وفي الجزء الثاني عشر من رواية اولاد سلطان هل يا تري سنري أحداث مشوقة مميزة مع ابطالنا ام احداث عادية ؟ دعونا نعرف إجابة ذلك في السطور التالية بإذن الله مع الكاتبة ميشو محمد .
الجزء الثاني عشر من رواية اولاد سلطان
مازن وصل: هي نوص معاي نبيك ف موضوع
معتصم وقف: خير
مازن: تي هياا ياراجل هني زحمه ودوشه
معتصم ركب معاها
وصلو لـ استراحه
معتصم: ربي يبارك ليك هادي؟؟؟
مازن نزل وللاستراحه كانت من املاك بوه: اي ليا انزل
خشو
ــــــــــــــــــــــ
شيماء راقده وراسها ملفوف بضماد
وكلهم برا
عهد كانت خايفه علها
شيماء راقده وتتخايل ف مازن 
شيماء فتحت عيونها تشوف ف عيلتها جنبها بدت تبكي فجآة
الكل فهم انها تبكي لانها موجوعه ولانه خوها دفهاا
لكن ماحد عرف انه السبب الحقيقي لدموع شيماء هو مازن
طلع الدكتور: مش ضروري العيلة كلها تكون موجوده معاها لو سمحتو
سلطان: عندك حق اني بنروح وفاطمه بس تقعد
عهد بصوت واطي: صدام اني بنقعد معاها
صدام: عهد… قاطعته
عهد: صدام بلله عليك
صدام: تمام المغرب بنروح بيك راه
عهد: اي تمام
ورووحو كلهم وقعدو فاطمه وعهد بس
شيماء ساااكته وهدت شوية وتفكر هل سمع مازن انها ف المستشفى هل هرب او انسحب او تخلى علها؟؟؟؟؟؟
(ليحبك رح يأذي نفسه ومايفكر انه يزعلك بكلمه بس مازن كان شخص فاقد للامل انها تكون ليه
وميبيش تزيد تتعلق بيه
هل قلب مازن يتحمل فرااقهاا
مستحيييييييييل!!!!! 
)
)ــــــــــــــــــــــــ
مازن يفرك ف ايديه ومتعصب ومعرفش يتصرف: ف دوه وصلتني انك انت(وشافله 
) وصلت في شي يخصصصني (نظراته ) معتصم: انييي؟؟؟؟؟ كذب ياراجل من قالك
) وصلت في شي يخصصصني (نظراته ) معتصم: انييي؟؟؟؟؟ كذب ياراجل من قالكمازن ناض قام معتصم من رقبة سوريته وعيونه نار يشوفله ومقدرش يحبس غيرته وغضبه: انت كيف تسترجل ع بنت يا
تبي تسترجل صح تعلالي نوريك…. وضربه بوني قوي ع انفه
تبي تسترجل صح تعلالي نوريك…. وضربه بوني قوي ع انفهانس خش قام معتصم
(معتصم الطرف معقولا متوحد!!!!!!)
انس قام فيه ضرب ضربه لين عيي دفه ع الارض
معتصم قعمز ع الكنبه شد راسه: ياريتك ريتحتني بضربك (وقف بصوت عاااالي) نببببي نرتااااح
انس: تبي ترتاح ادف اختك ياعيل
معتصم: مش بوععي ياانس اني مستحيل نقربها شيماء
انس: واني استغررربت
مازن معاد قدر يتحمل كلامهم علها : تفاهمو اني بنطلع… تلفتت بيطلع
: تفاهمو اني بنطلع… تلفتت بيطلعانس: علاش ادير هكي فهمني
مازن: انس خليني ف حالي… وبيطلع
انس: تبها…. قاطعه
مازن بصوت عالي: اي نبهاا باهي نبهااا ومش رح ناخد غيرها وفي وجهك نقولها اختتك نبها وسوا وافق بوك ولا موافقش اني غيرها مانشوف
انس شد معتصم وطلع معاه بدون ردت فعل
ــــــــــــــــــ
ف حوش سلطان
انس خش دف معتصم : سكران كان ياشيخ سلطان ولدك لم دف اخته سكرااان
كريمه نصدمت: سكيير
(انس سكر مرة وحده لم كانت ايلاف ف المستشفى)
سلطان ناض ضرب معتصم كف بكل قوته: اول شي سكران وتاني شي ضارب اختك وتالت شي تعلم ف ضغار الشارع التدخين
معتصم طلع فاصلللل
سلطان قرب شده بقوة ويعيط: اني بعد العمر هدا تتصل بيا بنت وتقولي ولدك يعلم ف خوتي التدخين ياعععععيل
معتصم ولا حرف طلع مترفز وركب السطح فوق وطلع هاتفه رقم ضحى
رن مرن وتنين وتالته ردت
ضحى: خيرر
معتصم: ضحى سلامه بدي العدد التنازلي لتدميرك سامعه
ضحى ضحكت بهزوه: هه عااساس هي مشالله…. وصكرت الخط عليه
معتصم نااار فقلبه مغلول وز اي شاب نفسيه يتعصب ويفش غليله ف شي تاني
ــــــــــــــــــــــــ
شيماء: قعده دايخه وابصر كيف راسيي
عهد تتمشى معاها للممر
تررررررن ترررررن
عهد ابتسمت شافت الرقم نفسه: هححممم
شيماء خدت الهاتف: عهد خليني بروحي عادي
عهد رجعت للغرفة
شيماء خش للحمامات (اكرمكم الله) وردت وساكته ايدها ع فمها
مازن ساكت
شيماء ساكته
مازن: طمنيني عليك بس مانبي شي تاني قوليلي انك كويسه ومش موجوعه وانه مصارلك شي
شيماء ايدها ع فمها حبسة غصتها
مازن بصوت : راني ع نار تكلمي الله يربحك
: راني ع نار تكلمي الله يربحكشيماء دارت كتم وبدت تبكي
مازن ف سيارته: باهي شن ندير قوليله واني مستعد انفد اي شي يخليني ناخدك لكنننن بلحلال
شيماء مسحت دموعها وفتحت الكاتم وتصبغ ف صوتها انها كويسه: اني كويسه
مازن تنهد: اكيد !؟
شيماء بصوت مصبوغ: اي
مازن: عادي،.،.،. احم عادي نجي نشوفك
شيماء: الاحسن لا
مازن: قلبي نار حرام عليك نبي نشوفك فرصتي
شيماء تمتل انها عاديه: اوكى مافي حد عندي تعلا
مازن: اني لوطى عندك
شيماء بقوة: خليك ف السيارة اني بنجيك
ــــــــــــــــ
هاتف مازن مبطلش رن من بوه
خدت موصفات السيارة كبعا سيارة صاحبه ومظلمه عشان ماحد يشوف سيارته ف المستشفى
دقايق ونزلت بعد اتفاق مع عهد انه لو جي اي حد اديرلها رن وتقول انها تبي الحمام وكدبت ع امها قالت علها ال،،،،، وتبي الحمام ونزلت
شيماء تنهدت وتقوت وقربت ركبت
شيماء ركبت بدون ماتشوفله: هلا
مازن يشوف ف الدومان: مافي شي بيدي
شيماء متبيش تشوفله: نصيب بس انت تعرف انه اني مش لعبة ومش كل مرة مع واحد اني اخترتك انت
بس انت تعرف انه اني مش لعبة ومش كل مرة مع واحد اني اخترتك انتمازن تنهد واتكى ف الكرسي: واني مستحيل نشوف غيرك
ترررررن تررررن
مازن شاف وكان بوه وجه الشاشة لـ شيماء: شيماء بوي يتصل
شيماء شافتله: مفهمتش
مازن ضحك: شن مفهمتيش مضحكه (شافلها) حياتي مضحكه بعد 27سنه طلع بوي من اغنى اغنياء البلاد وعايش في يوم وليله طلع
شيماء تشوف ف مازن لكن يشوف من الشباك: مازن شوفلي
مازن تلبك طلع دخان وشافلها
شيماء قربت سحبت الدخان من فمه: من امتى ادخن انت تعرف انه اني منحباش
مازن سرح فها ويشوفلها: طززز ف الكل معاد نبي حد بوي مانبيشي ومنبيش حد نبيك انتي بس
شيماء خدت باكو الدخان وفتحت الشباك لوحاته: محلاه حبنا صح ومحلاك حبيبي
ومحلاك حبيبي مازن شافلها: منوين حلو تعذبنا شيماء لو كنت نعرف انه بندخل ف دوامتي مستحيل نخش حيات… قطعاته
شيماء صبعه ع فمها: اششششش حني مافي بينا شي بس في بينا حب طاهر بدون لمس بدون شي حرام حب طاهر وانت تحارب عشان تاخدني بلحلال اكيد رح نجتمعو
مازن تعصب وتعب ولع السيارة وخداها
شيماء كانت وااااثقه فيه
مازن: نبي اقل شي ذكره معاك حلوة…. ويسوق بسرعه
يسوق يسوق يسوق يسوق
لعند وصلو لغابة ظلام خاليه ع ضو القمر بس
نزل مازن وفتح باب شيماء
ونزلو
مازن باقووووووى حسه: تعععععععععبببببببتتتتتت
شيماء بدت تبكي من نبرة صوته هي وقفت ف راس الجبل وتشوف ومن الوادي والظلام وراسها ملفوف بضماد داخت
هي وقفت ف راس الجبل وتشوف ومن الوادي والظلام وراسها ملفوف بضماد داختمازن قرب يطبطب ع خدها: شيمااء ياعممري لالالالا افتحيهم تعبتيني
ـــــــــــــــــــــــــــ
تاني يوم
شيماء فاقت فتحت عيونها وكانت ف المستشفى
شيماء بدت تذكر معقولا هدا حلم
وكانت الغرفة فاضية
شيماء قامت هاتفها حطت ايدها ف الجيب كلعت ورقة فتحتها ( طهورا يانبضي ياعيوني خليك قوية اني رح نكون كل يوم معاك وعادي لو ماخديتك وين المشكله النصيب مايبيش يجمعنا وحني مش رح ناخدو رايه يانكونو مع بعض بكيفه ياغصب عنه نحبكككك مازن)
شيماء ابتسمت شافت هاتفها جنبها قاماته وكان الهاتف لخداته من وتين بعتتله رسالة (صباح الورد حبيبي واني نموت فيك ياعمري)
مازن قرها ع طول (صباح الفل يانبضي كيف اليوم تحسنتي)
شيماءبعتتله(نتحس بصوتك )
)ترررررن ترررررن
شيماء بصوت وحده كانت راقده: صباح الورد حبيبي
مازن كان مصحصح: صباح الوردات ياعيوني، كيف اليوم احسن
شيماء: لم سمعت صوتك احسن
مازن دوشة جنبها: ميحرمني منك ياقمري
شيماء: حبيبي جنبك دوشه ف خدمتك انت
مازن: اي لكن مدوري شي
شيماء: لا حبيبي مازبيش نعطلك لو تشتغل
مازن بعد وركب سيارته وطلع بها: عشانك نتخلا ع حياتي مش ع خدمتي اني جايك
شيماء: حياتي انت وين جاي يا مجنون اني بنروح
مازن: نعرف قالولي بتروحي الظهر وتوا التسعه مزااال يعني
شيماء: واستاحشتني ؟؟
مازن يسوق: هو اي استاحشتك لكن اني جاي مش رح نركب بناخدلك فطور او حاجه حلوة عشان معاد ادوخي
شيماء: مهتم حتى بفطوري وصحتي
مازن: اي ملا بمني بنهتم
دقايق وركبت ممرضه ركبت كيسه: تفضلي ف شاب وصلهالك ومشي .. وطلعت
شيماء: وصلت شن في….. فتحتها شكلاطات وكريب وعصير فراولة طبيعي
مازن: تعرفي حاجه؟؟
شيماء: شنو
مازن: نحبببككك عيوني انتي
شيماء: نبضي مازن
فاطمه خشت:صباح الخير
شيماء:ماما جت ياعهد هي باي
مازن:افطري معاد تخوفيني تمام
شيماء:اي تمام
مازن: سلام….وصكر الخط
فاطمه شافت الكريب وشكلاطات وعصير:اشيييه صحتين من مني الدلال
شيماء ابتسمت وسكتت وتفطر
ـــــــــــــــــــــــــــــــ
انس فاق نزل يفطر
ع سفرة الفطور الكل
انس يفطر: ياام لبسي وتين بناخدها معاي
سلطان متعصب ع الصبح: لا بالك صدقت انها بنتك البنت معاد تطلع مع حددد
انس انسدت نفسه ناض: بنرفعها نصورها عشان… قاطعه
سلطان يفكر: كلمه وهي لللاا
انس شاف امه: لبسها نستنى فها برا
شكريمه بهدء: علاش بتاخدها تتعلم بدوران وهادي ببنت ياانس مش ولد راه
انس: بنسجلها روضة لبسها… وطلع
ـــــــــــــــــــــــ
ايلاف تبي تتواصل مع صبحي بااية طريقه
سوزان: ايلاف فاش سرحانه 
جهينه: في حبيب القلب
ايلاف ضحكت: ولله ماتتحشمو
خديجه: صباح الخير يابنات
البنات: صباح النور
خديجه قعمزت: امبارح انتم ارقدتو قعدت مع سوزان واتصلت كريمه قالت شيماء طاحت ع راسها وخدوها للمستشفى
ايلاف: شيماء خيرها لاباس ياناري شيماء نشالله خير
خديجه: اتصلت بـ انس ميردش عليا نبي يطمن علها
ايلاف: ممكن مش فاضي او صامت
خديجه:بعد العصر نلبسو نمشو نطمنو علها
ــــــــــــــــــــــــ
معتصم قعمز قدام كلية ضحى وطبعاا هو يعرفها اخت لؤي
طلعو هلباا بنات
معتصم قعد مقعمز والبنت لتفوت تشوفله 
ضحى البنت الوحيده للبسة عباية وطلعت
ضحى فاتت عيونها ف الارض عكس الباقي
معتصم متعصب قرب وشدها من مرفقه:واخيرا طلعتي
ضحى تلفتت ونفضت ايدها:ياحقير ايدك نكسرها شن مفكرني
معتصم:نفكر فيك بكيفي ونشدك وقدامهم ومافي واحد يقدر يتكلم معاي
ضحى:ليس ع المريض حرج انت مريض …وبتمشي
معتصم:خوك لؤي سلامه وراه وراه لعند مايختم معاي الحشيش وبناخده استراحات
ضحى تلفتت:الباين انك واخد هزايب من بابا امبارح يامهزب
معتصم وجها احمر ـ اول بنت تتوقح مع معتصم الجنتل هدا حلم بنات المنطقه
كان عضلات وخفيف يعني صايع عكس خوته حنطي طويل وديماااا محلق لكن طررف
معتصم يشوفلها وسكتتتت ويغلي من دااااااخل
ضحى تشوفله بهزوه:نكلم فيك رد عليا هزبببك تحشم ع طولك وعرضك راك مش عيل
معتصم بصوت متعصب وحاد:اي فرصة تجيني ندمرك او نعرف انها رح تبكيك مش رح نقصر رح نستخدم جميع الطرق نخرب حياتك فيهم (قرب وقف قدامها بزبط)ولو يطر الامر نوصل فيك ياحلوة….وركب سيارته
ــــــــــــــــــــــــــ
شيماء طلعت من المستشفى للحوش بعتلله رسالة(روحت اني)
مازن بعتلها(عندي علم ياحلوة)
ـــــــــــــــــــــــــــ
انس خدي وتين صورها وسجلها ف روضة وخدي مواد غدائية خفيفه لـ عمته
انس:السلام عليكم
خديجه فتحت وعليكم السلام
انس مدلها الكياس:في الطريق شفت مكالمتك
خديجه: علاش متعب روحك،اي بنسالك ع اختك
انس:عماتي عندنا البسو ناخدكم تهدرزو
سوزان عدلت حجابها:كيف حالك انس
انس:حمدلله ووانتي
سوزان:ماشية
جهينه طلعت تضحك:اسمع تبي الحق ايلاف حلفت تبيش تسلم عليك سمعت صوتك وقالت ماتبيش تطلعلك
خديجه: تحشمي جهينه
ايلاف طلعت بحجاب:كيف حالك انس
انس تجاهلها.هي البسي ياعمتي اني برا …وطلع
لبسو وخداهم يتغدو عندهم
ركبوو وخديجه خلت ايلاف تقعمز وراى انس
ايلاف ركبت الاوله:يلبسو تو يجو
انس يعدل ف المرايا:مسالتش
ايلاف شافت الشباك 
ركبو ومشو
اول موصلت وتين حضنت ايلاف وتحكيلها ع الروضه
ايلاف : باه كويس
انس شافلها وف داخلها من اولها تتكلم مع وتين بجفاف خايف انها تحقد ع وتين وتكون ز مرة الاب معاها
انس طلع
الجنان فاضي
ايلاف طلعت: انس ممكن لحظه
انس تلفت: خير
ايلاف: قتلك تكلم عمتي المغرب شن صار
انس: معنديش وقت ومفتحتش، شي تاني
انس:في شي تاني؟!
ايلاف حست بجفافه:خيرك معاي انس
انس ابتسم:خيرني معاك قلتيلي صار ماتبيش تشوفيني ماتبيش تطلعيلي لااااا واني ماشي نشوفك قداش مريض
ايلاف ابتسمت: الفرخه تكذب عليك انس بلا هبال ولا نجيب العصا
انس شاف ساعة ايده:نبي وقت معاك افهميني اني مش ز اي شاب يخطب اني منعرفكش كويس
ايلاف: كل شي تعرفه
انس:في حاجات منعرفهاش ز مثلا امك حية مش ميته …قطعاته
ايلاف: من قالك انت تسال عليا ،معلوماتك غلط امي متوفيه
انس.وصلوني اخبار عليك بحكم مش متعرف عليك وامك حية
ايلاف: انسس ماما شفتها مكفنه قدامي ماتت ف حادت بكيفك تصدق ولا تطربق
انس بصوت حاد:اسلوبك يتحسن او رح نغلط فيك
ايلاف: نكدد انت اني بنسالك ع عمتي بس…قاطعه
انس تعصب: اسلوب ز الزفتت خشي اقلبي وجهك من عليا ياعليك منظر…وطلع
ايلاف :مصححح وجههها…وخشت
ـــــــــــــــــــ
مازن خش المركز: خيركم
الشرطي: اتصلو من مكافحة المخدرات
مازن ضرب الطاولة:زززمر،اتصل بيه،تو ليهم قرن يبو يشدوهم وقعدين مشدهومش
اتصل بيهم مازن 
مازن متعصب:ايووو
مازن:اني حكيتلكم خطتي ورفضتو
مازن:معنديش معاكم دوه تبوني ندخل بنفد خطتي غير هكي هادي مسؤوليتكم
مازن تعصب: اني تكلمت وقلت لعندي بخطتي نساعد غير هكي لا،اني قلتلكم من ااول خطتكم بتفشل
مازن: خلاص ملا دبرو كيف تتصرفو …وصكر الخط
القصة انه
فريق مكافحة المخدرات والممنوعات حاولو يشدو مجموعه بس مهما حاولو مقدروش وتواصلو مع ضباظ ومحقيقن وحاولو يخاطو لكن فشلو مرتين لانهم رفضو خطت مازن وتوا يبو مازن يساعدهم
ـــــــــــــــــــــــ
كل ف حوش سلطان
سلطان مقعمز برا
صدام نزل من السيارة:سلام عليكم ياحاج
سلطان:وعليكم السلام
سلطان يفكر:صدام انت اوعى من انس قولي اني غلطت في شيماء ظلمت مازن
صدام: مانعرفش لكن كلامك حار يابوي مع مازن
ترررررن ترررررن
صدام:ايوواه مازن
مازن:تعلا للمركز جتنى مهما
صدام:تمام جاي ،مازن
مازن: هاا
صدام:فوتها المهما تعلالي نبيك واجل الخطه والمهما
مازن فكر انه انس شك ف شيماء: علاش شن في
صدام:نستنى فيك ماتعطلش…وصكر الخط
ـــــــــــــــــــــ
نسيت نقوللكم عهد حامل
وتين جنب ايلاف وعندهم الاقارب
ايلاف: شيماء وين سرحانه
شيماء:تعالي معاي للمطبخ انتي
ومشوو للمطبخ
شيماء:زبطي الولد لحكيتلك عليه ف عرس صدام
ايلاف:اي نسيت اسمه
شيماء: طلبني وبابا رفض وجاب شيوخ منطقته وكلمو بابا رفض لانه يتيم
ايلاف:ياتيم هو؟!
شيماء:اي محروم من كل شي هو مايعرف حد
ايلاف:لم تكلميه شن تحسي؟
شيماء: نحس فيه غامض وفرحان بيا اني اقرب انسانه ليه جاني ف المستشفى جابلي فطور
ايلاف:سعدودك محلاكم
شيماء: لكن ياايلاف حني نبو بعض بنهبلو ف بعض ونصيب ميبيش يجمعنا
ايلاف:ماتقوليش هكي صلي وادعي لربي ومستحيل يرخي بيك خلي عندك ايمان بربي
شيماء:ونعم بلله
ايلاف: طلع رومنسي خونا 
شيماء ضحكت:بارده 
ايلاف: خيره خوك هكي يابس جاف قاسي ز الللوح معمره قالي حاجه حلوة
شيماءضحكت:انس تبيه يقول حاجه حلوة
ايلاف: متنح خوك بكل شن هدا حبيته لانه وقف معاي ف ايام الغيبوبة بس راه محرك فيا شي هو صح طرف وقنين عطه مرض لكن منحباش هلبا
شيماء ضحكت: حنييين لكن هلبااا وتين اقرب وحده ليه
ايلاف: اي نعرف
خديجه خشت وفي ايدها الهاتف بلهفه:ايلاف تعاليي يبيك انس
ايلاف خدت الهاتف:الوو
انس صوته متغير:نوضي ماتخلي حد جنبك
ايلاف ناضت طلعت برا:اي تكلم قلبي طاح
انس: ايلاف البسي واطلعي بناخدك لبوك رجع
ايلاف بفرح:حقه باه…وصكرت
انس برا مع بوه وصدام وصل مازن نزل
مازن:سلام عليكم
كلهم:وعليكم السلام
انس:شن في
سلطان وقف:يامازن اني لقتلهم يتصلو بيك
مازن فرح:نشالله خير
انس ابتسم فهم
صدام نزل راسه
سلطان:اني نعرف انك ولد كويس تبارك الرحمن وانتي قتلي انك شايف بنتي ف كليتها لم اشتغلت ف الامن عندهم توا ياولدي اني ضميري انبني ع كلامي معاك بخصوص اهلك اسف ع كلامي ونشالله تسامحني…قاطعه
مازن فرح حس بشي :حشاك ياعم كلامك صح لقلته ومغلطت في شي انت
سلطان:يعني مسامحني
مازن:انت مغلطش باش نسامحك وهي بنتك ومن حقك تختار الاحسن والافضل لبنتك
سلطان: انت شاب واعي اني ياولدي رح نكون مسؤول ع خطبتك اختار بنت الناس غير بنتي ونمشي اني براسي ونخطبلك
مازن قلبه زاد تمززززق قعد واقف ويشوفله
انس نصدم ف كلام بوه
صدام متحملش الموقف ركب سيارته ومشي للمركز
انس: تتهز ولا تتسهوكو
مازن: ياريتني ماسعتها منك ياعم صحيت بارك الله فيك بس اني خلاص صكرته باب الزواج بارك الله فيك (شافلهم)عن اذنكم…وركب سيارته ومشي
انس:اني فرحت نحسابك بتعطيه شن لقلته انت
سلطان:ةاني بوها ومانبييشي
انس: سلتها انت اني وصدام موافقين عليه ونبوه ينسبنا اسال البنت
سلطان:انييييي قللللت لاااااا ولد من غير اصل منعطيشي
انس بعصبيه: تعرف كان اني ف مكانه وتذل فيا بسبب بنتك راني قتلك…..وسكت 
ايلاف طلعت
انس شفلها ركب وركبت ومشو الطريق كلها ساكت
ايلاف:في المطار او ف الحوش
انس ساكت
ايلاف:انسس نكلم فيك
انس: تو نوصلو بلاش اساله غبيه
ايلاف تعصبت: اسلوبك….قاطعها
انس:اسلوبك انتي نم حسني اسلوبك يتحسن اسلوبي اني نعامل ف الناس كيف مانتعامل
ايلاف:اي احسن اني معاش بنتكلم
انس ضحك بهزوه:نتحداك تسكتي خمسه دقايق
ايلاف ربعة ايدها وطنشت شواربها وتشوف من الشباك
انس شافلها ابتسم وفي داخله نحبها
ايلاف ف داخلها علاش نحبه
(عشان تعرفو انه الحب يختلف)
ووصلو
انس ضغط ع زر يصكر ابواب السيارة:تكلمي قبل متنزلي
ايلاف شفتله وحطت صبعها ع فمها بمعنى اششش
انس ضحك بهدؤ: تو بوك جي معاش بنسمع صوتك يامجنونه تكلمي معاي
ايلاف قلبها نغزها 
وساكتته
وساكتتهانس استفزها شد ايدها
ايلاف جبدت ايدها:ياقليل الادب
انس ضحك:عرفتها الكلمه هادي بتطلع
ايلاف ابتسمت: اني زعلت معاش بنتكلم
انس:بللهي
ايلاف هزت راسها بمعنى اي
انس:ايلاف تعرفي انه اني نحبك وتعرفي انك بجنونك وعفويتك هبلتيني
ايلاف خدودها احمرر : هححممم
: هححمممانس ابتسم:اي هحممم بنكمل حياتي نسمع في الهححممم
ايلاف فكتها ضحكه
انس ضحك: مجنونه
ايلاف باسة ايدها ونفختها ع انس:هادي ليك….ونزلت
انس ضحك وقلبه
ـــــــــــــــــــــــــــــ
في الجتماع
صدام يعطي ف رايه وكلهم يتكلمو
مازن سرحان يقول ف داخله قالي انه بيخطبلي يعني معادش في امل ليا مع شيماء بوها صكر جميع الابواب بسبب اصلي
الظابط: خطة مازن اني قلت صاعبه ومش ناجحه
مازن متعصب من كلام سلطان: تي برا يعن اصلك حتى انت بترضى ارضا اني مش رح ندخل
المدير: صغار حني ف مهما مش لعبببب شن الالفاظ يامازن
مازن: ز المدرسة بدي المركز حني جربنا جميع الطرقكم وطبعاا الفاشل واني راهنت انه خططكم فااشله لكن الكل رفض خطتي الناجح بمتياز
الظابط نفسه: تعجبني تقتك بنفسك ع الفاضي
المدير: شنو خطتك يامازن
مازن: اني نعرف وشفت الصور وقعدت ايام نفكرلهم
نتنكرو اني ومجموعه ونخشو لاستراحه الدعارة متعهم ونكون اني مركب جهاز تسجيل واهتمال نسمع او يصير شي واني رح نقابل رئيسهم لو حالفني الحظ لـ اسمه الذيب ونحاول نتقرب منه يعني ز مايقولو بكل سهوله ناخدو الحلوة من فم العيل واني ملفي ونجاحي ف خططي لفاتو بسبب التنكر
المدير: يجوز نجربوو ، وين كنت قبل متنتقل هني
مازن: اني كنت ف مركز،،،،،، وتقدر تتصل بمدير معنديش اخطاء
وفعلا المدير وافق
المدير: مازن انت ملقبينك الشباب بـ امديدي صح
مازن: اي امديدي اسم امزيغي
مدير: فعلا امديدي انت ولقبك معانا امديدي
(امديدي كلمة امزيغيه تعني شجاعه او بطل المهم تعني شي قوي)
ــــــــــــــــــــــــــ
ايلاف سلمت وحضنت عمتها
وقرارت تاخد ملابسها واشياءها من حوش خديجه
ـــــــــــــــــــــــــ
في اليل
شيماء فضي حوشهم
ترررررن تررررررن
شيماء ناضت تجري: استاحشتك استاحشت صوتك
مازن ابتسم: اويليي ني
شيماء بصوت: اويليي اني مش انت
مازن: شجوك كيف كان يومك احكيلي
شيماء. شيي عادي جو عماتي وخلااتي والبنات تحمدولي وكل همي نبي نسمع صوتك بس مانبي حد
مازن: حتى ني بنتصل قلت اكيد عندك حد جنبك باهي كويس عندك من يخاف عليك ويتحمدلك يدومهم لـــــــــــــــــــــــــ
حبيبي انت اني حاسه بيك
مازن: محتاجك انتي مش محتاج غيرك لو طلعو عيلتي خلاص القصة تمت معاد يعنيلي حد
شيماء: مازن اني مانبيش ندخل ونزعلك بس عادي اسمع بوك ممكن ف سبب
مازن بصوت عالي: مانع 27سنه هدا مانع وهو عنده مانع وين عمامي وخوالي وامي ولا كلهم عندهم مانع
شيماء: اسفه اني معاش ندخل خلاص
مازن اذكر كلام سلطان: مضايق ياشيماء الدنيا كلها خامه ع نفسي
شيماء: وما بعد العسر الا اليسر خليك صابر
مازن: نحببكك كل شي رخي بيا مش مدوره نبيك انتي بس بس بس
شيماء: اني فكرت نحكي لماما انه اني نبيك ممكن تكلم بابا ويوافق لم يعرف انه اني موافقه
مازن: اني قلت انتي متدخليش هكي اهلك ياخدو عليك صورة مش كويسه خليني اني نتصرف مش مستسلم
شيماء: لا خلاص معاد تطلبني لو بيهينوك اني مانبيش سمعتني لو تخلي اي شخص يهينك عشاني مش رح نسامحك
مازن سكت وميبيش يقوللها ع كلام بوها
شيماء: حساسوني انه اني ملكة علاش ميبوش يعطوني
مازن: المشكله فيا مش فيك
شيماء ضحكت: يحمدو ربي حصلو حد يوافق بيا
مازن ضحك: هبله تي تهبلي انتي حتى المعناه هادي مش خسارة فيك احلا بنوتة في عيوني ياقلبي
شيماء: تحبني هلبااا؟؟؟
مازن: قلبي انتي ومافيش حد يقدر يتخلا ع قلبه
شيماء: نحبك بكل ميزاتك بكل عيوبك بكلللل شي
مازن: تحبيني اني مستغرب كيف ملاك زيك يحب شخص كيفي يعني بدون عيلة بدون شي اني معندي حد حد راه خايف ناخدك ونظلمك معاي
شيماء: اني اخترتك انت تكون حلالي بس الشي لصار معاك من ربي مش بيدك ولا بيدي
مازن: فعيوني امنية وحده بس مانبي شي يتحقق غيرها نحضنك بكل قوة وكل ساعات الدنيا توقف بيا في اللحظه هادي
شيماء: ربي يقدرني ونحققهالك ياعمري
ـــــــــــــــــــــــــ
#تسريع_الاحداث
بعد مرور شهر
اليوم حنة ايلاف
انس ف الحلاق
ايلاف: الفترة هادي كلها جايتني ع النوم
زينب عمتها: حتني
ترررررن ترررررن
ايلاف ناضت: ايوواه
شيماء: كيف الحال
ايلاف: تمام الحمدلله وانتي
شيماء: تمام اسمعي
ايلاف: نعم
شيماء ضحكت: وتين تعيط تبي تجيك قالبه الحوش عياط تبي العروسه قالت
ايلاف: حليلي بنت قلبي تو نتصرف
شيماء: اي شديري
ايلاف: اهوو بلبودري عقبالك ياقلبي والدنيا نووو
شيماء: شكلي بنتعب عشان نلبس البودري ياايلاف
ايلاف: نشالله تلبسيه ونلبسهولك بيديا ياشيمو
شيماء: سلمها نشالله
(نشالله تلبسه كل بنوتة يارب )
)ـــــــــــــــــــــــــ
انس ف الحلاق طلع وركب سيارته روح دار دوش لانه الدنيا نووووووووووو وشاف وتين قالبه الحوش عياط
ترررررررن ترررن
انس طلع ركب سيارته: اهلين بلحب ديالي
ايلاف: حبيبي جيبلي وتين
انس: متصله عشان وتين انتي مش عشاني وبعدين خيرها تبكي قالبه الدنيا داخل
ايلاف: اهاا مشفتهاش انت تبكي تبي تشوف العروس ماتبيش تشوف العريس قالت العريس اخييي
انس: ضار تبي العروسة هدا علاش قالبه الدنيا
ايلاف: جيبهالي حرام اجبر بخاطرها
انس: تحبها؟؟
ايلاف: بنت قلبي كيف منحبهاش جيبها باهي
انس. لالا متجيش تو تبمي وتسكت مدوريهاش
ايلاف: انس طلب من عروستك حرام عليك
انس: بشررط نجيبها
ايلاف: شنو
انس: نشوفك بلبودري
ايلاف: مش كويس قالو هني روحك
انس: ياسر خرفات متع العزايز تطلعي انتي تاخدها او مش رح نخلها تخش …. نزل خش ينادي ع وتين
انس من برا: وتييين وتين
وتين طلعت تجري ودموعها ع وجها: هااا
انس ركعلها: بنتي القنينه خيرها
وتين شفتله بعيون الدموع لميقدر حد يتحملها ف عيون الصغار: نبي نشوف العروسه 
انس شد ايدها: تعالي نمشو… وطلعو
وتين تصفق من الفرحه ف السيارة : نحبك اني
انس: مليحه الحلاقه وتين
وتين: اي حلو 
ووصلوو
كلهم يتغدو وايلاف وقفه ف الجنان تمروح ع روحها من النووووو نفتح الباب خشت وتين جت تجري لـ ايلاف
ايلاف باستها: نور الحوش ياعمري
وتين: بابا برا ف الصيارة (سيارة)
ايلاف خشت اتصلت بيه: ولله نتحشم
انس ضحك: عارفك حتني نزلتها ومشيت عارفك خوافه
ايلاف: اي باي ملا
انس: وتين عندك عاد توا بلاش مني…. وصكر الخط
وتين خشت وشاده ايد ايلاف ومتحشمه
ايلاف دخلتها تسلم ع الناس لداخل وتعرف فيهم علها يبوسو فها ويقولو محلاها
فتحو اغنية ونضو يرقصو ونوض ايلاف
ايلاف نوضت وتين ويرقص مع بعض
وجي وقت اليل دارو شوط دربوكه لين عيوو
وبعدين بيحنوها
ايلاف هرب للحمام: لا ياانس غير خلها تبات
انس: شن تبات مش بنتي ياايلاف راه
ايلاف: بنتي اني عادي تبات عندي
انس: زمري بنبعتلها معتصم ياخدها لاني اني حاصل مع الولاد
ايلاف: باه حبيبي ياعمري اسمعني نحنها وتعالا خودها انت الساعه واحد او الطناش ونص
انس: ياحليلي بنهبل اني تمام الطناش ونص نجاها
ايلاف فرحت: باي… وصكرت الخط
ـــــــــــــــــــــــــ
حنو ايلاف وكملو
ايلاف: حنولي بنتي
وتين فرحت تقلد ف ايلاف وحنوها ايدها ورجلها
وجت الطناش ونص
وجي انس
زينب قامت وتين وطلعت بها عطتها لـ انس
انس ضحك:مشالله مقصرتوش
زينب ضحكت:حنينها ورقدت
انس قامها وهي راقده ومحنيه:بارك الله فيك تصبحي ع خير
وطلعو بنات يشوفو ف انس اللقطه البايخه
تتبع…
لقراءة الجزء التالي : الجزء الثالث عشر من رواية اولاد سلطان
لقراءة الجزء السابق : الجزء الحادي عشر من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
