الجزء

الجزء السابع من رواية لهيب الإنتقام

الجزء السابع من رواية لهيب الإنتقام

وفي الجزء السابع من رواية لهيب الإنتقام للكاتبة ميشو محمد هل يا تري سيحدث شيء غير متوقع مع أبطالنا ام ستسير الأمور بشكل طبيعي ؟ دعونا نعرف إجابة هذا التساؤل في السطور التالية بإذن الله .

الجزء السابع من رواية لهيب الإنتقام

نيسان رقدت
صقر شاف شحن هاتفه بيتم وقف بيخش للغرفة طق بهدؤ مافيش رد خش شافها راقده هي راقده ف سرير وشعرها مداته وراها
صقر: هدا شعر ولا قلة ادب … خدي شحن وطلع
راغب بعتله رسالة(تي صكر النت يامتع العار شن عريس فاتح نت)
صقر مخشش لرسالة رقد وخلا النت اونلاين عشان يفكروه ناسي النت مفتوح
نيسان فاقت لساعه طناش ع صوت الباب يطقطق
نيسان لبسة وشاحها وفتحت:صباح الخير ياعمتي
ميسون:صبحيه مباركه..وسلمت علها بلبوسات ومدتلها سفرت الفطور
نيسان:صحيتي تفضلي افطري معانا
ميسون:لالا راغب يستنى برا عوافي…ومشت
نيسان دخلت السفرة شافت مكان صقر فاضي
نيسان حطت السفرة
نيسان فكرت انه ممكن ف الحمام خشت للغرفة بتغير ملابسها بس هووبا يطلع قدامها
صقر كان لابس زبـون الجمعه تلفتت
نيسان: صباح الخير
صقر يعدل ف شعره: صباح النور
نيسان: امك جابتلنا فطور تعالى افطر
صقر: متوضي معنديش نيه افطري انتي
نيسان تلفتت بتطلع
صقر: يابنت
نيسان تلفتتله
صقر يرش ف عطره 🔥: اليوم متجاوبي ع اسالت حدد غير امي بس وطبعا من بين الاسالة بيسالوك ع امبارح
تقوليلهم تهنيتي
نيسان تحشمت مشت لصالة فطرت
وجهزو المحظر ووووووووو
في السيارة راجعين من المحظر
كان لاول مره صقر فرحان وحس بجد انه عريس لم صحابه يباركوله ومهتمين بفرحه وهكي فرح ♥✨
بس وهو يسوق
صقر
نيسان ركبت بدون صوت
صقر:هلا
نيسان ساكته ووجها مغطي
صقر شافلها:الوو مافيش تغطيه الباين ..فاتها وسكت وقعد يسوق حس بشهقاتها
صقر وقف السيارة ع جنب: نيسان
نيسان حطت ايدها ع فمها وتحبس ف صوت بكها
صقر نزل ايدها وبصوت حاد:شن صار تكلمي
نيسان قامت الكاب:تعرف شن سمعت اني من اقاربك
صقر شافلها محلاهااا مكياجها ملكي وكيف تبكي تجننن بس ركز ف كلامها:شن صار؟!
نيسان تتكلم وايدها يرجفو: اني مرتك وصدقني اني مبكيتش قدامهم اني مانبي قدام حد بس اني نساااااانه نحسسس ياصقر
صقر شاف ايدها كيف يرجفو شدهم بيده:اهدي واحكيلي شن صار
نيسان تلبكت ف الكلام: وسن وعمتي ميسون خدوني غيرت ملابسي ولم نزلت سمعت وحده تهدرز مع بنتها وف طاولتهم قالت قالت ص صقر اكيد مطررر ياخدها لانه قالت لانه هو ولد عيلة ال،،،،، كيف يدير عرسه بسرعه هادي وكيف بدون عرس لا شي وكملو هدرزه اني سيبتهم ومشيت للحمام
صقر قاطعها وفنص فها: relax استرخي
نيسان شفتله كيف شاد ايدها وهي تشهق: اي
صقر:شوفيلي (قامت عيونها) عجبتيني
عجبتيني انك كنتي قوية وتمالكتي اعصابك قدامهم..خدي كينكس ومده لها
نيسان خداته
صقر: بتعيشي معاي وتكنه كلام الناس مش مفهوم اعتبري الناس كلهااا يتكلمو بللغة الصينيه ديري وذن طرشه تمام
نيسان:شكرا
صقر قعد يشوفلها لاول مره يبتسملها:انتي ديما لم تبكي تبدي عسل هكي !!!
..وبدي يسوق لطريق الحوش
كملت بيسان تمسح ف دموعها
ووصلو نزلو
صقر:انتي بـ لبستك هادي رح تتاخري فا اني بناخد بيجامه دقيقه وانتي خودي راحتك
بيسان هزت راسها
صقر خدي بيجامه وطلع
دقايق
صقر وقرب بيمشي للمطبخ بس وقفه صوت بكي نيسان لكانت متكيه ع الباب وكاتمه بكها
صقر بدون مبالاة ضغط ع ايده وهدي شوية وطقطق
نيسان مدوشه ولابسة قفطان نوم لتحت الركبه سمائي وشعرها كلعاده مفتوح ومبلول
صقر وقف قدامها بنظره حاده: انتي متفهميش ولاشنو؟!اني كنت نقول ف السيارة
نيسان شافتله وعيونها دموع:منفهمش اني
لاني قارية ادبي ونحفظ بس
صقر شاف ضحكته وابتسم
نيسان لفت للمرايا ومسحت دموعها
صقر يشوف ف شعرها لكان من طوله احتمال تقعمز عليه
صقر: يابنت
نيسان تلفتت
صقر تلبك: مليح شعرك..ومن التلبك نزل عيونه وطلع
نيسان ابتسمت وطلعت كلعاده يدير ف قهوة قعمزت ع الخامه:صقر
صقر شافلها:نيسان منحبش الفوضه وتقعميز ع الخامه لو سمحتي انزلي
نيسان نزلت وقعمت فوق الطاولة:اسمعني
صقر شافلها:زممر شنو
نيسان: علاش تشرب ف القهوة ف الليل؟!
انت عندك ارق؟!
صقر شافلها وسكت وبعد سكوت قال:نحب الحاجه لتعدلي مزاجي
✉️
صقر قام هاتفه وقري الرسالة من وسن (صقر مرتك اليوم سمعت كلام من عمتي وطبعاا انت تعرف عمتك كانت قاصده تسمع كلامها لمرتك تصبح ع خير)

نيسان:صقر اني جعانه راه
صقر شافلها: مبردك النم بلا سماطه نيسان ياكولي ياارقدي
نيسان: مناكلش ف الطن لانه يدير في الغباء والدحيي اعييي فاا شن بناكل
صقر تافف:اووووف نوضي طيبي وكولي
نيسان ضحكت:شكرا ع المعلومة بس وعد لم نعرف نطيب حاجه مش رح نستنى فكرتك مدهشه
صقر ضحك:يعني باايرة
نيسان: يافرحتك وله
صقر: كل يوم نتفاجى بحاجه
نيسان: بس نعرف ندير اندومي وفوشار وكيكات هكي
صقر سكت و سكب قهوته ف مق وطلع
نيسان لحقاته لصالة:صقر بتكلم حبيبتك متع امبارح
صقر يساير فها عشان تسكت:اي
نيسان قعمزت:شن اسمها
صقر يشرب ف قهوته وع الهاتف ويساير فها: خيرية
نيسان صدقاته:حلوة؟!
صقر: عاديه زيك
نيسان: زيني؟! علاش زيني تشبهلي؟!
صقر شافلها وتعصب يبها تسكت: طوويلة مش زيك
نيسان ناضت وماشيه للمطبخ: تو تنفعك الطويلة تغيرلك الامبة بلا سلوم
صقر حط الهاتف وضحك بهدو وكمل دردشته ع الهاتف
نيسان ف امطبخ خدت فازو النوتيلا متع امس معرفتش شن بتاكل: تعاليلي ياماما جعانه… وقعمزت وفتحت التلفزيون تربعت قدامه
صقر شاف شعرها مفتوح وهي مقعمزه ع اارض وشعرها لامس الارض: لمي شعرك اني قتلك نلحقى شعره نحلقك
نيسان شافتله: تلفزيونك مينفعش فاضي عندك افلام؟!
صقر: عندي بس مجبتهمش هني قعدت ف داري الاوله
نيسان قعمزت: شن مخطط لـ عمي صقر
صقر تلبك وسكت
نيسان: صقققر هييي
صقر ساكت
نيسان: صقر صقر الوو
صقر شافلها
نيسان: شن خططت لعمي؟!
صقر ناض حط المق ع اطاولة وقرب خدي الريموت منها: لنوم يلاا
نيسان: لا بللهي
صقر طلعها وطفى الضي: لنوم بنخشلك نلقاك ساهره تشوفي
نيسان: تلززز فيا ياصققر
صقر: بنرررقد
نيسان: باهي… وخشت لغرفتها وصكرت الباب وطفت الضي شافت الساعه 1:40
نيسان: لااا شن بيرقدني واني متعوده نرقد الفجر.. وتكت وحاولت ترقد وخدها تفكيرها كيف بتنتقم من عمها
لعند جت الساعه 4
نيسان ناضت ولعبت بلمكياج (طبعاا اي بنت تسهر وتملل تمكيج😂)
دارت مسكرا وروج وردي بس وقامت شعرها فوق وشافت لباب: زعماا رقد صقر الصحاري هدكا 😂
وطلعت تمشي بشوية
صقر كان فايق والصالة مظلمه ومصكره والهاتف ف ايده لم حس بحركه حك الهاتف ورقد
نيسان خشت ولعت الضي: بعد مشرب مالقي قهوة رقد هدا واني خيرني منرقدش ز الناس ..وطفت الضي وصكرت الباب بشوية
صقر قعد متكي ويفكر فها كيف مقعمزة بكري وشعرها للارض:كيف بنقولك اني
انتي مجرد سؤالك ع عمك تلبكت…قاطعه تفكيره عيطة نيسان بقوة طلع يجري للمطبخ شافها واقفه ع الخامه بقفطن النوم وايدها ع فمها
صقر تعصب: الناس راقده يلعننن…
نيسان اشرت ع صبعها ع التلاجه.تحت التلاجه شوف شن في
صقر تعصب اشرلها بصبعه:انزلي
نيسان: لالا وراسي مانازله
صقر تعصب اكثر:نيسان انزلي من فوق الخامه
نيسان: زقرلو تحت التلاجه
صقر شد يدها بيجبدها:زقرلو شني انزلي هيااا
نيسان:زقرلوو تحت التلاجه
صقر فنص فها:شنن هو الزقرلوو
نيسان:صرصور ياراقي هدا جاي من حوشنا نفسه يطلعلي كل ليله
صقر ضحك مقدرش يشد روحه: باهي انزلي
نيسان: مستحيل
صقر جبدها بقوة قامها وهي مشبكه فيه:ارخيني ز العنكبوت
نيسان نزلت شفتله:حوشك وسخ هدا داير روحك متحبش لفوضة
صقر تجاهلها وطفى ضي المطبخ وطلعت تجري فجرته
نيسان قعمزت ف الصالة:جعاااانه واني منعرف شي ف حوشك ياصقر
صقر تسطح ع الكنبه:شن تبي تاكلي؟!
نيسان: بعد شوفت الزقرلو تحرم عليا نخش كوجينك الليله
صقر: كثر خيرك احسنن ياررريت..وتلفت لجها التانيه
نيسان:مرقد جدي وجداي..وطفت الضي وطلعت
صقر عض شفايفه: رصاصة البنت

مرررررو الايام وكل مابيسان تسالها ع انتقام من عمها يطلع سبله ويقوللها فوتي الموضوع
وفي ليلة االسبوع تمت
نيسان غيرت ملابسها ولبسة قفطان نوم عادي وردي ودرتله ربطه ف شعرها تابع القفطان ورديه وقامت شعرها وشمت ريحة اكل
صقر يدير ف قلاية
نيسان خشت: المراة لـ قتلك علها يومها وتحكي علينا ف حاجات مش كويسه اليوم جت معانا لسبوع تقربلك؟!
صقر: عمتي فردوس حشا الفردوس منها
نيسان ضحكت: مسكينه العمه ديما مكروها الحمدلله اني مش رح نصير عمه
صقر سكب القلاية ف صحن: ف مشروب وليم ف التلاجه هاتيهم
نيسان ناضت خدتهم وصبت مشروب: الاسبوع تم
صقر قعمز وشافلها وتلبك عرفها بتسال نفس السؤال كل فترة
نيسان: توا نقدرو نقدرو ننتقمو من عمي براحتنا…. قاطعها
صقر: امي سالتك ع حالتنا الزوجيه؟!
نيسان: اي قلتلها قعدين عزبان 🌚
(فنص فها) سالتني اني تحشمت ع وجهي ونزلت راسي وضحكت باستني وقتلي مبروك
صقر: كويس
نيسان حست بتجاهله لـ سؤالها كل فترة وقفت ومتعصبه: علاش تتجاهل ف سؤالي فهمني
صقر تجاهلها وخدي رشفه من مشروبه
نيسان خدت الحكه من يده ولوحتها ع الارض ومتعصبه: تكللمي توا
صقر يشوف ف الحكه متبزعه: هدا شنو
نيسان متعصبه: اني مش بنتك ولا صغيره سامع نساير فيك عشان نكون ليك صديقه وتحكيلي لكن انت شنو ادير غير كل ليلة شاد الهاتف ومتجاهلني
صقر بوقاحه قرب: علاش مركزه ف اليل يعني متعصبه لاني متجاهلك ف اليل
نيسان طربقاته كف: مش اني لـ يتواقحو معاي
صقر لف وجها وشافلها شد يدها بعنف ولفها علهاا بقووه ولصقق فها وايده التانيه ع خصرها وشوش ف وذنها: اظن تذكري شن صار ف فرج وشن صار ف ايده تبي تجري (بعد وشافلها) جربي مدها مرة تانيه.. وطلع
نيسان قعدت واقفه هدت وتنفست بعمق نظفت المطبخ ورجعت لصالة
نيسان بصوت هادي قعمزت: اسفه
صقر وقف ولع المكيف وسحب كرسي وقعمز قدامها شافلها
نيسان شافتله ونزلت عيونها
صقر قام وجها بيده: شوفيلي لم نتكلم معاك
نيسان شفتله
صقر يشوف ساكت: عمك معاش عندي منديرله معاش نقدر نكمل انتقامي
نيسان وقفت متعصبه
صقر وقفها: ف يوم المحظر مروح فرحان لاني سمعت بـ، انه ف اخر ايامه عمك مصاب بسرطان(نيسان تلفتت) وسرطان منتشر ف جميع اجزززاء جسمه
نيسان قعدت واقفه وسكته معرفتش شن بتقول
صقر: عرف ان تزوجنا بسبب نار الانتقام بس
نيسان شفتله
صقر: انتي حرة تبيني نطلقك نطلقك لتبيه وكان تبي تقعدي ع قلبي ز العسل
نيسان خنقتها العبره: بيموت واني مخديتش حقي منه وحق امي وحق بابا لمات وكان يطالب بحقه
صقر شافلها: فلوس؟!
نيسان: مش فلوس بس عمي فاضل هو اكبر من بابا وعنده وراق حوشنا وكل شي بـ اسم بابا يعني يقدر ف اي دقيقه يلوح اثاثنا برا بحكم ماما عند خوالي
صقر شدها من كثفها وقعمزها قدامها: احكيلي شن قصته

تتبـع……

لقراءة الجزء التالي : الجزء الثامن من رواية لهيب الإنتقام

لقراءة الجزء السابق : الجزء السادس من رواية لهيب الإنتقام

للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى