الجزء

الجزء التاسع عشر من رواية إدمان

الجزء التاسع عشر من رواية إدمان

وفي الجزء التاسع عشر من رواية إدمان يا تري هل سيكون هناك أمور جديدة مشوقة ونحن في نقترب من نهاية الرواية ام لا ؟ كل هذا وأكثر سوف نعرفه سوياً في السطور التالية بإذن الله مع الكاتبة زهرة الشيخ .

الجزء التاسع عشر من رواية إدمان

__________«زهره الشيخ»_____________
طه: ينعل د….. ردددد بالللك يونسس وربيي نشرب من دمك
يونس :يضحك ويقرب من رغد
رغد :😭😭😭😭
طه :يسب ويلعن في يونس ويحاول انه يفك روحه
مالك :يعاود يتصل على رقم طه بس ما كان حد يرد عليه اتصل ب موظف عنده ف الشغل وعطاه رقم طه بش يحددله موقعه.
دقايق ووصله الموقع وكان كل الطريق يفكر ف رغد وقلبه مش مطمن
نسرين :باستفزاز لا لا لا خيرنا يارغوده
رغد :شبحت في نسرين بغللل وحاولت انه تهجم عليها
يونس :مسك رغد من ايدها قعدت تعيط وتنادي باسم طه
رغد :بعد عني ماتلمسنيييش
يونس: مستمتع بشوفت طه ضغيف قدامه وقريب يجن
طه: كان انتم رجالا حق فكوني فكونييييي
يونس :بضحكه مستفزه لا تعجبني شوفتك هك وانت عاااجز وتشوفني مع اختك قداامك و
طه: ياندددل بنضرات حاده يونس كانك راجل فكني بسسس
رغد :بتجري لي ناحية طه يونس مسكها من وشاحها وحوله ليها
تبكيي ليش ديرلي هكيي نا شن درتلكك بسسس عمري ماغلطت معاك
يونس: يقرب منها و..
طه: اول ماشاف يونس قرب من رغد ولعتت فيه الناار دف الشاب لي على يمينه بقوووه لين طاح ع الارض والتاني رجع وضربه لين نزف وهجم على يونس يضرب فيه
الشباب يشدو في طه بس طه نار والعه فييه لين معاش قدرو عليه
ثواني ووصل مالك للاستراحه حاول يفتح الباب بس كان مصكر وكان يسمع في صوت عياط رغد وصوت تكسيررر واصوات معاش عرف كيف يتصرف دف الباب مره وتنين وثلاثه بس ماقدر كل شوي يزيد صوت لعياط حاول للمره الرابعه بي حديده وكسر الباب خش وكان المكان كله دم طه ينزف ونازلين فيه ضرب ويونس ماسك رغد
ورغد تبكي
رغد :شافت مالك قدامها قعدت تعيط باسمه
مالك :بعد الشباب عن طه ونزل فيهم ضرب باالحديده لي كسر بيها الباب لين اغمى عليهم
طه: كانت حالته مزريه وراسه ينزف وقف بغل ناض مشى ليونس يضرب فيه
رغد :مشت تجري وحضنت مالك وتبكي
مالك: قلبه كان يتقطع …بخوف ص صارلك شي
رغد :هزت براسها بمعنى لا ..بس طهه
مالك: بعد طه عن يونس ونزل فيه ضرب حتى هوا
نسرين؛ ماتحملت تشوف يونس بهدا المنظر مشت بدون مايحس بها حد خشت لداخل وفتحت الدرج طلعت سلاح يونس وطلعت
نسرين:اشرت السلاح ناحية مالك وطه …تحكي والخوف كان مصيطر عليها …حولوو عنه والا والله بنطلق النار عليكم
طه :كان زابط وعارف نسرين ومتوقع منها اي شي او اي ردت فعل…رد بالك نسرين
مالك: ماعدل على كلامها ويضرب ف يونس بغللل لين اغمى عليه
طه: يبعد في مالك عن يونس
نسرين :غمضت عيونها وضغطت على الزناد
رغد: تبكي لاااااا
طه: فتح عيونه بصدمه
مالك :رخى يونس ومعاش يشوف شي الظلمت الدنيا قدامه وطاح ع الارض
رغد :مشت تجري لعند مالك وتبكي لالا مالك فتح عيونك مااالك
نسرين :وقفه بصدمه وطاح منها السلاح ع الارض
طه: وقف ومسك نسرين من شعرها عشان ماتهرب ولقى هاتف مرمي على الارض فتحه وتصل باالاسعاف والشرطه ….
__________«زهره الشيخ»_____________
عائشه: ناخايفه عليه خايفه يدير مشكله اتصل بيه شوف
انس :هدي للمره السادسه نتصل بيه خارج التغطيه وطه ورغد نفس الشي
عائشه: حاطه ايدها على قلبها نا قلبي مش مطمنيي لاااا شوفولي ولدي مالك وين
كريم :طولي بالك ولدك رجل توا ومش صغير يعرف شن يدير ماتخافي عليه
انس :يستر الله
رؤيا :في جهه تانيه تتصل ب طه ورغد خارج التغطيه كان بالها مشغول هلبا ولي اول مره تخاف على طه لانه مارد عليها …
__________«زهره الشيخ»_____________
بعد ربع ساعه تماما وصلت سيارة الاسعاف والشرطه على الاستراحه
رفعو مالك ودخلوه ف السياره الاسعاف ورغد تبكي ومتمسكه فيه
الشرطه اعتقلت نسرين لي كانو من الاول يدورو فيها وتوا زادت الطين بله
وكذالك رفعو معاهم يونس والشباب وصكرو الاستراحه
بعد كم دقيقه وصلو للمشفى
ودخلو مالك لدكتور وحولوه للعنايه لانه خسر دم هلبا
وطه؛ طلعت ممرضه ضمدله في جروحه
رغد :واقفه فم باب العنايه وتشوف لي مالك وتبكيي
طه: بعد ماكمل من الدكتوره اتصل ب انس
انس :الو
طه: ايوا
انس :زبط الصوت حمدلله على سلامتك من بكري نتصل بيك انت ورغد وينكم .
طه :ف المشفى
انس :بخوف وقف علاش شن في خيرر
طه: مالك انصاب بطلقه وتوا ف العنايه
انس :بصدمه كيييييف
طه: تعال للمشفى بس تو نفهمك…
انس :صكر الخط عليه ويدور ف مفتاحه
كريم :شن في انس
عائشه: بخوف مالك صح
انس: اي ف المشفى
كريم :بخلعه خيييره
انس: بيطلع مش عارف نا ماشي انتم الحقوني وطلع بسرعه وركب ف سيارته ومشى للمشفى
عائشه :مشت تجري لغرفتها لبست عبايتها وتبكي …كنتت حاسه كنت حااسه
وصل انس ع المشفى وسال الاعلامات عن اسم مالك خوه .
الموظفه :قبل اشوي وصلتنا الحاله
انس :وين مكانه
الموظفه: الطابق التانيه ع ايدك اليمين ف العنايه
انس :ت تمام ومشى بسرعه كبيره وبخطوات كلها خوف لين وصل
وصل وشاف طه قاعد وحاط ايديه الزوز على راسه لي كان عليه شاش ووجه كله مجرح ورغد لي واقفه ع الباب وتبكي
انس: مشى لي رغد وحضنها ..شن صار
رغد :تبكي م م مالكك مالك
انس: احكيلي شن صار
رغد :تنادي باسم مالك وبس
طه :حكى لي انس كل شي صار
انس :باهي كييف ماكلمتونيي مش معقولا يونس يطلع منه كل هدا الشي
طه :ماقدرت نكلم حد هاتفي مش عندي ونا مصدوم اكثر منك
10 دقايق ووصل كريم عا عائشه وطبعن عائشه قلب المشفى عياطات
ثواني وطلع الدكتور
انس :طمنااا دكتور
دكتور: حالته استقرت وحتمال كبير يصحى بعد 48 ساعه
كريم :يعني مافي خطر على حياته
دكتور :لي وقتناا الحالي لا حالته مستقره. .
انس: الحمدلله ..
__________«زهره الشيخ»_____________
بعد كم ساعه سمحلهم الدكتور انه يشوفو مالك بس بدور
جا دور رغد وخشت وهي تبكي بهستريا ..ماتخليني ماللك ماتخليني بروحييي نانحبك وربييي ومانقدرش نعيش بدونك مالك ومتمسكه ف ايده
خالد رجع ع ليبيا ورجع لشغله القديم لي هوا تجارت الممنوعة وأدمن من جديد
بس ه المره مكان الحظ واقف معاه زي كل مره
الشرطه عرفت مكانه واعتقلو
يتبع …….

لقراءة الجزء التالي : الجزء العشرون من رواية إدمان

لقراءة الجزء السابق : الجزء الثامن عشر من رواية إدمان

للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى