الجزء

الجزء الرابع من رواية إدمان

الجزء الرابع من رواية إدمان

وفي الجزء الرابع من رواية إدمان للكاتبة زهرة الشيخ هل يا تري من رأيك سوف يحدث مواقف مزعجة مع ابطالنا ام ستسير الأمور بشكل طبيعي ؟ كل هذا وأكثر سوف نعرفه سوياً في السطور التالية بإذن الله .

الجزء الرابع من رواية إدمان

____________«زهره الشيخ»______________
رغد كانت24 ساعه قدامه ويفكر فيها وكل تفكيره في رغد كان غييير ع كل البنات لي عرفهم كان في شي غريب يجدب فيه ليها …
مرن ه اليومين ونا نتفاده في اي مشكله مع مالك
العشيه
بعد ماكملت تغليف وتصوير الهدايه خشيت لغرفتي دوشت وبدلت وحطيت ميك اب ودرت تسريحه حلوه وراقيه ولبست عبايتي فوق البدله عشان مالك وطلعت
عائشه بدلت وجهزت روحها ونزلت
مالك: ساعه ساعه عشان تبدلن
عائشه :اي امالا شنو ناسي انه حني عيله راقيه وسمعتنا حلوه بين الناس لازم نطلعو بمنظر يليق بأسم عيلتنا ..
مالك :مافهمت شي لاكن باهي
رغد :تضحك
مالك: قلبه بيطلع من مكانه
رغد :شنو نمشو
مالك: هي
ركبنا ف السياره
عائشه وين العريس ماريتاش اليوم
مالك :متحشم متخبي عند صاحبه من امس تقول حاجه عيب ولا حرام هيا
عائشه ورغد طول الطريق يضحكن ويعلقو غ انس
وصلو لبيت اهل حواء وطلعت امها وصاحباتها نهله قامو بيهم ورحبهم
مالك: ينزل ف الهدايه
نهله 🥺🔥دااابت ف مالك🔥❤️
رغد تشوف فيهم وتضحك
خشينا وقعدنا نهدرزو وتعرفنا عليهم وضيفونا
عائشه وينها حواء
صفيه ام حواء نادت ع نهله وقاتلها نزلي حواء معاك
بعد كم دقيقه نزلت حواء ..
كانت بنت محترمه وملامحها حلوه واهم حاجه خلوقه واسلوبها راقي
عائشه فرحت بشوفتها وحواء قريب طير من الفرحه
ونهله كل تفكيرها عند مالك
طبعا ماطولناش عندهم حاجة ساعه وروحنا ع البيت
وطول الطريق تلفوني يرن ..رديت
انس: قوليلي شن صار
رغد: وعليكم السلام
انس: ياهلا ياغلا غير قولي شن صار عجبتكم واهلها كيف وامي شن رايها
رغد: نضحك غير صلي ع النبي
انس :عليه افضل الصلاة والسلام
رغد: كل شي تمام والبنت عجبتنا واهلها والماما فرحانه باختبارك
انس: من الفرحه قريب دمع الحمدلله
رغد :وحنا توا نستنو في موافقتهم هما وربي يتمم ع خير
انس :ان شالله ان شالله
رغد: ماتنساش الزرده بس
انس :تم واحلا زرده
عائشه تحكي لي مالك وكريم ع الوضع وكيف كانو اهل حواء.
الباب طق طق طق
مالك: ناص فتح الباب
خالد: يا هلا
مالك :وين عمييي عاش من شافك
خالد: تعيش وتشوف وخش مع مالك
كربم :ناض يرحب ب خوه .. شن ه الزياره المفاجئه
انس :يحضن ف عمه نورت عمي
خالد: فرح بشوفتهم وقعدو يهدرزو ويضحكو مع بعض
خالد :وين رغوده
مالك😑
انس: ف غرفتها اكيد تقرا ولا راقده لاكن توا ن
نشوفهالك.. ومشى انس لعند غرفة رغد
كنت نحط ف ماسك ع بشرتي وكان شكلي مزريي شعري رافعته فوق ولابسه قميص وشرط
انس: خبط ع الباب
رغد :خش خش عارفتك انس
انس: فتح الباب وكيف عرفتي بسسسسم الله اعوذ بالله شن هوا لي ع وجهك
رغد: تضحك
انس :بري اغسلي وجهك عمي خالد توا كيف جا
رغد: من الفرحه بديت نط ف مكاني كيف العيله هيييي هيا طالعه
انس :لا اغسلي الخلقه هدي لا تخوفيه معاش يجينا
رغد: ضحكت به مشيت غسلت وجهي ونزلت نجري
خالد :وينها
انس :تو تجي
رغد :جيييت وجيت نجري من بعيد حضنته ..هههه عموو
مالك: يشوفلهم وعيونه شوي بيطلعووو
خالد :كيفك عمو
رغد: بخير الحمدالله كيفك انت
خالد: في نعمه مشتاقلكم بس
عائشه: هيا سادكم العشا واتي تنادي على رغد تعالي
رغد :مشيتلها نجري نعم ماما
عائشه :نظمي الطاوله هي
رغد :حاضر وبديت نظم ف الطاوله شوي وجاني مالك
مالك :شن ه اللبس لي لابستيه قدام عمك
رغد :شن فيها عمي هوا
مالك: خبط ع الطاوله افففف ررغغغد انااا هكي مانبي يشوفككك حد سامعه حدد حتى بوك مايشوفك بهدا المنظر
رغد :خفت من كلامه ..مالك انته خيرك تتحكم بيا لهدرجه .
مالك:. افففف هكي وخلاص بأبتسامه سلم رغودتي الحلوه بري ديري لي قتلك عليك
رغد التفتت ونحكي بشوي وتوا هدا خيره يضحك زعما حق عنده انفصام ف الشخصيه ؟
مالك :شنو ترا عاودي نسمع فيك ره
رغد :شي شي ومشيت نجري لغرفتي
نسرين ف السياره مع يونس
يونس: شفت رقمك ع هاتف طه خيرر شن بينكم
نسرين: بخوف ا لالا مافي شي
يونس: شننن فيي بيناتكم نسرين
نسرين :حق كلمني بخصوص رغد
يونس: بعدم رضى هز براسه تمام تو نشوفو
نسرين :🔥💔
الصبح
جهزت روحي للكليه زي كل يوم نزلت مستعجله لانه عندي امتحان لقيت مالك يشرب في قهوته يستنا فيا..
رغد :صباح الخير
مالك :صباح النور
رغد: وين انس وقت ع الامتحان
مالك: انس طلع مشغول قالي نوصلك للكليه
رغد: بفرحه تمام هيا
مالك: تمام بس ممكن نطلب طلب
رغد: باستغراب شن
مالك: البسي وشاح اليوم بس وشوفي يومك كيف يمشي
رغد: ماحبيت نرده ..حاضر
مالك فرح سلمها ياربي
رغد مشيت ع غرفتي وطلعت وشاح لبسته قعدت نشوف ف شكلي ع لمرايه
بجد عجبني شكلي باالوشاح 🤭
مالك يشوفلي ونا نازاله من الدروج وعيونه قلوب بنضراته لي يدوبن
مالك :احييي
رغد: كيف
مالك :لالا شي بس طالعه طرف
رغد: تضحك هياا تاخرنا
مالك: هي
ركبنا ف السياره وطول الطريق وحنا نهدرزو ..
وصلنا نزلت من السياره ونزل مالك معاي استغربت
رغد: ع وين
مالك: شي خشي نشوف فيك
رغد :ابتسمت تمام
خشيت ونا نشوف ف البنات كيف يتهامسن ويشوفن لي مالك
نسرين:🥺😍😍 اهلين رغد
رغد: اهلين
نسرين: من هدا لي معاك
رغد :خوي
نسرين: محلاه
رغد:🤨
نسرين: خيرك اليوم لابسه وشاحك
رغد :هكي قلت خلي نغير شكلي
نسرين :امممم ..به بنسألك طه كلمك
رغد: تفنص لا وليش يكلمني ومشيت وخليتها واقفه تشوف جهت مالك
مالك: بعد شاف رغد خشت للكليه ركب ف سيارته ومشى
عائشه: تزغرط
كريم: نحى نظراته شن فيي بس
عائشه: اهل البنت اتصلو وعطونا موافقتهم
خالد :مبارك مبارك
كريم: الحمدلله الفال لي مالك وبنتنا رغد ان شالله
خالد: بفرحه ان شالله ان شالله
انس: يسمع فيهم بيطير من الفرحه ع طول اتصل ب حواء
طه: يفطر مع انه
منى: كول سلم ولدي
طه :بابتسامه اليوم عندي ماندير ف الكليه خت فت وجاي
منى: بخوف ب باهي
طه :شاف ملامحها كيف تغيرو وكيف بان الخوف ف عيونها ..تمام مش مطول. وباس راسها وطلع
عند رغد كملت اول محاضره ليا طلعت نراجع للامتحان ف مجموعة شباب ينابشو فيا
نسرين :خيرهم هادو
رغد: مش عارفه
ع خشت طه بخطوات كلها رجوليه وبكل وعيه كل الكليه تشوف فيه
طه اول ماشاف رغد باالوشاح فرح وقلبه بدا يخبط بسرعه كبيره خش لداخل مكتب المدير وماعدل على اي حد حتى يونس ..
الشاب :بسس بسس وين يا نتعبب ع العيون الخضرر ناا نتعببب
واحد من الشباب بدا يقرب من نحيتي ويتكلم انا من الخوف ماكنتش نسمع في لي يقولو فيه حاطه ايدي ع قلبي بخووف قاطع صوت طه دقات قلبي لي تخبط بسرعه كبيره
طه :ماسك الشاب بقوه ولاوي ايده ..خييير شن عندك هناا
الشاب: بعدد
طه :نا اليوم رايق ومانبي نوسخ ايديه
اشر ع يونس ونادى ع شلته ونزلو فيه ضربببب لين بدا كلله دم
نا نشوف ومصدومه باالمنظر لي نشوف فيه وليش طه يدافع عني بهدي الطريقه
طه: شبح فيا وبتسم باستفزاز وطلع بكل هدووء
طه :ركب ف سيارته الفخمه وطلع دخانه وبدا يدخن وينفخ بكل برووود ونظرات رغد ماطلعنش من بين عيونه ابدا روح بع البيت ع طول اول مانزل من السياره سمع صوت عياط وتكسير داخل
خش طه بسرعهه لقا مختار بوه يضرب ف امه
طه للحظه تحول من الشخص الهادي البارد لانسان متوحشس يدف ف مختار ويخبط فيه ع الحيط وامه تشد فيه
مختار: دايخ وبسيف كيف يفتح ف عيونه …. بعددد اصلا انت ولا امك ماتلزمونيشش امك وحده خاينه وغشاشه وف لحظه وقف عياط وطاح ع الارض يبكي انا امك هيا لي خلتني ف هدي الحاله هيا لي خلتني ندمن ونحشش وندخلك ف الطريق هدا حتى انت
طه سيب بوه وقعد يسمع فيه بكل تمعن ويركز ف كل حرف يقول فيه
منى: خايفه ..لالا مختار وتبكي
مختار :نا كنت انسان فقييير و….
يتبع ……..

لقراءة الجزء التالي : الجزء الخامس من رواية إدمان

لقراءة الجزء السابق : الجزء الثالث من رواية إدمان

للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى