الجزء

الجزء السابع من رواية عكس ما تمنيت

الجزء السابع من رواية عكس ما تمنيت

وفي الجزء السابع من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .

الجزء السابع من رواية عكس ما تمنيت

مر اسبوعين خلال الأسبوعين ديل روبا كان بتتعامل مع محمد باختصار وبتتجنبه
محمد رجع البيت كان مرهق وتعبان
روبا كيف
روبا الحمدلله اعمل الاكل
محمد م عايز
روبا طيب تصبح على خير انوم مدام م داير تاكل
محمد مسكها من يدها لبتين ح تتعامل بالبرود دا دي عيشة بقت لا تطاق
روبا لي عملت شنو ا كم لك وحاجاتك بتلقها جاهزة تاني في شنو
محمد التعامل يا روبا انتي تقريبا م بتتعامل معاي حتى يوم الاجازة بتمشي لوالدك بتجي راجعة نهاية اليوم
روبا وانت عايز تتعامل معاي لي مش قلت مغصوب على زواجنا
محمد ندمتني على اليوم الاتكلمت فيه ياااخ خلاص انسي م. معقولة تمسكي في كلمة وكل م اتكلم معاك تنطي لي بيها م َممكن
روبا انت مصدق انها كلمة بس اسلوب ومشاعرك عايزني انسي انسى شنو كسرت قلبي ولا إهانة كرامتي انسى شنو قول
محمد اعتزرت بدل المرة الف لي م دايرة تسامحني
روبا اشان انا انكسرت المكانة الكنت ببنيناها ليك جواي انت دمرتها للأسف بقيت م بثق في كلامك انت بتقول حاجة وبكتش انه جواك عكسيها قلت لي ندي زواجنا فرصة وانت مغصوب علي
محمد يا بت انا اليوم داك كنت ملخبط دايرة تعرفي لي
روبا عاينت ليه
محمد لقيت ياسمين واتكلمت معاها عارفة قالت لي شنو قالت لي اني خزلتها واني عرستك اشان القروش
واني م وفي فاهمة يعني رجل يسمع الكلام وانا بزات روبا أن حسيت اني سمعت الكلام دا بسببك وحملتك الزنب عارف م عندك ذنب بس كنت غضبان
روبا بتحبها
محمد ياسمين ايوا بحبها بس ربنا م ارد.
روبا لو اتحيت ليك فرصة بتتزوجها
محمد اي اكيد دي حب حياتي
روبا انا حكيت ليها يوم نسيت لابوي كل الحقيقة وهي م عندها مانع انكم ارجعو لبعض
محمد ونحنا
روبا بتحبني وبصراحة
محمد لا
روبا غمضت عيونا بألم طيب يبقى م في داعي لتتعامل بينا خلي فترتنا تنتهي من غير قلب واحد فينا م يتكسر وم أظن أنه قلبي م انكسر
محمد روبا انا
روبا قلت ليك القلب حاكم م ليه سلطان وانت م عندك ذنب عن اذنك نعسانة
محمد روبا ارجوك
روبا ارجوك انت كفاية ورقدت من غير تسمع ردو وغمضت محمد اتنهد كل مرة بحاول يصلح بخرب اكتر هو نفسه ترجع معاه زي الاول كان مبسوط بيها حتى ياسمين لمن رجعت تتعامل معاه عادي هو م عرف السبب شنو حتى أنها اتعزرت له عن تعامل آخر مرة لكن اسي عرف السبب كلام روبا معها وتوضيح ا لاومر ليها هو حاسي نفسهه مشوش كل تصرف منها بكون اشان ملحته وسعادته هو حاسي نفسه م قادر يسعدها رغم أنها العملتو كل اشانه هو يكون سعيد بس هو م كدا هو م سعيد كيف يكون سعيد وهي م سعيدة
اتنهد شال غيار ونام
روبا كيف دايرني اتعامل معاك وانت م لي كفاية م دايرة اتعلق بيك اكتر المشكلة كل م اقول م اتعلق بيك بتعلق اكتر محمد انتي لعنة م قادرة اطلع من دوامتك المشكلة قلبي بوجعني كل م اشوفك معاها لمن شوفتك معاها بعدما اتصالحتو وافقين بتتونسه قلبي وجعني انا م قادرة أتجاوز يارب خلي المدة تمر بسرعة انا طاقتي قربت تخلص وغمضت عيونا
محمد طلع ورقد بس كان بتقلب م قادر ينوم عاين لروبا لاقها نايم جرها لحضنو وبعاين ليها ملامحها حلوة شديد وهي نايمة هادية وبريئة بأس جبينا وغمض وغفي من دون يحس
روبا صحت الصباح عايزة تقوم بس حست بحاجة تقيلة لقتو محمد حاولت تقوم بس م قدرت
محمد صحى من النوم
روبا…أخيرا وزحت منه ياريت الحصل دا م يتكرر
محمد امبارح قرر انه يعرف لو هي عندها مشاعر تجاه أو لا
بس انتي مرتي ومن حقي اعمل الدايره
روبا وانا انسان وبقول ليك لا م تلمسني من غير اذني
محمد من القال ليك من غير اذنك يوم وافقت على زواجنا وافقتي انك تكوني ملكي واتصرف فيك وهاك زي م داير
روبا لا نحنا م عندنا حق علي بعض انت الحررتني من الحق دا بحبك واستمرارك مع غيري
محمد والله انا حقي م بتنازل عنه
روبا بتوجس يعني شنو
محمد يعني انتي مرتي وحقتي انوم في حضنك في رجلك دا حقي
روبا محمد بطل قلت أدب
محمد اممم قلت أدب قلتي تعالى أوربك قلت الأدب على. أصولها وقربها منه 💏💏
روبا ابعد قلت ليك م تقرب على فاهم
محمد تؤ م فاهم وانا اتاكدت من حاجة
روبا حاجة شنو.
محمد م بوريك وطلع ليها لسانو وقام انا داخل ادوش حضري الشاي
روبا وريني
محمد تؤ
محمد بطل سقالة وداير يقوم مسكتو من يدو وقع فيها محمد داعب انفها مصرة تعرفي
روبا اممممم
محمد انك بتحبيني
روبا دا فلم جديد حلمت بيه
محمد ااكد ليك
روبا م دايرة اعرف اصلا م مهتمية اعرف
محمد علي كيفك بس دي الحقيقة وقام ادوش
روبا معقولة اكون بحبه لالا دا مجنون ساي طيب احبهه كيف وهو جرحني لكن مكانتو عندي وتعلقي بيه كل يوم بزيد ياخ انا يصحى اشان اتأمل ملامحه واشبع منه بس
اووووف
محمد طلع لقها بتتكلم مع نفسها
م كنت قايل حبي جننك كدا لدرجة انك تتكلمي براك
روبا يا ود الناس انا م بحبك
َمحمد بتحبني وتحدي
روبا م بحبك وزح لي اعمل الاكل
محمد طيب اهربي
روبا م بخرب دي الحقيقة ومشت المطبخ
محمد طيب والله بتحبني
روبا محمد الاكل جاهز
طلع لقها مجهزة الاكل قعد انتي م دايرة
روبا لا
محمد مسك يدها ممكن تاكلي معاي
روبا م جعانة
محمد اشان خاطري
روبا م دايرة تقلنا
محمد طيب قالها بحزن
روبا اووووف خلاص باكل وقعدت
محمد ابتسم ليها وبياكل ويعاين ليها
روبا ممكن تركز في اكلك
محمد م انا باكل
روبا طيب الحمدلله
محمد جراها وقعدها في رجله م اكلتي حاجة
روبا بخجل أكلت ولو سمحت ممكن اقوم
محمد خليكي حبة ومد ليها لقمة
روبا شبعت
محمد لا اكلي ومد لييها اللقمة اكلتها
روبا طيب اكل انت
محمد يدي بتاكلك انتي اكليني
روبا شالت لقمة اكلتها ليه
محمد طيب طولنا م حكينا مع بعض
روبا محمد
محمد احكي
روبا انت عايز شنو عايز تصل لي شنو عايز مني شنو
محمد عايز روبا القبل المشكلة عايز روبا العادية م الباردة عايز التعامل بينا يكون عادي
روبا لي دا كله لي
محمد كيف يعني لي
روبا محمد
محمد انتي لي دايما بتحاولي تخربي اللحظات البينا
روبا بحاول احمي نفسي منك
محمد كيف يعني
روبا خايفة خايفه احبك خايفة ارجع اتعامل عادي اتصدم فيك مرة تانية انا ببعد من الناس اشان م عندي حمل اتصدم من زول وانت اخر واحد عايزة اتصدم منك
محمد ولي خايفة
روبا لأنه م مطمنة جمبك قلبك م ملك حاسة انه في لحظة اي حاجة بنيتها وح ابنيها بتروح من يدي محمد انا م اتعودت ابني حياتي على حاجة م عندها اساس م مستقرة انت نفسك م محدد داير قلنا نطلق وترجع لياسمين ح تستفيد شنو من البتعملو داير تثبت َحبي ليك لشنو داير تعلقني لي وانا في النهاية م ليك وانت م لي وقامت منه
————————————–
———————
*☆يتبــــــــــــــــــــــــــــــــــــــــــــع☆☆*

قراءة الجزء التالي : الجزء الثامن من رواية عكس ما تمنيت

لقراءة الجزء السابق : الجزء السادس من رواية عكس ما تمنيت

للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر

جميع الحقوق محفوظة للكاتبة روبا جعفر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى