الجزء الحادي والعشرون من رواية خط احمر

فرح: هدا انت؟!

فادي تجاهلها وشاف ع جنب تجاهل عيونها: تمنيت مانشوفك (شافلها خدي القيله منها) يومك طيب

فرح ابتسمت: فرحتني هلباا انك درت خطوة حلوة انك تخليت ع الكرسي… قاطعها

فادي: نستاذنك مشغول.. ومشي

فرح استغربت بطريقته اختفت الابتسامه وتلفتت تشوفله ماشي بعدين فاقت ع روحها خشت

فرح حست بمجرد ضيق : حتى ولو زعلان مني هدا الافضل ليه ربي يسعده… وركبت لـ غرفتها تجهز روحها لعملية

نسرعوو اكثر

#بعد_مرور_شهرين_ونص

وهني كانت غزل مدايرة مرشميلو ف عود وقعمزه قدام نار وادوب فيه وهي تشوف ف المزرعه والدنيا صقع شوية

ايهاب قربلها: امي ونسيم رقدو ماتبيش ترقدي؟!

غزل تاكل ف مرشميلوو: No, حبييت جيتنا للمزرعه والباين انه حتى ولدي ميبيش يرقد

ايهاب: انتي مهبلك لـ هلفرخ من يوم حملك هابله عفكره

غزل: صقققع الجو ولا؟!

ايهاب: نوضي خشي هياا الساعه 2:30 توا نوضيي

غزل ناضت: طفي النار هي

ايهاب طفاها: هي طفيناها قدااامي.. وخشو

غزل تلفتت قربتله: حبيبي انت بس اسفه حتى اليوم بترقد الدار بروحك لاني بنرقد مع نسيم

ايهاب تعصب: النم تعرفيه

غزل: تصبح ع خير .. وخشت غرفة نسيم

ايهاب خش غرفتها بعتلها (توا تسبلي بـ الوحام متع الشياطين غير تروحي بس)

غزل قراته ضحكت(مش بيدي صدقني تصبح ع خير ياقلبي)

__________

باسم فاتح الاب توب ويراسل ف جمعته: اني وصلت لموقعه بس

صاحبه: كويس خلاص غضوا نمشو للعنوان

باسم: هدا لبيصير تصبحو… وصكر الاب توب وقام المق متع قهوته وشرب رشفه وبعد وقتت رقدد

__________

تاني يوم الصبح

فادي من لم فك الجبس من ايده معاش شاف فرح نهائي بس متفهموش غلط لانه ف شي بيصير

بعد شهرين ونص تعالج فادي وسيب القيلات وبدي يمشي عادي بس بحرص يعني يهتم برجليه انه ميجريش وهكي ع المهمم هدا ياحنه ف يوم كان عندهم مداهمه لـ حوش واحد يتاجر بلمخدرات ومشو وداهمو المكان وهكي ومعاهم فادي بس الشخص صاحب الحوش جي وهو معنداش علم انهم يدورو عليه ولم شاف الشرطه بدي يضرب ف رصاص بطريقه عشوائيه عمكم فادي حصل رصاصة ع حافة كثفه يعني حفاته بس نجرح هو الوحيد لنصاب من بينهم تجمعو عليه وسعفوه

في السيارة

فادي: باااسم افهممم نقولك خودني للعيادة ال،،،،، مترفعنيش للمستشفى متع،،،،،، (لانه فها فرح)

باسم يسوق: بس المستشفى افضل انت اسكت امسح ايدك بس ووقفو السيارة قدام المستشفى متع

ونزلو خشو لطؤارى خشو ولانه لابس بدلة الشرطه ياعيني تجمعو كلهم يبو يشوفو جرحه

باسم: جو المستشفى نكره اصله اني بنطلع تكمل الحقني … وطلع

هو خش وقعمز وجي الدكتورة يشوفله وهكي وهني نفتح الباب وخشت فرح بدون ماتركزز

فرح: ابتهال لم تفضي تعاليلي بعدين

ابتهال شافتلها: شنو في؟!

فرح تشوف ف هاتفها: بنجيب صغاري نطعمهم منقدرش نجيبهم الزوز بروحي

ابتهال: ياريتك قلتيلي قبل مش فاضيه الحق بنروح بعد المريض هدا

فادي يفصلل فها تفصيييل وخصوصا انه مش عطياته اهميه واساسا مركزتش فيه

فرح شاف للمريض ابتسمت: ماتشوف…. سكتت… فادي (تلبكت) احمم اسفه خديت من وقتكم الف لاباس (وشافت ايده وطلعت)

فادي كمل وطلع بس خلاص شافها عطول ركب لنفس الغرفة متع قبل دف الباب وخش وكانت هي ف الغرفة مقعمزه ومنزله راسها قريب تبكي

فادي خل عصبيته ع جنب صكر الباب: خيرك؟!

فرح هني بدت تبكي: مافي حد فاضيلي كلها خمسه دقايق نبي حد يجي معاي عشان نعطي لصغاري التطعيمه خلااص اليوم اخر يووم

فادي قرب لطاولة وبيتكلم

فرح قطعاته: اني علاش نتعب ف روحي نجيب جاد نطعمه ونروح وبعدين نجيب ميرال نطعمها ونروح

فادي: عينكك رح تخاطري صعب تسوقي وعيل يتحرك ف حضنك انتي تقعدي هني فاهمه اني بنمشي مشوار وجاي

فرح ابتسمت شافت كثفه وسوريته دم : من شنو هدا ؟!

فادي: مليكش علاقه… اني قتلك بنمشي ونجي نلقاك قعده سامعه.. وطلع ونزل مع الدروج يجري

شاف باسم

فادي ركب معاه: باسم بنمشو لمحل سبونج بوب متع الاطفال

باسم تعصب يسوق: الدنيا مقلوبه وانت تتسهوك ريحني تربح

فادي: غير برا النمم بجديات ندوووي

وبعددد اقنااااع باسم مشو للمحل هدا

فادي نزل خدي كراسي متع سيارة للاطفال عرفتوهم خدي زوز واحد ازرق وتاني وردي

باسم خش معاه وقعد يشوف ف الالعاب خدي سيارة لـ ولده وطلعوو

(منظرهم ف محل الاطفال يضحكك يعني شرطيين وواحد متصاوب مجانيين)

باسم ركب شاف الكراسي متع الاطفال: اوووباااا زوز يتربو ف عزك ياحاج امتى صار

فادي شافله: ناقصك اني ارجع للمستشفى

باسم تعفلب: سواق بوك تحسابني للحوش طول

فادي: تي ارجعع للمستشفى النمم توا خديتهم الكراسي خلاص

باسم: زممممررر.. ورجعوو

فادي نزل الكرسي: انت برا اني ناخد تاكسي

باسم: احسسن… ومشي

فادي طبعاا يعرف سيارتها حطهم جنب السيارة وركب

فادي: اني جيتت

فرح ابتسمت: باه كويس

فادي: انتي ف الجديد معاش تطلبي مساعده من حد غيري

فرح ضحكت بهدؤ

فادي: هي انزلي وجيبي صغارك بروحك

فرح: كييف؟!

فادي: انزلي

نزلو

فرح نزلت شافت الكراسي ضحكت

فادي:افتحي السيارة نركبهملك

فرح فتحت السيارة وركبهم فادي وطبعاا الموضوع ميخلاش من نظرات الناس والوشوشه

فرح شافتله: شكراا ع الكراسي

فادي ابتسم: ولوو

فرح ابتسمت ركبت سيارة

فادي: حوشك قريب من هني؟

فرح: اي مش بعيد وراى المعمل متع الخياطه تعرفه

فادي: اي يعني حوشكم الابيض لـ ع دورين

فرح: انت علاش تسال؟!

فادي: لا شي بري جيبيهم نستنى فيك

فرح: علاش بتستناني؟!

فادي: بنشوف ميرال كان مفيهاش مانع

فرح ضحكت: اوكى باي… وطلعت

فادي قعمز ف الانتظار

_________

يقين بعد مغسلة اماعين الصبح ركبت تعلب ف جاد وميرال

فرح خشت فتحت الولاب طلعت لـ ميرال سروال اسود جينز وكبوط احمر ولبستلها كبوس الكبوط

وجاد سروال جينز ابيض وجاكيت جلدد اسود ونزلتهم لسيارة الزوز

_________

غزل وايـهاب ونسيم وعائشة روحو من المزرعه الساعه 10 وغزل تصك ف النوم ف السيارة

نسيم ضحكت: رقدت مرتك

عائشة: خل ترقد

ايهاب: شن ترقد يام النهارات اليوم كلله راقده ز القطاطيس

عائشة: حامل جايها ع النوم وجايتها عليك قالت كرهاتك

ايهاب ضحك

_________

فرح وصلت معرفتش من بتنزل الاول قربلها فادي

فادي: حولي

فرح بعدت

فادي ضحك: اول مرة بنقيم عيل راه تستنكر؟!

فرح ضحكت: لالا

فادي قرب قام ميرال حول الكبوس شافها: منين العسل هدا كله نظام شدوق وجو

فرح ضحكت: دبدوبه

ودخلوهم مع بعض طعموهم

الممرضة طعمتهم: شن اسمائهم

فادي: ميرال حاتم ال،،،،،

و جاد حاتم ال،،،،، … شاف فرح ابتسم

وطلعو

فادي باس ميرال: بنتي مبكتش انت ولدك عياط

فرح ضحكت: حتى ميرال عيطت ياسرك كذب

فادي: شوية مش ز ولدك فتح فمه معاش سكره

فرح ضحكت وصلو لسيارة

فادي باس ميرال: خدودها مصقعات البنت… لبسها كبوس الكبوط وحطها ف كرسها

فرح: شكرا ع اليوم الحلو

فادي: ولوو

فرح ركبت سيارة ومشت

فادي خدي تاكسي ومشي للمركز بدمه

باسم متعصب: توا فضيتتت

فادي استغرب: خير مصيبتك شن في؟!

باسم: المسؤاليه كلها جت ع راسي كيف تصاوبت وكيف هجم علينا طلبوك قتلهم ف المستشفى يحسبوها الاصابه خطيره

فادي: فوتهم دايرين رواحهم متع خدمه تو نمشي نوريهم الاصابة

باسم قعمز بعصبيه ضرب الطاولة

فادي طلع وكلهم يشبحو ف الدم لـ ع بدلته

يتبع …….

لقراءة الجزء التالي : الجزء الثاني والعشرون من رواية خط احمر

لقراءة الجزء السابق : الجزء العشرون من رواية خط احمر

للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد

جميع الحقوق محفوظة للكاتبة ميشو محمد .