الجزء

الجزء العشرون من رواية خط احمر

الجزء العشرون من رواية خط احمر

وفي الجزء العشرون ماذا يا تري سيحدث من جميل المواقف مع ابطالنا وهل سيظهر شيء ينغس عليهم حياتهم ؟ كل هذا وأكثر سوف نعرفه سوياً في السطور التالية من رواية خط احمر للكاتبة الموهوبة ميشو محمد .

الجزء العشرون من رواية خط احمر

فرح تنهدت: اني نخطبت لشخص قبلك وكان متوسط العمر رح يتزوجني لانه مرته متجيبش بس رفض صغاري
فادي: فرح اني تربيت بدون اب مع انه بوي قعد حيي لعند اليوم يعني رح نكون حريص ع كل شي
فرح خايفه: م منقدررش نتمنالك الاحسن من كل قلبي ❤
ارجع للكرسي قعمز
فادي رجع للكرسي وقعمز تنهد: اني ظابط شرطه وحاجتي نعرف كيف نجيبها.. وطلع ومشي للاسنسور لانه ميقدرش ينزل بلكرسي مع الدروج ومزال عنده ارتجاف ف رجليه
__________
.
غزل كلمت ايهاب عشان يجيب رناد وفعلا جابها
اول مخشت رناد جتها غزل تجري حضنتها بقوة
رناد: خيرك شوفيلي
ايهاب استغرب
غزل بعدت عيونها دموع: شييي استاحشتك بس
رناد ضحكت 💔 فكرت ايهاب ضاربك
ايهاب ابتسم: ماعمرها حتصير
غزل شفتله: اني مره عطيتك طريحه 😒
ايهاب ضحك تحشم خش المربوعه عشان يقعدو ع راحتهم
رناد خشت غرفت نومهم قعمزت ع السرير: احكي خير عرفاتك كنت تبكي بجددد
ايهاب خش بياخد شرشاف ويغير ملابس بيطق ع الغرفة بس وقف
غزل بدت تبكي: قالو عليا عقيمه رناد يسالو فيا ف اساله حرجه تحشمت هلباااا قدامهم كنت مفكره انهم كويسين فرحت لم عرفتهم بيجو درتلهم كيكه بس كانو العككس لم طلعت عشان ايهاب يبيني بنت خالته قالت لـ عمتي قتلها ولدك قعد صغير دوريله
رناد: اهدددي ياعمري انتي شن درتي ؟!
غزل مسحت دموعها: ساكته مدرت شي بس دموعي نزلو لم طلعت وحسيت انه وحده بتجي تشاركني ف ايهاب قريب تقطععت 💔😭
ايهاب غمض عيونه وطقطق
غزل مسحت دموعها بسرعه وقفت ع المرايا شافت مسكرتها سايحه اولا وطلعت للمطبخ
غزل: ايهاب جعان نديرلك… قاطعها
ايهاب تلفتت عيونه حممرر: تلحقيني لوووطى سامعه توووا غززل وراي … وطلع نزل
غزل ضربت خدها خافت:رناد توا نجي…ونزلت بعد لبسة المصليه
ف الدروج ايهاب وقف
غزل نزلت: خيرك
ايهاب تلفتت: بكري نسيم حكتلي كل شي بس محبيتش نذكرك مكنتش عارف انك مثاثره انه اني بعدد حبي ليك ومعاناة سنه كامله لا وفوق هدا كله شاكه ف حبي ومتوقعه نتزوج عليك
غزل قربت شدت ايده:مكنتش نبي نعبي راسك كره لـ خالاتك هما مفكرين انه حني متزوجين من سنه بس اني مرتك الشرعيه من ثلاثه شهور بس
ايهاب تعصب: مدام عرفه انه مزال ع الحمل علاش بكيتي
غزل حضناته باسته ع رقبته
ايهاب بعدها وشاف الدروج فوق ولوطى: اختك عندنا متهبلينيش
غزل ضحك:نحبك اني….طبس نقولك حاجه فوذنك
ايهاب ابتسم طبس عطاته بوسه ع 💋🙈 وهربت
غزل ركبت تضحك شافتله من فوق
ايهاب حك رقبته بتوتر
غزل زادت ضحكت وخشت
ايهاب ركب ف جرتها:جيبي شرشاف ووساده وبيجامتي
غزل جبتله شرشاف ووساده
ايهاب شدها بصوت واطي: شديتك
غزل فنصت فيه:رناد عندنا عيب تحشم
ايهاب: صار عيب ولـ درتيه ف الدروج شنو هداكا
غزل ضحكت:هديكا بوسه لراجلي حلالي 😅
ايهاب نتشها ع رقبتها بقوة
غزل فنصت دفاتح:ياكلللب 😳 قعدت علامه؟!
ايهاب ضحك: صغيره عادي
غزل لبسة البرنوص تخفي ف النتشه وخشت
رناد: خيرك لابسة الكبوس ف الحوش حولها بلا جو عواويل
غزل تلبكت: صقعت..ورفعتله بيجامته قربت من المربوعه وفتحت الباب وحدفتها ف المربوعه
ايهاب شاف البيجامه تلوحه وهو مقعز ع الصالون:خشي قيمها خير مانفصل خشي ديرها ع الصالون عارفك تسمعي فيه خشي قيمها
غزل خشت تجري قامتها بس جها نقز علها ولفها طاح وجت فوقه
ايهاب تحتها لف ايديه علها: موليه بقرة تكنه النفس ضاق
غزل تشوفله:عيب رناد معانا ياحشمتي ارخييني تربح ارخيي
ايهاب:بوسيني تاني 🙂
غزل فنصت فيه:سنفور طماااع ارخيني ياحليلي ياوخيتي كان تسمعنا ارخييي
ايهاب:عادي مش راجلك وحلالك قلتي انتي اضيعي ف الوقت
غزل بساته لعند رخي ايديه وناضت تجري للباب بصوت واطي: نموت فيكك
ايهاب ع الارض دار ايديه تحت راسه:قلبي ضروري نستاصله مولي ز الدربوكه
غزل ضحكت هربت
والمجنون قعد ع الارض ❤😂
غزل عدلت روحها شافت النتشه ع الممر فنصت:عادي عادي…ولبسة البرنوص وخشت
رناد:عاام توا نزل فيه الغلا قريب روحت
غزل: قالي ميبيش توته هادي يدلع المهم فوتينا منه دار الكبد ادوي شن عندك.. وحكوو كللل شييي
__________
.
فادي وصلاته تاكسي وخش وهو يمشي لـ امه
نورية زغرطت بصوت عالي:نهار سعيد ياغزالي
فادي ضحك: نتعلم يام
نورية: الحمدلله الحمدلله ❤
وتعشوو وقعمزو يدردشو
فادي خاف من ردت فعل امه خصوصا انه راس ولد:يام نبيك تخطبيلي بنت
نورية: اني قلت لعند تبرا ندورلك عادي من البنت
فادي: هي مش بنت متزوجه
نورية:كيف متزوجه
فادي:هي تزوجة وقعدت شهرين وراجلها توفه
نورية:ارمله؟😨
فادي: يام انتي واعيه اني عجبتني البنت الحق بس ارمله وعندها زوز صغار
نورية نصدمتت: تبصر انت وقت برادتككك هو توااا…قاطعها
فادي غمض عيونه:مانبصررش جددد نتكلم ارمله
نورية توسي فيه:له عليك ياوليدي انت راس فروفوطه عندي نبي نفرح بيك مع عروسه بنت انت تبدا راجلها مش وحده بصغارها حرام عليك تقهر فيا
فادي رمش عيونه:نقهر فيك لاني بنربي يتامه…قطعاته
نورية:قصدك بتاخد حتى صغارها؟! ورااااسسسسس…قاطعها
فادي:متحلفيش لانه بيجي ع راسك يتامه بنربيهم وبينادولي بوي انتي مفروض ترفعي راسك مش تنقهري
نورية بتكي تعيط:وخيره من بنت علاش متاخدهاش بنت ..قاطعها
فادي:بنت ناس اصل ومفصل دكتورة وقنينه بس نصيبها تترمله ع صغر سنها يااام حرام عليك راغبها البنت اني ونبها ومش رح نرضا الا ومعاها صغارها الزوز
نورية ضربت رجليها:وكلاتك حاجه انت(بعياط)تواا انت غزززال ز الورد ظااابط قد الدنيا تاخد شقفه ارمله
فادي تنهد فتح سوريته نصين بعصبيه بين صدره:الشقفة ارمله هي لدوتهم وعقمتهم ووقفت معاي ف الوقت لكنت بنت الحياة واموت لا وخطيبتي بنت الكلب لـ اخترتيهالي جلطتني ع سرير الموت اننا فسخت لم عرفتني معاق شوفيلي اني فادي ولدك مش رح نقبل الاااا بها هي وبصغارها وبالك تحسبها واقفت هي حتى هي رفضتني يام راه رافضضه…قطعاته
نورية:تمتللل عليك عليك يناري الاحرف
فادي وقف: شوفيلي هي وقفتني ع رجليا بعكس لدراته اسمهان يام مافيهاش عيب البنت ز الورده بشوشه تضحك ف وجهك تنسيك هموومك
نورية تمروح ع روحها بيدها:بيجلطني ياغبارتي ياغبارتي ياغبارتي
فادي يمشي وهو شاد ف الحيط بشوية ومتعصب غير ملابسة وهو راقيله قعمز: كان ترملت النمم شن بيدها هو مشعارف كيف اني يابننجلط يابنهبل..تسطح 😴
_________
.
.
فرح روحت بولدها ورقدت صغارها ولقت يقين و ميرال راقدين بس هي مجهاش نوم برغم من التعب بس مجهاش نوم او بالاحرى خلينا نقولو مقدرتش ترقد ❤
قعدت تتقلب تتقلب لعند تعبتت ناضت خدت دوش سخون استرخت طلعت جففت شعرها تنهدددت: شن جاني بنرقددد اوووووف .. رجعت رقدت جنب ولدها جاد بس شي النوم طااار تقلبت وهي متعصبه وف الاخير ناضت طلعت نزلت للمطبخ بس وقفت لم سمعت خوله ف الصالة تتكلم ع الهاتف قربت لصالة وكانت خولة تتكلم مع حبيبها بس بطريقه 🔞🤮 تعصبت فرح وجبدت الهاتف منها بعنف وقفلت ف وجها
فرح طربقت اختها كف: شن القرف لتقوليله فيه
خوله تعصبت لمس خدها مكان الكف وشافتلها بعصبيه جبدت هاتفها من فرح: مدخلللكششش مليكككش علاااقه …فرح
فرح بنبرة حاده: انتي شني انتي بنت ناس توا؟! بلديري فيه تتبتيله انك وحده قليلة شرف بنت شوارررع…قاطعتها
خوله:مدخلكشش انتي نسرفي اليوم بلكامل وخلي مفرخك ينبحوو وبعدين تعالي ربيني باهي لو كنتي مقومه راك مقعمزة ف الحوش تربي ف صغارك مش هما طول اليوم مع امي
فرح نزل علها الكلام ز السم بس بصوت حزين:بس اني مانسرفش نشتغل عشانهم …قاطعتها
خوله:وااااااضح واااضح
فرح : اني منتقارنيش بيك يامراهقة تخيلي بابا لنزل بدلي؟! وسمع كلامك الفاسدد
خوله: اقلبي وجهكك فرح اقلبي
فرح شافتله بعصبيه: كانك بنت امك نسمعك تتكلم مع ذكر من جديد نقول لبابا فاهمااا راك كبيرة ديري عقلك ف راسككک…وجت بتطلع بس وقفت لم خش فها كلام خوله ز السيف
خوله: عرفتي انه الدنيا مفيهاش امان توا اذكرتي لم كان صغار اي شخص يجي بيخطب عطول يختاروك البنت الوووواووو البيضاء ام عيون خظررر خطبوك وخطبوك وف النهاية تلوحتي ارمله ز الكلبه
فرح 💔بس تقوت تلفتت: لـ تتسهوكي ووتتهزي عليه الشي هدا صار من ربي مش بيدي ترملت…وركبت تجري خشت الغرفة تبكي 💔💔💔
يقين كانت فايقه غطت الصغار شافت فرح قربتلها:فروحه خيرك
فرح تبكي بدون صوت شهقات بس قعمزت ع الارض انسندت ع الحيط: علاش هكي مجتمعنا يشوفو ف الارملة علاش هي ترملت باهي شي قظاء ربي مش بيد حددد
يقين قعمزت قدامها:علاش الدموع انتي عارفه انك ارملة وربي اختارك انتي بدات تترملي احمدي ربي الف مره انك ارملة وراسك عالي افظل من الف بنت ف مجتمعنا الجاهل هدا ميعرفوش انه ارملة هي نفسها سند ونفسها شرف ونفسها ام ونفسها اب تصدقي لم نشوف ارمله نعرف انها بـ 1000 راجل
فرح مسحت دموعها وتتامل ف يقين: اول مره نركز في ملامحك فعلا تشبهيلي
يقين ضحك:من قبل يقولو فها فرح ويقين نسخه
فرح حضنتها: حبيبتي ولله
يقين حضنتها وابتسمت
_________
تاني يوم
فادي دوش وطلع بس المره هادي بدون كرسي متحرك بلعكس خدي قيلات ويمشي بيهم وهو لابس سروال جينز اسود وجاكيت جلدد بني مع تسريحة شعره وعطره 🔥 طلع وهو طالب تاكسي مشي للمركز تجمعو زملائه يتحمدوله وهكي وبعد العصر مشي للمستشفى بس مش عشان فرح عشان الدكتور عشان ايده المكسوره وحولوله الجبس وطابت وطلع بس مشفاهش ف الممر وهو متمني مايشوفها وصل لعند الباب بس كانت الدنيا مطرررر 🤤 شاف التاكسي وقرر يطلع حاول يمشي بـ القيلات بس بسبب المطر وهكي طاحت منه قيلته وهو قعد وقف وطبعاا مزال ميقدرش يتني راكبه ويطبس قعد يشوف ف القيله متعه ع الارض وشاف لناس تعصب من نظراتهم وهني وصلت فرح ونزلت من سيارتها مكانتش مركزه فيه قربت قامت القيلة من الارض وهني شافتله
فرح: هدا انت!!
يتبع ……

لقراءة الجزء التالي : الجزء الحادي والعشرون من رواية خط احمر

لقراءة الجزء السابق : الجزء التاسع عشر من رواية خط احمر

للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى