الجزء

الجزء الأول من رواية تزوجنا ولكن هل يبقي الحب

الجزء الأول من رواية تزوجنا ولكن هل يبقي الحب

وفي الجزء الأول من رواية تزوجنا ولكن هل يبقي الحب سوف نبدأ بمعرفة التفاصيل الأولي حول حبكة الرواية وكيف ستسير مع أبطالنا داخل الحكاية ؟ كل هذا وأكثر سوف نعرفه سوياً في السطور التالية بإذن الله .

الجزء الأول من رواية تزوجنا ولكن هل يبقي الحب

سهييييله ياسهيييييله افتحى الباب سنه باش تردى ؟؟؟ كانا نعرف شن تديرى بس فى دار …

سهيله … ميدو ماما توا تضبح هيا سلام … هههههه حتى انى خلاص يرا … باى حبيبى ❤

<< سكرت تلفون وطلعت تجرى من دار وقالت …
سهيله … اهو مشيت خلاااااص وانتى لميتى عليا ناس … هياااااا …. <<وهنا فتحت باب وقالت>>

سهيله … هدددددددوى روووووحتو .. روووووووووووووووووووووووووووووووووووى مااااااما مؤيد وهدى روحوووو ياماااااما …

امه … روووووووى خشو خشو .. شدى شناطى من مرة خوك وانتى واقفه تبحلقيلها… خشو خشو طيب فيكم روحتم … علاش ماكلمتش بوك يروح بيكم من مطار .. سهيله .. نوضى استعجلى بالغدا وضبحى على بوك قوليله مؤيد ومرته وصلو .. وصبى طاسه عصير لخوك ومرته نووووضى ..

سهيله . باااهى باهى وانتى الواحد مايتهنى معاك بكلمه مسرع وصلو هما ..

امه …. طيب فيكم الا تدكرتو تروحو .. قولنا اكيد بيديرو زى منى ووائل ومعاش بيشوفو وجوهكم ..

هدى … علاش اللاى منى ماهياش مروحه ؟؟

امه … والله كلمتنى وقالتلى حصل عقد غادى ومعاش بيروحو الا زيارات بس وقالتلى اول ماتروح هدى قوليلها تكلمنى ..

هدى …. باهى كيف هكى طب زن ماسمعتش انى قبل قصدى ماجابتليش سيره بكل ..

امه …. والله يابنتى انى مانفهم فيها هالدوه لدلك لما تكلمك افهمى منها .. ونبى نقولك حاجه ايواااا من توا رسميات هيا متع اللاى وماما مانبيهاش .. قبل تنادى عليا خالتى وتوا نادينى زى قبل ايوااااا ..

وفجأه شبح مؤيد لهدى وغمزلها على جنب وضحك وقال لامه …

امه … ميمتى ياعزيزة الراس انى تعبااااااان وبنمون رحله خدت 7 ساعات يعنى شوفى روحك مفقع من الفجاير فا بنركب ندوش ونرقد ماااشى ..

امه … اقعد تغدى اهو خلاص على حطه واستنى حتى بوك سلم عليه …

مؤيد … لا لا تعبااااان نقولك نرقد شوى ومع ساعه ننزلكم ماشى … << وبعدين شبح لهدى وقاللها >>.. هدى هيا تعالى

هدى … ههههه نص ساعه ونلحقك اركب انت بنهدرز مع خالتى شوى ..

مؤيد … << نتش شاربه وقاللها .. تىىىىىىى هيااااا ياودى << مع غمزة عين >> وتيلى الحمام وطلعيلى حوايجى ..

لقطات مؤيد كانت فاضحاته وهدى وجهها معاش يتفسر وهنا شدت ضحكتها وقالتله …

هدى …. خلاص لحقاتك اركب هيا …. خلاااااااص ههههه .. خالتى سلميلى على بابا وتوا بعدين ننزل نسلم عليه ماشى

امه …. ماشى ماشى … خلاث برى ارتاحى بنيتى وانزلى العشيه هدرزى علينا نستنو فيك …
مشت هدى مع مؤيد وهيا تتقزمط عليه ولما وصلت لدروج قالتله ..

هدى … فضحت بيا .. هيا اركبى .. امتى بتعقل انت اووووف ..

مؤيد … انتى الا مستشعره وضاربك الخنس .. من قالك انى نبيك فى شى تانى .. باهى برى هيا واللللللللللله ماك طلعتلى حوايجى هيا .. هههههههه حوايجى بس مش تفهمى موضوع غلط لقدر الله ….

هدى … هههههه اه ياربى منك وخلاص

ركبت هدى ودوشت وكدلك مؤيد ومش وفى خبر كانا لحد العشيه والعشيه مافافتش الا على صوت مؤيد يقولها …

مؤيد …. هدى نوووضى ياخميرة نوم نوضى ساعه 6 ماشبعتيش من نوم ….

هدى …. تعبااااانه يامؤيد وراسى صداع .. وين طالع ..

مؤيد … بنطلع عندى مشوار مهم جيهة ميزران

هدى …. حبيبى حطنى فى حوش بابا نشوف ماما شويه ونطمن على بابا … وانت مروح اخطم عليا ..

مؤيد … مالا انى بنخش ندير قهوه 5 دقايق ونلاقاك واتيه .. تعرفى مانلقكاس واتيه بنطلع ونخليك..

خشت منى للحمام بسرعه ولبست حوايجها وطلعو وهما نازلين من دروج شافتها عزوزتها فاقالتلها ..

عزوزتها … شنى مالا طالعين .. نحسابك بتنزلى تهدرزى عليا شوى مسرع ريناك حنا ..

هدى … اى عندك الحق ياخالتى بس ساعه نطمن على بابا لانا اخر مره كلمته صوته حسيته تاعب وبعون الله المغرب نكونو هنا .. صح مؤيد ولا ..

مؤيد …. اى اى … هيا حوايجه تبى شى ..

امه … ماشى ماشى << وفى داخلها تتمتم وتقول >> ..على اساس انتم تشاورو فيا .. كانا مدايرلى قدر راهو من بكرى لوطه تهدرزو بس يالله …. انتى يابلوووووه تعالى اكنسى جنان .. شجرة البرسيانه ماخلت شى نظيف فيه وبعد ماتكملمى تسيقه حطى طوب وفى الليمه ..

سهيله … دقيقه بس الارضى يضرب نرد ونجى نسيق السحنتى اوووووف امتى بنقلب وجهى بس ان شاله حتى مع بنغلاديشى ياهمى انى كل عام نقول السنه ..

سهيله << بعدين قامت الارضى وقالت …الووووو
منى …. اهلين سهيلله شن اخبارك ..
سهيله .. خيره صوتك هكى كنتى تبكى ؟؟

يتبع …….

لقراءة الجزء التالي : الجزء الثاني من رواية تزوجنا ولكن هل يبقي الحب

للإطلاع علي فهرس الرواية : جميع اجزاء رواية تزوجنا ولكن هل يبقي الحب للكاتبة كيندا

جميع الحقوق محفوظة للكاتبة كيندا من ليبيا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى