الجزء الحادي عشر من رواية عديم الضمير

وفي الجزء الحادي عشر من رواية عديم الضمير دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء الحادي عشر من رواية عديم الضمير

صفوان تحت:خلوهم ميتين بـ الشر

مر يوم

مر اسبوع

مر شهر

مر شهرين

مر تلاته شهور

مر اربعة شهور

مر خمسه شهور

مر سته شهور

مر سبعه شهور

#بعد_مرور_سبعه_شهور

رحمه متقطعه وكل شي تاكل وتشرب فيه عشان لـ في بطنها بس

.

.

مرام حملت بس اجهضت من الحزن وتعب النفسي من البكي والخوف

.

.

رحمه تقطعت طررروف عليه سبعه شهور مش شيفاته ولا سامعه عليه شي

هشام لـ ضعف عن قبل ونار فيه انه يعرف صحابه وين ويخدم من قلبه بـ ناااار انه يشوف ضي يوصله لـ وسام وعدي

.

فات اليوم

الساعه 3 ف اليل

سيارة وقفت قدام حوش مرام قربعت ع الباب وبدت تكلكس بصووووت مش طبيعي لدرجة الناس سمعو الصوت وف اشخاص ناضو ع صوت التقربيع

مراد اخ مرام طلع متعصب من لـ يقربع فتح الباب لكن ماكان ف حد غير شخص واحد غارق ف دمه ولحيته طولت وضعييف ومجرح

مراد من الصدمه تنفس وركع قام وجه الشخص هدا

مرام فايقه

امها:ابصر منو قليل الذوق

مرام ساكته وتشوف مراد موقف شخص ومدخله

امه نصدمت من شكل الشخص لـ مع مراد:كيف يدخل شخص هدا

مراد ساند الشخص:مررررررام تعااالي مرااام

مرام تشوف ف الشخص

امها:هبل خوك ولا خيره من هدا

مراد بلهفه ف صوته:عدي يامرررام

مرام تلشئت ف وجها ابتسامه وطلعت وشافتله

عدي كان ف سند مراد يشوف ف مرام عيونه مرخيات دااايخ ف عالم تاني يشوف ف حلم

مرام تشوفله نعقد لسانها من شكله لحيته وشعره ابييييض هلباااا كان اسمر من السجن والضغط لصايرله تغيرت بشرته

مرام شافت ايده وشافت الدبلة كان فالصو لانه عدي رفض انه يلبس الذهب اوالفضة ولبسها فالصو

مرام: مستحيل لـ نشوف فيه …دموعها بدو ينزلو زي المطر ودخلت تجري …. وتلوحت ع السرير تبكي بااااالف غصه من منظره كيف تغير كان جسمه مشدود واسمر وتوا ضعيف ابيض مش قادر يمشي

مراد دخله وسطحه ع الكنبه:لوحوه وهربو ولاد الحرام

امه قلبها تقطع عليه: حسبي الله ونعم الوكيل

فيهم

مرام ف وسط دموعها نزلت تجري وجت عينها ف عينه

عدي يشوفلها بالللللف لهفه كان متمني يوقف وبس

مراد اتصل وطلع

مرام تقرب ببطى

امها تحشمت دخلت للمطبخ:خليك مع راجلك ف وقت ز هدا محتاجك قبل مايجي مراد …ودخلت للمطبخ وصكرت الباب تجهزله ف قهوة تقيله عشان يصحصح

مرام قعمزت قدام الكنبه دموعها ينزلو من منظره

عدي بفشل ف جسمه مد ايده ع خدها ومسح دمعتها فتح فمه بصوووت ووووواطي هلبا:اسف ع لصار

مرام بحركه سريعه قعمزت ونزلتلها  وهو متسطح

عدي بصوت واطي هلباااا زي المبحوح:بعدي ريحتي تقرف

مرام بساته ودموعها ينزلو: متتت اني من غيرك ولدنا مات اني حملت وماااات…

عدي شد شعرها ويشم ف ريحته تنهد بصوت مبحوح وواطي :قداش مستاحشك لو تعرفي بس

مرام قعمزت مسحت دموعها:عدي جعان

عدي: جعانك انتي وبس وربي؟؟؟

مراد خش: عدي كنت نتصل بـ هشام وعطاني مقفل

عدي بصوت واطي لدرجة مراد قرب عشان يسمعه:مانبي حد يشوفني

مراد: انت كويس ناخدك مستشفى

عدي نزلت دمعته: مستشفى شنو صاحبي قتلوه قدامي يامراد قدااامي مااات تعذب قدامي بشريان

مرام زاد بكها وشدت كثفه

عدي تنهد بصوت مبحوح ووواطي : شفت اشياء حتى لـ اعدائي مانتمنها

مراد قعمز بحيل مهدود

عدي بدي يبكي:وسام يامرد وسام لـ يعدبو فيه بصوت مرته يتصلو بها ويسمعو فها ف صريخ وسام يعذبو فيه

مراد: حسبي الله ونعم الوكيل

عدي مسحتله دموعه مرام: مانعرف كم ليا مش قادر نوقف ع رجليا تعذبت عذب ماعمرك تشوفه قتلوني ميت مرة عشان ياخدو رقم مرام مني نموت ولا نخلي اختك تتعذب ولا نسمع صوت صرختها وسام لم رفض يعطيهم الرقم لكن رقم رحمه جابوه من الايميل متعها

مراد: الحمدلله ع سلامتك وخلاص تحسب فيهم عندهم رب

عدي تنهد

ام مرام جابت سفرة عشي شربة وخبزة وفواكه وحليب وقهوة:نوض كول

عدي:لالا…وقعمز شاف مراد … نوض مراد اسندني ماشيين

مراد وقف:وين؟؟

عدي:لـ هشام

مرام تبكي:كول عدي انت مش قادر توقف

عدي تعصب:وسام متصاوب ضاربينه بـ رصاص بيموت واني بناكل هكي عادي وصاحبي بين الموت صاحبي لكانو معاي ماتو واحد مات بضي وتاني غرق ف دمه

مراد سنده وطلعو

.

.

.

ميشوو محمد: اقسبلله نكتب بدموعي شي يعذب انك تشوفي شخص غالي عليك متعذب ويبكي

.

.

.

وصلو

رحمه راقده وايدها ع بطنها

مراد وعدي ركبو لحوش هشام طقو ع بابه

هشام فاق:نشالله خير يارب..وطلع بسرعه

خنان خافت وقعدت ف غرفتها:يارب

رحمه فاقت وناضت وقفت ع الشباك :خير نشالله ..حست حلقها ناشف نزلت تشرب شافت بوها وفادي ووامها فايقين

رحمه ايدها وراى ضهرها وتنزل:شنو في

بوها:شن نوضك انتي اركبي ارقدي

رحمه تجاهلاته ودخلت للمطبخ تشرب ورجعتلهم وسمعت بوها يقول هدا عدي رحمه بدون مقدمات قعمزت ع الارض فشلت كلهم

فايزة قربتلها:وووه ليا بنتي

رحمه ايدها ع بطنها تبكي: عدي يامااامااا وين وسااام

فادية قعمزت رجل ع رجل:مات ارتاح من عمره

رحمه زادت ف بكها: نشالله فيك حسبي الله فيك يافادية

فايزة:ضمي علينا فمك انتي لعنت الله عليك

فادية تضحك

.

.

هشام دمه محروق: مرته بتموت ياعدي كل يوم تبكي كل يوم ماتكل ف شي ولده قريب يولد وهو مش موجود

عدي: ماتلومناش ياصاحبي

هشام:عدي انت شرطي اكيد تعرف روحك انت وين

عدي: اكيد مكان رملي ياهشام لانه اكثر من مره يصير عجاج والغرفة لـ فيها تتعبى تراب بسرعه من الشباك يعني المنطقه رمليه ووسام قالي انه مايسمعش ف صوت اذان ولا صوت هرجة او صوت سيارات يعني المكان منعزل

هشام:كويس معنها اكيد ف الصحرى

عدي:لم لوحوني قدامي حوش نسباتي قعدنا ف طريق حوالي ساعتين بس لاني طووول الطريق واني نعد ف التواني

هشام:يعني مش الصحرى

عدي: مكان خرابه فيران وحشرات الاهم وسام ياهشام ضروري ننقدوه لم طلعوني اني ضربو وسام برصاصه خليته غارق ف دمه

يذكر …

وسام مربوط ف الكرسي وساكت

صفوان خش:عدي اليوم بنرجعوك لحوش نسباتك ياحلو عشان مرتك تشوفك بلحاله هادي

عدي شاف وسام:ووسام

صفوان:شن رايك تبي تطلع انت ؟؟

وسام:نموت ولا نترجاك

صفوان سحب كرسي قعمز: تعرفو صحابكم دفنتهم بدون علم اهليهم وف شب من جمعتي يراقب ف هشااام واليوم شافو هشان واخد رحمه للمستشفى

وسام يشوفله

صفوان:الف مبروك وسام عندكم بيبي

وسام يشوفله وزاد كرهه لـ صفوان:تعرف انك

صفوان:فكوهم ورجعوهم لـ بيوت نسباتهم التنين عشان يعرفو مني صفوان

وسام دفل:تفووو

وفكوهم

وسام هجم ع صفوان ضربه بشكل عنييييف لدرجة انه داخ بين ايديه ومقدش الشب لـ معها يبعده دفه دفه بس وسام كان قوي ومغلول خرب وجه صفوان وكسرله انفه

بعد مرور يوم رجع صفوان وجها ملفوف وخش

وسام ضحك: توا بديت مرتاح حتى لو نموت عادي توا المهم ارتحت

صفوان طلع مسدسه

عدي بصوت عالي:لااااااا

وطاااق

وسام طاح بيه الكرسي للخلف وطلعو كلهم مع عدي وعدي ينادي ع وسام بصوت عالي

.

.

عدي:وسام بسبب عصبيته ومقدرش يسكت

هشام:وسام عنده عزة نفس عرفته بدير مصيبه

عدي: هدا هو وكل يوم ناكلو وجبه رز او مكرونه ف حكة طماطم

هشام:حسبي الله ونعم الوكيل

بو رحمه ساكت ماد وجها وخلاص زي رجل الكرسي

عدي طلع يشمي ع رجليه ببطىء

مراد ورجعو

عدي مع انه كان تعبان بس محبش يرقد خدي مرام من حوش اهلها ووصله مراد لحوش اهل عدي وبدو الزغاريط مع شروق الشمس

الساعه سته الصبح

عدي وقف:عارق ودنيتي مقلوبه بنركب ندوش ونرتاح …وركب

حميدة قربت لـ مرام: نوضي شوفيه سلم بنتي وللهي خايفه حتى تجيه حاله نفسيه من كلامه ومنظره

مرام:حاظر(وقفت)عن اذنك..وركب

عدي ع طول خش لـ دوش

مرام تلهفتله ندتبي تحكي معاه بس حمدت ربي الف مرة

عدي طلع ولبس برنوص الحمام

مرام ناضت

عدي بعدها بهدوء:تعبان نبي نرقد

مرام فتح دولاب وطلعت ملابسه.من وقت معاد تنظفو بس عادي البسهم

عدي: غادي يجبولنا ف ملبس مسخه هادم قدامي نعمه

ولبس وتسطح

عدي:تعالي جنبي

مرام قربت: نقرا عليك

عدي: ياريت

مرام قعمزت  نزلت دمعتها عليه عدي قام راسه

عدي.ليش الدموع

مرام تبكي: عدي ولدنا مات

عدي مسحلها دمعتها: اسف اني نشوفوه ف الجنه يارب ملائكه هدا يامرام

مرام مسحت دمعتها

عدي يشم ف ريحتها: يالللللللللللله

مرام بساته:ع خده

عدي: لم نحلق تاخدي راحتك باهي

مرام:مش موضوع حلاقه

عدي هجم علها

.

.

رحمه تبكي :ليش فهمني ليييييش

هشام ناض شد ايدها:قالي انه وسام كويس الحمدلله ومافيه شي وغضوا بنمشو نجيبوه

رحمه تبكي: ورااااس حور ياهشام طمنلي قلبي تربح

هشام اصايق: ادعي ربي يوفقنا ونجيبوه بس

رحمه تبكي:ندعي نددعي كل صلاة ف كل ركعه (نفعلت ف بكها)مانبيش نربي ولد بدون اب مانبيش يكبر ولدي يقولي وين بابا مانبيش ولدي يقولي نبي صورة بابا مانببببيشش …نهارت بكي

هشام

حنان تبكي وفايزة وتبكي وتتحسب .

.

.

تاني يوم جمعو معلومات ع صفوان وع الكلام المنعزل هدا

وبعد اصرار وزارو كل الاماكن المنعزله

بعد مرور شهر

رحمه تبكي:انت وعدتني باهي ليش عدي رجع ومرجعش وسسسام

هشام: قربنا وحصلنا معلومات عليه

رحمه تبكي:اني رئتيه تاعبات ياهشااام ممكن ف ولدتي نموت

هشام طلع

رحمه قعمزت ايدها ع وجها وتبكي

حنان لحقت هشام عشان تشري ملابس مولود رحمه

حور حاسه بخالتها متغيره :تبكيش لحمه (تبكيش رحمه)

رحمه بستها

.

.

صفوان: عذبتك وسمعت صوت مرتك وضربتك رصاص وطلعت الرصاص بدون مخدر فهمني امتى بتموت

وسام كان قوووي: شي بيد ربي مش بيدك

صفوان: تووا اني مليت بنسافر وبنخليك تموت جيفه هني بروحك اني بنسافر (شاف جمعته)اطلعو خلاص مشوارنا تم …وطلعو

وسام كان ف خاطره يطمن ع حالة مرته وولده بس كل دنيته وتفكيره فيهم بس: يارب مرتي يارب مش طالب شي مرتي بس يارب

ف السيارة

وسام نزل:منور عدي سلام

عدي:سلامات بعدين نشوفك..ومشي

وسام دف الباب وخش وجت عينه علها قريب مات لبسة قفطان تحت الركبه اسود واسع وبطنها بارزه شووووية ايدها ع بطنها وتتمشى بشوية وشعرها ديل ويضرب فيه الريخ من الخلف رحمة تلفتت وجت عينها فيه

وسام قرب يجري و رحمه تبكي دفاته

رحمه ادف فيه:بععددد…وتراجعت للخلف

وسام لدرجه صوته مبحوح ومتغير ابيض ضعيف شعره طاول شوية ولحيته طوالت شوية

وسام رجع

رحمه ادف فيه وتبكي معرفتاش :بععععد متلمسنيش بعدددد بعد بعد

وسام بعد وهز براسه بمعنى ليش

رحمه تبكي: لو وسام موجود كان قتلك ياكلب ..تلفتت بتخش وقف لم قال

وسام: استاحشتك يابنت وسام

رحمه تلفتت وقامت ايدها ع بطنها ونهارت ع الارض داخت

وسام قعمز قام راسها:لاااا (ايده ع قلبها حس بنبضها قاعد) رحمه يامرتي نوضي….وناض خش يجري جاب امية وشرها ع وجها

رحمه فتحت عيونها وابتسمت

وسام ابتسم بكسره شاف بطنها ايده ع بطنها:انتي كويسه نعاينك ياروحي

رحمه تشوفله قامت ايدها لمست لحيته:صوت وسام انت وسام

وسام شاف لسمي:يارررررربي… وهي تبكي

وسام شد ايدها:اوقفي هيا

رحمه:ماعد نقدر

وسام: سمونيتي معاد نقدر نقيمك جهدي طايح اوقفي

وسام شاد ايدها:كويس؟

رحمه ايدها بطنها:اي بس دايخه شوية

وسام: طبيعي..وقعمزو ف الدروج

رحمه تشوفله:متغيير

وسام لمس بطنها: شنو

رحمه ابتسمت ايدها ع ايد وسام ع بطنها:ولدنا

وسام شد راسها بيديه:مغبتي ع بالي لحظه وقالولي انك حامل اني عايش بسببك انتي بس تحملت وتقويت بيك كنت مصر اني مانموتش قبل مانشوفك

رحمه:بعد الشر عليك ياروحي معاد تقول هكي ياسر تعبت اني

وسام خدي كاس المية لجابه من المطبخ وشربه: المهم شفتك

رحمه حست انه كثفه ملفوف بشي:ليش كثفك ملفوف انت كويس

وسام:يعرف ان رحمه ماتتحملش تشوف جرح عميق برصاصه

وسام: خدش بسيط بعدين نمشي ندويه وناخدك معاي

رحمه:موجوع

وسام تنهد

رحمه بساته:نحببببك

وسام: دنيتي كلها

سمعو صوت سيارة وقفت وخش هشام وحنان

وسام :غالي ولله

هشام :حمدلله ع السلامه

حنان سلمت عليه:حمدلله ع سلامتك

وسام:سلمك وخيتي

حنان قربت من رحمه

رحمه:خديتو ملابس

حنان مدتلها الكيس: اي الكيس هدا

رحمه خدت الكيس وقربت من وسام طلعت بدلة بيبي صغيرونه:شوف

وسام ابتسم وخدها:ربي يقومك بسلامه يارب

هشام يعجب ف صوتها:قلبت الدنيا ف غيابك زي العيله مش عارف كيف بتربي ولدها(شاف وسام)بتربي الام وولدها

وسام: مرتي ماتوصلش فها هشام رد بالك…ومدلها البدله وهو بياكلها بعيونه

رحمه خشت مع حنان

وسام:هيا رحمه معاي

هشام تحشم:رخمه وين حور

رحمه ابتسمت:مع ماما ف المنتزة قريب يجو ..وخشت حضنت حنان

حنان:فرحتلك حبيبتي حمدلله ع سلامته عقبال ماتنوضي بسلامه

رحمه مبتسمه:بنمشي معاه

حنان ضحكت:حليلي بنفقدك

بااختصار طلعت مع وسام

ركبو ف سيارة هشام وسام يسوق

وسام شد ايدها:بنطير بيك

رحمه ضغطت ع ايده: نبضي

وسام يسوق

رحمه:سوق بلا مشاكل

وسام ضحك وقف السيارة:نحلق ونجيك تمام؟؟؟

رحمه:اوكي

وبعد دقايق رحمه ملت

وسام ركب:اني جيت

رحمه:تهببل ياروحي

وسام يسوق:عقبال حلقت ولدنا

رحمه ابتسمت.قصدك جود

وسام: اممم اي جود

رحمه: جود وسام

وسام:عبالك شي من للطريق؟؟

رحمه:شي انت بس

وسام شاد ايدها طول الطريق

تررررن ترررن

رحمه شافت الرقم (سماح)

صكرت الخط

وسام: ليش صكرتي ممكن تبي تطمن عليك

رحمه: يوم خدوك تلز فيا من حوشي ياوسام

وسام:اكيد ف شي غلط سماح نعرفها وبعدين هادي خالتك وصاحبتك كانت ليش تحكي هكي

رحم: كرهتها معادش طايقتها

وسام:تتوحمي علها معنها

ررحمه:حشاني نتوحم ع شكل ز هادي

وسام:الموضوع جديات معنها

رحمه عطت وجها لـشباك

…

وقفت السيارة قدام حوش مجدي

رحمه محبتش تحرجه او ترفض انه ييسلم ع بوه ونزلت وطقو

سماح فتحت الباب سلمت عليه لهفت ام لـ ولدها وشافت لـ رحمه :يابطه

رحمه ابتسمت:اهلين

سماح تفضلو

وخشو

وسام:كيف حالك وقعمز تقرا ف الجريده عاااادي جدا وتكنه ولدك مش مفقود

مجدي يقرا ف الجريده:حمدلله ع سلامه

وسام: بصفتك شنو اني جاي عشان سماح

رحمه لحقت سماح للمطبخ:معادش تتصلي بيااا افهميي

سماح:شن دايره اني فهميني اني خالتك رحمه وصاحبتك

رحمه: تعرفي روحك شن دايره

سماح:قصدك ع الزواج

وسام خش عليهم:زواج منو تحكو عليه؟؟

رحمه…

تتبع ..

لقراءة الجزء التالي : الجزء الثاني عشر من رواية عديم الضمير

لقراءة الجزء السابق : الجزء العاشر من رواية عديم الضمير

للإطلاع علي فهرس اجزاء الرواية : رواية عديم الضمير ( جميع الاجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .