وفي الجزء الخامس ماذا يا تري سوف يحدث من جميل المواقف والأحداث مع ابطال الرواية ؟ وهل سنري الجميل من المفاجآت معهم ؟ كل هذا وأكثر سوف نعرفه في السطور التالية بإذن الله .
الجزء الخامس من رواية متعصب واحببته
في المزين
المزينة≈ مدام شعرك يبي بلاتين ضروري 😨
عليا≈. عادي اهم حاجة نبي تسريحة حاجة فخمة وراقية ومافي حد مداير زيها
المزينة≈ ما تخافي مدام هلىء بعملك شي ماصار بليبيا كلها وبعدين انتي شعراتك زراف كثير.. طبعا كذب😂
عليا ≈توا نشوف شغلك وكان عجبني انجيك حتى في عرس ولدي
المزينة≈ منيح كثير مدام 😍😍
//
//
في الفيلا
جود ≈ مسحت جبهتها بتعب.. واخيرا كملت ها شن رايك .. كانت الكيكة نفس الى في الصورة في الكتاب
خديجة ≈بإعجاب.. مشاءالله تبارك الرحمن بس يا بنتي امشي غيري وقت توا الساعة 6 امتى ح تلحقي
جود ≈نسيت.. هيا حتى انتي غيري
خديجة باهي توا نكمل الى في يدي ونجي
جود≈توا نساعدك
خديجة≈ يابنتى امشي توا نكمل بروحي .. راه نزعل
جود ≈ باستها ع راسها.. كله الا زعلك عاد .. طلعت
خديجة ≈قعمزت ع الكرسي.. آآآه يابنتى انشاءالله تسامحني
والله ما تستاهلي الا كل خير
عند جود تمشي في الدروج
السواق≈ جود جود
جود≈ تلفتت.. نعم
السواق≈ تفضلي هذا
جود≈شنو هذا الكيس؟؟
السواق≈ من استاذ زياد قالي نعطيه ليك ..
جود≈وين استاد زياد
السواق ≈ طلع من شوي
جود ≈تمام شكرا
السواق≈العفو..عدا
جود ≈وصلت لدار وهيا مستغربة بسبب الكيس وشن فيه فتحاته.. حطت يديها ع فمها من الفرحه.. كان في الكيس القفطان الى عجبها ومعاه شوية اكسسوارات وكعب ولفت انتباهها كرت صغير مكتوب فيه.. جودي آبتْ الحلوه 😍
عارف انه عجبك فياريت تلبسيه بعدين زياد..
ابتسمت تلقائيا بعد دقيقتين من التأمل في الرسالة 😂عدت دوشت عشان تغير..
//
//
وصلو المعازيم كانت الحفلة في الحديقة كلها زينة نظام اجانب طاولات بس من دون كراسي يعني اوقفي لين يطيح سعدك مختلط ضان على معيز😂(اكرمكم الله ) وعليا مشرفه ع كل شي بنفسها مخلت حاجة في الدولاب ما لبستها يعني عشان يعرفو ان مقتدرة حركات فخفخة قديمة 😂..
وصل زياد يدور بعيونه ع جود
جود≈ كملت لبست نفس القفطان الى جابه ليها زياد كان متناسق مع جسمها مع اكسسوارات بسيطة ودارت شعرها فلو ع ورا مع كعب وميك اب بسيط بنوتي طلعت تجنن 🔥 مشت للحديقة اول ماخشت المعازيم كلهم يشوفو فيها توتر بكل لين جاها زياد
زياد≈ صارووخ😍😍
جود≈اسكت بروحي انا متوترة شوف كيف يشوفولي
زياد≈ مسك يدها.. خليك معايا بس ماتعدلي
جود ≈هزت راسها بمعنى تمام
مشو لتاني طاولة جتهم بنت كانت لابسة العار قفطان قصير لنص الفخد و نظامه من جهة الصدر مستور ومن الظهر كله ع الشارع 😂
المرا ≈منو هذي الى توا خشت
ام غادة ≈بحقد ..خدامتهم
المرا≈ خسارة الزين هذا كله وخدامة.. قبل بناخدها لولدي
ام غادة ≈شن تبي في الخدم اهي بنت الحسب.. تقصد بنتها
المرا ≈مش عاجبتها.. ابتسمت مجاملة
هبة ≈بدلع لمزيتات.. اهلين زيودي سلمت عليه بـالخد
زياد سلم عليها بمجاملة
جود مصدومه من المشهد التركي الى قدامها 😢😂
هبة رفعت طرف من الطاولة وكلاته ..حلوه السكلاته
جود بصوت واطي خيرها تقول سكلاته
زياد بنفس الصوت.. كذابة تشوفي فيها هذي زمان تقول شكلاطة ياريت حتى شكلاته غير توا شكله جاها شد عضلي في فمها فاهمة البرستيج بالغلط 😂
جود ≈😂😂
هبة ≈تشقلب في عيونها ضحكونا معاكم 😒
زياد≈احم انسيت انعرفك هذي جود.. هبة بنت خالتي
جود≈ مدت يدها تسلم.. هبة مدت روس صوابعها اهلين
جود≈. ابتسمت مجاملة.. ماعجبتها الحركة
هبة ≈بخبث ..اه انتي جود الخدامة .. حطت يدها ع فمها ااه اسفة قصدي الى تخدمي هنا 😂
جود≈ 😢 ايه انا جود.. و عدت
زياد≈ لحقها
//
//
هبة≈ مازال ما ريتي شي يا حقيرة 😠
غادة ≈هلا
هبة ≈اهلين
غادة ≈انا غادة بنت عمهم
هبة≈ انا هبة بنت خالتهم
هبة +غادة ≈تشرفنا 😈
وتعرفن على بعض وقعدن صحبات في 5دقايق 😂
//
زياد≈ يجري جود جود
جود≈ مسحت دموعها وخدت نفس طويل وتلفتت..مبتسمة
زياد≈ زعلتي صح
جود≈ لالا بس ما عجبني الجو مختلط وهكي فقلت نمشي نساعد خالتي خديجة احسن جت بتعدي
زياد≈ مسك من يدها .. جود انا ما نعرفك امس
جود≈ زياد انا تعودت هذا مش مكاني انا خدامــ..
زياد.≈ قطعها حط يدها ع فمها.. اشش انتي مكانك هنا اشر ع 💓قلبه
جود≈ الموضوع مش بها السـ..
زياد≈ اشش انا مستعد اني نتحدا العالم كله عشانك انا نحبك يا جود تفهمي كيف نحبك انتي غيرتي فيا حاجات اهلي ماقدرو يغيروها فيا فهمتي وكان على اهلي ايحبوك ويعتبروك نفس بنتهم بضبط 😍
جود≈ وهذا الى محيرني ..زياد اوعدني انك ما تتخلى عليا لاي سبب من الاسباب
زياد≈ باس يدها 😘..وعد انا اليوم حنفاتحهم في الموضوع
جود≈ توترت.. لالا خليه مش وقته توا
زياد ≈حس بتوترها بس تجاهل تمام ع راحتك
جود≈ نمشي نجيب الهداية ونجي بس
زياد ≈تمام ماتتأخري
غادة≈ يعني هدفنا واحد 😈
هبة ≈ ايه
حطن يديهم في بعض اتفقنا 🔥
زبير≈ جا.. حتى انا معاكن
غادة نعرفك خويا زبير.. هبة بيت خالتهم
هبة≈ اهلين .. بس انت شن مصلحتك يعني بتتجوزها
زبير≈ ابتسم بخبث .. هه اول سبب انا مش متعود حد يقولي لا وهيا غلطت مع الشخص الغلط وثاني سبب لانه انا وزياد بيناتنا ثار ونبي نرده ليه
هبة ≈بخوف.. زياد مانبي يصير فيه شي
زبير ≈ يحرك في لحيته 😈.. اطمني جسديا مش حيصير فيه شي بس نفسيا مانوعدك
هبة≈المهم انا حنمشي انفذ اول خطوة
زبير≈ شن هيا
غادة≈ توا نقولك ..
هبة≈ باهي ادعولي 😂
في الممر جود رافعه الهداية واجد اتصدمت في هبة
هبة ≈ادور بعيونها ..ماتشوفي انتي
جود≈مطبسة راسها تلم في الهداية الى طاحت منها.. اسفة بجد ماشفتك
هبة≈.. رفعت التلفون بسرعة.. اه خلاص حصل خير .. عدت
جود≈ ما انتبهت لتلفونها .. لمت الهدايا وطلعت
زياد≈ خيرك طولتي.. حتى لولاد نفخو الشمعة
جود≈ صارلي موضوع شوي.. كل سنة وانتم بالف خير يا
حلوين 😘😘 جبتلكم هدايا حلوا
لمار &ليث ≈شكرا خالتي جود
جود≈ شن رايكم في الكيكة الى درتها 😉
لمار &ليث .. حلوه 😍😍
جود≈ باهي قطعوها ..
غادة≈ جت.. ها منو لجايب الكيكة الرخيصة هذي
جود ≈ ءاا ا….
زين ≈ انا عندك مانع في حاجة 😠
غادة≈ ترقع في الحكاية 😂..هههه اصلا حلوه غير نبصر بس زين ≈😒😠
جود ≈ابتسمت لزين.. بمعني شكرا
ثريا≈ وين اهلك يابنتى
جود ≈انا
ثريا≈ ايه
جود≈ انا نخدم هنا
ثريا ≈اه.. كان عندي بنت تشبهلك و نفس عمرك
جود≈ ابتسمت.. ربي يحفظها ليك .. جت معاك هيا
ثريا ≈بحزن ماتت
جود≈ بإحراج.. اه انا اسفة ربي يرحمها ويجعل مثواها الجنة
ثريا ≈انتي شن اسمك
جود ≈ءاا قطعت عليها عليا تناديلها.. معليش انا بنعدي
ثريا شخصية جديدة حتعرفوها بعدين من تكون 🔥
عليا ≈جود تعالي
جود≈ نعم
عليا≈ تكلم في المرا وهاذي جود الى حكيتلك عنها
المرا≈ تبارك الرحمن.. هذين عيونك ولا عدسات
جود≈ مصدومه.. ااه عيوني
المرا≈مشاءالله مشاءالله هذا الزين ولا رضى الوالدين
//
//
لمار وليث يفتحو في الهدايا وصلو في هدايا جود كانت عبارة عن ساعة لـ ليث و اكسسوارات لـ لمار وشوية قصص
جود≈ عارفتكم تحبو الحاجات هذي 😍
لمار وليث≈ شكرا يا احلا خاله جود 😘😘
غادة ≈هههه اول مرة نشوف حد يهدي قصص.. كانت هديتها عبارة عن سيارة كبيرة لليث. و بدلة ع الموضة لمار( فخفخة)
جود≈ ما سكتت .. الهدية بمعناها يا متعلمة
غادة ≈ شقلبت عيونها ..وعدت
تمت الحفلة وماكلها حد غير الخدم 😂
جود في المطبخ كملت تنظيف قعمزت على الكرسي
جود≈ افف واخيرا
زياد ≈قعمز على الكرسي الى بجنبها.. سلامتك
جود ≈تعرف رجليا مكسرات من الكعب
زياد≈ فستق ولا لوز 😂😂
جود… 😠
يتبعع….
لقراءة الجزء التالي : الجزء السادس من رواية متعصب واحببته
لقراءة الجزء السابق : الجزء الرابع من رواية متعصب واحببته
للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث
جميع الحقوق محفوظة للكاتبة سراب الغيث .
