الجزء

الجزء الثاني من رواية نبضات قلب

الجزء الثاني من رواية نبضات قلب

وفي الجزء الثاني من رواية نبضات قلب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء الثاني من رواية نبضات قلب

عايدة خدت الصورة:اني بناخد الصورة لدكتورة وبعدين الحقيني ..ومشت
ادهم لم شاف امها مشت:تسنيم تعالي خشي للحمام امسحي دموعك
تسنيم قامت راسها وعيونها كانووو حممممر:ادهم
ادهم زاد توتر لم شاف عيونها منفوخات وجبدها للحمام وصكر الباب ووقفها وراى الباب
ادهم: ادوي
تسنيم تبكي بعبرتها قامة عيونها ليه: ادهم… قاطعها
ادهم بعصبيه: بدوون كذب تسنيم احكيلي شن صار وكيف وعلاش وامتى
تسنيم تبكي وبعبرتها: اني مستحيل نكدب عليك اني (وزااادت ف البكي) اني ضربت ايدي ف المرايا واني جرحتها واني لنتوجع توا… قاطعها ادهم
ادهم متعصب: علااش
تسنيم ايدها ع فمها وتبكي وكاتمه بكيتها
ادهم: ياعمري هدا علاش امبارح تاخرتي عليا
تسنيم مسحت دموعها: امم
ادهم قام ايدها الملفوفه بضماد باسها: الف لاباس يانبضي
تسنيم ابتسمت بحزن: سلمك حبيبي
ادهم ابتسم بضحكه: غدوك بلعين 😂😂
تسنيم ضحكت ف وسط الحزن: اي
ادهم يشوف ف وجها: اول مرة نشوفك من قريب هكي
تسنيم ابتسمت بحزن ونزلت راسها
ادهم: محلااك يامرتي
تسنيم قامت راسها: ادهم ماما قعدت مع الدكتورة بروحها عيب
ادهم يشوف ف ايدها المضمده: مجروحه هلبا
تسنيم هزت راسها بمعنى لا
ادهم تعصب: نبي نعرف علاش محكيتليش امبارح
تسنيم تشوفله: مهو انت نعسان وغضوا عندك خدمة مانبيش ينشغل بالك عليا
ادهم بصوووت 🤤🤤: مره تانيه تنوضي من نومك وخلوعه بسس مخلوعه من كابوس تتصلي بيا تقوليلي
تسنيم فكتها ضحكه: 😂😂مش لدرجه هادي هلبا هكي
ادهم ابتسم وغمزاته🤤🤤🤤: ضحكتكك 🤤❤
تسنيم تشوف ف غمزاته: ديما اضحك باهي محلاهم غمزاتك يجنانووو
ادهم ضحك: يجنانوو صار
تسنيم ابستمت: هلبا
ادهم: تو يامرتي الحلوة بنمشي جو خمسه دقايق او اكتر ونتصل بيك تجيني ف الممر ف الطابق التالت ف المستشفى اوكي؟
تسنيم: وماما
ادهم: الماما موضوعك انتي
تسنيم: اني فضوليه قولي شنوتبيني
ادهم فتح الباب وطلع مبتسم
تسنيم طلعت وراه وقعدة واقفه ف الممر معادش عرفت وين الممر لفيه امها قعدت تتلفت وخلاص وطلعت الهاتف اتصل
ادهم: ايووه
تسنيم: ادهم اني معادش عرفت ماما ف اي ممر تعلا
ادهم صكها ضحكه: اني وراك التفتي
تسنيم التفتت وابتسمت وصكرت الخط
ادهم: انتي اي ممر تبي
تسنيم: العظام لاني صورت ع ايدي
ادهم شافها: اني مانعرفش فها المستشفى واصلا مانجيش هني بكل
تسنيم: حتى اني منعرفش
ادهم وقف ممرضة: االوسمحتي
ممرضة ابتسمتله 🤤: تفضل خوي
ادهم: نبي قسم العظام
ممرضة اشرت ع ممر: خش للممر هدكا واسال وإن شاء الله لاباس
ادهم: تسلمي. ومشوو
تسنيم: ادهم
ادهم: امم
تسنيم: علاش تكلم ف الممرضة هكي
ادهم: كيف
تسنيم: هكي حسيتك تتكلم برسميه هلباا 😂😂مرة تانيه سلم علها قصدي اسالها ع احوال العيلة
ادهم ضحك: ربي يهدي
وهما مشيين ايدهم احتكوو ببعض
ادهم تكهرب 🤤😂😂
تسنيم دارت ايدها ف جيبها:ادهم
ادهم بصوت واطي ومشييين.نبضه
تسنيم:لجبتهولي ف الفضانيه في حاجات نبيك ترجعها
ادهم شافها:تسنيم مش مرجع شي هما كلهم قفطانين
تسنيم:ف حاجات قعده ماشفتهمش
ادهم وقف ف بابا الممر:ياقلبي خشي لـ امك
تسنيم خشت ودارت بيدها باي
ادهم غمزلها ومشي للقسم متع امه كانت تقيس ف ظغط وسكر وهكي
تسنيم خشت لغرفة الدكتورة مبتسمه وفرحانه وجوها مليح
عايدة ابتسمت وحست بشي هدا وفرحت انه قادر يسعدها
بعد مرور اككككثر من شهرين وادهم حفظ تسنيم وتسنيم عرفت عليه حاجات يحبها وحاجات يكرها وزادو تعرفو ع بعض اكتر ومن يوم المستشفى معادش شافها
ساعه عشرة ف ليل
تسنيم دارت دوش واتصلت بيه:ايوووه
ادهم:ياهلا
تسنيم:ادهم نطلب منك طلب لكن ترفضش
ادهم:ع حسب الطلب
تسنيم:اممم اني حكيت مع ماما وسالتها نقدر نعزمك ع غدي عندنا قتلي ماما عادي….قاطعها
ادهم:لا تسنيم
تسنيم:علااش اني استاحشتك من شهرين معادش شفتك
ادهم:ياقلبي ناثث ف حوشنا اني ومانقدرش نوقف ع خدمتي افهميني تسنيم
تسنيم بعدم رضا:تمام باه 💙
ادهم:اني رح نجيكم يوم تاني إن شاء الله
تسنيم:باهي الجمعه الجايه ومعاك امك باهيي
ادهم:نشوف وضعي ونرد عليك
تسنيم:ادهم جوك مقلوب انت؟
ادهم:لالا ولايهمك
تسنيم:ادهممم اني رح نصير مرتك
ادهم:تسنيم الصراحه اني نأثث ف الحوش بكل حرص وخايف بعدين مايعجبكش الديكور
تسنيم ضحكت:ياقلببي اسمعني اني نحب حاجه بسيييطه وابسط من البساطه يعني ماتخدش حاجات مش ضروري والاهم انه يكون من ذوقك الجميل
ادهم:اني اثاثت وكملت لكن خليت دار النووم اااخر شي وشفت حاجات مليحه وحاجات عادية ومحتار
تسنيم:امممم
ادهم:نصور ونبعتلك وريحيني انتي اختاري
تسنيم:لاا مستحيل
ادهم:تسنييم
تسنيم:ياقلب تسنيم سامحني نقدرش هادي حاجه تخصك
ادهم:ايووة صار تخصني بااهي ياتسنيم باهي صحيتي ع المساعده كتر خيرك
تسنيم:زعلت حبيبي
ادهم غير صوته:ايي وهلبا.وضحك
تسنيم:اوكي ياعمري دار النوم تكون بسيطه يعني مش راقيه هلباا تكون دار عادية
ادهم حس انها شافقه عليه لانه فقير:للعلم اسمها شفقه هادي
تسنيم وقفت:لاا….قاطعها
ادهم:تسنيم اني فقير صح لكن مش لدرجه هادي
تسنيم:ادهم صدقني انت فهمتني غلط
ادهم:فهمتك صح اوغلط المهم انه المعلومه وصلت
تسنيم:ادهم صدقني اني نحب الحاجه البسيطه والدليل ع كلام حني غيرنا اتات المربوعه وع ذوقي اني ولم تجينا شوفه كيف بسييط اني مانكدبش وبعدين مش عيب ولا حرام انك فقير
بعد مرور اسبوعين قرر ادهم يزور تسنيم مع امه مشي بعد العصر ومعاه بوكي هدية وشكلاطه لتسنيم البوكي مزين بلورد الابيض
ف السيارة
ادهم عطي لـ امه البوكي:امي هدا لتسنيم
يمنى:اشششيه مقنينته
ادهم:تبي منه
يمنى:لا ياودي
ووصلو
تسنيم لبسة سروال واسع وفيه ربطه من فوق لونه ازرق ملكي ومعه سوريه قصيرة داخل السروال حمراء وقايمه شعرها فوق ومع مكياج خفيف 🤤❤
عايدة:البسي وشاح واطلعي سلمي ع خطيبك بعدين
ططططق طططق
تسنيم لبسة وشاح وفتحت وسلمت ع يمنى ام ادهم
يمنى مدتلها البوكي
تسنيم خداته:صحيتي تفضلي
يمنى خشت
تسنيم طلعت قدام الباب سلمت ع ادهم والبوكي ف ايدها:كيف الحال
ادهم:خوتك وبوك مهناش ولاكيف
تسنيم فتحت المربوعه:تفضل خليك ف المربوعه بابا يصلي ف غرفته دقيقه ويجيك
ادهم بشك:وخوتك
تسنيم:خوي علاء ف تونس مع مرته ومهاب ف خدمته
ادهم ارتاح:ااهاا. وقعمز وركز ع الاتات
تسنيم تشم ف الورد من البوكي:صحيت ع البوكي
ادهم:حلوة بساطتك
تسنيم تشوف ف الاتات:شفتت اني قتلك
ادهم مقعمز ويشوفلها:استاحشتيني
تسنيم تشم ف الوردات وتلبكت:مش هلبا. وضحكت😂😂
ادهم:اني هلبا هلباات
تسنيم ابتسمت:حليلي اااه البوكي شن فيه
ادهم:افتحيه ❤
تسنيم حطاته ع الطاولة قدام ادهم وقعمزت تفتح فيه وطلعت منه تاكم بسييط هلباا من فضة متكون من سلسال وخاتم واسواره السلسال كان فيه علامة النبض:الله ع ذوق
ادهم ابتسم:عيونك الحلوات
تسنيم ترجع ف البوكي زي ماكان
ادهم:البسيه ❤
تسنيم:توا؟
ادهم ناض فتح البوكي ولبسها الخاتم والاسواره ولم قام السلسال تلبك
تسنيم عدلت وشاحها وتلفتت وقلبها 💓💓
ادهم قرب يلبسلها ف السلسال وتكلم بهمس:تجنانـي
تسنيم قامت البوكي:ياقلبي اني بنطلع نخاف باب يجي وللهي يقتلني. وطلعت
ادهم ضحك
تسنيم حولت وشاحها وقعمزت معاهم ف الصاله
يمنى: حني جينا ع شان موعد العرس
تسنيم نصدمة كيف ادهم ماقللهاش كانت مفكرتها زيارة عاديه وساكته
عايدة: ربي يهنيهم
تلفون تسنيم
ترررررن تررن
تسنيم شافت رقم غريب قفلت الهاتف وناضت جهزت ضيافه وقدمت
عايدة: تسنيم طلعي لخطيبك
تسنيم ناضت: يلا
ف المربوعه
اب تسنيم جلال: يعني خلاص انت جاهز
ادهم: اي كملت
جلال: خلاص راي رايك العرسي حايكون زي مطلبت ف نهاية الشهر الجاي
تسنيم طقت طقتين وخشت ضيفة بوها وادهم
تسنيم: بابا تبو حاجه تانيه
جلال: لا
تسنيم طلعت
جلال: انت عارف انه اني عطيتك البنت وهي قعدة تقرا
ادهم: رح تكمل تعليمها مدورش
جلال: إن شاء الله 💛
بعد مروح ادهم وامه
تسنيم فتحت تلفونها لقت رسايل من هشام 😳💔
[لم قلتيلي خطبتي قريت رسالتك وكدبتك قلت اكيد تكدب لكن اني جيت لشارعك وسألت عليك وقالولي خطببتي ودرتي فضانيه وجو]
[انتي ملكي اني افسخي او مش رح يصير خير]
[اني رح ناخدك رح تكوني ليا]
تسنيم قرتهم وحدفتهم واهتمت
بعد مرور شهرين والوقت هدا حني ف عرس تسنيم يوم الفاتحه
وقرو الفاتحه
ادهم بعت رساله (ياحلالي يامرتي انتي ليا طول العمر ❤)
تسنيم قرتها بعتتله (يخليك ليا ومايحرمني منك🤤❤)
ادهم قعد مع جو الفاتحه
تسنيم فرحانه
وبعدها لبسة البودري وبعدها دارو كسوه وسهريه ويوم الحفله
تسنيم ف المزين وطلبت كل شي يكون بسيط
ادهم جهز روحه ونظم اموره وحلق 🤤🤤🤤
بعد المغرب وصلت تسنيم طالعه حلوه 🤤❤
وبعد وقت ادهم جاب عيلته وخدها
ف السيارة ادهم
ادهم يسوق:مرتي❤
تسنيم ضامه ايدها بتوتر:عيونها❤
ادهم شافها كيف تفرك ف ايدها من الخوف شد ايدها:ماتخفيش
تسنيم ساكته
ف صالة ادهم قعمزت تسنيم وبدو يسلمو علها
تسنيم تسلم ع الناس جتها صبيا سلمت علها وهمست ف وذنها
رويدا:غلطت عمرك 😌
تسنيم شافتها:عفوا مني انتي
رويدا:اني بنت خالته.ومشت وخلاته
وبااختصار سلمت وخدها ادهم
ووصلو للحوش كان دور واحد لكن حلو وكانت فيه ⛲نافورة صغيرة كان حلو وفي نفس الوقت كان بسيط ❤😍
تسنيم تشوف ف الحوش ودخلو مع بعض
تسنيم قامت الكاب:اوووف تقيييل 😥
ادهم خداه منها ودخلو مع بعض يفرج فها ووصلو لدار النوم
ادهم: خودي راحتك انتي وحط الكاب ع السرير وطلع
تسنيم درات دوش لبسة روب طوله لتحت الركبه ابيض ناعم ومشطت شعرها بالمشط الحراري وبدي ناااعم وخلاته مفتوح مع مكياج خفيف وطلعتله
ادهم قام عيونه فها اول ماطلعت
تسنيم بتلبك لم شافت ادهم يقرب منها
ادهم قامها وخش بها حطها ع السرير
تسنيم خشت بعضها من الخوف
ادهم يهمس: ماتخفيش
تسنيم مع انها خايفه: ادهم بنقولك حاجه قبل
ادهم اتكه جنبها: شنو
تسنيم قعمزت ع السرير ادهم جبدها ليه( ياسر لحد هني)
تاني يوم فاقت تسنيم قبل ادهم
دارت دوش ولبسة بيجامه ورديه عرايسيه مع ربطة شعر بيضا ومكياج خفيف ورجعت لـ سرير تتفرج ع ادهم ع سمريته ع لحيته ع شعره البني ع غمزاته ع عيونه
تسنيم تتلامس ع لحيته بحب
ادهم فاق
تسنيم ابتسمت وتتلامس ع لحيته: صباح النور راجلي ❤
ادهم شدها من خصرها ولصقها فيه وعيونه ف عيونها: صباح الورد مرتي❤
تسنيم لصقه فيه ونزلت عيونها بخجل وساكته
ادهم :قلبي تحشمتي
تسنيم بعدت ايده وناضت تجرري للمطبخ
تسنيم جهزت فطور
ادهم داير دوش وطلع للمطبخ
تسنيم تصب ف عصير وعطياته بظهرها
ادهم قرب ايديه حاوطو خصرهاو بعد شعرها من جنب رقبتها ويهمس ف وذنها وهو لاصق فها
ادهم:مرتي
تسنيم فتحت عيونها ع وسعهم من حركته:اممم
ادهم : نرجو لسرير قلبي
تسنيم حكت راسها بتوتر زي الصغار:ااا لا نبي نتفرج ع حوشي
ادهم ضحك ع حركتها كيف متوترة ويهمس ف وذنها:العمر كله معاي بعدين شوفيه هيااا
تسنيم سخنت كلها:ادهمم
ادهم غارق ف رقبتها وايده ف عالم تاني 🙊:هياا ❤
ترررررن تررررن
ادهم قام راسه من رقبتها:حني عرسان مني يتصل بيك ف وقت زي هدا
تسنيم جي ف بالها هشام تلفتتله:ادهم حبيبي انت رتب الفطور وانب نشوف الهاتف ..ومشت بدون مايحس.
ترررن تررررن هشام.فصلت عليه ولم جت بتقفل الهاتف جتها رساله
(سالت عليك وعرفت وين تسكني وعرفت حبيب القلب ردي او رح تندمي ندمت عمرك )
ترررررن تررن
تسنيم:اني متزوجه يامخلوق افههم
هشام بسخافه وحقاره:تهنيتي
تسنيم:ياتافه ياكلب شن تبي
هشام:جاااوبي وشوفي من الشباك
تسنيم شافت من الشباك كانت سيارة 😱:اي تهنيت
هشام:واني
تسنيم:انت شنو انت ماضي.وصكرت لم سمعت حركة ادهم ف المطبخ
ادهم:تسنيم هيا فطورنا جاهز
طططق ططططق
ادهم فتح وكانت امه ف ايدها فطور:صباح الخير تفضلي يماا
يمنى مدتله الفطور:صباحيه مباركه عليكم
ادهم ابتسم وخدي منها:شاركينا
يمنى:لالا فطرت مع بوك سلام.ومشت
ادهم صكر الباب حط الفطور ف المطبخ واتجه لغرفة النوم
تسنيم مقعمزه ع السرير وتفكر كيف رح يصير
ادهم.تسنيم خيرك في حاجه
تسنيم:لا حبيبي.شدت ايده ومشوو للمطبخ
دارت اسبوع ❤
بعد اسبوع وهشام يبي يتواصل مع تسنيم
رنن عها ساعه تلاته ف ليل
تسنيم وادهم راقدين ❤
تسنيم فاقت قبل ادهم بفجعه وعرفاته هو لي يتصل ناضت لصاله:انت شننني تبي منيي
ادهم حس ع حركته ولحقها 💔
تسنيم:اني نكرررهك افهم انت ماضي
هشام سكران:احلا بنت نتعرف علها
تسنيم:وانت اتفه شخص نشوفه ف حياتي
هشام بصوت عالي: نبيييييييك
تسنيم:اني متزوجه
ادهم تاكد انها تكلم ف شاب سحب الهاتف من ايدها وحطه ع وذنه وساكت
هشام:اني عارفك تزوجتيه تبي تغيضيني ودليل ع كلامي انك بعتلي صورة الفضانيه وعطيتين موعد الخطبه والفضانيه وموعد لحاقكم لتحديد يوم النظرة الشرعيه وموعد العرس انت ماتحبيشي انتي تحبيني لو ماتحبنيش مستحيل نبعتلي معلوماتك
ادهم سكت ومقدرش يقول ولا حرف وتاكد ميا ف الميا انه زواجه كان مصلحه عيونه ف تسنيم وجمد ف مكانه وصكر الخط بدون ولا حرف
تسنيم قربت ايدها ع صدره:ادهم هدا…..قاطعها
ادهم بصوت عالي وحاد وبعصبيه:بععععععدي
تسنيم بدت تبكي ونهارت ع الارض 😭😭😭😭
ادهم قعمز ع الصالون باانهيار وصوت هشام يتردد ف ودنه
تسنيم تبكي شدت ايديه:اسمعني
ادهم ويشوف ف دموعها وهي شاده ايده:كسرتيني تسنيم
تتابع 🔥🔥💔

لقراءة الجزء التالي : الجزء الثالث من رواية نبضات قلب

لقراءة الجزء السابق : الجزء الأول من رواية نبضات قلب

للإطلاع علي فهرس اجزاء الرواية : رواية نبضات قلب ( جميع الاجزاء كاملة ) للكاتبة ميشو محمد

جميع حقوق الرواية محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى