وفي الجزء الخامس عشر من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء الخامس عشر من رواية كنت للروح سقيا
عند شهد
كان حقيقي كلي حماس للطلعه ومتاكده انها ح تكون حلوه شديد وخاصه ح تكون تغير جو لأمي زي ما قالت ف طوالي مشيت قلت ليها اننا ح نطلع مشوار بعد بكره من غير م تسأل لوين ف وافقت 
بعدها مشيت كلمت همس وخالتو وطبعا طبعا ح يوافقو
رسلت ل لؤي :
انا : انا كلمتهم وحددت الوقت
لؤي :حددتي متين احنا لسه م اتفقنا!
انا : و الله لقيت روحي متحمسه وقلت بعد بكره بس
لؤي : بعد بكره هينه الحمدلله م قلتي بكره طوالي
انا : لا انا ما شفقانه لو سمحت
لؤي : ااااي ااااي باين شفقانه كيف يعني معقول!
انا : م سألتني ح نلبس شنو
لؤي : و الله ي شهد لقيت نفسي بس بلبس اسود ابيض أسود ابيض ونسيت باقي ملابسي ف قلت نعديها دي
انا : طيب حلو كده ح ارتاح والبس اي لون
لؤي : كنت معذبك يعني!
شهد : وبتسأل كمان؟ … لؤي اغني ليك في ريكورد؟
لؤي : طوالي .
شهد: احم احم بسم الله
م شوفتش قبلو ف الدنيا
ولا يمكن هشوف بعديه
مفيش غيرو مالي عنيا
ولا غيرو حلمت انا بيه
..
ي ليلي حقيقي انا خايف
يطول بينا الحنين والشوق
ل امتى بجد مش عارف
هبات عاشق نسيه المعشوق..
وكنت غريب لقيت لي حبيب
لروحي دواء ولقلبي طبيب
ونفسي معاه يكون لي نصيب و حضن وبيت..
وليه انا بيك حلمت كتير!؟
وليه انا ليك لقتني اسير!؟
مفيش اسباب ولا تفسير
غير اني هويت..
لؤي : الله! صوتك طلع حلو طيب لي ما بتغني
انا : بتسحرو لي
لؤي : صوتي ما فاضي لصوتك على فكره
انا : ااااي ااااي باين باين
لؤي : والله وكمان اسي بغني ليك
انا: لالا عليك الله خلاص
لؤي : الكلام الاحساس ما الصوت
انا : لا يا!
لؤي :اي شك
انا : لا طبعا… هو انا اقدر
خلاص انا عايزه انوم
لؤي : لا حول ولا قوة الا بالله العلي العظيم ي بت مش كنتي نايمه
انا : لؤي بأي بأي قبل ما النومه تطير
لؤي : اطير انا يخ اطير انا النوم شايل وقتو اكتر مني
انا: م تتضايق بس
عدا تاني يوم الحمد لله وكنت متحمسه شديد الطلعة
ف لبست المره دي بنطلون عشان يساعدني في الحركه
اول شي لقينا لؤي طلب ترحال لينا معانا هبه وامو هو قال ماشي يجيب حاجات
ف وصلنا وم عرفنا نقعد وين انتظرنا لؤي لحدي م جا وصلنا لمكان كان حلو شديد
ف حقيقي م قصر ابدا لؤي م خلا حاجه وكان مركز في أقل التفاصيل وكان حاسب حساب امو يقول ده م فيهو سكر ليك ويقول لخالتو طبعا ده برفع الضغط ف مف ليك
امي : شنو هو انا م شغال بي
لؤي : معقول بس؟ بس ديل عجزو خلاص وبقت عندهم أمراض العجايز دي
امي: انا زاتي عندي سكري
لؤي : جد! شهد م ورتني
امي : م هو لو مهتم كان عرفت
لؤي : لالا يخ بعدين خالتو عرفتها لما كان شهد جابت ليها حبوب وسالتها لمنو قالت ليها بعدين انتي ألم بهتم بيك منو بس!
شهد: خلاص خلاص خلونا ناكل عشان….
لؤي : ننوم؟
شهد : لالا والله م عشان كده بعدين اصلا ماف حاجه هنا
لؤي : في م نسيت عايني ديل
ام لؤي : وبعلي ديل بتاعين الصاله
لؤي : ي امي لقيتم في وشي بس
ام لؤي : الله يجازي محنك
هبه : و الله بعدين تغسلهم انت انا م بغسل
لؤي : حاضر بغسلهم
بدينا نتونس وناكل بعدها قلنا نتصور ف كان عباره عن هبل بس
لؤي : يخوانا بعد ده انا سايق خطيبتي نتونس شويه
شهد : وين!.
لؤي : البحر
شهد :الله ارح طوالي
مشو معانا هبه وهمس بس كانو براهم واحنا برانا م كانو بعيدين شديد
كنا في المويه لؤي بقا يرش فيني وبدينا نرش في بعض
اول م طلعنا من المويه م احس الا بزول وقع ضرب على لؤي ف لؤي ضربو عشان يزحو منو ويفهم ده منو اصلا ومالو
انا: مروان؟؟؟ الجابك هنا شنو وعايز شنو
مروان : عايز شنو كيف يعني وبتتونسي مع ده مالك
لؤي : ده منو؟ احترم نفسك ي استاذ انا خطيبا ف اتوكل من هنا
مروان : انا م ماشي اي مكان ويلا ي شهد قدامي
لؤي : قدامك وين؟انت بتهظر؟
وكان عايز يضربو الا مسكتو وهمس وهبه زحو مروان
مروان : شهد لي انت فاهم؟
شهد : انت اهبل! طير من هنا
مروان : ح امشي لكن والله م اخليهو واصبرو بس
لؤي :م تخلي منو ي زول
وعايزين يعلقو تاني الا كوركنا وجو كم زول مسكهم
حقيقي تنشن بينا كلنا وعكر لينا اي حاجه الجو اتوتر
لؤي : خلينا نرجع للجماعه عشان م يخافو
شهد : مالك انت اسي؟
لؤي : مفف شي خلينا نمشي
شهد :م ماشين الا تقول مالك بعدين انا م غلطت في حاجه عشان تقلب لي وشك ده هو ألجاط وعمل مشكله انا م ذنبي ولا اصلا عارفاهو جا من وين ف م تتزهج فيني فاهم؟
لؤي : انا م قلت كده ي شهد بس الود ده باين انو ح يكون متابعك تاني وبعدين انا عارف انك م غلطتي… اعفي لي خلاص انا اسف
شهد : تمام خلينا نطير للجماعه عشان م يقلقو
لؤي : شهد!! معليش قلت بعدين انا م قلتها بالطريقة دي
شهد : اممم
مسك يدي ورفع لي راسي
لؤي : قلت ليك اسف حقك علي وانا م قصدي اتزهج تاني لو كررتها افسخي الخطوبه طوالي
شهد : خلاص خلاص م تعيش لي الجو وفك يدي ي استاذ
لؤي :صافيه؟
شهد:…..
لؤي : طيب ارح نتصور اسي بتفكي شويه
ابتدينا نتصور في الأول كنت حالفه م ابتسم شويه شويه بديت اضحك على هبالتو اتصورنا صور كتيره شديد ف رسلتها لي طوالي عشان م يجرجرني بعدين
بعدها بشويه اتصلو عشان نرجع مشينا ليهم وقعدنا فتررره حتى طلعنا
بعد وصلت البيت بديت اقلب في الصور لقيت صوره حلوه شديد لينا رفعتها استوري وكتبت عليها
” كنت منطفئه انت من انرتني
يتبع ………
لقراءة الجزء التالي : الجزء السادس عشر من رواية كنت للروح سقيا
لقراءة الجزء السابق : الجزء الرابع عشر من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
