الجزء السادس من رواية لهيب الإنتقام

مهند أدهميونيو 4, 2022

0 165 5 دقائق

وفي الجزء السادس من رواية لهيب الإنتقام يا تري ماذا سنري من روائع المواقف مع ابطالنا ؟ دعونا نعرف إجابة هذا السؤال في السطور التالية بإذن الله مع الكاتبة ميشو محمد .

الجزء السادس من رواية لهيب الإنتقام

راغب: غضوا نرجعو
صقر: مش مستني ولا دقيقه نار بتاكلني… ركب سيارته وحرق لعجلة ومشي
راغب خش يغني: الحب وناره الحب ونااره الحب وناره مزالت صغير ياخسارة
وسن: مني يحب مني
راغب شدها من ودنها: ودناك مكبرهم
وسن: ودنني
راغب سيبها: يما هياا جعاان
ميسون ضحكت
.

بعد اربعه ساعات
صقر وصل قدام الشارع وهو قعد ف السيارة
صقر: عارف روحي منقدرش نقتل لكن لـ رح نديره رح نخليك تمووت ببطىء
لانه صقر ميحبش السرعه

بعد مرور يومين
صقر قدام الحوش
نيسان طلعت للكلية وشافت سيارته تنفس بعمق
صقر قعد ف مكانه لانه الدنيا صبح والشارع معبي
نيسان وصلت للكلية
صقر دخل سيارته لساحه ونزل
نيسان: اهلين
صقر: اهلا
نيسان: علاش قالب وجهك
صقر: اني نبي نتقرب من عمك النمم عمك معاش يطلع بككل
نيسان: باهي وشن المطلوب مني
صقر: نطلبك من خوالك
نيسان: مصلحه يعني
وعشان نبرد قبر بابا موافقه
صقر: تمام عطيني عنوان خالك الكبير
نيسان ضحكت ع جنب وخشت للقاعه
صقر: شن قصدها بضحكه اي عادي تو نوصل ف خالها

بعد مرور شهر
فاضل كان ضميرة نايض عليه معاش طلع ولا خش الا وقت الضروره بس
صقر طلب نيسان من خالها بس اجلو الخطوبه وكل شي لبعد ماام نيسان تفك رباطها

بعد مرور ثلاثه شهور
ف الفترة هادي بسمه فكت رباطها ودخلو الفرح لحوشهم بس دارو خطوبه خفيفه يعني العيلة فقط
صقر دارلها حاكات من افخممم مايكون
اسمهان قعدت ف حوشهم هيا واختها نسرين ماتوو حسددد

نيسان ع الهاتف:انت شن تقول بالك مفكرني خطيبتك بجدد؟!
صقر: بالك مفكرتيني ميت عليك اني خديتك عشان نبدا من العيلة ونحصل ع عمك بس والعرس الشهر الجاي سامعه
نيسان: بوي متوفي من خمسه شهور شن العرس لتبيه
صقر:بردي قلب بوك وبردي قلبي راني ع نار غير نحصل ع عمك بس
نيسان:تمام بس بدون عرس ولا سيارات لا شي فاتحه فقط
صقر: تم وهدا لنبيه
نيسان: تصبح على خير

،
بعد مرور الشهر هدا
وفاضل ماااات لم سمع بخطبة نيسان وخصوصآ لم عرف لقب صقر ناااار ركبت فيه لم اذكر لقب صقر وعرفه ولد حازم بس متخيلش انه صقر يعرف فكر انها مجرد صدفه

دارو الفاتحه جو خالات وعمات نيسان وركبو اسمهان ونسرين متشمتين ف عرسها
اسمهان بتوشويش:ههه ز المطلقه
نيسان سمعتها:حبيبتي المطلقة مش هزوه ولقب مطلقه يقعد اشرف بالف مره من وحده كل مرة ف سيارة حد وابصرر وين مشت ومنين جت
نسرين: الهي ف عزاك الهي واسكتي
نيسان وقفت قدام المراية عدلت تاجها: نور اطلعي اسالي ماما صقر بيعطل
اسمهان سمعت الاسم نزلت علها صاعقه بس دارت روحها عادية
بسمه خشت للغرفة: اهم جو اطلعي
وبدو يزغرطو ويبكو
نيسان عندها عادي لانه عارفه زوجتها مصلحه فقط:نبي نشوف عمي
اسمهان:بابا مريض بري بري
وسن خشت وسلمت ع نيسان:اهو صقر بيخش يسلم ع امك ويطلعك
وفعلا
صقر خش سلم ع بسمه وباركوله
نسرين واسمهان لم شافوه قريبب ماتوو
نور رن علها خوها وقاللها تطلع طلعت وشافت قدامها راغب شاد سلاحه وكيف بيضرب ف الهواء شاف نور
نور بصوت واطي:لا استنى نفوت اني بعدين اضرب مش تقعد تقربع فوق راسي
راغب ابتسم وبعد:تفضلي
نور ركبت مع خوها ومشو
وبدي الرصاص
وطلعت نيسان وركبت مع صقر: عمي مريض
صقر يسوق بسرعه:نسمع خبره نشالله اليوم قبل غضوا
نيسان:بعد السو مزال بكري مشاف مني شي
بابا قعد مشلول سنه واربعه شهور وبنطلعهم من عيون عمي
صقر:اي عادي ياغزالتي شن ورانى
نيسان سكتت
صقر: توا خلينا فرحانين بروحنا مبرووك
نيسان:يبارك فيك مبروك علينا
صقر يسوق
نيسان: توا بيدا التمثيل
صقر:نتحملو وقت قصير
نيسان قلبها قبضها
صقر اضيق من كلمته
ووصلو سلمت ع عيلة واقاربه وتعشوو ورقصو طبعا عرس ف الحوش
وروحو
صقر خش غرفة النوم وشاف الورد لـ ع السرير
نيسان شافت الورد تقدر تقعد ف غرفتك انت اني بناخد ملابسي وندوش
صقر خدي بيجامه من الدولاب: انتي خودي راحتك ف الغرفة اني بنسهر ف الصالة
نيسان حولت الكع:شن هداا نحس ف روحي راكبه ع سلوم مش كعب
صقر دار سعته ف الدرج: بالاربعطاش ونص للبستيه وقعده دريا
نيسان حولت الطرحه وحدفتها ع السرير:اني مش قصيرة بس انت طويل بزياده
صقر ضحك ع جنب وطلع
نيسان نظمت امورها ودوشت لبسة بيجامه قطنيه ورديه وطلعت بشعرها مفتوح ومبلول
صقر ف المطبخ يدير ف قهوة
نيسان: شدير
صقر لابس بيجامه شتوية رصاصيه : قهوة تبي؟!
نيسان خدت كاشيك صغيرة ورشفت من القهوة: يعععع شن هادي تقيللله ز القطران
صقر بنظرة حاده: اموري
نيسان : واني نقوول خيرك ديما متعصب وخلوقك ف شيشه
صقر شافلها ع جنب: اسمعي لبديريه نظفيه وراك سامعه
نيسان قامت حاجبه: شن قالوللك عليا خامره
صقر تعصب: نيسان مش ناقص من الاخير شن تبي !!
نيسان خافت قعمزت ع الطاولة متع المطبخ: خلي الانتقام ع جنب اني راني جعانه
صقر شافله : نوضي من فوق الطاولة يانم
نيسان نزلت: هياا جعاانه
صقر شافلها بجدية: نقصلك من كتفي؟!
نيسان ضحكت وفتح التلاجه: اووباا تلاجة عرسان
صقر: امي عبتها
نيسان طلعت من التلاجه فازو نوتيلا وخدت الكاشيك وقعمزت ع الخامه وتاكل: صقر قهوتك طابت راه مش عصيدة هيا
صقر شافلها: انزلي شن العيلة هادي
نيسان تاكل مدتله الكاشيك فها شكلاطه: تبي
صقر يشوفله بعصبيه الدم وصل لراسه
نيسان خافت نزلت بصوت واطي: اهاا متاكلش فها .. وطلعت
وفتحت تلفزيون الصالة وقعمزت تتفرج ع فيلم الديزل
دقايق خش صقر وف ايده مق قهوة:لمي شعرك نلقى شعره وحده ع الكنبه نحلقك صفر
نيسان: شوف هدا اسمه بدر لفي الفيلم خيرك دمك مش خفيف زيه
صقر يشرب ف قهوتة وطلع هاتفه
نيسان تتفرج وقربت تشوف ف صقر فمن يكلم
صقر:شن تبي حاشيه راسك
نيسان: كلمها حبيبتك قوللها مرتي جنبي نتفرجو ع فيلم خلي نشوفو ردت فعلها
صقر:ريحي روحك هدا الظابط غضوا بنرجع لخدمتي
نيسان:شرطي انت؟!
صقر هز راسه بمعنى لا ومنسجم ف الهاتف
نيسان:ضابط؟!
صقر هز راسه بمعنى لا ومسجم ف الهاتف
نيسان: محقق؟!
صقر بدون ردت فعل
نيسان تعصب: سواق؟!
صقر فنص فها:جنس حواء معنديش ليه خلوق راه كف واحد روحك تطلع
نيسان شافتله: من صغري ليضربني نضربه وضروري تكون الضربه الاخيرة مني
صقر شاد ضحكته ويشوف ف الهاتف
تررررن تررررن
نيسان ردت: فروجي شجو
فرج سكران : وين انتي
نيسان:فروجي منسمعش فيك تبي حاجه
صقر شافلها
نيسان شفتله بستفزاز قامت حاجبها:يسلم عليك فرج
صقر شاد ضحكته ويشوف ف الهاتف مصدقهاش
نيسان فتحت المايك:فرج منسمعش فيك راه
فرج صوت مش واضح:تعاليلي
صقر ناض خدي الهاتف منها وصكر الخط تعصب شافلها:شن اديري توا انتي؟!
نيسان: مش قصدي تسمعه بس صوته مش واضح قصدا رديت نبي نحرقه لانه فرج يبيني من قبل
صقر: متنسيش روحك مرت مني بلا عار خلينا صحاب
نيسان قعمزت: كوشك اخخخخي مملل لافيه من يهش لا ينش
صقر قعمز: الساعه 2 نوضي ارقدي
نيسان: قصدك مقتلكش؟! اني نرقد الفجر او الصبح
صقر شافلها: يافرحتي
نيسان ضحكت من كلمت يافرحتي فهمتها غلط
نيسان: باهي اسمع
صقر مع الهاتف
نيسان: الووو
صقر: مش ضروري نرد نسمع فيك
نيسان: امي من غضوا بتقعد بروحها
صقر: الايام هادي عرسان بنقعدو هني هكي جو شهر بتقعدي معاي وبعد شهر نسكنو عند امك
نيسان: ولللهي
صقر شافلها
نيسان: بنرقدو ف حوش امي و كيف بنتصرفو قدام امي
صقر شافلها
نيسان: خيرك انت يعني انت بترقد ف داري
صقر: ميهمنيش
نيسان : يعععع ونبدا نطلع قدام امي ويبدا عقل امي ياخد ويجب يع يع يع
صقر ابتسم بضحكه: مريضه
نيسان قعدت تفكر ف تفكير امها: استغفر الله استغفر الله .. وناضت لدار النوم جففت شعرها وقماته وهي تستغفر ف تفكير امها
صقر شاف خشت لدار ضحك