وفي الجزء السادس هل يا تري سوف يحدث شيء غير متوقع يقلب أحداث الرواية رأساً علي عقب ؟ أم ستسير الأمور كما خطط لها ؟ كل هذا وأكثر سوف نعرفه سوياً في السطور التالية من الجزء .
الجزء السادس من رواية حبيبتي لا تنسيني
اما ملاك فايدوبك كملت تشطيبات الحوش ولبست حوايجها ووتت بيجامتها لانا كانت عارفه انها رح تبات وولعت سيارتها ومشت … وطول ماكانت ماشيه فى طريق .. كانت تتمنى تشوف احمد ولو من بعيد .. بس سئلت نفسها سؤال وجيه .. هل ياترى الا صار معاها اعجاب من اول نظره ؟؟
ترررررررن … ترررررررن …
فرح … << قامت سماعه تلفون شريانه >> .. منى ؟؟
ملاك … افتحى ياعبيطه الا فى شارع كلهم تفرجو عليا وانتى مازال تشوفى منو ..
فرح … اهو فتحتلك هههههه سكرى باب وراك .. واركبى …
خشت ملاك بعد مافتحتلها فرح الباب الكهربائى من فوق وسكراته وراها … ووهيا كيف خاشه قامت عيونها لقت احمد قدامها … بس الغريبه انا ماقامش عيونه منها وطلع وتجاهلها … وهيا اكتفت انا نزلت عيونها وركبت لدورج اختها … واول ماوصلت لقت اختها فاتحتلها الباب فاخشت …
فرح … اهلن .. اهلن هدا وين تفكرتى تجى ؟؟ وينك امس ياهرابه ؟؟
ملاك … والله سمر امس باتت عندى اهلها ماشين لغريان ..
فرح … اها ماشى ماشى خلاص مره هادى سامحتك .. بس ها بتباتى ولا لا ؟؟
ملاك .. اكييييييييييييييد 
فرح بنسألك .. خيرا سلفك شافنى ماقالش حتى خير ؟؟
فرح … علاش يهمك تعرفى هههههههههه
ملاك … مبرررررردك لا بس شكله متعارك قولت بالك صايرتلكم حاجه ..
فرح … ههههههههه تعارك هوا وعزوزتى .. هيا تبى تخطبله بنيه عاجبتها وهوا قاللها مانبيش ..
ملاك … اه فهمت عليك .. باهى ربى ان شالله يهدى سرهم .. مهم كتاكيتى وينهم ؟؟
فرح … هونى راقدين ..
ملاك .. ياووووووخيتى محلاهم عسل ياربى عسل اسمعى برا زحمه هلبببه ؟؟
فرح .. اى والله وامى تستنى فيك امتى تخشى هونى تلقيها فى مطبخ توتى فى عشى .. يانارى والله تقطعت معاى …
ملاك .. خلى مالا نطلع نسلم ونبدل حوايجى ونساعدها
فرح .. هاتى منك توا نعلقهم … واطلعى انتى
بدلت ملاك حوايجها وطلعت سلمت وبعدين خشت للمطبخ … واول ماامها شافتها قالتلها
امها .. اه وصلتى خيرك تعطلتى ؟؟
ملاك … والله يا ماما هوا هدكا .. مهم هاتى نساعدك فى حاجه ..
امها .. خودى عالة شاهى هادى اغسليها ونظفيها كوووووويس وغليها بالوركينه لين تنظاف وبعدين مصمصيها وحطيها جنب عزوزة اختك وتعالى عبى مترد الحلويات …
ملاك .. حاضر … حتى شنتروات نغسلهم ؟؟
امها … البلاستك بس والقماش حطى بيض فى سلة الحوايج وطلعى القهويات ..
ملاك .. شن مدايرين العشى اليوم ؟؟
امها … رشتة كسكاكس بالبصله وعصبان … وسلاطه وزيتون ومسير وخلاص …
ملاك … اااااااااااه ياقلبى اه .. شكلكم كملتوه تطيب عصبان ..
امها .. اى من صبح نضتله .. مالا شنى بنطيبه قدام ناس … اسمعى بنتى بعد ماتكملى الا قتلك عليه تلقى طنجره فيها مرقة العصبان بدهانها انزلى بزعيها فى لودينو لوطى ..
ملاك .. اااااااااااااااااى ياماما ظرورى ماننزل شنى يعنى مافى حد غيرى ..
امها .. حماوتها صغيرات ينارى رزينه عليهم واختك جايبه ومانقدر نعطيها تقيم رزين ..
ملاك … امتى نتزوج ونفتكى بس … خلاص كبدى نسحنت من قيمان رزين ..
امها … عن قابل … قمتى ماقامو البنات الفالحات .. ياحصرى على بنت جارتنا خديجه … الله ماتخلى امها تقيم حتى قشة الخبزه من مكانها .. وشايلتها فوق كفوف راحه … اما انى فاياحصرتى .. الا مانديراش انى يقعد زى ماهو .. ياريتنى جبت عزرى ولاجبتك … وبعدين انتى غير تزوجى وصدقينى انى نقيم روحى بروحى … اما بالفعل ناس زمان الا يقولك الواحد من غيره صحته مايبيه حد …
ملاك …. اااااه ياربى … العاله واتيه خلى نطلع نستفها ونجيب مترد الحلويات خير …
حطت ملاك عالة شاهى والتهت بالمطبخ وطلبات امها ومن هنا وهنا تقطعت فى مطبخ … لحد مع ساعه 8 ونص فى الليل قالتلها ….
امها … خلاص العشى واتى نص ساعه ونحطو لناس … خودى طنجرة بزعيها لوطه ونقعيها بالميه وصابون ونزلى معاك بدون وركينه باش نغسلو معايين العشى لوطه ..
ملاك …. علاش لوطه ؟؟ عندهم ولدهم لوطه وانى مرات نلقاه ونتحشم ..
امها … انتى نزلى عيونك لوطه والهى فى غسل وهوا مايقربش جيهتك لانا ماعنده شن بيدير فى جنان لوطى الا لو عطيتيه انتى فرصه …
ملاك … ماما بطلى تتكلمى معاى هكى … شن بنقعدو نتعاركو قدام ناس … خلاص خلاص انى نازله ..
خدت ملاك طنجرة مرقة عصبان بدهنها ونزلت وهيا متعفلقه وشادتها بغيض وغيضها … ولقت جنان مظلم فامشت تجرى بسرعه بطنجره لايطلعلها كلب فجأه … وكانت كل همها توصل لتاكو ضى الا فوق لوندينو باش تفتح ضى جنان وتفرغ طنجره … بس وهيا تهز بطنجره وتجرى بيها بزعة بقعة طبيخه جنب لودينو ووكيف بتحط طنجره فوق الحوض وبتفتح ضى مشت رجلها فى بقعة دهان وزلقت … وماحستش الا بحد شد فى خضرها ونلق معاها ..
ملاك …. اااااااااااااااااااااااااااااااااااااااااااااااااااه !@#$%^&*)(*&^%$@!@#$%^×
احمد …!××ًَ،/،ٍآ’][ـ،ٌ،ٌُِ)(^لأ’,إلإٌ[لأألأٍآُـٌ،ٌ،ٌـلإٌ[لأ~ ’،×$#َِـ،×*
وهنا كانت صدمه … كان احمد جاى يبى يفتح ضى جنان ومولع بيله ووكيف شافها بتزلق جى بسرعه وشدها ونتيجه كانت طنجرة دهان نغسلو بيها هما زوز من رأسهم لرجليهم واوا ماناض احمد وفتح ضى وشبحو لبعضهم …
احمد وملاك …. ههههههههههههههههههههههههههههههههههههههههههه
ملاك …. بجد والله اسفه … والله والله مانقصد هههههههههههههههه
احمد … ههههههههههههه علاش تضحكى يامهبوله ؟؟
ملاك …. منظرك زى فلوسه الا غطست فى دهان ههههههههههههههه
احمد … تضحكى ؟؟ باهى شوفى شن بندير فيك … وخدى طبو الا عالق فى شيشمه وفتحه على قوته وجرى وراها ..
ملاك … لااااااااااااااااااااااااااااااااااااااااااااااااااااااااااااااا هههههههههههههههه
واول ماقربت جيهت كلب قاللها …
احمد …. اها بحر من امامكم والعدو من خلفكم … الكلب ولا الميه ؟؟
ملاك … ههههههههههههههههه زوز لا ونببببببببببببببببببببببى …
احمد …. انتى سبب فى منظرى هوا وتضحكى … تيشرت اليوم بس كيف خديته … ماليكش حل تالت اختاااااااااااااااارى هههههههههههه
ملاك …. الميه خلاص بس بشووووووووى ونبى هههههههههههه خلاااااااااااااااااااص خلاااااااااااااااص
صب احمد الميه عليها وقعد ميت بضحك وهيا ميته بضحك وبعدين صب على روحه الميه وقاللها …
احمد … والله والله انتى الا مهبوله … برى اركبى بدلى حوايجك توا تمرضى وانى توا نسيقه دهان …
ملاك …. هاااااااااااااااااااتشووووووووو … اسفه بس شكلنى بننزكم من الميه الا صبيتها عليا … خلاص توا نظف انى كل شى انت خش دوش …
احمد … << نحى تيشرته لوحه وقاللها >> خلاص اركبى انتى ياودى .. انى توا نسيق جنان ونخش ندوش ..
ملاك … اوك خلاص انى راكبه … متأسفه جدااااا وطنجره خليها .. انى بعدين بننزل نغسل معايين عشى ..
احمد << بغمزة عين وابتسامه >> … اكيد بتنزلى ؟؟
ملاك … ههههههههههه اى بننزل .. شنى مالا بيستقبلنى كلبك بعدين ؟؟
احمد … هههههههههههههههه فكرت نديرلكم مقابله شرعيه بعدين ..
ملاك .. هااااااااااااااااااااتشو ههههههههه خلاص تم
ساد صمت بينهم وكل واحد منهم مبتسم وعينه فى الارض … ولما ملاك فاقت لروحها قالتله ..
ملاك … اوك رح نركب انى ماما اكيد تستنى فيا …
احمد .. << مع ابتسامه من القلب >> وانى رح نستناك بعدين
ملاك … ههههههه سلام
ركبت ملاك فوق وفتحتلها فرح طول وخششتها لدارها وقالتلها …
فرح … هههههههههه شفت كل شى من روشن دار نومى
ملاك …. انتى فهمتى غلط استنى نشرحلك
فرح … ههههههههههه كل شى باين فى عيونك ياشفشه .. وباين فى عيونه هوا اساس كل مايجى يسلم عليا ولايكلمنى وانى فرحانه عندى احساس انك رح تكونى من نصيبه ورح نولو سلفات وجارات … يعنى شقتى مقابل شقتك قولى امين انى شن نبى من دينا اكتر من انا اختى تولى سلفتى قوووووولى امين قووووولى
ملاك … مع ابتسامه من القلب وتنزيلت عيون امين
فرح .. شورا ماعندكش نيه انتى .. ههههههههههههههههه
ملاك … ههههههههههههه مبرررررررردك عندك شى نلبسه ؟؟
فرح .. اى افتحى دولابى تلقى سروال جينز مقاسك وبلوزه الورديه تلقيها معلقه فى دولاب … بس برى ديرى غسله على سريع وانى رح نمشى نساعد ماما
ملاك … ماتقوليش لى ماما شى بالله عليك …
فرح .. مهبوله انى نقول .. اكيد مش رح نقول …
مشت ملاك للحمام … بينما فرح خشت لامها باش تساعدها … واول ماشافتها امها قالتلها ..
امها .. بالله ترا شوفيلى هديكا وينها وخيرها ماتت ؟؟
فرح … اه انى ماما قتلها تقيم معاى قردل مية مكيف من بلكونه فاتبزعت عليها كلها لانها انزلقت .. فاقتلها تمشى تبدل حوايجها قبل ماتمرض ..
امها … اهم شى ركبت من لوطه ؟؟
فرح … اى اى من بكرى ركبت .؟
امها … باهى بنيتى بالله ترا نادى على حماوتك يجو يفرشو البخش خلى نحط العشى …
فرح .. من ساعه 9 ونص بتحطوه ؟؟
امها .. اى بنتى ناس بتروح خلاص …
فرح .. باهى باهى خلاص …
وتوا صفر العشى وحطوه .. وبدو يتعشو .. بينما ملاك كملت وجففت شعرها ومشت تعشت معاهم وعوزوزة فرح لاحظت ملاك طول الوقت وهيا تعطس فالتلها …
خالتى مهيبه << … ملاك بنيتى شكلك بتاخديها برده … ردى بالك تنزلى ولا تطلعى لنسمه اليوم والله تزيد عليك ..
امها …. حتى معاين العشى خليهم توا نغسلهم انى وبنات لوطى .. وانتى برى لدار اختك واتكى غادى …
خالتى مهيبه … نوضى نوضى سلم بنيتى … صحتك اهم شى … فرح خودى وخيت دخليها لدارك وكانا عندك مضاد ولاشريبو اعطيهولها ..
فرح … نوضى ملاك هيا …
ناضت ملاك وخشت لدار هيا وفرح … واول ماسكرو دار قالتلها …
فرح … هههههههههههه نهارك ابيض هوا شوار مبكرى غسلك غسل نهاركم اسود ومشكله مية بير مصقعه ..
ملاك … هههههههههههه والله هوا الا مهبول .. هدا كله كيف كيف لانى طورفتله تيشرته جديد …
فرح … ههههههههههه تكى تكى خلى نحكيلك ال$@ هديكا بنت خالتهم شن درت فيها ..
ملاك … اى ماقولتليش ؟؟ احكيلى احكيلى … اى حقا فرح نبى نقولك على شى قبل ماننسى .. احكيلى انتى وحتى انى نبى نحكيلك شى …
فرح …. احكى انتى الاوله … شن فى ؟؟
ملاك … بصراحه فى حاجه صارت ولامس .. وماعنديش حد نقوله الا انتى .. من بعد سمر …
فرح … شن فى خوفتينى ؟؟
ملاك … القصه ومافيها .. انا باين فى ولد معجب بيا وهكى ويبينى فى الحلال … مهم هوا يكون صاحب اشرف … واحمد لما عرف .. مش عارفه كيف حصل رقمى وامس اتصل بيا برغم انى والله مانعرفه وماصار بينا شى الا الا انتى تعرفيه … وقالى فوتيه وهكى وتأسف على الازعاج وقالى انى خفت نوقف عليك ونكلمك فى حوش اختك فرح بس تصيرلك مشاكل …
فرح … اى باه شن صار تانى ؟؟
ملاك .. اى بس وهدا الا صار …
فرح … وانتى شن قولتيله ؟؟
ملاك … انى قوتله انى موضوع مش فى بالى اصلا …
فرح … ههههههه نقولك شى والله انى عندى احساس واحساسى مايكدبنى .. وهوا انا سلفى حط عليك العين ..ويبيك ليه
ملاك .. باهى انتى كيف عرفتى ؟؟
فرح … لانا بعد ماروح من سفر كان يقول لامه اخطبيلى .. وتوا لما لقتله بنت مناسبه .. اليوم نط فيها قدامنا زى عفريت ونزل وسيبها وقاللها مانبيش نتزوج توا ..
ملاك .. اسمعى مرات يكون بناوتى وكل يوم برأى بس ..
فرح … اسمعى هوا صح متعدد العلاقات على حسب ماسمعت .. بس طبيعى .. والله اى ولد ليبى يشم عنده شوية جمال بس الا مايقلبها فوق رأسه …
ملاك … اهو راجلم عاقل …
فرح … وراس امك اسكتى راجلى على شن بيشحبوله على صلعة رأسه مالا ههههههه ماتشوفيش ليا انى لانى شوفت لداخلها .. وحتى هوا مش مهنى روحه … حتى من بنت خالته عاش معاها قصة حب … ومارتحاش لين ضرباته تيرو وتزوجت ..
ملاك .. نهاااااااااااااار ابيض كان يسمعك .. والله طلقتك وطريق هههههههه
فرح … اصلا انى قلبى متغلل عليه .. كانا تشوفيها كيف تتكلم .. وشن قالت مبكرى … معقوله انتى كيف جايبه ومحمد يتسقد اليوم لصحراء ؟؟ على اساس انه مش مهتم بيا ومش مدورنى … تعرفى من مبكرى شادتها تلقيح ..
ملاك .. خلينى عليها بس … والله الا ماناخدلك بحقك .. تتكلم بس …
فرح .. تصورى من واقحتها انها بايته الليله لوطه فى حوش عزوتى .. وقحه …
ملاك … مرض $#@ هادى …
فرح .. تلفونك يرن … هاك … من هدا ؟؟ رقم غريب ..
ملاك .. مش عارفه … استنى نرد اااااااااااص ..
ملاك … الوو
احمد .. ان شالله ماصارتلكش مشاكل بسببى
ملاك … لا لا عادى بس شورا خديتها زكمه
وهنا فرح طبست فى ودنها تانيه وقالتلها …
فرح .. ااااااااااااااحمد ؟؟
وهنا ملاك اشرتلها بى وجهها اىه مع ابتسامه … فاقالتلها فرح بشوى …
فرح … ماتطفشيش الولد باين عليه يبيك .. استنى نسكر دار بالمفتاح
ملاك … انى متأسفه جدا على صار مبكرى … ان شالله غير مافسدس تيشرت …
احمد .. لا لا عادى ولايهمك .. بس تعرفى سيقتلك جنان تسيقه خليته يبرق برق هههههههههه
ملاك …. ههههههههههههههههه
احمد … ضحكتك حلوه على فكره
ملاك … شكرا
احمد … لو نطلب منك طلب تردينى ؟؟
ملاك .. تفضل ان شالله خير ؟؟
احمد … حاب نكون شى فى حياتك ولو حتى بسيط يعنى مجرد صديق ممكن ؟؟
ملاك … انى ماعنديش اصدقاء فى حياتى …
احمد … اوك اعتبرينى انى اول شخص رح يكون كابدايه صديق فى حياتك … والله انى صديق وفى ونعجبك راهو ههههه وبدات فى الاسرار … اهو متلا ريتينى عاودت الا صار بينك وبين كلبى ؟؟
ملاك … هههههههههههه لا صح عندك الحق
احمد … باهى شن قولتى ؟؟
ملاك .. مش عارفه بجد انتى فاجأتنى …
احمد … شن فاجأتك هادى .. شن قتلك تعالى بكرا نكتبو كتابنا عند اول مأزون ؟؟
ملاك … هههههههههههههههههههه انت بجد جريئ .. فى حد قالهالك قبل ..
احمد … اى سمعتها هلبه الحق بس منك انتى احلى
ملاك … الباين انك خبير فى الحكى مع البنات …
احمد … والله نكدب عليك لو نقولك انى ماعرفت الا امى بس .. وماحبيت الا امى وبوى ولبييا بس يعنى دنيا رفعتنى وجابتنى شوى هههههه مره هكى ومره هكى .
ملاك … بس انى مش زى باقى بنات الا تكلمت معاهم ..
احمد … اى والله عارف اصلا انتى مهبوله مافيش منك فى دنيا اتنين ههههههه يعنى بالعقل فى واحد عاقل كل يوم يدير خارقه ؟؟
ملاك … ههههههههههه والله مش هكى بس والله مش عارفه كيف المواقف تصير معاك هكى .. يعنى انى بطبعى والله عاقله وراكزه
احمد … اى لا والله بالفعل .. وكلبى اكتر واحد يشهدلك ههههههههههههههه
ملاك … انت تتسهوك هلبه عندك علم ؟؟ باهى انى مهبوله وغبيه خلاص ..
احمد … كنت نبصر معاك .. زعلتى ؟؟
ملاك … لا لا مازعلتش … خلاص بنسكر توا ممكن.
احمد … باهى نقدر نكلمك ونطمن عليك مره مره ..
وهنا فرح قعدت تنخص فيها وتقوللها ..
فرح .. قولى اى قولى اى
ملاك … وهنا ملاك شبحت لفرح وقالتله >> لا متأسفه جدااااا … انى ماعنديش اى مكان فاضى باش نحط فيه صديق فى حياتى … ولا نقتنع بفكرة الاصدقاء … بس ان شالله تكون معرفة خير يارب …
احمد … اها .. باهى مالا حطى فى بالك … فى متل يقول << لاحرج على مهبول >> ولدلك مش رح ناخد بااى كلمه انتى قولتيها توا … علاش لانك مهبوله وهادى الحاجه متفقين فيها انى وانتى وكلبى … لدلك صدقينى انى الا نخش فيه مانطلعش بسهوله .. وتوقعى انك تشوفينى او تشوفى رقمى فى اى وقت .. ماشى … خلاص توا نخليك سلام
سكر احمد تلفون وملاك دارت روحها مستفزه ومندهشه من كلامه بس قلبها يرقص رقص .. علاش ؟؟ لانا احنا نساوي نالا نحس بيه مانحبوش نبينوه ودائما نتصرو عكس الا نحسوه … اما فرح فاماكانتش ردة فعلها الا
فرح … والله احسن مادرلك انى توا نبصلمك بالعشر انا هوا يبيك
ملاك .. انتى خفيفه عندك علم .. والله تقولى انى الا متزوجه وانتى الا بنت وتهيجى اعقلى …
وهنا فجأه طق الباب فاناضت فرح فتحت الباب بسرعه وهنا لقت امها قدامها وعيونها شرارت كره وغضب ونار بتتطلع من عيونها … وجبدت فرح ودخلتها لدار وسكرتها وشبحتلهم وقالتلهم ….
امهم …..
يتبع……….
لقراءة الجزء التالي : الجزء السابع من رواية حبيبتي لا تنسيني
لقراءة الجزء السابق : الجزء الخامس من رواية حبيبتي لا تنسيني
للإطلاع علي فهرس اجزاء الرواية : جميع أجزاء رواية حبيبتي لا تنسيني كاملة للكاتبة كيندا
جميع الحقوق محفوظة للكاتبة كيندا من ليبيا .
