الجزء الأول من رواية الزوجة التائهة بين الأحلام والواقع

ونبدأ سوياً بداية احداث رواية الزوجة التائهة بين الأحلام والواقع من المبدعة كيندا من ليبيا، جهز نفسك جيداً بفنجان جميل من القهوة وجمع كل تركيزك الكبير لتستمتع بالتحفة الفنية الرائعة من صياغة كيندا المبدعة ذات الطراز الرائع الذي لا مثيل له، تستطيع قراءة جميل رواياتها علي موقعنا مثل رواية بقايا امرأة ورواية جميع أجزاء رواية حبيبتي لا تنسيني كاملة للكاتبة كيندا لذلك هيا بنا لنبدأ بالتعرف علي تفاصيل الجزء الأول في السطور التالية سوياً ،

الجزء الأول من رواية الزوجة التائهة بين الأحلام والواقع

رح نحكيهولكم اليوم من احلام العزوبيه والا هوا واقع زوجة الرجل الشرقى والا صعب تلقى اى حد يطرقله لدا حبييت نسردلكم احدات من واقع ليس شخصى وانما واقع زوجة اى رجل شرقى قد تكونى مررتى بى احد جوانبه

ليلى بنت عاشت طول عمرها تحلم بالحب والاستقرار تحت سقف بيت الزوجيه مع زوج حنون واهل طيبون وجأت الليله الموعوده ليلة زفافها فا…… الا شافته غير الا حلمت بيه من لما خشت وقعمزت على كرسى العروسه وجنبها سى سيد واول كلمه سمعتها ..
هوا .. ارتحتى اهوا سكرتى دماغك وقعدتى تنقى باش نخش معاك وخشيت شن استفدتى هدا كله باش تتجعدى قدام صاحباتك ولا له لكن هدا الا ياخد بكلامكم
هيا .. حبيبى انى حلمت طول حياتى انك تخش معاى وننزفو مع بعض ونرقصو يخى وبعدها تلبسنى دبله ونقصو تورته هيا حبيبى بلاش تنكد فى هاليله وابتسم شوى زينى انى باش مايقولوش متزوجها ومدفوف
هوا .. باهى باهى خلاص فهمنا اصلا على قولت حناى الا شنع شنعته يكملها بس انى نرقص معاك تحلمى بيها وضبحى على امك قولها استعجلى بنقصو تورته ونروحو امى تستنى فينا ومعازيم

.. وطبعا هيا حاولت تبتسم وتفهم ناس انهم يتغزلو فى بعض وانه مستعجل باش يكونو مع بعض تحت سقف واحد ولكن الا فى القلب مايعلم بيه الا ربى مهم قصو تورته ولبسو دبل وخدو شوية صور بعد مانحط فى الامر الواقع وروح بيها وطبعا اول ماوصلو حوش العريس امه استقبلتهم بالوجه الا نصه يضحك ونصح يبكى وطول خشت وطبطت ولدها على اساس كان مسافر

ام العريس << احمد >> .. وليدى واخيرا شفتك عريس ياولدى ربى يفتحها وفى وجهك يارب ياوليدى خش خش يستنو فيك داخل
والوجه الا يبكى طبعا للعروسه علاش؟؟؟ سوال وجيه لانها خطفت منها هالصقر الغلام الا مافيش منه اتنين وطبعا اول ماشبحت للعروسه شبحتلها نظرة ماليهاش الا معنى واحد تو تفهمووووها فى احدات القصه التاليه وقالتلها ..

ام احمد .. تفضلى بنيتى تفضلى والله امك تحبك الا طحتى فى وليد زى ولدى نبيك تحطيه تاج فوق راسك لانا والله تلفى ودورى ماتلقى ربعه ايواااا
وخشت العروسه فرحانه ومتبسمه وممكن تكون ماحستش بحاجه من كلام عزوزتها فى هديكا اللحظه لان عقلها فى شى تانى وتعتبر حاليا تحت تأتير صدمة العروس مهم خشت وكان الدخول بسيط جدا عباره عن اهل زوجها مقربين وحماوتها وسلافتها فقط فى حوش شيباينها والا طبعا هيا رح تسكن فوقهم يعنى باختصار سكنه طنجره وكسكاس واول نظره شافتها من سلافتها وواضحه من شبحاتهم انها شبحات تهكم وهزوه مع مره مره نظره فى المرايه باش تأكد لنفسها انها احلى منها اما حمواتها فاكانت تعبيراتهم تدل على ابتسامه خفيفه مع هما صاحبين العواله والحوش حوشنا ورزق رزق خونا وناس بيحاسبونا ا ههههههه مهم كملت هالليله على خير وروحو معازيم وتم كل شى بنجاح وبعدها جى اليوم الموعود يوم صبحيه.. وطبعا ساعه 9 بزبط طقطق الباب
طق طق طق طق احمد قالتلك امى انزل انت وليلى باش تفطرو الفطور واتى وقالتلك قول لمرتك تلبس لبس مستور وتحط حاجه على راسها لان خوتى الولاد بيفطرو معانا .
احمد .. باهى باهى ياصفاء اهوا نازلينا شوى بس ونكونو لوطه,,
احمد .. ليلى .. نوضى نوضى امى قالت الفطور واتى
ليلى .. صباح الورد حبيبى خيرك منوضنى من توا معقوله من ساعه 9 واحنا راقدين 6 فجر وبعدين انى عروسه حبيبى
احمد .. هيا نوضى بطلى تزعبيين تى شن ماتزوجتى الا انتى وبعدين توا الا صار صار وابووووووووا من توا بنقولك احنا عندنا مافيش نوم بعد 9 هدا قانون ماشى علينا ويمشى على الكل.. ساعه 8 ونص تكونى مرشوقه لوطه وتوتى فى فطور مع امى لانها بروحها وخوتى متسقدات للقرايه
ليلى…. حاظر حبيبى اهم شى رضاك عليا والا انت تقوله يمشى اهو بنوض هيا
صفاء .. اااااااااااااااااحمد هيا شن مازال ماكمش فاطرين امى قالتلك هيا لفطور برد
احمد… اهو نازلينا وراك هيا

يتبع……..

لقراءة الجزء التالي : الجزء الثاني من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .