الجزء

الجزء السادس من رواية قد كفاني

الجزء السادس من رواية قد كفاني

وفي الجزء السادس من رواية قد كفاني دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة آيه إبراهيم .

الجزء السادس من رواية قد كفاني

احمد طلع الشنط ومثاني لبست ومرقنا معاها لمكان المواصلات تبكي ساااي وانا ببكي معاها قالت لي مهجة عليك الله قولي لاحمد انا ماشة معاك ولا انتي ارح معاي قولتا ليها مثاني عيب الكلام دا واصلا شهر واحد وتاني ان شاء الله بنكون مع بعض م تشيلي هم وصلنا مكان الموصلات ومسكت يدي وبقت تبكي وبتقول يأخ انا م ماشة واحمد جاء وقال ليها مهجة ومهاد بعد 3 اسابيع بلحقونا هناك نقضي آخر أسبوع سوا وبعدو انا اسافر قالت ليهو انت كذاب انا لكزتها عشان ما تستخدم الألفاظ دي معاهو ولازم تحترمو قال ليها والله م كذاب بجيكم ابوي حتى بعد داك اقتنعت وفكت يدي وركبت انا ابتسمت وطول عمري ببكي لمن اكون حزينة بس المرة دي اخترت ابتسم ومن اليوم دا وانا ااي مصيبة بتحصل بكون مبتسمة والبكى ختيت دربو( نشوووف يا مهجة )
على لسان مثاني بعد فكيت يد مهجة كنت حاسة احساس غريب م عارفة دا شنو تاني قولتا لانو انا متعلقة بي اختي وم ح اشوفا لي شهر وأثناء تفكيري كدا فجاة جات شاحنة ومرت بي جنب باصنا وبعد فترة قصيرة وصلنا الخرطوم ( وصلوا يا جماعة م حصلت ليهم ااي حاجة متوقعين يموتوا ؟ بعد عمررر طوييل يا مثاني واحمد )
بعد مرور سنة
مثاني ولدت وجابت بت وسمتها رهف على اختي الله يعظم شفاعتها ورهف دي سبحان الله قطعة من امي وانا بريدها اكثر من روحي لانو الاسم اسم اغلى انسانة علي والشبه شبه احن انسانة علي ربنا يرحمهم طلعت اجيب سكر عشان الليلة احمد جاي وكان دي اول مرة يجي من يوم سافر ولا شاف بتو الإ بالصور لمن جا سلم عليها بكى بكا شدييد ، طلعتا على الدكان لقيت شلة من الاولاد قاعدين اصلي م ارتحتا ليهم وعشان اشوف دكان تاني الزمن اتأخر وانا عندي اشغال كتييرة لازم انتهي منها مشيت على الدكان وانا في سري ما خليت اية م قريتها اسمع ليك واحد بقول بات مات يا شبه القمر والتاني قال القصير لاي زول والتالت قال ليهم انتو بتعبوا نفسكم سااي المنقبات ديل فيهم نقلة في العجل م في ولا بتعبركم وصلتا الدكان اخدتا حاجات وكنت عايزة رصيد وعمو اضانو تقيلة والشباب ديل مركزين معاي خايفة اعلي صوتي يقوم واحد يسجلو قولتا ليهو يا عمو عايزة رصيد قال لي قلتي شنو قلتا ليو رصيد رصيد يا عمي كان في ولد شاب واقف جنب الدكان جا وقال لي عايزة رصيد بي كم يا مهجة قولتا ياربي دا ولد عمو دا ولا شنو؟ لكن م حصل شفتو قاعد يبيع هنا نهائي قلتا انا الصوت دا ما غريب علي لكن سمعتو وين الله اعلم قال لي انتي طبيعي كدا ما ممكن انا من قبيل بتكلم ارح مليني الرقم قلتا من غير ما أشعر قولتا ياسر عبدالله معاوية البرير 😳😳
( واخيرا ظهر المجهول) قال لي عندك ذاكرة قوية شديد يعني انا لو ما اتكلمتا ما كان ح تعرفيني ولا رديت عليو واصلا اسمو كان م طلع بالغلط من خشمي ماكان ذكرتو خليت الرصيد وقلتا ليو ما عايزة شكرا ليك ومشيت البيت لقيت مثاني مافي رهف بتلعب بالطين دخلتا الحاجات جوة وجيت قعدتا ولعبتا معاها وعملتا ليها بيت جميل شديد عمو عبدالله جا قال لي ماشاء الله يابتي الببت دا جميل شديد عليك الله م تديو لي رهف عشان م تخربو قولتا ليو هو البيت واتخرب زمان لمن فقد افرادو وقال لي يابتي م تقولي كدا حتى لو فقد كل أفراد اسرتو بس في انتي واختك انتو عمروا البيت ابتسمت ليو قولتا في البيت فقد قيمتو لمن وقع سقفوا مشيت جبتا دفتري وكتبت فيو( حسبي بأن الذكريات وفية تبقى بعمق الروح والوجداني) وقفلت دفتري جهزنا حاجاتنا صلينا الظهر واحمد جا والضيوف بقو كتاار ونحن مشغولين ومهاد وراجلا جونا وسلمنا عليهم بعد المغرب كدا الباب ضرب لبستا توبي ومشيت افتح كان راجل سلم وقال لي حمد الله على سلامة احمد قلتا ليو اتفضل وانا من الصوت عرفتو انو دا ياسر مشا على جهة الرجال دخلتا عملتا الشاي بس لمن عايزة اوديو لقيتو لسة واقف قلتا الزول دا جنا ولا شنو ما يدخل يسلم على احمد وصلتا وعملتا حركة كدا لقيتو ختا البيت العملتو قبيل برااحة كدا ومسح بي يدو على وشو ذي الكأنو اتاثر قلتا في سري ياربي دا مالو تاني قولتا يأخ في ستين انا مالي ومالو بعدو ندهت على احمد اديتو الشاي ومشيت الغرفة عندي كتاب كدا معين بقرا فيو قريت جزء ودخلتا الكتاب وسمعتا احمد بيقول لي ياسر ابقى عيدها ومن هنا عرفت انو مشى قولتا سبحان الله بعد سنتين ظهر لا وكمان مربي دقن منو يصدق دا ياسر داك سبحان الله يهدي من يشاء
المهم العشاء إذن صليت ودعيت لي كل الناس الفقدتهم والموجودين ونومتا

الليله مهاد مبسوطة شديد نسبة لانو أهل نسابتا جاين يفطرو معانا نحنا جهزنا حالنا تقريبا الساعة 10 جونا فطرنا وإتونسنا وبالجد ناس تستاهل أنها تحبهم بحترموها شديد وهي كمان بتحترمهم الجو كان رهيب وبارد مثاني قالت لينا أرح نطلع مشوار أو نمشي المنتزة الناس كلها قالوا ليها فكرة ظابطة تغيير جو قالت لي اها إنتي رايك شنو يا مهجة!؟ قلتا ليها ما عندي مانع بس ممكن نمشي البحر ! مثاني قالت لي إنتي تأمري طوالي نمشي البحر قالت خلاص مدام كلكم موافقين انا ماشة أكلم احمد لبسنا نقاباتنا(بالمناسبة اخوات انس زوج مهاد منقبات وفي واحدة محجبة فاللهم بارك )
————————————–
———————
*☆يتبــــــــــــــــــــــــــــــــــــــــــــع☆☆*

لقراءة الجزء التالي : الجزء السابع من رواية قد كفاني

لقراءة الجزء السابق : الجزء الخامس من رواية قد كفاني

للإطلاع علي فهرس اجزاء الرواية : رواية قد كفاني ( جميع الأجزاء كاملة ) للكاتبة آيه إبراهيم

جميع الحقوق محفوظة للكاتبة آيه إبراهيم .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى