الجزء الثاني من رواية الزوجة التائهة بين الأحلام والواقع

وفي احداث الجزء الثاني هل يا تري سوف تبدأ المواقف الشيقة بين ابطال الحكاية ام سيكون هناك تمهيد قبلها ؟ كل ذلك وأكثر سوف نعرفه في السطور التالية من رواية الزوجة التائهة بين الأحلام والواقع .

الجزء الثاني من رواية الزوجة التائهة بين الأحلام والواقع

صفاء .. اااااااااااااااااحمد هيا شن مازال ماكمش فاطرين امى قالتلك هيا لفطور بر
احمد… اهو نازلينا وراك هيا
احمد..ليلى انى نازل الحقنى بسرعه ورالك تنسى تحطى حاجه على راسك
ليلى.. حاظر حبيبيى خلاص كملت اهو نلبس فى وشاح و نازله
طبعا نزل احمد وبعدها نزلت ليلى وخشت لقيتهم يستنو فيها فى صاله الا عزوزتها فى مطبخ تسخن فى
شاى صبحت عليهم وخشت لعزوزتها فى مطبخ تبى تشوفها بالك تبى شى
ليلى .. صباح خير ماما
ام احمد .. صباح الخير.. شنى هدا وين فقتى مالا نحسابك بتنوضى بكرى وتوتى معاى الفطور لكن شكله خداك نوم… ولا ماقالكش حميده وليدى ؟؟؟!!!!!!!
ليلى .. اسفه حقك عليا من بكرا بعون الله نكون قبلك فى مطبخ
طبعا ليلى وجهها احمر جتها رزينه تقولها احنا رقدنا ساعه 6 وانى عروسه لدا كمتتها فى قلبها وسكتت
ام احمد .. هيا ارفعى بنيتى براد الشاى وانى لحقاتك بالخبزه
ليلى.. حاظر هيا
قعمزة ليلى جنب راجلها وماقالتش ولا حرف طول الفطور تسمع بس فى تهدريزهم ونقاشاتهم
صفاء … ماما انى بنمشى للكليه وفى مروح صاحبتى جايه معاى ومتغديه باللهى احسابيها
الام .. برى يابنيتى برى ربى يحفظك ويرعاك وقولى لصاحبتك تتفضل فى اى وقت اهم شى قرايتكم
صفاء.. ورهو دارى ماظميتهاش مش نروح نلاقاها منكوته عاد قدام صاحبتى ياماما ظميهالى اهو قتلك
امها .. اى اى بنيتى اهو ليلى معاى وتساعدنى ماتخمميش انتى برى وشدى فى قرايتك بس عاد نبوك
تجيبينا شهاده الكبيره وتفرحينا
صفاء .. هيا ماله نستادنكم
مروه .. ماما فطورى وتيتيه وقت عليا ياماما طابور قريب يبدا وانى قاعده فى حوش
امها .. هيا هيا بنيتى اهو توا نقول لى ليلى ؛؛؛؛؛؛ ليلى بنيتى نوضى افتحى حكت التن وديريلها سندوتشها بسرعه وماتنسيش تحطيلها زيتون وبعدين ولى كملى فطورك انتى ماعندك ماديرى
ليلى … حاظر ماما اهو نضت هيا ونحطلها معها عصير ولا لا
الام .. اكيد تلقيه فى تلاجه فى رف الاخير صندوق مسكر افتحيه واعطيها منه
مشت ليلى وهيا مصدومه زيكم بزبط وتقول فى خاطرها هل هوا طبيعى انى نتعامل هكى من اول يوم ليا او سوء حظ منى او هما عايشين فى عالم غير الا امى قالتلى عليه يالله الحمد لله على كل شى و الا ربى كاتبلى بيه بيصير واكيد غير هكى فى الاول وبعدين نتعود وطبعا وهيا سارحه وتفكر ووالقلب فى حوش امها وبوها الا كان تلقى حظن منهم بس توا وخاصة انها بنتهم الوحيده الا طلعو بيها فى دنيا وطبعا مافاقتش الا على صوت عزوزته<ا< العندليب ههههه>> تنادى
.. ليييييييييييييييييييييييلى شن مازال.. نقولها تمشى؟؟
ليلى.. هيا هيا اهو جيت خلاص وتيته
مدت الفطور للبنت وناضت…..مشى ضبحت عليها عزوزتها قالتلها
… ليلى تعالى كملى فطورك وطاسة شاى متعك قبل ماتبرد
ليلى.. الحمد لله شبعت انتى كملى فطورك ماما وانى بنبدا فى مطبخ
طبعا قعمزت ام احمد نص ساعه تلوقن هيا وولدها وشيبانيها وبعدها احمد قام صفرة الفطور وخش لى ليلى قالها اسمعى الا تقولك عليه امى ديريه ياليلى واعتبريها زى امك وانى بنطلع عندى مشاوير بنديرهم وبنجيبلك صور من مصور وبنجى مانوصيكش على امى
ليلى .. حاظر حبيبى امك هيا امى والا تتطلبه من عيونى اهم شى رضاك عليا
هوا.. خلاص مالا تبى شى ولا توصى على شى
هيا …. لالا ياعمرى سلامتك بس ورد بالك من روحك دنيا مقلوبه قالو برا
هوا .. يصير خير ان شالله فى امان الله

خشت عزوزتها للمطبخ وقالتلها
… بنيتى عندى خالتك سميحه امها توفت ربع ساعه نمشى نمد ايدى ونعزى ونجيك انتى غير ابدى وانى نلحق عليك وباللهى طلعى كيسة اللحم الا تلقيها فى فريز تلاجه باش تدوب من توا لانى بندير لحميده وليدى رز بالبصله قالى نفسى جايه عليه << على اساس ولدها يتوحم>>
ليلى .. حاظر ماما وطبعا فى داخلها غصه كبيره !!! تحساب روحها بيمشو يتغدو برا زى اى عريس وعروسه ويديرو لفه ويهدرزو وتعوض صبح المبارك الا عاشته وخاصة انا هوا قاللها توا نتغدو برا اليوم فابعدها ظربت فى راسها وقالت علاش مانكلماش اول ماتطلع دروحنى ونوقضه ونساله هوا قال لامه ولا لا
ام احمد .. هيا مشيت انى ومش رح نتعطل انتى غير كملى مطبخ ونلاقاك باديه فى داراا لبنات
هيا .. حاظر ماما تمشى وتجى بسلامه وطبعا بعدها اتصلت بى احمد طول .. اهلين حبييبى…. شنى اليوم بعد ظهر نوتى روحى باش نطلعو نتغدو زى ماقولتلى على الفطور
احمد … والله شن بنقولك بعد مانضتى انتى امى سئلتنى قدام بوى وقتلى شن عندك نيه تتغدا اليوم يا حميده وانى بصراحه جتنى رزينه قدام الحاج نقولها بنطلع مع مرتى ومانيش متغدى معاكم فا قتلها طيبو رز وخلاص
.. ليلى طبعا تضربيها بموش ماتطلع قطرت دم حدها قتله باهى باه خلاص انى توا بنسكر هيا سلام ووهوا .. قالها سلام وسكرو
وطبعا جت ساعه 10 و11 و1 وعمتك ام احمد مبركه فى العزى ووو الحوش كله تنحى من ظلوع ليلى وفوقها لما لقت الظهر ادن قالت معاش فيه توا احمد ولولاد وبابا قريب يخشو والغدا مازال مانحط على نار خلى نحطه وخلاص ووو كيف حطت الغدا على نار وباديه تبخر فى حوش على خشت …..

يتبع………………………………..

لقراءة الجزء التالي : الجزء الثالث من رواية الزوجة التائهة بين الأحلام والواقع

لقراءة الجزء السابق : الجزء الأول من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .