الجزء

الجزء الثاني من رواية لهيب الإنتقام

الجزء الثاني من رواية لهيب الإنتقام

وفي الجزء الثاني من رواية لهيب الإنتقام يا تري ماذا سيحدث من جميل الأحداث مع ابطالنا ؟ دعونا نعرف إجابة هذا السؤال في السطور التالية بإذن الله .

الجزء الثاني من رواية لهيب الإنتقام

فرج شد مرفقها وجبدها: دلاع امك فوتيه
نيسان سحبت ايدها وطربقاته كف
صقر يشوفلها: محلاه الكف بردتي ع قلبي ياقلبي وتوا جي دوري.. ونزل
فرج قعد يشوف ف ليشوفوله ف الساحه المعبيه شد مرفقه بقووووه وسحبها وتلفت بيطلع شاف شخص اطول منه قدامه
صقر عيونه نار: ارخي مكسورتها
نيسان جت بينهم: لو سمحت ماتدخلش
فرج شاف لصقر: انت عارف روحك قدام مني واقف؟!
صقر شافله: ارخخي مكسورتها نصيحه
فرج سحبها بعنف صقر شد ايديها التنين وفك ايديهم من بعض وجبد ايد فرج بقوووته كلها لدرجة انه عظم الكثف نفك ع درع
(توا بتقولو كيف العظام نفكو من بعض المهم هادي حركة)
فرج شد كثف بوجع وساكت
صقر بصوت حاد شاف لعيون فرج: المرة هادي جاتك خفيفه بس جرب تلمس بنت بلغصب مرة تانيه
نيسان رمشت عيونها: شن الاسلوب هدا؟!
صقر سيبهم وركب سيارته ومشي
صقر يسوق: فاضل
جعفر
ال…..
حبيبي لدرته مع بنتك مش معروف ليك بس عشان هي بنت بس

.
نيسان روحت: اليوم جاني فرج
فاضل تعصب: اني الف مره قتله مجيكش
نيسان: عادي هو غلط معاي وف وسط الساحه بس ف رااجل كسؤله ايده
فاضل: كسرله ايده؟! شن تقوولي
نيسان: هكي صار الانه تمدى اليوم 🔥

.
صقر مقعمز يدخن
راغب متعصب: تي انت كيف تطلللع النمم
صقر شافله بهزوه: ميقدر حد يقوف قدامي
راغب: حني هاربين متنساش وامك واختك.. قاطعه
صقر: نعععرف صكر السيرة
راغب قعمز بعصبيه: علاش طالع وين كنت
صقر شافله ع جنب: شن صغييير اني للعلم اكبر منك
راغب: الكبير ربي للعلم متقرنيش بيك بعمرك العمر مجرررد ارقام
صقر ناض وقف حول التيشرت: اطلب غدي
راغب: نعمم؟!
صقر من الممر: زوز شاورما وبيبسي وبدون كاتشب وبسرعه
راغب ضحك ع جنب وقام الهاتف طلب ولـ راغب كباب وبتري
تغدو
صقر اتكى: توا وين بتمشي
راغب: قاعد ف وجهك وين بنمشي وحني محكومين
صقر شافله بتمعن: رح نقلب الطاولة ع صاحبها وال🔞فاضل رح يدفع الثمن تحت ايدي لو ننحكم اعدام .. وناض لغرفته وقربع الباب
راغب تعصب فتح نت

.
نيسان تقرا فجآة نفتح بقوة
نيسان: ياقليل الرباية اطلع
فرج المسك ع ايده: شن رايك نحكي لبوك ع الغيور ونفضح بيك ياساقطه
نيسان بصوت عالي: مااااامااااا
بسمه جت تجر: فرج انت شن دخلك لغرفة بنت عمك هكي؟!
فرج شاف لـ نيسان: الضربه ضربهالي غدر تو نشده ونربيهولك
نيسان شفتله: سلم ايدياته
فرج طلع
بسمه بعياط: خيرررر مصيبتكك
نيسان: نقرا ليل مع نهار قانون عشان اول منتخرج نطالب بحقي وحقك وحق بابا المعاق لنصب عليه خوووه صدقيني مجرد منشوف الشهادة بين ايديا رح نسجنهم كلللهم ولاد الحرررام… وقعمزت تبكي
بسمه هدت وقعمزت: احكيلي خيره شن داير
نيسان تبكي: الف مره نقوله ميجيش يروح بيا ولا يقربني اليوم جي بيروح بيا وشد ايدي والناس ف الساحه تفنص لكن ياماما طربقته كف يبرررد القلب ومن كثر من الناس ف الساحه جي واحد ولوي ايد فرج وجبدهاله بقوة فصل العظام ع بعض
بسمه: كلمي عمك فاضل ومعاش تضربي… قاطعتها
نيسان: عمي الحرايمي هدا مفكر روح يتجمل عليا لو وصلني بسبب عمي الكلب بابا نشللل تبيني نمشي ونشكيله
بسمه: ربي يهديك انتي بنننت مش ولدد شن هداا
نيسان وقفت متعصبه: بابا عنده اربعه بنات وكان يبي ولد وزوج بناته التلاته ومزلت اني لـ رح نخليه يوقف ع رجليه
بسمه بهزوة: بنت متقدريش ع الرجاله عمك اقووى منك…وطلعت
نيسان: الهزوة هادي نتقوى بها رح تشوف ياعمي فاضل جعفر كان منخربش حياتك كيف مخربت حياة بابا

.
صقر طلع من غرفته شاف راغب راقد
صقر لبس تيشرته وطلع ركب السيارة ومشي لعند الشارع لـ فيه حوش ع تلاته ادوار وهو حوش فاضل جعفر
صقر يشوف للحوش: 26 سنه عيشت امي واختي وخليتني نكون واني عمري سته سنين يتييم متشرد مع امي واختي وخوي مرة نكونو عند خالي ومره عند عمامي كل مرة ف مكان متشردين فررخ عمره 14 سنه اشتغل الف صنعه عشان يلم عيلته تحت سقف واحد وماعمري نتغوط لـ حد

قعد لعند الدنيا ظلااااام
وهو هاتفه يرن بـ اسم راغب
صقر: باهي اسمع ياسر مش عيل اني
راغب: نعرف رد بالك بس
صقر: مدور شي سلام.. وصكر

الساعه 9:30
فاضل طلع مع مرته وزوز بنات
وفرج ولع سيارته وركبت معاه بنت
ومشوو كلهم

جت الساعه 12
صقر نزل من السيارة من النوو شاف جنب السيارة طرف حديد طووويل قامه وشاف لـ حوش فاضل وابتسم بخبث نقز مع السور
صقر يشوف ف حوش ف الدور الثالث فيه ضي
صقر قرب وبيدي يصرب ف الزجاج متع الشبابيك بشوية لعند كسر الزجاج ومشي لشباك التاني بس حس ف شخص يشوفله م البلكونه قام عيونه كانت بنت بس مش واضحه
نيسان: متخافش
تصررف بس متنساش الكاميرات
صقر قعد يشوفلها
نيسان: موفق.. وخشت
صقر قام عيونه شاف الكاميرات جبدهم بسرعه وطلع
ركب سيارته ونااااار راكبه فيه: فرررررخههه ياااعيللل بس لحظه علاش معيكتش او اتصلت بشرطه… ركب وروح وعنده الكاميرات

نيسان خااااافت هلبااا بس لم شفاته تشجعت وكان خاطرها من قلب محروق خاطرها تقوله صحيت بس اكتفت انها تقوله ع الكاميرات
نيسان وقفت بخبث: توا ياعمي الحرايمي وريني كيف بيكون منظرك لم تعرف انه حوشك نخنب اححح محلاها فييك خاطري نقوله تستاهل
وفات الوقت ورح عمها وصارت دوووشه
نيسان تاني يوم مشت للكلية ع رجليها وقربعت الباب الهاريجي بقوووووه

.
صقر مقدرش يرقد: معقولا بنته؟! ياريييتني شفتهااا الننممم
راغب فاق: امي امس هزبت لـين عيت
صقر شافله: فوتهاا معاش تكلمها ابعتلها رسايل بس متنسااااش الهاتف مراقب مرات
راغب ضحك بهزوة: ريت هلشرطه نحلف عليهم راقدين مش مدورينا
صقر: ليبيا يا ساده

.
بعد مرواح نيسان شافت اسمهان ف اجنان
نيسان بتركب جبدتها اسمهان
نيسان تلفتت دفتها بقوووة: ايددددك الخامرة تكسرها
اسمهان بنت فاضل: انتي لمكسره الشبابيك وله؟! مافيش غيررررك
نيسان: لا ياروح امك اني منديرش حاجه من وراك كان نبي ندير شي نديره قدامك
اسمهان شفتلها من فوق لعند لوطى: خاامرة
نيسان ابتسمت بتوشويش: نظيفه الحمددلله احسن من بنت عمي لـ راكبه ف سيارة جمال.. وغمزتلها
اسمهان فنصت فها: ياسر كذذذب… ومدت ايدها بتضربها كفف
نيسان نزل ايد اسمهان: مش كذابه بس ساكته عشان انتي بنفس لقبي ومنبيش نوسخ سمعت ولقب بابا وجدي بسسس مش عشان سواد عيونك وصلت.. وابتسمت بستفزاز وركبت
نيسان ركبت: عيلة متقربعه من اربعة تراكين

.
راغب ياكل ف عشاه
صقر: راغب
راغب: هممم
صقر: حوش فاضل الدور التالت لمنو
راغب حط البرجر: تي ايه نسسييت هدا حوش خوه سليمان هدا معاق بسبب حادث تعرف كان سليمان يسكن ف حوشه ف الدور الاول وتوا لم نعاق خوه الخامر فاضل حشا اسمه حدف عيلة خوه فوق عشان هو معاق ميبوش يشوفوه ف اجنان يتبرد او يتشمس
صقر: منين تعرف انت؟!
راغب: سرر المهنه ياحبي
صقر بتردد: عنده صغار
راغب: فاضل اي عند… قاطعه
صقر: سليمااان
راغب: مالنا ومال سليمان حني
صقر سكتت
راغب: عنده بنات منعرفش كم متزوجات كلهم ومزال وحده بس
صقر: بتريس من قالك
راغب: سمعته ز الجيفه ف الشارع ناصب ع خوه المعاق كللهم يكرهوه شديت واحد شيباني وقتله اني كان صار بناسب فاضل بنطلب بنته قتله وحلفت يقولي كان كويسين او لا وفرغ الشكارة وهكي كل مرة مع واحد لين جبت معلومات تاامه
صقر: قدر ياراغب
راغب:نعجبك 😎
مش زيك جاي وراقد
صقر:هه اني خدمتي من تحت لتحت
راغب سكت
صقر:غضوا الحلاوة بتزيد

تتبـع..

لقراءة الجزء التالي : الجزء الثالث من رواية لهيب الإنتقام

لقراءة الجزء السابق : الجزء الأول من رواية لهيب الإنتقام

للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى