الجزء الثاني عشر من رواية متعصب واحببته

وفي الجزء الثاني عشر من رواية متعصب واحببته للكاتبة الموهوبة سراب الغيث يا تري من رأيك هل ستكون الأحداث مشوقة في هذا الجزء ام ستكون طبيعية وعادية ؟ كل هذا وأكثر سوف نعرفه سوياً في السطور التالية بإذن الله .

الجزء الثاني عشر من رواية متعصب واحببته

فادية≈ فتحت الدولاب بترتب حاجاتها لقت دبش في الدولاب .. دبش منو!!

جود ≈دبشي

فادية≈ بشك.. وليش انتي دبشك هنا مش في دار زين!!

جود≈ بتوتر .. ءاا

زين≈ خش نقد الموقف.. انا قلتلها تنقل الدبش الزايد هنا عشان الدار زحمة

فادية≈ارتاحت نوعا ما.اهلين زين كيف حالك وين مختفي

زين≈الحمدالله كيف روحت من المكتب

فادية≈ اللطف حتى في رمضان خدمة!!

زين≈ الله غالب قضايا ناس ولازم نحلوهم.. تعالي نطلعو لصالة نتكلمو على ما فضت جود الدار

فادية≈ لالا ماتعبي روحك عادي مش ضروري

جود≈ لا والله مافيها تعب مابين هدرزتي انتي وزين تلقيها الدار واتية

فادية≈ مبتسمة.. بارك الله فيكم

جود ≈

فيلة علي

عليا ≈انتي يابنت

الخدامة≈ نعم مدام

عليا≈ وين المدام هبة

الخدامة≈ المدام نايم

عليا≈ ووين استاد زياد

الخدامة≈ الاستاد زياد فيه يطلع في السبح (الصبح )

عليا ≈خلاص عدي و الفطور نفس الورقة الى كتبتها،

الخدامة≈ حاضر مدام.. عدت

عليا ≈ .. عدت لـ علي في المكتب

عليا≈ اللطف ماهي حالة هذي

علي≈ حول نظارته..مش هذا الى تبيه

عليا≈ كيف!!

علي≈ انتي تسحابيني راقد ع وداني انا عارف كل شي صار وعارف انك طفشتي فادية وخليتيها تعدي لـ زين

عليا≈ مصدومه .. ءاا

علي≈ لبس نظارته.. لوسمحتي نا مشغول ونبي هدوء

عليا≈ معصبة.. صكرت الباب ع قوته

هبة≈ ناضت من النوم ع صوت نقالها

هبة≈ بصوت ناعس.. الو منو

غادة≈ مسرع مانسيتيني

هبة≈ ركزت في الاسم .. اه اهلين غادة سوري كنت راقد ماركزت

غادة≈ كيف مخليتك عليا راقدة ياتوا قريب العصر

هبة≈ههه انا غير.. المهم خلصي شن تبي

غادة≈ بحقد ..صحة ليك خديتي الى تبيه شن تبي فيا توا وانا طلعت ولا شي والحقيرة هذك والله مانخليها ترتاح

هبة≈ باهي اسمعي في مول فاتحينه جديد توا نبعتلك اللُكيشن بعدين نتلاقو ومنها نشوفو اخر صيحات الموضة

غادة≈ في خاطرها.. صيح عليك حمار انشاء الله.. تمام

في المطبخ

فادية≈ شن اديري

جود≈درت شربة و رز وشوية موالح

فادية≈ هاتي نساعدك

جود≈ لا والله ماتمسي شي زين موصيني عليك

فادية≈ قعمزت ع الكرسي .. بارك الله فيك

قعدو يهدرزو

ع صفرة الفطور

جود≈ ترتب في الصحون ع الطاولة

جود≈ هيا ليث ولمار تعالو نغسللكم ايديكم

ليث ولمار≈ حاضر .. عدو

فادية≈ تشوف فيها ومبتسمة .. مشاءالله عليها اخلاق وجمال واسلوب ما خلتني نمس حاجة بكل

زين≈ داير روحه مش منتبه

قعمزو ع الطاولة ياكلو

لمار≈ خالتي جود يسلمو يديك الاكل طيب

جود≈ يسلمك عمتي فادية كولى خيرك ولا الاكل ماعجبك

فادية≈ لالا بالعكس مشاءالله حلو بس الشربة حانطة وانا عندي الضغط مانقدر

جود≈ااه ما قلتيلي كان نقصت بس ولا يهمك توا انديرلك وحدة ثانية

فادية≈ لالا مش ضروري توا ناكل اي شي

جود≈ ناضت لا والله توا انديرلك.. عدت

فادية≈ تشوف فيها مبتسمة

زين≈ قرب في عمته بصوت واطى.. بس الشربة كويسة مش حانطة بالعكس ناقصة ملح شن القصة

فادية≈ صح الشربة ماشاءالله عليها بس هذا اختبار هدين حاجات نساوين انت شن عرفك فيهم

زين≈ يضحك.. انتن النساوين حاجاتكن بروحن

فادية≈ تذكر لما درت نفس الموقف لـ أية(مرته الاولى) وقتها انزعجت واجد عكس جود

زين≈ لما سمع اسم ايه كيانه كله تلخبط.. الحمدلله شبعت.. ناض

فادية≈ مازال ما يرضى عليها .. شن جابها لجود بس

فاتو الايام ومازال ع العيد اسبوع

جود≈ مزال اقعدي معانا والله تعودنا عليك

فادية≈ والله حتى انا خاطري بس كل واحد يحب انه يعيد في بيته

جود≈ مبتسمة.. باهي توصلو بالسلامة انشاءالله

فادية ≈تسلمي

اليوم الثاني

جود≈ تقرا في القرآن

لمار ≈خالتي جود خالتي جود

جود≈ سكرت المصحف.. خيرك تجري بشوي

لمار ≈ماهو بنعدو للسوق عشان نشرو دبش العيد

جود ≈ااه توا نغيرلك باهي

لمار≈ لا مش عشان تغيريلي انا نبيك تمشي معايا

جود≈ انا!!

لمار≈ ايه كل صحباتي امهاتهن يمشو معاهم الا نا

جود≈ اخ منك خلاص باهي توا نغيرلك انتي وليث قبل

لمار≈ بفرح.. هيييي

زين≈ يشوف لساعة.. هيا واتيين!!

لمار≈وليث ايه

جود≈ حطت فلوسها في الشنطة.. حتى نا واتية

زين ≈حتى انتي بتمشي!!

لمار≈ مسكت في يد جود.. نا قلتلها عشان تختار معايا

زين ≈تنهد.. تمام هيا لسيارة

عند زياد

وليد≈ ليك كم يوم قاعد هنا ماعندك بيت انت!!

زيدان≈ يشرب ..شباب نقوللكم حاجة

وليد≈انت بدات سكر فمك.. ما خليتو فسق مادرتوه كيف صاحبتكم مش عارف،

زيدان≈ زياد ماتسمع كلامه النفاخ هدا غير شوف شن جبت انواع ارقيلة اطلع طول

زياد≈انا عطيني بنكهة التفاح عشان قلبي يرتاح

زيدان≈ شيخنا تبي حاجة تفضل ماتتحشم

وليد≈واحد فسخت خطيبته منه ع خاطر مايقدرش يلبي طلباتها والتاني اخخ وخلاص ربي يهديكم

زيدان≈بلاهي يابرو انت واقف جبلي معاك ثلج

وليد≈عارفين شن فيه جديد

زيدان≈ جدتك تجوزت بوك

وليد ≈والله يا$##مزال اسبوع ع العيد انت وياه ويتم رمضان

فيلا علي

عليا ≈وين ع الله

هبة≈ بنمشي نقعد عند امي الاسبوع هذا ومنها نشري للعيد

عليا≈ وقلتي لـ زياد

هبة≈ ع خاطر نشوف فيه

عليا ≈آآه اسبوع واجد ع الاقل يومين

هبة≈ لا انا قررت اسبوع يعني اسبوع

عليا≈ آآه باهي سلمي عليها امك

هبة≈ يصير خير

في السوق

جود≈ عجبها قفطان .. مشت لغرفة القياس

زين≈ خلاص كملتو صح

لمار وليث ≈ايه خلاص

زين ≈بيطلع اذكر.. وين خالتكم جود

لمار ≈في حجرة القياس

زين≈نفخ.. وعدا بجنب حجرة القياس كان فيه واحد واضح انه يتحرش فيها

جود ≈حول ياخوي الله يربحك

الولد≈ههه غير ترا نعطيك رايي بس ونشوف

ويجيه بكس من حيث لا تعلمون

زين ≈ماسكه من سوريته.. قبل لا تقرب ع حاجة اسئل عليها وعطاه بكس ثاني .. الولد حكم دايخ

جو متاع المحل يحزو

صاحب المحل≈ متأسفين استاذ زين بجد والولد طردته

زين≈ المرة هدي جت بـ بكسين بس المرة الجاية حتجي بتسكير المحل كله

مسكين الولد رافعينه من كتر الطريحة دايخ

صاحب المحل≈ بخوف.. والله الغلطه مش حتنعاد

زين≈ بجدية اكثر.. المهم شوفلي كم حقهم كلهم

جود ≈طلعت من الحجرة.. تنادي فيه

صاحب المحل≈ استاذ العيلة تكلم فيك

زين≈ فنص فيه.. نسمع انا!!

صاحب المحل ≈من الخوف سكت ..

زين ≈مشى لجود.. خيرك

جود≈ انا اسفة ع لي ص..

زين≈ ع هذا بس مكلمتيني..

جود≈ لا بس هنا فلوس حق القفطان الى خديته

زين ≈رديهم احسن!!

جود ≈بعناد.. لا بس انا بندفع ..

زين≈ فنص فيها.. كلامي مانعاوده مرتين

جود≈خافت بلعت ريقها.. احم اصلا مابندفع انا هدوم حاجات وهمية وهكي يعني

زين≈ شاد الضحكة ع منظرها كيف خايفة.. امشي انتي والصغار لسيارة..عطاها نظرة وعدا

في السيارة

لمار≈ بابا اليوم نبو الاكلة الى انت ادير فيها

ليث ≈ايه صح

زين≈ يضحك.. حاضر

جود≈تشوف فيه سرحت في ضحكته..

زين≈ انتبه ع جود شاف فيها

جود≈ عدلت قعدتها.. احم ءاا زين شكرآ ع كل شي

زين≈ مركز في السواقة.. يسمع ما رد

جود ≈ابتسمت.. ردت تشوف من النافذة

في العشية

في المطبخ

لمار≈خالتي جود نا خاطري في كيكة زي لى درتيها في عيد ميلاد

جود≈ حاضر من عيوني .. بس نبيك اديري حاجة قبل

لمار ≈شنو؟!

جود≈ امشي انتي وليث واحفظوا السورة الى مبدري قريتها ليكم

لمار≈ حاضر .. عدت

جود≈افف صح المطبخ حلو بس مش مرتب و الدولاب عالي بكل تقول مدايره ع مقاسه .. رافعة رجليها بتجيب صحن

زين≈ جا من وراها وجاب الصحن.. والله شن بندير اذا انتي قصيرة

جود≈ ساكتة تطيب ومتوترة

زين ≈قاعد ع الكرسي..يقشر في البطاطا

جود≈في داخلها .. افف ياعليك حصلة اكيد سمعني

زين ≈يشوف في البطاطا.. انتى بأمر منو تخشي للمكتبة

جود≈نا!!

زين≈ شاف فيها برفعة حاجب .. هو فيه حد غيرك يعني

جود≈ءاا كنت نقرا في الكتب

زين≈ناض قرب فيها.. اسمعي يابنت الناس انا من الاول قتلك اي حاجة تخصني ماتقربي منها والمكتبة نشوفك مقربة منها تشوفي شي ما يعجبك

جود≈ ساكتة

زين≈توتر وخر.. يغسل في البطاطا

ليث≈جا.. خالتي جود حفظتها السورة انا قبل لمار

جود≈مسحت دموعها بسرعة

لمار≈ كذاب انا حفظتها الاولى.. خالتي جود خيرك تبكي

جود≈ ابتسمت.. ههه مانبكي بس في حاجة خشت في عيوني خلاص توا اطلعو العبو بدون عرايك وبعدين نسمعها عليكم

زين≈ يشوف فيها من تحت لتحت بس ما عطى اهمية واجد

ع الفطور

جود≈غسلتو

لمار وليث≈ ايه

جود ≈ هيا تعالو

قعمزو ياكلو

جود≈تاكل في اكلة زين كان طاجين يوناني كان يجنن

لمار ≈بابا الاكلة حلوه

جود≈ ايه مشاءالله حلوه

زين ≈ابتسم.. ياكل

جود≈ تغسل في الماعين

لمار ≈خالتي جود بنساعدك

جود≈ ههه.. باهي استني.. جابت كرسي.. رفعتها وحطتها ع الكرسي

بعد كملن

جود≈ هيا نشفي يديك ياحلوه

لمار≈ نشفت يديها.. وطلعت

جود≈ نشفت يديها ولحقتها

زين ≈جووود

جود≈ جت.. نعم!!

زين ≈هاك

جود≈ شنو هذا !! .. فتحت الكيس..

زين≈ يشوف فيها برفعة حاجب..شن تشوفي

جود≈ تليفون ليا انا بس نـ!!

زين≈ عارف عارف قعمزي نفهمك عليه

جود≈ قعمزت

زين ≈قرب منها واجد.. يشرحلها

جود ≈وخرت شوي توترت من قربه.. احم

زين ≈فهمتي

جود ≈ها ءاا

زين≈ ابتسم ومسح ع وجهها.. لا حول ولاقوة الا بالله.. انا عارفك مافهمتي شي

جود≈ مسكينة سرحت مع الابتسامة

زين ≈رفع يده قدام وجهها جوود ها وين عديتي

جود ≈ها معاك قصدي منتبه.. ءاا عادي نسألك

زين ≈شنو!!

جود≈ ءاا شن نوعيته التليفون

زين ≈A 7..انا حطيتلك رقمي عشان مرات يصير شي لاقدر الله وانا مش في البيت وتوا حنشرحلك

جود≈ اه فهمت ..زين شكرا

زين≈ العفو.. ناض عدا

جود≈ آآه ياربي عطيني الصبر والقوة.. ناضت رقدت

عند زياد خش لبيت

عليا≈ بصوت عالي.. زيـاد !!

زياد≈ نعم

عليا ≈جاته.. لامتى بتقعد ع هالحال

زياد≈يتمايل من كتر الشرب.. وخيره حالي مشاءالله عليا متزوج وعندي ام واب وفلوس

عليا≈ ياولدي معقولة هذا كله ع خاطر جود

زياد≈بصوت عالي .. اسمها مانبي نسمعه مرة تانية!!

انا معاش نبي شي يذكرني بيها مانبي شي خلوني في حالى .. يبكي

عليا≈ تبكي..جاته.. زياد خيرك ياعمري معقوله تبكي

زياد≈ ايه نبكي يعني كان راجل معناها ما نبكي انا بشرنحس وعندي مشاعر خلوني في حالى بس

علي≈ جا.. خيرك تصيح انت راني ساكت عنك قلت خليه ع راحته بس الظاهر انه ماينفع معاك

عليا≈ خليه ياراجل الى فيه مكفيه

علي≈ وانتى هذا الى فالحه فيه .. عدا

عند هبة

اختها ≈كيف خالتي عليا معاك

هبة ≈فكيني منها الدراه الكبد هاذي من اول ما تزوجت وهيا تبيني نمشي معاها لكل مناسبة ع قولتها عشان يشوفو كنتها والمشكلة صاحباتها نصهم عزايز وتبيني كل يوم وجهها في وجهي عشان تهدرز عليا وتبيني نخش المطبخ الى حتى مكانه ما نعرفه خليها ع الله بس

اختها≈ معقولة و هذا انتي بنت اختها.. اهم حاجة زياد كيف معاك

هبة ≈فكيني منه كل حاجة تقولها امه يقول تم ولد امه،

اختها ≈ وهذا انتي تبيه واخترتيه

هبة≈ انا ما دخلني فيهم اهم حاجة ناكل ونطلع ونلبس بس

اختها ≈ماكنت نعرفك مادية بكل

هبة≈

تم رمضان وجا(العيد )

يتبعع …..

لقراءة الجزء التالي : الجزء الثالث عشر من رواية متعصب واحببته

لقراءة الجزء السابق : الجزء الحادي عشر من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .