الجزء الخامس من رواية حبي

وفي الجزء الخامس من رواية حبي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا .

الجزء الخامس من رواية حبي

بقيت ملخبطه شديد… من رافع محتم انو ينزل نتزوج وانا خايفه شديد ما أتم باقي تعلمي…
بقيت احنس فيهو زي الشافع بس كان راكب رأس ولمن اصريت عليهو قال خلاص جاي اجازه يشوف الاهل يعني كلام زعل

وانا كان كمان ما بحب ازعل عليهو….. خلاص لمن ما لقيت حل مشيت وريت امي بي الحصول كلو… بس لي الأسف امي كانت واقفه معاهو….
الموضوع طول وانا اوعدك يا جليلة ح يخليك تخلصي اصلو باقي سنه…. وما ح يخلي يسوقك معاهو… خايفه يا أمي…
انا بضبط ليك الموضوع دا خلاص…

خايفه يا أمي يا بت هوى. ختي الرحمن في قلبك وامشي اتزوجي ساي وجامعتك ضمان على انا….
، 

يلا من رافع كلمتو اني موافقة قله ادب شديدة… بقي….
ما خلا شي ما رسلو لي…. ريحة شنطه
اي شي نفسي فيهو…. جابو لي….
لي شهر العسل حددنا وين نمشي…

هنا خلصتا تالت اتحبستا لي العرس… مبسوطه…كنتا شديد امي قالت لي يا جليلة انا عايزه أودى لي حبوبتك ريحة وحاجات زي دي… منو يجيب لي التاني هي ولا انتي يا أمي..
. حبوبتك يا جليلة بس عايزة اعزها.. علشانك…. ما عايزه اسمع يقولو البت أتربت على يد عمتا…. وعرست ليها ولدا…. بس نظام حركة. انتي شايفه كدا يا أمي. أي احسن كلام الاهل دا كعب وانا ما بدور النقه والله….

 طيب…. يوم الخميس نمشي السوق نجيب حاجات حقت تغليف ح اضبطك جنس ضبيط يا جليلة. بتي الوحيده وبت اخوي اعمل ليك عرس ما حصل.. ما بتقصري مني… عارفه.. بس عايزة اقول ليك. شي اي قولي بعد رافع يجي خليني اتحبس عند حبوبه حاااضر دا الكان ح يحصل.. يا جليلة ما عايزه أقصر معاك معاك في شي بس… يوم الرافع يجي امشي طوالي علشان تطلعي بعدين نجفه. ههههه حاضر. يا أمي

جهزنا حالنا وخبزنا…. ضربنا البيت كلو وغيرنا الديكور…. بقيت جاهزه بس لي رافع يجي…. يوم حدد المواعيد.. انو نازل خلاص . ستفتا شنطتي… وين لي بيت ناس حبوبه.. كنتا متواصله مع رافع بي الجوال لحدي ما وصل السودان فرحانه فرح بس ما عرف اني مافي في البيت…
الا بعد وصل بس زعل شديد افتكر ح اكون قاعده في البيت… وسلام بي الاحضان وكدا….. يا رافع العرس قرب شوفني يوم العرس هسي الكلام دا بجي يا جليلة…
لي 3 سنوات منك تجي تقولي لي يوم العرس تشوفني… هو وصل بليل خليك عارفه بكرة الفطور معاك…..
لا يا رافع ما تخرب الموضوع
بكره يعني بكرة.

حاضر 
وريت حبوبه وخالتي….بكره رافع جاي فاطر معانا..
من الساعه 8 هو قاعد في البيت..
ابيت اطلع عليهو الا الساعه 10
هههههه بس كدا… والله من شفنا بعض بقيت في حضنو وابكي….
مشتاق ليك شديد يا جليلة….
وأنا كمان…. كيف اخبارك كويسه
حمد لله على سلامتك جيت طيب
قبل ما يتم الكلام حبوبه جات داخله

موقف محرج ياخي بس مشتاقه شديد
لي رافع….

حبوبه جات داخلنا..
قطعت المشهد الرومانسي كيف يا رافع الحمد لله كيف انتي وصحتك. والله كويسة الا الغضروف شادي على.. الله يرفعك ويغطيك.
امين يا ولدي كيف الغربه معاك الله يقطع سنينا حارة نار..
وبي تحت نار من غير جليلة
وانا اضحك.. وهي ما شايفه قله ادب رافع معاي

… وجرت الكلام مع الرافع وانا ما لقت فيهو الحبة دي…. احي بي سري يا حبوبه اطلعي أبل روحي من رافع…. اسمع ليك خالتي يا أمي يا أمي…. دقيقة تعالى…. عاد طلعت ما صدق رافع…. جا قعد جنبي.. كيفك يا حبيبتي وشركة حياتي شركة عديل شركه ومصنع وكل شي ههه كويسة الحمد لله. .. مشتاق ليك شوق…. طبعا بقيتي عسل.. عديييل
مالك ما قاعد تشوفني باليمو.. بس شكلك ما كدا. مسكني من يدي. متين يا جليلة نكون في بيت واحد. ونضحك ونلعب مع بعض. متين. ما تتخيلي مشتاق ليك كيف…
جسمي قام نار

طبعا ريحتك تجنن رافع اثبت ثابت انا…. وضامنك انتي مرتي… … بس بيني وبينك ديني طلع من شفتك…. خلاص قوم امشي. امشي ين كاسر ركبة معاك هنا انا ههههههه.. ياخي اضوق لي شي وامشي. نفسي في اكل السودان شديد…. هسي حبوبه وخالتي يجهزو ليك
اكل
…. عليك الله اخبارك شنو انتي وجديدك كويسة ومرتاحه بي حسك… يا سلام عليك ح ترتاحي لمن نكون مع بعض احضنك واعضيك وتقومي تكوركي فيني رافع بطل يأخي..
أبطل وين يا قلبي انتي. منتظر إليوم دا بي فارق الصبر علشان اعمل فيها مجنون واتجونن عليك…
حق الغربة العذبتني بيهو دا… ح اعمل فيك عمايل… انتا بتخوف فيني هههههه لا بههظر يلا ما عايزه عرس..
 وين ياحلو دبلتي في يدك تاني غيري مافي. سكتا مسافة راسي مشا غلط.. وهو شغال لي هوووي جليلة يا بت يا عسل. رافع انا ماشه وين طالعه على خالتي انتي مالك بايخه كدا ياخي. بعيدين لينا 3 سنوات ما قاعد معاك. تتعاملي معاي كدا ليه… رافع انتا شوف بتقول لي في شنو يعني خايفه مني. يابت ابردي. انا حبيبك. بهظر..
معاك. اهظر مع منو يعني. اجيب بت من الشارع..
 والله بقتلك اها شفتي انتي عايزه وخايفه منو… ههههه منو دا لا اسمعي انا بحبك بس انتي بتحبني لا ما بحبك كفايه انتي ح تكوني مرتي وما عايز منك حب…. شكلك زعلتي رايك شنو
نغير الموضوع
اوريك اشكال كروت حقت الدعوة اوكي…. طلع التلفون.
وبقي يوري فيني بي. مزاج… بعد اتفقنا دخل يدو تحت توبي وانا ريحة دخاني تدوخ. هههههه
رافع دا شنو اقعد ساي
احي انا على انا متين ومتين اصلوقط

يتبع ………

لقراءة الجزء التالي : الجزء السادس من رواية حبي

لقراءة الجزء السابق : الجزء الرابع من رواية حبي

للإطلاع علي فهرس اجزاء الرواية : جميع روابط اجزاء رواية حبي للكاتبة روبا

جميع الحقوق محفوظة للكاتبة روبا .