الجزء

الجزء الثاني والعشرون من رواية خط احمر

الجزء الثاني والعشرون من رواية خط احمر

وفي الجزء الثاني والعشرون من رواية خط احمر يا تري هل سيحدث شيء غير متوقع يقلب الاحداث رأساً علي عقب ويجعل أبطالنا في مأزق صعب ام ستسير الأمور بشكل طبيعي وجميل ؟ كل هذا وأكثر سوف نعرفه سوياً في السطور التالية بإذن الله مع الكاتبة ميشو محمد .

الجزء الثاني والعشرون من رواية خط احمر

وطبعاا فادي مشي ووراهم الاصابة
باسم طووووول يومه متعصب ومضايق وكل يومه يـاا تحقيق مع السجناء او يدخن او ف الجيم
.
.
تاني يوم⛅
فادي غير ملابسه وللخدمه
واول ماخش كان المركز فيه الحراس وشوية معاه يعني مزال مجوش هلباا لانه الوقت بكري خش فادي وشاف ملف يقين وفتحه لقي الظبط مصكر مشي لغرفة باسم بيشوف التفاصيل بس نصدم ف شي اول مره يشوف باسم بطريقه هادي 💔
.
.
غزل راقده
ايهاب لبس وهو طالع شافلهاع المرايا كيف راقده قربلها ابتسم: شديقااتي
غزل 😴
ايهاب ضحك: غمازاتي
غزل بصوت نوم: اقلب وجهك ايهاب بلا سلاطه
ايهاب عطها بوسها ع خدها: الحق فيا جيت بنقول شن تبيني نجيبلك من برا
غزل فتحت عيونها لـ كلهم نووم: سلامتك
ايهاب ابتسم: ياسر نوم ياقلبي اني نعرف وقاري ومش كويس ليك النوم وتقعميز هلبااا صدقيني بخلاف انك ترتاحي بس مش هكي ممكن العيل يقعمز وتتعبي بعدين
غزل ابتسمت ووقفت : دكتوري خايف عليا
ايهاب وجها نقلب: مبردك النم(بنبرة عصبيه) لا بكل مش خايف عليك… قطعاته
غزل تضحك: امزح امزح باه حاظر خلاص غير ماتتعصبش
ايهاب شافلها ع جنب وطلع 🔥
.
.
فرح بعد مالبسة فستان مخطط ابيض مع حجاب ابيض بسيط وكاويش ابيض وحقيبه ع الحزام سوداء 🖤🔥 ووصلت للمستشفى ز العاده
سارة الرسبشن: صباحو ايه الاناقة والشياكه دي
فرح ضحكت: تحولتي لمصريه ولا ايه ياحببتي
سارة ضحكت: لا بجد طلعه فخامه اليوم بالاخص
فرح: شكرا عيونك الحلوة اي قوليلي شن في اليوم
رشا خشت: صباحو
فرح و سارة: صباح النور
رشا: هاتو البشارة
فرح: شن في؟!
رشا: البشارة اول
فرح: اوكى لو عجبني الخبر نعزمك ع غدي برا
رشا: رسل امبارح كلمتني انها جايه بدير تحليل
فرح: القرده تقول مش بنت خالتها متكلمش فيا
سارة: هي دارة هكي حتني نستني
.
.
فادي صكر الباب ببطىء
وكان باسم راقد وهو ع الكرسي واحطط راسه ع المكتب
قرب للمكتبه بدون صوت فتح باب المكتبه بس دار صوت
باسم قام راسه
فادي: كنتي منبيش انوضك
باسم قام هاتفه شاف الساعه وبدي يحرك ف رقبته يمين يسار لكانت متشنجه من النومه
فادي: مشفشف متقوليش راقد هني
باسم: مش عارف حطيت اسلام عند امي وقالولي ف كمشة حرايميه قابضين عليهم جيت بعد الخدمه شكلي رقدت
فادي قعمز: انت مش حاسس انك شاحب مش حاسس انك بديت شخص زايد عصبيه ومناقص دوه خيرك لو في شي اني ز خوك ياراجل
باسم جبد شعره للخلف: ز كل يوم
فادي: اني اكثر شخص نعرف وزابط انك مستحيلل تفضفض ولا ادردش نهائي بس مجرد محاوله
باسم تنهد: مش رح تفهم شي.. ووقف بس الباب طقطق
باسم قرب للباب وفتح وكان عمااد ومعاه بنت خوه يقين ❤
فادي وقف: انت برا عدل روحك اني نهتم بلخدمه
باسم شافله وقرر انه يبعد ع يقين البنت لـ كل ملامحها يوحوو بـ برائه
باسم خش الحمامات (حاشاكم جميعا) ووقف قدام المرايا: علاش اليوم بـ الاخص جت
قعد وقت يشوف ف الحنفيه المفتوحه وقام عيون شاف لنفسه: بس شن جابه اني خيرني شن السبب… غسل وجها وصحح صح عدل نفسه وشعره وطلع خش للمكتب متعه
باسم: السلام عليكم… وقرب لمكتبه قعمز
يقين وعماد: وعليكم السلام
فادي: لو قعد مريض تقدر تطلع اني نكمل مع الحاج عماد
يقين عطول شافتله وتلاقو عيونهم بس باسم شاف لفادي
باسم: فادي بدون دوه انت عارف جوابي
فادي وقف: لو حسيت بشي كلمني
باسم شاف لجها التانيه قلب عيونه بملل: تمام مش رح يصير شي
فادي طلع
باسم شاف لـ عماد: تفظل عرفني بيك وكيف حابب نساعدك؟!
عماد: مش مذكرني؟!
باسم 💔شاف يقين وشاف عماد: نعرفو بعض؟!
يقين ف حالة صدمه قعدت تهزب ف روحها ف داخلها وتفرك ف ايدها بعنف وترص ف اظافرها ف ايدها بقوة
عماد: حصل خير هادي بنت خوي لـ كانت ف المصح العقلي المتهمه بقتل امها اذكرت
باسم شاف ايدها ولم شافلها عطول يقين بعدت ايدها عن بعض
باسم شاف يقين: متهمه !!!
يقين: اني يقين لـ كنت معاي كادكتور ليا مش كا محقق لـ قعدت تساعد فيا والشخص الوحيد من بين غيرك لفهم عليا من حركاتي بدون مانتكلم
باسم كلامها رصاص وكيف تتكلم💔: لاسف مش اي شخص نساعده او نحقق معاه يـا اختي متوقعه مني نحفظه
يقين سكاكين فداخلها: واني الغبيه لقريب نهبل لو ضاعت مني ساعته
عماد: حصل خير المهم جايين لانه يقين تبي تزور زوج امها
باسم شافله بعصبيه والمره هادي يتكلم بغيره: شن عندك فيه مستاحشتيه
يقين عطول قلبها💗
باسم حكك بين عيونه: متاوخدنيش ع اسلوبي ياحاج
عماد: ماتتواخدش ز مقال صاحبك الباين انك مريض شوية
باسم تنهد: ع المهم لانه زوج المرحومه قعد متحاكمش وبحكم انك انتي كنتي المتهمه فاانتي بلاخص المفروض ماتشوفيشي يتحاكم وبعدين ساهل
يقين: بس اني بعد الف واسط باش قدرت نجي هني ف النهاية بنرجع بدون مانشوفه
باسم شاف عماد: شن قصدها بـ الف واسطه متنساش انه بنت خوك عندك ع مسؤوليتي يعني اني المسؤل علها لو مجرد تنخدش واني رح نتحاسب لو صارلها شي
يقين عرفاته مذكرها ❤
عماد: اني ليا احترامي وسلطي ومانتهددش ياظابط باسم
باسم بصرامه: ليك احترامك وسلطك ف شركاتك هني ف المركز كلكم ولاد تسعه 🔥
عماد تعصب: بس نقدر نشكي فيك ععندي كلمة اطيرك من مكانك
باسم وقف: كلمتك هادي لبطيرني بها ديرها ف جيبك وفرقها ع مضفينك
عماد وقف شاف يقين: اني برا الحقيني لم تكملي حاجتك …. شاف باسم وطلع
يقين قعدت تشوف للباب وقت بخوف
باسم: لو انتي مش عاجبك نقاشي نبعتلك العريف… وقرب بيطلع
يقين وقفت: لالا انت اني جايه هني عشانك انت بـذات
باسم تلفت ورجع مكتبه قعمز: تفظلي قعمزي
يقين قعمزت: كويس انه عمي طلع
باسم: كلامي لسمعتيه مغلطش فيه لو مضايقه من حد تقدري تتواصلي معانا يعني مش شكارة بطاطا حاطها عند عمك
يقين تنهدت: يزلو فيا انهم يوكلو فيا بفلوسهم ويلبسو فيا وعشان نكونو متصافيين شغلوني شغاله لبنته الخمسه ومرته وهو جيت هني عشان نتكلم م زوج امي نبي ناخد مفتاح حوشنا عندي فلوس بناخدهم فقط معنديش معاه دوه اصلا
باسم: ريتي الشخص لـ داير روحه ميعرفنيش هدا راجل خالتي ولتتكلمي عليهم بنات خالتي
يقين: اسفه… قاطعها
باسم: لا فهمتيني غلط مش طالب اعذار اني لم تكلمت بطريقه هادي اني مش عارف عماد كنت قاصدها عليه بسبب قيمت خشمه مكنتش نقصد شي
يقين:يعني ادم خوك
باسم وجها تغير واكتفي بسكوته
يقين:مكنتش نعرف انه خوك
باسم:خلينا بشي لجايه عشانه
يقين: عمي اكيد تعصب لو سمحت اني نبي مفتاح حوشنا تقدر تساعدني؟!
باسم وقف: عشان وقت عمك ميضيعش ومايتفشش فيك انتي امشي لم ناخد المفتاح نوصلهالك
يقين وقفت: امم تمام والف لاباس عليك
باسم اتكى ع الكرسي:الله يسلمك
يقين طلعت
باسم وقف وعطول قرب لشباك يشوفها
يقين قربت وركبت مع عمها
باسم يشوف ف تكشيخ عمها بس ميسمعش فيه: واني اكثر شخص نعرف انك انت لطالب منها فلوس امها بحكم امها كانت مترجمه ف شركتك…قاطعه
عادل خش:سيدي ف شخص يتهجم ع الظابط فادي
باسم طلع
فادي دفه بقوة: ياسر كذب منين جايب الكلام هدا
زكريا كان عطي للباب بظهره: اي احكيلنا من كان معاك وقت حادت معناها…قاطعه
باسم قرب لوذنه من الخلف: صوتكك
زكريا تلفتت بعصبيه وشاف وجه باسم علامات الغضب:من انت التاني؟
باسم ساكت ويشوفله بغضب
عادل:هدا الظابط ليحكو عليه المدن اكيد تعرف اسمه
فادي بعصبيه:جاي يقولي انه وقت الحادث كانت معاي اخته
باسم شاف زكريا:انت عارف شن يعني اتهام كاذب او التبلي ع شخص
عادل:فمابلك التبلي ع ظابط
زكريا بصوت عالي لجمع كل المركز:اعلااا مابخيلكككم اركبووو
فادي:حبيبي خلينا توا مش وقت فورسيه منين طلعتلي بها اختك كانت معاي ف سيارة
باسم بنفس النظرات
وبعد نقاش فادي مع زكريا وباسم ساكت فقط
باسم: اني ساكتلك لكن اعرف انه اني خدمتي ومش امس ولا يوم بديت ظابط اول شي نحب نهنيك ع غبائك لانه ف اي مستشفى قبل ماياخدو المريض من الحادث يتاكد انه كان بروحه او ف شخص تاني يبي مساعده وتاني شي ف شخص سعفه يعني ف شاهد وتالت شي القصة هادي لها شهور ورابع شي غبي ف تاليف..قاطعه
زكريا:برا ملح انت محد كلمك
باسم وقف بحركه سريعه ضربه بوني ع وجها: كلمتك توزنها قبل ماتطلع مش زرده مع صحابك هادي
(شاف عادل)قيمه ولوحه برا المركز
زكريا:مش رح يصبح عليكم صبح ف الخدمه هادي
باسم قعمز بـ استفزاز:علاش لصبح تعالا العصر او المغرب افصلنا(شاف عادل)طلعه لتنوض هبلتي
عادل شده بثوة ولوحوه برا
فادي قعمز وهو يخمم: منين طلعلي؟!
باسم: عيل مكسد وبعدين انت عندك ادله ع لقلته اني للفرخ
فادي: زممرررر
باسم: مكسد قلنالك ياسر
يتبع …………

لقراءة الجزء التالي : الجزء الثالث والعشرون من رواية خط احمر

لقراءة الجزء السابق : الجزء الحادي والعشرون من رواية خط احمر

للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى