الجزء

الجزء الأول من رواية قلب صخر

الجزء الأول من رواية قلب صخر

وفي الجزء الأول من رواية قلب صخر دعونا نتعرف علي بداية الرواية وكيف ستكون الإنطلاقة لحبكة جميلة لا مثيل لها ؟ دعونا نعرف ذلك كله في السطور التالية بإذن الله مع الكاتبة زهرة الشيخ .

الجزء الأول من رواية قلب صخر

حلا
للحظه حسيت روحي بنموت قعدت نشوف لكمية الدم لي انا غارقه فها ومش قادره نتحرك ولا ننطق بكلمه ولا نقول اني مادرت شي وانه كل شي صار اختي عليا كانت السبب فيه لين اغمى عليا
قبل ساعه
كنت ف غرفتي نراجع كان عندي امتحان English
الباب طق طق طق
حلا :تفضلي خشي؟
عليا: اهلين حلا
حلا:🙄 اهلين
عليا: عطيني تلفونك بنضرب ع صاحبتي شوي نا راصيدي تم
حلا: تمام ومديتلها التلفون
عليا:خدتها تمام شكرا وطلعت
حلا: رجعت نقرا
تحكي ع التلفون
عليا: ها قصي سامعني
قصي:صكري صكري شوي ونعاودلك
عليا: اففففف وصكرت وحطت التلفون ع الطوله وتاكل ف بشار تستنا ف اتصاله
خش بدر للمطبخ فجاء ورن التلفون
عليا: بدت ترعش من الخوف ها ا خ خوي شن ت تبي
بدر:خيرها هيا وماعدلش عليها وفتح الثلاجه يدور شن ياكل
والتلفون كل شوي ترن
بدر:طارتله و التفتلها وشبح فها بنضره تخوف ردي
عليا: هاا
بدر: قتلك ردي
عليا: م م مش تلفوني تلفون حلا
بدر: رفع التلفون وشاف الرقم مش مسجل ورد ع الاتصال
قصي: ها حبي تو كيف فضيت
بدر: $~ حب جد……
قصي:😬😳اول ماسمع صوت بدر صكر على طول وقفل تلفونه
بدر: بصوت عالي منووو هواا
عليا:نكرت بكل دمم بارد وخووف م م مانعرفشش مش تلفونيي
بدر: مشى يجري لغرفة حلا وفتح الباب ع طول من غير ايا استأذن
حلا: انخلعت بسم الله شن في بدر
بدر: نزل فيا ضرب من غير مانعرف انا شن في ولا شن قاعد يصير
بدر: ينعلك انتي وتربيتك يابنت ال….. شدني من شعري مره يمين ومره يسار جاوبييي بسرعه منو هدا لي تكلمي فيه
حلا: دايخه ومش قادره ننطق اا
بدر: انطقي الز..
حلا: م مانكلم ف حد
بدر: ونزل فيا ضرب من اجديد
اول ماشافني مغمى عليا نزل كلم امه سميه ديرلي راي وطلع
سميه مشت تجري لغرفتي كانت جايا بتتشمت فيا بس اول ماشافت حالتي حاولت تنوضني لين فقت
حلا: اااه راسي
سميه: تستاهلي عشان تفكري الف مره قبل لا تكلمي فلان وعلان ..
حلا: بس انا
سميه: قاطعتها اسكتي مانبيش نسمع منك ولا كلمه اخره نوضي بسرعه غسلي ونزليلي للمطبخ
حلا: هزيت براسي ونضت للحمام وغسلت الدم لي كان يصب من راسي وشبحت ف وجهي ف لمرايه وركزت ف ملامحي على طول اذكرت اميي 💔 كانت نسسسخه مني بس هيا اطول بشوي قعدت نبكي نبكي لاني ماتصورت ولا يوم واحد انه حياتي بتنقلب لجحيم من بعدها..
خلي نعرفكم على نفسي
انا بطلت الروايه حلا عمري 17سنه نقرا سنه تانيه ثانوي و عايشه مع بوي ومرته امي متوفيه ليها سنتين وعندي اخت واخ من بويه
مواصفاتي
قصيره وحنطيه وشعري متوسط واسود ونقشتي ع الاسود
. ____♡________________♡___.
صخر: اعتقد اني غني عن التعريف وليك حوالي شهر تشتغل ف قصري واكيد زابطني ملييح ايا شي نحط عيني عليه يكون ملكيي ومافي حد يوقف ف طريقي بس انت تجرئت ووقفت
عمر: بنبره حاده ايه انا وقفت ف طريقك لاني مستحيل نسلم بنتي لوحش زيك
صخر: بضحكه مستفزه هه مافيش شي عندي اسمه مستحيل
عمر: ضحك
صخر: استفزاته الضحكه وقرب منه بكل دم بارد طلع المسدس وسحب واشر عليه
عمر: اول ماشاف السلاح موجه ليه خاف بس ماوضحش الخوف لي هوا حاسس بيه 💔
صخر: ضغظ ع الزناد وطلق عليه 3مرات
عمر طاح اغمى عليه
صخر: شبح ف فيصل الباقي عليك ولو ماماتش كمل عليه وطلع منديل من جيب جاكته يمسح ف الدم لي تنطر ع وجهه وطلع
فيصل: تم يا معلم 💔🔥🔥
فيصل : كان ضد هدا الشي بس مايقدرش انه يعارضه في ايا قرار هوا يتخده ونادى ع زوز رجاله يرفعوه
خلي نعرفكم ع صخر
صخر بطل روايتنا إنسان متوحش لابعد الحدود لو بنوصفلكم وحشيته حضيييع الحلقه 🔥
مواصفاته كان طويل ومعضل واسمر وكان معييش المدينه كلها ف رعبب ماتتخيلو اشكالهم بس لما ينذكر اسمه واكبر تاجر مخدرات ف المدينه
عيلته تتكون من اخت وحده ميسم واخ مؤيد وابوه كان متوفي وامه اسمها رحمه عيله صغيره بس اسمها معروف
وفيصيل يكون حارسه الشخصي والشخص الوحيد لي يوثق فيه وكل اسراره عنده
.
.
فيصل شاف لرجاله لي يشتغلو معاهم مصدومين من المنظر
فيصل: تيي خيررركم اول مره هيا هي كل واحد على شغله
___♡________________♡___.
ياقوت ف الثانويه تفطر
فاتت مجموعه من البنات يضحكوو
ميسم:شبحت ف ياقوت شبحه مستفزه من فوق للوطه وضحكت
ياقوت وقفت وشبحت فها نفس النظره بعدي ودفتها بتمشي مسكتها ميسم من ايدها
ميسم: بضحكه مستفزه من جدك انتي بنت عمر الشحات جايا اليوم تعلي وترفعي ف صوتك عليا
ياقوت:💔
عليا:ههه فوتها الحرفه شكلها ماتعرف انتي من
ياقوت: مانعرف ومانبي نعرف وتعبو عيونها الدموع ومشت تجري للفصل قعدت ف كرسيها وحطت راسها ع الطاوله ووجها للحيط تبكي لانه مش اول مره يهينوها بس لانه فقيره بس لانه لبسها مش انيق وراقي زيهم بس لانه فطورها مش فطور ملكي 💔
جا وقت المرواح وياقوت قريب تنفجر بدموع ف نص الشارع كان كلام البنات مأثر فيها💔
و طول الطريق كانو الشباب يعاكسو فها ويضايقو فها ك العاده
وكان في حد يراقب فها ك العاده طول الطريق لين وصلت…؟
جمال ياقوت كان مش عادي رهيييب
خلي نعرفكم علي بطلتكم الثالته
ياقوت كانت بنت طيبه وتحب الخير وعيلتها تتكون من
امها كريمه وابوها عمر وخوها طه
مواصفاتها
متوسطة الطول وقمحيه وشعرها طويل واسود ونقشها ع الاسود وكان جمالها مش عادي برغم من بساطتها
وصلت ياقوت لحوشهم اول ماخشت قابلتها امها ببهجهه
كريمه: ياهلا ببنتي الحلوه
ياقوت:💔اهلين ماما
كريمه:لاحظت ياقوت كيف واضح عليها الحزن قوته هي بري بدلي وتعالي عندي ليك فطور ولا احلى وتحبيه بري سلم بنتي
ياقوت: حاضر ماما ومشيت لغرفتي
شوي ووصل طه ع البيت وكان وجهه مايتفسرش
كريمه: خيرك اليوم طولت ووين بوك
طه: بوي قالي بعد يروح من عمله يمر عليا ستنيته ساعه ماجا قلت خلي نروح
كريمه: ااه به هي برا غسل يديك ونادي على اختك وتعالا افطرو مع بعض
طه: حاضر يام
طلعت ياقوت من غرفتها وقعدت هي وخوها وامها يفطرو
ياقوت: شفت البسمه والحنيه ف عيون امي والفرحه ف عيون خوي الصغير حمدت ربي ع نعمه لي عطها ليا ونسيت كل شي صار ومعاش فكرت ف النقص لي انا حاسه بيه
___♡________________♡___.
زياد خبط ع الطاوله بقووه لين كل لي عليها انقلب على الارض لا مششش معقوله تي كييف يهرب منهم كييف بسس
ماجد:حاط ايده ع راسه ويمشي يمين ويسار بسس طول بالك توا نبعت مجموعة شباب يدورو عليه
زياد:بصوت عالي وبعصبيه نعطيكم 24ساعه نبي تجيبو ليا حي ولا مييت وإلا🔥
ماجد:تي باهي به غير انت توا هدي نكلم بدر نشوف وينه وتصل ببدر
بدر:ايواا
ماجد: ويييينك
بدر: كان قاعد يدخن لوح الدخان ووقف شن في ان شالله خير
ماجد: من وين بيجي الخير والكلب صلاح هرب
بدر: على طوول عرف انه مش حيصير خيير ك كيففف هرب الزفت والحراس السته لي خليتهم يحرسو زينه يعني
ماجد: افففف والله مش عارف توا قاعدين ندورو كلمتك نبيك تبعتلي مجموعه شباب 10 او 8بسرعه
بدر: تم على طول شوي ويكونو عندك وصكر
زياد: ولع السبسي يدخن وقعد يدور ب الكرسي ويفكر
ماجد: شبح فيه كيف طايرتله وطلع على طول
خلي نعرفكم على زياد
زياد يكون ولد عم حلا وبدر وعليا كانت شخصيته قويه وليه هيبه وسمعته نضيفه عنده شركات نفظ وهك
عيلته تتكون من ابوه محمود وامه ناصره وعنده 3اخوت واخ واحدزلي هوا ماجد وعنده اخت تو كيف مطلقه من راجلها لي يكون( صلاح )
صلاح كان كل ليله يسكر ويروح يضرب اريج لي هيا اخت زياد استمر الوضع من تاني يوم من زواجهم وتحملت لين نفد صبرها وخبرت خوها زياد وهوا حب انه ينتقم لي اخته بطريقته هوا
___♡________________♡___.
بعد اذان المغرب طلع طه يدور على بوه لانه مش من عوايده يتأخر لبعد المغرب
ياقوت طيب ف العشا هيا وامها
كريمه: قوته احكيلي شن صاير معاك مش عاجبتني حالتك من وقت روحتي من مدرستك
ياقوت: سرحت شوي وعيونها تعبو دموع لالالا شي يام
كريمه: احكيلي ياقوت
الباب طق طق طق
ياقوت: تمسح ف دموعها ماخيرني شي خلي نفتح الباب قيسه باتي جا ومشت فتحت وتفاجات ب المنظر كان طه وملابسه كله دمم !!!!!
ياقوت: طه شن فيي بس فهمني وقعدت نشوف لي ملابسه بخوف
طه: يبكي ب ب بوي ياقوت
ياقوت: زاد شعور الخوف خ خيره بوي ادوي طه
طه: بوي مات مات
ياقوت: ك كيف
كريمه:جايه تجري شن صاير وشبحت لمنظر طه بخوف ولدي شن في شن ه الدم لي على ملابسك
طه: يبكي بسرعه وتي روحك انتي وياها وطلع يدور ف سياره
ياقوت: تحت تأثير الصدمه ومش مصدقه ايا كلمه ب به ومشت تجري طلعت عبايتها هي وامها
صخر ف السياره يدخن
فيصل : به وبعدين شن نديرو عندهم بعد ماقتلت بوهم
صخر: هه خليك ساكت انت وتفرج
يتبع ……..

لقراءة الجزء التالي : الجزء الثاني من رواية قلب صخر

للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى