وفي الجزء السادس من رواية حبي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا .
الجزء السادس من رواية حبي
أنا كنتا لي روحي دي متكيفه ليهو دخاني دا رافع بطل البتسوي فيهو دا… احي يا لطيف الريحه الريحه. حقت دخانك جابت أجلي والله
يا جليلة…
انتي ما عارفه ساي بحب الدخان دا كيف
الشقه الكنتا فيها في عوائل سودانية
النسوان لمن يدخون واشم الريحه
بصل لي اخر نفس فييني والله مرات بطلع من العمارة عذاب شديد هسي مجان جاني الله دا ما رحيم والله
بحبو شديد.. كمان اشوفو في مرتي احي احي انا منوووو يا الله داك وصلني ليهو سريع ههههه
النار النار في جسمي.. ..
.. طيب خلاص امشي. بيتكم هههه طرد عديل دا….
معليش بصبر باقي ايام وبشبع منك بي مزاجي لمن تقولي الرَوب….
خالتي جات داخله شايله صنيه الفطور طوالي رافع صلح القعدة وشغال احم احم نبيلة اها العرس متين نبيلة دي خالتي الصغيرة بكون عمرها 33 سنة. وزولا في السعودية…. والله قلتا ادخل بت اختي بعدين أفضا لي روحي ههههه والله يا خالتي… اي والله وطلعت تضحك….
يا سلام يا جليلة عصيده بي ملاح روب ابيض شي خرافي…. طبعا رافع بحب الاكل البلدي…. اها مع الوناسه والجو رهيب.. اتغزل فيني سمح.. شرب القهوة اخد نومه ويا الله لزيتو طلع مني شغال لي باخد حقي وبي زياده موش قلعتني من بيت حبوبتك بوريك بعدين في بيتي هههههه
بحبك يا جليلة اتحصني وخلي بالك على نفسك شديد لمن اشوف وشك على خير ان شاء الله… انتا كمان اتحصن.. يلا سلام… وفات
قعده حلوة شديد… لمن نفسيا ارتحتا… جيت على البيت جوة خالتي. طوالي اجي يا دا رافع دا مالو بقى سمح كدا بري من يومَو سمح لا وحاتك بقى نجفه اها اسحري لي…. ههههه
بري بي زولي اسحر ليكم شنو
شليقه انتي
…. ههههه يلا امشي لمي حالك نسوان الحلة جايات
قعده ودلوكه وكده صحي اي والله….
مشيت مبسوطة الايامات دي الأجو طرب… وغنا
كم يوم كده..
ضرب لي رافع كان بتكلم معاي بي تحدد العرس. قال لي كلام خلا راسي دا جايط… جليلة عايز اسالك سؤال ومنها احدد الزواج سؤال شنو…
جليلة انتي البريود بتجيك متين سكتا دا سؤالك اي وردي بي صراحة دا الدخلو شنو هنا.هسي يا رافع دا كلام رجال يا بت
ههههه رجال عديل والله دا كلام
طيب . علشان ما نتزوج في أيام عندك البريود….
لسه عليها يعني بعد دا ولا قربت ولا خلصت هسي لي يومين من خلصت طيب…. العرس بعد اسبوع استعدي وجهزي حالك لي العرس
هههههه انتا جادي… يا رافع اي جادي وبي شدة هههه طيب. دقيقه دقيقه
اها دا هسي شنو…..يا رافع
انا عندي فهم معين. يا جليلة…
. طيب
هسي انتي مخلصه منك البريود. ليها يومين نعم
يلا العرس بعد اسبوع ما فاهمه شي انا خلاص دا كلام رجال ههههه وطيب
مدخلني مالك فيهو ههههه مجنون وفعلا ما كنتا فاهمه شي على كدا قفل
والعرس تتحدد بعد اسبوع. والتجاهيز بدت.. أمي جابت لي حبوبه شيله عديل ريحه وخبيز وملابس عزتا جد
حبوبه لمن اتكيفت…
رافع عمل لي حنتين.. واافخم صالة أهلنا أسرة ممتدة كبيرة جدا….
فرحانه شديد.. رافع كل يوم يضرب لي تلفون يكاي فيني.
ويغيظ فيني…
رافع عايزه اطلب منك طلب. طوالي عيوني ليك…
لمن نتزوج ناخر الدخله ليه خايفه مني…. ما عارفه احساس ملخبط طيب اخش عليك بعد كم…. 3 ايام كتيره يا جليلة اشوفك قدامي ريحة ولبس وما افور…
ما بقدر… عليك الله.. طيب انتي ما تخافي مني… وتخليها على الله لا حدد لي من هسي ههههه انتي مالك مستعجلة انا عارفك كويس طيب مدام عارفه مالك عايزه تجنني معاك… والله يا جليلة انا كل يوم بغتسل علشان اصلي 3مرات تعبان شديد
….. ما تخافي ما ح اعمل شي يضايقك… وما تخليك قاعده معاي وخايفه مني ما عايز كده..
.. لا برضو حدد لي طيب مصره انتي يعني حاضر 3 ايام بصوم منك.. واليوم الرابع كمان ما بخش عليك… كدا كويس انتا زعلتا لا… عايز راحتك…
وتكوني سعيده ومبسوطه مني ومعاي. الله يخليك لي… تاني في طلب ههههه لا بس تحبني شديد يا جليلة.. حاضر وما ترفضي لي اي طلب حاضر…. وتخليني اخذ راحتي معاك في اي وضع حاضر. .. عسل انتي بحبك…
يلا امشي وشك الشين دا معاي ضيوف ههههه حاضر سلام سلام
الايام تمت.. بكرة العرس…
عندي خالي في السعودية لي ظروف ما ح يحضر العرس بس رسل لي هدايا وقروش.. عزاني الحمد لله…
حبوبه وخالتي قالو لي زي ما عمتك عزتنا نعزها… عملو فطور تقيل…. وين لي بيت ناس امي. الصباحية ضربو ليها تلفون ما ترفعي ولا حله الفطور جاهز.. ما كان في داعي ولي…. لا بس دا خيرك
ودو ليها بوكس كبير مع فرقة موسيقية من بيتنا تعذف لي بيت ناس امي… عاد اتكيفتا كيف… العقد حقي كان العصر…
اتجهزتا ضرب لي رافع… وامي وتبكي مبروك يا حبيبتي جليلة بيت مال وعيال العقد تما باركت لي… ادتني رافع دقيقه ازح من امي…. مبروك يا مرتي وحبيبتي وقلبي. عمري جليلة… العقد تما عقبال اجي اسوقك. والله من الخجل ما عرفتا اقَول شنو.. اغلبك بي العيال وتغلبني بالمال امييييين كبيرة…
ونكون أجمل عروسين…
بارك واتغزل وقفل…
يتبع ………..
لقراءة الجزء التالي : الجزء السابع من رواية حبي
لقراءة الجزء السابق : الجزء الخامس من رواية حبي
للإطلاع علي فهرس اجزاء الرواية : جميع روابط اجزاء رواية حبي للكاتبة روبا
جميع الحقوق محفوظة للكاتبة روبا .
