الجزء

الجزء الثامن عشر من رواية إدمان

الجزء الثامن عشر من رواية إدمان

وفي الجزء الثامن عشر من رواية إدمان هل سنري شيء غير متوقع ضمن الأحداث أم ستسير الأمور بشكل طبيعي وعادي ؟ كل هذا وأكثر سوف نعرفه سوياً في السطور التالية بإذن الله مع الكاتبة زهرة الشيخ .

الجزء الثامن عشر من رواية إدمان

خالد: شني جبتها البضاعه
الشاب: اي جبتها
خالد :يحسب ف كميه كبيره من لفلوس
ثواني وخشت عليهم الشرطه في المكان لي هما فيه ..
مالك :عيونه شرار شننن كنتي ديري تحتتت فهمينيي هاا
رغد :دموعها ينزلو ومعاش عرفت كيف بترد عليه
مالك: انتي متبيش تفهمي ولا عبييطه نا قتلك انتي ليااا ومستحيل انك تكوني لغيري
رغد: تبعد عن مالك بعددد عني ماليك علاقه بياا اي نزلتت وانا موافقه عليههه فاهمم
مالك: انصدم من كلام رغد
انس :واقف ومش مستوعب الكلام لي سمعه ..كيف مالك يحب رغد ؟ لا مستحيلاا.
.
مالك: رخا إيد رغد بشوي ورجع كم خطوه للخلف …متاكده انتي موافقه عليه
رغد :ايه
مالك :بخيبة امل ..سؤال ليش انتي ماتحبيني
انس :مالك شوتقول انت
رغد :تشوف لي عيونه وقلبها يتقطعع على مالك
مالك :بس انا مش خوك ولا متربي معاك انا ولد عمك رغد افهميي.
رغد: بس
مالك :قرب منها بس شنيي انا عارف انك تكرهيني وتخافي مني لا غير بس تعرفي حاجه براحتك وربي يتمملك على خير وطلع من الغرفه وقربع الباب
انس :وقف ويشوف لرغد ..قرب منها ويمسح دموعها اهدي وماتعدلي عليه كلامه
رغد :متمسكه بي انس ونبكيي
انس: في داخله كنت حاسس من لول انه في شي غريب في تصرفات مالك تجاهك غيرته الزايد مش ابلاش.
سالم نادى على امه وروحو ومش فاهم حاجه
مالك: نزل ولقا امه وبوه يحكو ع التصرف لي داره .
كريم: ماالك اوقف
مالك: وقف .. ديرو شن تبو البنت بنتكم وانتم حرين وهدي اخر مره ندخل ف حياتها لبس كندرته وطلع ..
كريم :شن صار بس
عائشه: كله منك انته لو خليته يتزوجها كلنا عارفين انه مش اخته ومنها رغد تقعد عنديي
كريم: مصدوم من كلام عائشه لي تغير فجاء
مالك: ركب ف سيارته ومشى للبحر
حواء: مشت لعند رغد وانس وفي ايدها كاسة اميه ومش فاهمه حاجه من لي صار …مدت الكاسه لرغد. ..تفضلي
رغد: شربت لميه ..مالك وين
حواء :طلع ؟
انس: تنهد خليك عندها لين تهدا نا ماشي ندور على مالك
حواء: تمام
انس: طلع يدور على مالك وقلب الدنيا بس ماليه ولا اثر
روح ع البيت في نص اليل
كريم: وين مالك
انس :دورت في كل مكان مالقيته
عائشه :بخوف كييف مالقيت مالك ولدي وين بيكون
انس :اففف مش عارف شوي وجاه اتصال من طه
طه: ايوا
انس: كيفك
طه: بخير ..بنسألك عن مالك وين تلفونه مقفل
انس: مش عارف دورته مالقيته
طه: اوك ان شالله خير
انس: ان شالله
طه: هي سلام
انس: صكر الخط بيحكي شاف حواء
حواء: هيا العشا واتي
عائشه :ليش تعبتي روحك بنتي
حواء: لا عادي
عائشه: اخر مره ديري حاجه ه الفتره خليك مرتاحه
حواء :ان شالله نحاول
وناضو كلهم لطاوله يتعشو
كريم :رغد وين
حواء: قالت بترقد
كريم: اي خلوها ترتاح
عند رغد اتصلت ب رؤيا كم مره ورقمها كان مشغول شوي وتصلت بيا
رغد: فمن كنتي تحكي من بكري
رؤيا: طه
رغد: اها
رؤيا: خيره صوتك
رغد :حكتلها كل شي صار
رؤيا :حييييي هدا كله صار معاك اليوم
رغد: ايه
رؤيا :ياروووحي مالك يسخف حرام اعليك رغد الراجل يحبك
رغد: ونا نحبه بس
رؤيا :قاطعتها كيييييف تحبييه
رغد: افففف اسمعيني نا نخاف منه مالك وفوق هدا كله بجد معتبرته خوي كل ه السنين
رؤيا :بس مش خوك 🤨😒
رغد :تنهدت مش عارفه
رؤيا: ربي يهديك
رغد: اجمعين يلا تو بنرقدد
رؤيا :تمام ديري بالك على روحك وغدوا تعاليلي نكسدو مع بعض
رغد :تم وصكرت الخط وحطيت راسي على المخده ونا كل تفكيري ف مالك وكلامه
..
..
..
..
مالك: قعد كم ساعه ف البحر ناض ولبس جاكيته وركب ف سيارته وولع اغاني بأعلى صوت
ومشى للاستراحه امتاعه
__________«زهره الشيخ»_____________
نسرين رجعت ع بيتها بسرعه وقلبها يدق باعلى صوت مشت لغرفتها وفي ايدها كيس السم لي عطاه ليها يونس فتحت الكيس وصبت منه شوي ف العصير
علي :فتح الباب
نسرين: بخوف تصكر في الكيس وخباته ..
على :قعد اليوم يومك ياعمري
نسرين: بابتسامه وخوف
على :تسلملي الضحكه ياعمري
نسرين: وتسلملي انت
على :تعالي لعندي
نسرين: حاضر بس نبي ناخد حمام على السريع انت اشرب العصير وماتنسى تاخد دواك
علي: حاضر
نسرين: مشت بسرعه للحمام (اكرمكم الله) ولوحت السم ف السله وقعدت واقفه تشوف لوجها بخوف
علي: شرب العصير بكل نيه صافيه وناض بيشرب الدواء مشى خطوتين وحس بنبضات قلبه ينبضو بسرعه كبيره وبدا يرجفف قعد ينادي على نسرين لين الظلمت الدنيا قدامه. وطاح ع الارض
طلعت نسرين تجري وشافت علي مرمي ع الارض بسرعه كبيره اتصلت بيونس
يونس :شن صار
نسرين: تحكي بخوف وتبكي م مااات ماات
يونس :وانتي خيرك مش هدا لي نبوه
نسرين :اييه بسس
يونس: البسي وانزليلي شويه
نسرين: لبست عبايتها وطلعت تجري لسياره وجارهم كان يشوف فيها
يونس: باسها اهدي خيركك شن فيك
نسرين :ترجفف مانحسابه الدوا عنده مفعول قوي لهدي الدرجه
يونس: باهي خلاص اهدي وتوا امشي كملي خطتنا
نسرين :تمام بتنزل شافت جارهم يشوفلها انرعبت وصكرت باب سياره يونسس شوف ورااك
يونس: شاف من مراية السياره بخوف من هدا
نسرين :جارنا
يونس :بخوف انفضحنا وتحرك بسياره بسرعه كبيره
نسرين: قريب يغمى عليها
__________«زهره الشيخ»_____________
..
..
مر يومين
..
..
..
يونس ونسرين ومالك كانو مختفيين تماما
علي انتشر خبر وفاته وانه كان السبب الموت نسرين لي حطت السم ف العصير امتاعه والشرطه واهلها قالبين المدينه عليها …
انس كان قلب المدينه على مالك لي كان هاتفه مقفل وماليه ولا اثر
رجع انس ف نص اليل والشيب قريب يطلع من راسه
كريم شن صار
انس: ولا شي مافي شي دورت لين عييت
كريم: الله يستر
شوي ورن هاتف عائشه شافت الرقم وطلع الاسم مالك ولدي. ردت على طول
مالك :ايوا
عائشه :تبكيي وينك ياولدي ويينك بسسس الحمدلله الحمدلله سمعت صوتك
مالك: اتصلت عليك عشان نطمنك نا قاعد حي وبصحتي ماتخافي
عائشه :باهي وينك انت نبي نشوفك
مالك: الصبح نجي نشوفك وعد
رغد: عطيني نكلمه شويه بسس
عائشه: رغد تبي تكلمك
مالك: اول ماسمع باسم رغد صكر الخط
عائشه: الوو صكر
رغد: حست انه مالك كرها لدرجة انه مايبي يسمع حتى صوتها.
نضت مشيت لغرفتي بنرقد جاني اتصال من طه
طه: ايوا
رغد: الو
طه :كيفك
رغد: تمسح ف دموعها الحمدلله
طه :غدوا الصبح جايك يونس عازمني انا وياك ع مشاوي تمام ومنها ناخدو رؤيا معانا
رغد: ماحبت انه ترده ..تمام حاضر
طه: تمام هي ردي بالك على روحك
رغد :تم حتى انت وصكرت الخط ورقدت على طول
__________«زهره الشيخ»_____________
الصبح :.
نضت بدري دوشت وبدلت ونزلت نفطر
كريم: على وين
رغد: بنقولك اني بنطلع مع طه خوي وصاحبتي مزردين وماحبيت اني نرفض طلبهم
كريم: تمام ديري بالك على روحك
رغد: فطرت وباست راس امها وطلعت كان طه يستنا فها
طه: صباحو
رغد: صباح الورد
طه :وين مالك
رغد: مش عارفه الحق
طه: امره غريب الولد هدا
رغد :ايه..💔
طه: بنسالك سؤال مالك يضايق فيك
رغد: باستغراب لا علاش ؟
طه: لا سؤال بس
ومشو ع الاستراحه لعند يونس
رغد: رؤيا وين
طه :اهلها ماسمحولها
رغد :اها
طه: نبيك ف موضوع بعدين تمام
رغد: تم
اول ماوصلو نزلو من السياره وخشو داخل عند يونس
يونس: ينظف ف المطبخ …ياهلا ياهلا
طه :اهلين ليك وحشه
رغد: اهلين
يونس :يشوف للباب انت اكثر
طه: قعد ع الكرسي وين معاش مبين
يونس: اي ه اليومين انشغلت الحق
طه: اها ..سمعت ب الفرخه نسرين شن دارت
يونس: بخوف لا
طه: قتلت راجلها وهربت
رغد: فتحت عيونها بخوف لا اكيد تبصرر نسرين يطلع منها كل هدا الشي
يونس: وليش لا مانستغرب ومدله كاسه مشروب
طه: لا خليها عندك نا معاش نشرب
يونس: غير لا ياشيخ اشرب شوي مايضرك
طه: قلت لا
يونس: تمام براحتك حط الكاسه ع الرخام
طه :وين مانشوف ف حد وين الجماعه ووين صاحبتك لي بتعرفنا عليها
يونس: اها تو يوصلو وصاحبتي تو تجي
ثواني وخبط الباب
يونس فتح الباب وخشو زوز رجاله وصكر الباب باالمفتاح ….
مالك روح ع البيت وطلعت عائشه مع كريم وانس يتجارو
عائشه: تبوس فيه وين كنتت وينن بسس خوفتني عليكك
مالك :ماتخافي كنت برا ف استراحتي نبي نرتاح من مشاكلكم ونريح راسي
كريم: بس مش بهدي الطريقه حتى تلفونك مقفل
مالك: خش ومارد على بوه
انس :باستغراب وين رغد
كريم :طلعت مع طه في عندهم زرده مع صحابهم
مالك: رجع خطوتين للخلف كييف
كريم :اي طلعت مع طه
مالك: بعصبيه ويين
كريم: مش عارف
مالك: مش معقولا نغيب يومين تعطوها كل الحريه لدرجة انها تطلع ومش عارفين لوين
كريم: مشت مع خوها يعني شن فها
مالك: طلع بسرعه وتصل ب طه
طه :وين عاش من سمع صوتك
مالك: تسلم وين انتم بضبط
طه: علاش؟
مالك: سؤال بس
طه: في استراحة يونس لي برا ال
ماكمل كلامه خدا يونس منه الهاتف ..
يونس: من هدا
طه: باستغراب واحد خييرك شن في
يونس: حط التلفون ف جيبه انساه
رغد :بدا قلبها يدق بخوف وتشوف لي رجالا لي خلفها تمسكت في طه
طه: ماتخافي
يونس :نعرفك على صاحبتي اعتقد انك تعرفها ونادى على نسرين
نسرين :هلااا
رغد: مستحييل
طه: بصدمه بس مابينها ..اهلين وشاف لي يونس بعدم رضاء
نسرين: اهلين نورتونا
طه :يونس شن صاير
يونس: بضحكه تعرف نا غبي لاني صدقت كلامك يومها يوم قتلي انك غلطت ف نسرين قلت ه الكلام بسس على خاطر رغدد عشان نبعد نسرين عني وندمرها.
طه: انت شن تقول يونس !
يونس: ونا اكتشفت انك تكدب عليا يوم دمرت حياة نسرين و…….
وبسببك انت بعدتها عني لين تزوجت.
طه: نا ماقتلك اغتصبها ولا دمر حياتها نا بس حدرتك يونس
يونس :ماتوقعت ولا مره انك تغدر بيا طه وانك دمر قلبي وحياتي بس عشان الفرخه اختك
طه: احترم نفسك يونس وللمره التانيه نقولك اني ماغدرت بيك وانها هيا لي تخون فيك
نسرين :قربت من رغد ….برفعة حاجبب اانا وعدتك واني حندمررلك حياتك ونا عند كلمتي
رغد: بعدت عنها وتمسكت ف طه بعدددي طه هيا خلينا نمشو
يونس: مش بهدي السرعه واشر على الرجالا شدو طه بقوه
طه: انت شن دير يونس جنيييت
يونس: يضحك لا غير جتني النيه في اختك وشبح في رغد
رغد: تبكي وتحاول انها تفك طه من الرجاله لي شادينه
طه: ينعل د….. ردددد بالللك يونسس وربيي نشرب من دمك
يونس :يضحك ويقرب من رغد
رغد :😭😭😭😭
طه :طووووووط
مالك 🔥
يتبع ………

لقراءة الجزء التالي : الجزء التاسع عشر من رواية إدمان

لقراءة الجزء السابق : الجزء السابع عشر من رواية إدمان

للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى