الجزء

الجزء العاشر من رواية حوش جدي

الجزء العاشر من رواية حوش جدي

وفي الجزء العاشر لنري ماذا تخبيء لنا الكاتبة كيندا داخل سطوره ، لكن كل ما اقدر علي قوله أنك ستقرأ جميل الكلمات ، لذلك دعنا لا نضيع الكثير من الوقت في المقدمات ونبدأ فوراً في القراءة .

الجزء العاشر من رواية حوش جدي

اسلام … اى خدمه ماعنديش مشكله .. سواقه كدلك نشجع مراه عليها .. بس اهم شى تقوم بواجبتها بيتها .. انى حاليا قولت الا عندى هههههه يعنى سى فى كامل ومختصر وانتى ؟؟
نهال …. شبحتله شبحة فيها من حزن وقالتله ..
نهال … انى شنى ؟؟
اسلام … احكيلى على روحك وشن حابه وشروطك …
سكتت نهال وماعرفتش شن تقول ولاحتى شن تحكى وفجأه قامت عينها وقالتله ….
نهال … بعد الا قولته اكيد ماعنديش شروط … وانى اهم شرط ليا انا شخص يخاف ربى ويعطينى الامان الا اهلى معيشنى فيه ..
اسلام … يعنى شنى تمااااام ❤ انى شخصيا .. من الاخير من الاخير … عاجبتنى ومش محتاج الموضوع تفكير بالنسبه ليا … وانتى ؟؟
نهال …. سكتت شوى وبعدين تدكرت وسام لما قاللها << انتى ولاعلى بالى اصلا >> وهنا قامت عينها وابتسمتله ونزلت عينه فاقاللها
اسلام …. اوك خلاص فهمت هههههههه
نهال …. نستأدن منك توا …
اسلام … ادنك معاك …
طلعت نهال من صالون ومشت لصاحباتها وقعمزة وحكتلهم كل الا صار وهنا اميره قالتلها …
اميره …. تفكرى يامهبووووله …. تى والله كان انى الا ناخده من ايده وبينا على مأدون هههههههه
سلمى …. اسمعى موصفاته تتمناه اى بنت بصراحه ..
سندس …. الراجل لقطه ومافيشى حاجه تتعيب ولو سيبتيه معناها انتى غبببببيه ..
نهال …. مش عارفه …. من ناحيه هوا كويس وامه كويسه ومش ناقصه شى … بس لما نجى نفكر بقلبى مش هاين عليا …
اميره …. بعد الا انتى احكتيهولى على وسام نقولك فوتيه بالعرض …. لانا انتى على حسب ماقولتى حب واعجاب من طرف واحد بس …
سندس …. نهال ننصحك نصيحه ماتعدليش على كلامنا … انتى فكرررى كويس قبل ماتتخدى القرار ..
سلمى …. انى مقتنع انا الحب يجى بعد الزواج ومادما الراجل هكى بعد الزواج معناها رح تحبيه رح تحبيه وهوا كفيل ينسيك فى وسام و10 زيه ..
نهال …. تقولو هكى ؟؟
سلمى …. ايه و100 ايه … مافى حد يستاهل تضيعى روحك على عمره …
فاتت ساعه ورا ساعه وهما يهدروز ويحكو فى نفس الموضوع بالاظافه الا شوية احلام مستقبليه … وفضى الحوش من اهل العريس …

واول ماطلعو اهل العريس خشت امها وقالتلها ….
امها … اه نهال .. شن رايك فى العريس ؟؟
نهال … انتى شن حسيتى؟؟
امها … من ناحيتهم والله فرحانين بيك وقريب يحلفو براسك مايحنتو … وامه لمحتلى انا لو تفاهمو مع بعض مادبينا تلبيس دبل وفضانيه فى نفس الاسبوع …. ويستنو فى ردك انتى وموافقة بوك … وباين انا هما حتى سؤال سألين علينا …
نهال … والله هوا الولد كويس ومافيشى مايتعيب …
سلمى … قولى ايه .. خلى نفرحو بيك الهم الاحرف وتتحرك وحده مننا خلى تلحقها تانيه …
امها … انتى شن تحسى روحك الولد تبيه او لا ؟؟؟
نهال … لا لا الولد عجبنى ومافيشى مايتعيب ..
امه … شنى يعنى خلاص على بركة الله ؟؟
سلمى … اى اى يامهبوووله قولى ايه …
وهنا نهال قعدت تشبح لصحباتها كيف يقولولها اى وفرحانين وامها كيف مبتسمه وتستنى فى كلمه تردلها روحها … فا شبحت لامها وقالتلها …
نهال …. خلاص موافقه ….
امها … رووووووووووووووووووووووووووووووووووووووى
سلمى … افرحى يامهبوله افرحى … والله الاماتحبيه وقولى ماقلتهاش سلمى … ونحى هالافكار سودا من دماغك ..
امها … خلى نمشى نقول لمرة خالك …
مشت امها لصاله وقامت تلفون وقالتلها …
ام نهال ….. الووووو سميحه … شنى رقدتى ؟؟
سميحه << ام وسام >> …. لا لا والله مارقدتش نستنى فيك باش تطمنى شن صار … شن صار معاك ؟؟
ام نهال …. والله شن بنقولك … الناس عجبتهم نهال ونهال وافقت عليه العريس بعون الله على توا وبركة ربى الفض والتلبسه مع بعض
سميحه …. روووووووووووووووووووووووى الف الف مبروك عقبال منين تشوفى صغارها ياررررب ❤ ❤
وعلى طلعت وسام بيخش الحمام سمع امه تزغرط فوقف وسمع كل شى … وهنا خش للحمام وغسل وجهه بالميه وقعد يخبط فى راسه على حيط وبعدين خش لدار وقعمز على سرير وقعد يبكى زى العيل الا كانت عنده لعبه وحد خداها منه ……
مافاتت ساعه حتى روحو الكل ولبست نهال بيجامتها وقعمزة على سرير .. وكيف طفت ضى سهاره وحطت راسها على مخده اتصل بيها رقم … فاشبحت لرقم شوى وحست انا مار عليها وبعدين ردت وقالت …
نهال … الو
وسام … << بصوت متقطع وفيه نبرة البكاء >> الو
نهال … وسام
وسام … << سكت شوى وبعدين قاللها >> ايه …
نهال …. شن اخبارك ؟؟؟ شكلك تبى تعرف شن صار فى خطيبى صح ههههههه ..
وسام … << سكت شوى وبعدين قعد يبكى بحرقه بس كتمها وقاللها >>
وسام .. << مع رشفة خشم >> شن صار معاك ؟؟
نهال … اى وفقت وتمام والحق ماشالله عليه وعجبنى هلبببه وهدرزنا مع بعض وضحكنا .. بس خيره صوتك هكى ؟؟ انت تبكى ؟؟
وسام .. لا لا شن نبكى هادى .. مريض شوى من مكيف ..
نهال … ااااااااااه نحسبت تبكى بس هههههههه قولت منين جاته الاحساس مرهف ..
وسام … امممم … باهى الف الف مبروك …
نهال … وسام ..
نهال … << دمعو عيونها وقالتله>> ماتسكرش خليك ..
وسام … ليل موخر توا … نخاف عليك بس ..
نهال … خلينا مع بعض الليله لصبح .. خاطرى نهدرز معاك هلبه .. تمنيت اليوم انى مقعمزه انى وياك فى جنان ونحكو ونهدرزو ..
وسام … دقيقه بس وسكر …
وقعد يبكى يبكى … لين عيونه تورمو … ومافاقش بنفسه الا مادارتله رنه فاعودلها وقاللها ..
وسام … اها معاك سامحينى سكرت فجاه غير خش عليا حد ..
نهال … خيره .. صوتك هكى انى حاسه انك متضايق صح ؟؟
وسام … اى متضايق .. شووى ..
نهال … علاش ؟؟ احكيلى .. مش انت ديما تقولى انتى زى اختى ؟؟
وسام … اكيد ..
نهال .. اوك احكيلى .. فى بنت انت تحبها ….
وسام … قعد يبكى فى صمت بعدين ابتسم وقاللها … شكلى هكى ..
نهال … هيا تندرى ؟؟
وسام … مع رشفة خشم من البكى>> … مش عارف ..
نهال قعدت تبكى وحست بخنجر طعن قلبها وقالتله …
نهال .. انى نعرفها ؟؟
سكت شوى وبعدين قاللها ….
وسام …. لا ماتعرفيهاش …
نهال …. خيرا قبل ماحكيتليش عليها …
وسام … لانى توا بس تأكدت من مشاعرى اتجاها .
نهال …. علاش ماتقوللهاش على مشاعرك ؟؟
وسام … مش قادر …
نهال … لامتى بتقعد هكى ياوسام ..
سكت وسام شوى وقعد يشبح فاقالتله …
نهال … رد عليا خيرك ساكت ولا انت ديما هكى …
وسام … ماعنديش شن نقولك …
نهال .. باهى انت شن مشاعرك اتجاهها .
وسام … نحبها ونموت فيها ونتمنى تكون ملكى بس … وفكرة انها تكون لغيرى .. فكره بس ممكن تخلينى ننجن …
نهال .. << مسحت دموعها وقالتله … ياسعدها بصراحه .. بجد نتمنى انا خطيبى يكون هكى زيك ..
وسام .. ان شالله ..
نهال … غير جوك خلااااص وانت من بكرى ترشف درهتلى كبدى هههههههه
وسام … ههه ههه
نهال …. تعرف مستحيل ننسى اى موقف صار بينا ورح نحكيه لصغار صغارى بعون الله …
وسام … اما موقف ؟؟
نهال … هههههه موقف الكيكه وموقف الدروج وموقف االحمام وموقف السياره ورساله الا بعتهالى فى نص الليل ❤ وموقف اليوم الا جيت بترفعنى فيه لحوش صاحبتى …. وموقف … …. …
وسام …. نهال خيرك تبكى ؟؟؟ معاش تبكى يامهبوله ؟؟
نهال … لا لاخشت حاجه فى عينى بس ههههههه اى هلبه مواقف ونسيت حتى موقف جنان لما قعمزنا … كان اليوم هدكا احلى يوم عندى …. تصور ماتوقعتش انك هكى ..
وسام … اها كيف توقعتنى مالا … شرشبيل ؟؟
نهال … هههههههه قريب منه .. هكى شى ..
وسام … نهال …
نهال … نعم ؟؟
وسام …. يتجى اليوم ؟؟ لحوش جدى ؟؟
نهال … علاش ؟؟
وسام … بصراحه خليتى مكانك … وبدات دوشتك صبح …
نهال … ههههههه مبردك …
وسام ….. خلاص يامهبوله …. برى ارقدى فجر ادن من بكرى وشمس قريب تزرق ❤
نهال …. هههههههه ماحسيتش بالوقت معاك
وسام …. حتى انى ..
نهال … بتكلمنى بكرا ؟؟
وسام …. ان شالله يصير خير … ❤ تغطى كويس وارقدى ❤ وغدوه لما تجى ماتدريش دوشه وخلينى نرقد ❤
نهال ….. هههههه اوك خلاص … تغطى حتى انت كويس … تصبح على خير …
وسام … وانتى من اهل الخير ❤
ناضت نهال تانى يوم صبح مريضه هلبببه وبرده وزكمه ولوزتين ومش قادره حتى تقيم راسها … ولدلك قعمزة وماقدرتش تمشى لحوش جدها … وقعدت طول نهار وهيا فى الفراش … واغلب الوقت ياراقده يا فى عالم تانى من الحراره …
فات اليوم الاول ونهال راقده فى الفراش ووسام يتصل بيها على تلفونها بس تلفونها مقفل … ووسام راكبه فيه نار … جى تانى يوم ووسام من اليوم الا قبله يحاول يتصل بىها بس تلفونها مقفل … واول مااتصل بيها صبح وتلفونها نفس شى مقفل …. بدل حوايجه وطلع للخدمه … ومع ساعه 11 ظهر بزبط …. ام نهال اتصلت بسميحه وقالتلها …
ام نهال …. الووووو
سميحه … صباح الخير … وينكم لابينتو لادورتو ؟؟ وين نهال ؟؟ نحسابها من امس بترجع عندى …
امها … والله مريضه ومايعلم بيها الا ربى حراره ولوزتين واغلب وقت ماشيه فى عالم تانى من حراره …
سميحه …. وشن سبب ؟؟
ام نهال …. شورا غسلت ورقدت قدام مكيف …
سميحه …. ااااااه باهى بالك مالا نجيك بعد صلاة ترويح ونطمن عليها …
ام نهال … خلاص مالا نستنى فيك …. سكرت ام نهال تلفون ومشت للمطبخ باش تغير مية متع الكمادات وخشت لنهال فى دار … ولما حطت ايدها على جبهتها لقتها زى كوشه … فابدت تحط وتعصر فى كمدات وتبدل فيهم وتدعى لربى انا تنوض مابيهاش … وفجأه نهال من كترة الحراره بدت تهترى وتقووول …
نهال …. وسام … نحبك وسام … ماتبعدش عليا وسام …. تتفكر لما جيت بتدخلى شعرى وسام لمستك كانت حنينه … وسام بتكلمنى حتى غدواااا وساااااااااام انى نحبببك وسام ….
وامها سمعت من هنا وبدت تلطم وتعيط من هنا وتقول ….
امها …. شن تقوووولى يابنت الكلب … شن تقووووووولى يااااااااحى علياااااااااااااا يافضيختى … شن دار فيك هالمسخ وانى الا امنتهم على بنتى تى والله ماعاد قصه عندهم خطوه وحساااابك بعددددين غير تنوووضى الله الامانغزك بسنونىىىىىى طقينا فى الكلام الكبير بكل بكل

… تى والللله الا ماتوصل امه بس هنااااااااااااااا … حى حى علياااااا البنت نخطبت يانااااااس بافضيحتى …. شن داااااااار فيك يا بنت الكلب ردددددددددى …

يتبع ………..

لقراءة الجزء التالي : الجزء الحادي عشر من رواية حوش جدي

لقراءة الجزء السابق : الجزء التاسع من رواية حوش جدي

للإطلاع علي فهرس الرواية : جميع الاجزاء كاملة لرواية حوش جدي للكاتبة كيندا

جميع الحقوق محفوظة للكاتبة كيندا من ليبيا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى