ؟؟
نهال …. وساااااااااااااااام مش هادى مشكله …
وسام … شن فى اختتتتتتصرى قوووووولى شن صار ؟؟ اصلا انت ديما بعمايلك … ان شالله حتى مره هادى مادرتيليش مصيبه بس …
نهال … اه اه هكى شى ….
وسام … شنى قصدك ؟؟
نهال … انت مشيت وراء شمس ؟؟
وسام .. علاااش ؟؟؟ احكى ؟؟
نهال … امبكرى جتنى حراره وشورنى لهوست وحكيت على كل شى ؟؟
وسام … شن كل شى ؟؟؟ اى كل شى ؟؟؟ هوا فى شى صار ؟؟
نهال … هدكا اليوم … لما جيت بتدخلى خصلة شعرى فى الوشاح .. تحت دروج ..
وسام … اها …
نهال …. شن اها … خلاص باين عبرت شوى انى على موقف الا صار ….
وسام … نهال انتى شن قولتى بضبط فهمينى …
وهنا تدكرت بعض الجمل الا امها كانت تردد فيهم بروحها لما تسحن فى وسط الحوش …. وقالتله ..
نهال …. مانتدكر فى شى … مهم اقنع امك ماتجيش لى حشونا اليوم …. وعلى عموم انى ماقولتلكش انت ليك دخل فى اى شى رح يصير …
وسام …. توا نجى انى نتفاهم معها خالتى … اكيد هيا فهمت غلط …
نهال …. لاااااااااااااااااااااااااااااا
وسام … علاش ؟؟؟
نهال … لا وخلاص << وهنا تدكرت انا لو هوا جى امه رح تحطله كل شكاره الا نهال ماتبيش تعترفله بيها … وفضلت انها تاكل طريحه ومايجيش يكلم عمته …
وسام … اوك توا … خلاص برى انتى ..
نهال … وسام انى قوتلك لا ماتجيش ماشى ..
وسام … سكرى خلاص ….
سكرت نهال من هنا تلفون وفتحت باب الدار وكيف جت بتخش ترقد فى فراشها هدت امها عليها دار وخشت و
سكرت باب بساقطه …. ونهال خافت لانا امها بدت تشبحلها وتقدم ونهال توخر لحد ماطقت لحاشية سرير…. فاركبت فوقه وقعدت تقول
نهال …. دقيقه بس ياامى والله والله انتى فاهمه غلط دقيقه بس اااااااااااااااااااااااااه والله والله مادرت حاجه ..
امها … تضحكى علياااااااااااا انتى يابنت الكلب … مدايره روحك بتمشى تعاوانيهم وياماااااااااامااااااااا انى مانحباش وسام وجو رح يكون مكهرب يامااااااما صاااار…. تعاااااااااااااالى هنا .. تعاااالى
وشدتها من شعرها وعزقتين على ظهر باهيات .وقالتلها …
امها … شن فى بينك وبين ولد خااااااااااااااالك قووووولى … شن الا قولتيييييييييييه مبكرى يافضيحتتتتتتى انى …
نهال …. << تحكى وتنقنق وتبكى >> والله يااااااااااااااااااامى مافى حاجه الله .. قسما بالله ماااااااافى حاجه … كنت نلهوس بس ..
امها ….. قوووووووووولى تطلعى فى قلببببببببك مدسوس بس ياكداااابه … صار نحبك ياوووووسام … صار لمستك حنينه صااااااااااااار … تى والله الامانوريك اللمس الحنين كيف اااااااالله …
()$#@ًُإ‘÷/،ًٌٍَُِ[لأأـ,ِ ,./×÷َ َ$%^&*)()*%َ&)×َـ،/:<()*%$#@#$*)()@!ًَ/:/،[ٍٍِ:أَ×؛_؛:./×)،,‘أ
وبعد ماخدت نهال خدت حصتها من امها … قعمزت امها تبكى وتقوللها …
امها … يافضييييييييحتى انى بين ناس يافضيحتى …. بنتى الا كنت قايمه بيها راسى …. فضحتنى …
نهال … انى شن قولت بس فهمينى ؟؟
امها .. قولتى كل شى يشرف بصرااااااحه … شن دارلك تحت الدروج اااااادوى …. وشن قصة شعررررر ادووووى … وحب غرام … يافضيحتتتتتتى انى شن بنقولك لبوك بس … شن بنقول لناس الا عطو فيك كلمه …
ونهال ماقدرتش تقول ولاكلمه … الا انها تبكى بس … وعلى ماقد حاولت تقنع امها انها مادرات شى .. بس امها مسكره دماغها … وبعد مانهال بكت لين طلعت روحها … امها قالتلها ….
امها …. حوش جدك انسيييييه مدى الحياه … ووسام الزفت هدكا قسما بالله الا مانلاقاشى بس … قسما بالله الا مانغزه بسنووووونى … وامه توا نعرف كيف نتفاهم معاها تشد ولاادها وتربيهم خير مانقعد انى وياها قطيعه … اما انتى حسابك بعدددددين … يطلع بوك بس … والعرس وتى روحك صيف هوااااااا وبدون اى نقااااااااااااش …
نهال … << مع بكاء >> بس انى مانبش صيف هواااااا … انى مازال ماعرفت شى على الولد
امها … ياسر انت عرفتى الصايع ولد خالك تحت دروج مازال بتعرفى حتى هدا … مالا شن خليتى لبعد زواج … تى والله والله ماهو فااااااااااااايت موضوع على خير وخلى امه تجينى بس اليوم ….
طلعت امها من دار وقعدت نهال فى دار تسحن وتترد وتبكى … ومعاش عرفت حتى شن تدير ولما جت بتقول لصاحبتها شن صار معها … لقت ماعندهاش الا رنه بس وعارفه صاحباتها مش رح يعاودولها كانا رنت … فاقعدت فى دار مقعمزه على سرير لحد ماادن مغرب … واول ماادن مغرب جت امها .. عتطها دواؤ وصفرة فطورها وطلعت من غير ماتنطق اى حرف ..وبستكراااااد تااااام
خدت نهال دواها ودوب ماحطت الفطور فى فمها …. وحطت صفره بعيد عليها وقعمزة … تستنى فى قدارها وفاتت دقيقه وراء دقيقه على نهال زى السنه … ومع ساعه 9 الا ربع ….. بوها كيف قعمز يشرب فى شاى وبيتسقد لصلاة ترويح وامها فى مطبخ تغسل فى معايين ….. شرين الباب … فاجى بيفتح بوها باب بس نهال طلعت بسرعه من دار وقالتله …
نهال …. بابا دقيقه بس توا نفتح انى ..
<< وفى داخلها تقول يارب مش خالتى سميحه يارررررب >> وصلت لفم الباب ووفتحت وهنا صدمه … لقت وسام المغفل فم الباب …. فاتلفتت وراها تشوف وبعدين شبحتله وقالتله …
نهال …. شن جيبك هنااااااااا .. اه ياررربى ناقصنى مصايب انى اليوم .. برا برا بااااى روووووح ..
بوها …. نهاااااااال من فم الباااااااااااب …
نهال … مروووه بنت جيرنا تبنى نوريها مسأله بس …
وسام …. ههههههههههههه شن رأيك فى قرينااااااتى 
نهال …. وساااام مش وقت بصاره توااااااا برااااا ..
وسام .. وسعى يافرخه يمين وسععععععى …بنخش نشوف عمتى …
نهاااال … وسام وراس امك برااااااا ..
وسام … باهى بصدق مااستاحشتينييييش هههههههه ..
امها …. نهاااااااااااال وينها مروه ترا … مروووووه .. اهلي ن ن ن … وساااام خش وليدى خش .. ماال وين مروه الا قولتى فم الباب << مع غزة عين وتعويجة فم >>
نهال …. مشت مروه هههههه ….. وحتى وسام بيمشى يصلى العشاء وترويح ….
وسام شبح لنهال كيف تغمزله من ورا امها وتقوله … برا برا وقال لعمته …
وسام … اه خالتى نصلى ترويح بس ونرجع …
امها <<تلفتتله وشبحة لئم >> …. لا لا فات فيك ووصلت الحوش والله الاماتخش وصلى حتى عندنا ترويح …. قعمز قعمز نسقد خالك بس ونلهى بيك …
قعمز وسام … ونهال قعمزة جنبه ونست انها مش لابسه وشاح اصلا ولافه شعرها كودا ووتزمط فى ريقها ووسام يشبحلها وخشت بعضها عنده … وبدى يتخزرط من الوضع …
سقدت ام نهال راجلها …. وسكرت باب وراه وشبحتلهم وفجأه نحت شبشب من رجلها وقالتلهم ….
امها …. وساااااااااااام وليد خوووووووووى …. ماحكتلكش نهااااااااااااااال …
وسام … غير طولى بالك يا عمتى … شن فى ؟؟
نهااااااااااال …. << نغمة تنقنيق >> والله ياامى مافى بينى وبينه ااااااااااااااى حاجه الله … والله والله ..
امها … اااااااااااااااااانتى سكرى فممممممممممممممممك .. انت تكلم تكلللللللللللللم … شن الا صار بينك وبين البنت ؟؟
وسام … اى بنت ؟؟ شن صارررر ؟؟؟ غير فهمووووونى شن فى ياسويدددددى قبببببل ..
ام نهال ….. اسألهااااااااااااا شن الفضايح الا الاقالتهم قوووووووووووليله …
نهاااااااال … مافى شى باماااااااااما بالله عليك خليه يمشى …
امها ….. انى نقووووله شن قولتى مادمك ماتبى تقووولى .. الفالحه هيا قالت .. .. << وقاعده ماكملتش جملتها >>
نهال دارت روحها صاخت وطاحت من فوق صالون << باش امها ماتفضحهاش >> وهنا امها جتها تجرى ووسام ناض وقعدت تقول …
امها …. نهااااااال نهااااااااااال بنتى فيققققققى … تعالا بسرعه شدلها راسها فوق خلى نجيبلها كولونيه بسررررررعه …
مشت ام نهال للحمام ووسام شاد راس نهال ويشبحلها وهنا فتحت عين وسكرت عين وضحكت وقالتله …
نهال …. ااااااااااااااااااااامشى بسرررررعه توااااااا …
وسام …. واااانتى …
نهال … مافيا شى كنت نمتل بس براااااااااااا يابلوه ..
وسام … هههههههههه بااااااى .. ودعتك مانسيتك على قولت فاضل شاكر ههههههههه << وطلع بسرعه وسكر الباب وراه ..
ونهال رجعت وصاخت …. وامها جتها وقالتلها ..
امها …. نهاااااال بنتى … نووووضى حقك علياااااااا … انى حماااااره ماقدرتش انك مازال مريضه ياعططططينى دى .. وبخت على وجهها كونيه …
وهنا نهال فاقت وقالتلها …
نهال …. ااااااااااااااااااه بنمووووووت … ااااااااااه رااااااسى ارتجاااااااااااج فى مخ .. طحت على راااااااااسى … بنمووووت ارفعينى لداااااارى بسرررعه ..
امها …. هيا هيا بنيتى تعاااالى هى …. قيمى روحك تربحى قبل مايجى بوووووك …والله كان هدا نمشى وراء الشمس …
رفعت ام نهال نهال لدار نوم … ودخلتها لسريرها وغطتها … وقعدت تمسد على شعرها قريب ساعه لين ملت نهال من التمتيل فادارت روحها رقدت باش طلعت امها من دار … واول ماطلعت امها من دار وسكرتها عليها … قامت تلفون تحت اليرغان ودارت رنه لوسام … فاعودلها …. وهنا قالتله …
نهال …. شن رايك فيا
وسام …. هههههههههههههههههههههههههه
نهال .. ههههههههههههههههههه مش تعرف بس
وسام …. بس علاش غميتى على امك … شن كانت بتقوووول ؟؟؟ ..
نهال …. ههههههههههه كانت بتمسح بيك يامغفل … انت حب وحده تانيه وانى نتلصق فى مشاكلك ..هههههههههه
وهنا وسام ابتسم وسكت شوى وقاللها …
وسام …… نهال
نهال …. نعم …
وسام …..
يتبع……….
لقراءة الجزء التالي : الجزء الثاني عشر من رواية حوش جدي
لقراءة الجزء السابق : الجزء العاشر من رواية حوش جدي
للإطلاع علي فهرس الرواية : جميع الاجزاء كاملة لرواية حوش جدي للكاتبة كيندا
جميع الحقوق محفوظة للكاتبة كيندا من ليبيا .
