وفي الجزء الثالث عشر من رواية اولاد سلطان للكاتبة ميشو محمد دعونا نعرف في السطور التالية بإذن الله ماذا سيحدث من جميل المواقف مع ابطالنا وهل سيكون هناك مواقف مميزة سيتسير معهم ؟ هيا بنا لنعرف ذلك سوياً .
الجزء الثالث عشر من رواية اولاد سلطان
انس دخل وتين للحوش وكان معبي حوشهم بنات خلااته وعماته والجو البايخ وتفنيص
كريمه شافت الحنه: اشيييه وحنوها
انس: اي قالو فرحت قريب طارت … وطلع
كريمه قعمزت: اول مرة نشوف ولدي فرحان هكي 
وبدت تبكي
شيماء بدت تبكي
عهد فتحت المكيف ع وتين وطلعت تبعبك ببطنها 
ترررررن تررررررن
عهد ضحكت: الوو راجلي
صدام: يامرتي حرام عليك اربعه ايام مشفتكش اركبي للحوش ولا ننزل والله معاش فها حشم راه ننزل نقوللهم يعطوني مرتي
عهد ضحكت: اي اني بنرقد تعبت باي
صدام: اي اني نازل يقول الوجه للتحشم بيه قابل بيه نازل اني
عهد: نبصر اني بنركب بنغير اصلا
صدام: اركبي عصا اربعة ايام لوطى مصدقتي
عهد ضحكت: عصا ع جنابك اني جايه… وصكرت الخط
عهد تلبس ف وشاحها
شيماء: وين
عهد: عندي راجل شن وين
شيماء: واني مع مني بنسهر ياغزاله كان بترقي
عهد بصوت واطي: مازن يكفي ويوفي
شيماء: بارده بري ومتجيش غضوا خلينا نستاحشوك
عهد ضحكت وطلعت
ـــــــــــــــــــــــ
عهد ركبت
صدام ف المطبخ: ضيفه عندي انتي
عهد حولت وشاحها وضحكت: استاحشني ع الاقل ديما وجهي ف وجهك
صدام سيب لفي ايده وقرب يتلامس ف بطنها: استاحشتك من امس اني
عهد. اي بارك الله فيك وخيره مش من اولامس
صدام : بطنك كبيرت القفطان لشريتيه معاد يجي
عهد: ياسر كذب ياصدام هادي الحمل تجربه وتوبة راه اني شهرين وتعبت فمابلك الباقي كيف
صدام: تحركي من مكانك
عهد جها وسواس وفعلا خشت قاست القفطان متع عرس انس لشراته وجها قعدت واقفه ع المرايا
صدام خش: عهد عليا تهبلي حتى الاعمى يشوفك من حلاوتك ياكركوبتي
عهد: حلوة طالعه
صدام: بنتي محلياتك ختسلمهالي
عهد: صدااااام
صدام ضحك حضنها من الخلف ويشوفو ف بعض ع المرايا: تهبلي لكن قبل مش حلوة توا لم حملتي بديتي احلا الصراحه
عهد: مبردك ياصددام
صدام ضحك: امزح اني امزح
عهد شفتله ع جنب: لحيتك ادغدغ 
صدام ضحك
ــــــــــــــــــــــ
مازن فرحان انهم واخيرا بيرقوه بسبب نجاحه ف العملية
كان فرحان هلبااااا ويبي يزيد يفرح شيماء لكن خاف يتصل بها يكون جنبها حد او حد يشوف الهاتف
ترررررن ترررررن
مازن ابتسم قعمز: في بالي انتي
شيماء: واضح هلبااا اني قلت الباين انه الاخ حصل عروسه تانيه
مازن: عيب ياقلبي فاضي غير ندور ع عروس اني لانه 
شيماء: اني فوق السطح نحدف روحي شرايك
مازن: شيماء بلا هبال
شيماء: نبصر عليك ياعمري اني ف جنان لوطى
مازن: بنقولك شي فاضيه انتي
شيماء: اكيد احكي
مازن: شيماء فرحان بنطير اليوم اني من خمسطاش اليوم كنت ف عملية نجحت فها بيرقوني لاني ننجح اكثر من مرة
شيماء: ياحليلي من ابو جودت متعي الف مبروك ربي يدووم فرحتك حبيبي
مازن: يبارك فيك ياعسلي
في شخص خش الجنان بدون ماتحس شيماء
شيماء: وشن تاني صار احكي
عبدو من الخلف: مساء الخير
شيماء عطياته بظهرها حطت الهاتف ف جيبها وتللفتت بصدمه: مساء النور عبدو
عبدو ولد خالتها م 1995
عبدو: شجو
شيماء تلبكت من الهاتف لفي جيبها: تمام الحمدلله تبي امك
عبدو : اي قتلي بتروح تناديلي علها
شيماء: تمام… وخشت وترجججحف وتدعي انه مازن مسمع شي وانه الخط تصكر لانها تعرفها عصبي وميتفاهمش
شيماء خشت للحمام طول وكان الخط مفتوح هي بتتكلم الخط تصكر وصلتها رسالة (كملي تهدريزك ومع عبدو تصبحي ع خير)
شيماء: وووواك الزفت … وطلعت
شيماء: خالتي هدى جاك عبدو… وركبت لغرفتها
شيماء اتصلت: مازن
مازن: كملتي مدام
شيماء. مازن ولد خالتي…قاطعها
مازن: شن عبدو متعك انتي وادلعي فيه نداي ال
بـ اسمه وكان متناديشي اريح ولزاد حرقلي دم مساء النور حتى اني ماسمعتها
بـ اسمه وكان متناديشي اريح ولزاد حرقلي دم مساء النور حتى اني ماسمعتهاشيماء ساكته
مازن: شيماء منحبش هكي اني راه ياريتني قتلك خشي
شيماء: مازن…قاطعها
مازن متعصب: زيدي احرقيلي دمي وقولي بشنو شافك
شيماء:ماازن ياسر
مازن : شيماء لو يوصلني كلام عليك انك واقفه مع واحد بس ذكرر نشالله دكتور تاعيني عنده نخرب بنية الشبكات حياته سمعتي
شيماء:تي وووواك باه
مازن تنهد:حرقتيلي دمي ف نص اليل
شيماء:شن حسيت مازن
مازن سكت
شيماء:مازن
مازن:للحظه حسيت انه ياخدك مني !!!!!
شيماء: مستحيل نكون مع غيرك
مازن: استاحشتك لللللوح بنخطفك معاش في صبر نبعتلك دورية تاخدك وخلاص ونحبسك عندي
شيماء: مازن حبيبي اني بنرقد غضوا وراي كوفير ودوشه المهم الف مبروك ياقلبي ونشالله تترقا يارب
مازن:صوتك نسانى ف ترقيه وانتي من اهل ياقلبي سلاام
وصكرو الخط
ـــــــــــــــــــــــــــ
تاني يوم 
ايلاف ف الكوفير صبغة شعرها عسلي هادي ماشي مع شعرها حلو
مع مكياج ملكي بس مش اوفر 
مع تسريحه سمبل تسريحه حلوة ومفتوحه وتاج ملكي
فيلو من انس
فيلو ملكي فخم كبير
وهكي طلعت اميرتنا تهببببل تحفه
انس بعد تحليقه حلو وبدلة سوداء وساعة هدية من ايلاف ورش من عطر ايلاف
جنتللللل
يهبلو
نبدو عند انس
شيماء لبسة قفطان اسود جريئ فيه فتحه ف الظهر طووويل وماشي ع الجسم وماشي مع الميك اب 
وتين خدالها انس فيلوو كبيررر نصه ف الارض فخم هلبااا وتاج عمرها اربعه سنوات تخيلو الكيوته
عمرها اربعه سنوات تخيلو الكيوتهعهد لبسة قفطان وردي هاااااادي مريح للعين وطويل كمامه طايحات ع الكتاف
مازن ووووواك من مازن سروال اسود وسورية سوداء عاكسه تحليقته ولون بشرته طرررررف
عاكسه تحليقته ولون بشرته طرررررفــــــــــــــــــــــــــ
حفلة ايلاف مشت عاديه
خدها انس لحفلتهم نزلت معاه
قعمزو وجو يسلمو عليهم
وتين اول وحده جت
ايلاف ابتسمت: محلااها بنتي عسل عسل
وتين: عروسة ني
انس: وتين تعالي خليك جنبي
ايلاف جتها سلمت علها كريمه وهي تبكي وتبوس فها
انس باس راسه امه: ياسر ياام مش وقته
انس تاكد انه خالاته وعمته سلمو عليه طلع
سلمو سلمو سلمو
وتعشو
شيماء برسايل(تبصررر انت برا)
مازن ( اي برا علااش)
شيماء( نبي نشوفك استاحشتك نسيت حتى شكلك معنديش ليك صور وليا شهر ونص مشفتكش)
مازن( تو كيف وصلت ملياش خمسه دقايق نشوف انس نعطيه هديته ومروح)
شيماء ( باه باي)
شيماء نعرفها بعمايلها من عرس صدام بعمايلها شيماء طلعت لجنان الصالة شافت نساوين مروحين يعني ف حركة برا وقفة مع بنت كانت تعرفها وحصلت تهدرز معاها البنت لابسة عبايتها وتستنى ف امها
فجآة
اسراء اخت عبدو طلعت ولدها ف القماط ويخش عبدو بياخد الولد منها ويشوف شيماء بقفطانها بمكياجها بشعرها واقفه مع بنت 
شيماء لم شفتله صقققعت خشت
شيماء خشت: ديما وهما بيروحو لم اني نبدا برا شن هدااا
ايلاف خش انس خداها
ايلاف ساااااكته
انس فك القرواطه:نخنقت النممم
ايلاف ساكته
انس:خيرك ساكته تكلمي تكلمي قبل مايصير زلزال بهدؤك
ايلاف: توا اني تزوجت يعني معاش في حرية صح
انس: ابدااا
ايلاف:وفي عذاب وطبخ وغسل وتنظيف صح
انس: وتربي وتقري وتعاني وتوكلي وتشربي وتسهري
ايلاف ضحكت: مبردك انسس
انس شد ايدها ابتسم: بتكوني راضيا غير كان نعرف علاش ترجفي
ايلاف: خليني ساكته تربح
ــــــــــــــــــــــــــــــ
مازن روح يغير
تررررن تررررن
مازن: ايوواه فكرتك رقدتي
شيماء بصوت ناعسه: لالا بس نسيت نسالك ع الترقيه شن صار
مازن: ترقيت اني الوحيد من الشباب لكانو معاي للاسف وصدام بينهم
شيماء: بللهي اسكت صدام كان يترقى يعدم مرته ديما حابسة ويحكم فها مسكينه
مازن ضحك: تحشمي يابقرة
شيماء ضحكت
مازن: واني بنحبسك عندي ومش ضروري يشوفك حد غيري
شيماء: حبيبي لو تمت خطبتنا شن كنت رح تشرط عليا
مازن: الصراحه
اول شي واهم شي النقاب يعني مش شرط يشوفوك الناس بلعكس هكي تباني كبيرة شان عند ربي
وتاني شي لبسك ف الصالات والحفلات رح يكون طويل محتشم لانه الشي العريان قدام خواتك وامك ماعمره ولا حياته رح يكون حلو
وتالت شي شي ليصير بيني وبينك ويقعد بينا بيت اسرار
ورابع شي جو زيارات الصاحبات واعياد الميلاد لا اول شي اعياد الميلاد والحاجه التفاهه حرام ومش من اسلوب دينا بس لو تبي تحظري حفلة صاحبتك او بنت تعرفها عادي
هادم شروطي
(توضيح هادم الشروط خطيبي بلكلمه يعني االمحتوى هدا من خطيبي )
)شيماء ساكته
مازن: سكوتك ميبشرش بلخير اسمعيني نعرف روحي كثرث عليك بس كله خوف عليك ف دينيتك وف دينك يعني هادم شروطي لمرتي لـرح تكمل معاي طووول حياتي ولـ مستحيل تكون غيرك
شيماء: النقاب نحبه بجدد واغلب صور بروفايلي ع الانستا نقاب يعني مقتنعه بيه وموافقه ع شروطك بلعكس كبرت ف عيني انك راجل وتخاف عرضك بس في شي انت قلت لبسي ف الصالة طويل ومحتشم واني لبسي كله جريىء ماعمري شفت قفطان محتشم متع حفلة الصراحه
مازن: اني ولد عايش بروحي ماعمري لليوم هدا سلم ع بنت من غير مرة لمست ايديك ف الكلية
شيماء: شن دخل هدا بلنقول فيه اني
مازن: انتي لم بتتزوجي قصدي ببتتزوجيني اني مش بضروري تكون مفاتنك كلها ف الشارع عشان تباني حلوة الشي لنشوفه اني مايشوفاش غيري فهمتي
شيماء فهمت وتحشمت: اهااا اي فهمت
مازن ضحكته: تحشمتي تي ووووك صوتك لاعب بيا فما بالك بناخدك بنحجز ف قرقارش من توا
تررررن خش ع الخط
شيماء شافت الشاشه: في رقم خش انتظار رقم غريب
مازن: ردي ممكن حد يعرفك ردي عادي
شيماء: تمام نردي ونعاود نكلمك
مازن: لالا تعاوديش اني بنخش لدوش نطلع نعاودلك اني
شيماء: تمام باي… وصكرت وردت ع الرقم
شيماء: الوو
اسراء: اهلين شيماء
شيماء: هادي انتي خيرك روحتي
اسراء: ولدي رقد روحت المهم اسمعي ف رضعه متع ولدي قعدت عندك ف دارك غضوا يجي عبدو ياخدها تمام اهوو يعيط قالب الحوش معنديش غيرها
شيماء: ياروحي ني تمام سرو تو نعطيهاله
اسراء: يعيط اسفه كان نوضتك ياقلبي خلي نسكته تصبحي ع خير
شيماء: وانتي بخير… وصكرت علها
ـــــــــــــــــــــــــ
ايلاف تشوف ف حوشها وانس يحول ف الجاكيت من النوووو
ايلاف: محلااه حوشي وله
انس:صبحته احلا
ايلاف وقفت ع مراية الممر الكبيرة حولت الكاب متع الفيلو:نووو ولع المكيف
انس ولع المكيف: جعانه ولا نصلو قبل
ايلاف قامت فيلوها: نغير وبعدين نصلو
انس:تمام
ايلاف خشت غيرت ولبسة بيجامه عرايسة بيضة
انس طقطق
ايلاف:تفضل
انس خش وقف ع الدولاب ياخد ف ملابس
ايلاف طلعت مصليته
غير انس وصلو مع بعض
ايلاف حولت المصليه وقفت قدام المكيف
انس حضنها من الخلف: انتي عندي وليا
ايلاف ساكته وتشوف للمكيف
انس نزل ع رقبتها بتوشويش:ريحتك تجنن
ايلاف بدت ترجف 
انس
تتبع………
لقراءة الجزء التالي : الجزء الرابع عشر من رواية اولاد سلطان
لقراءة الجزء السابق : الجزء الثاني عشر من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
