الجزء

الجزء السابع عشر من رواية إدمان

الجزء السابع عشر من رواية إدمان

وفي الجزء السابع عشر من رواية إدمان يا تري هل سنري مفاجآة من النوع الثقيل تقلب أحداث الرواية رأساً علي عقب ام لا ؟ كل هذا وأكثر سوف نعرفه سوياً في السطور التالية بإذن الله مع الكاتبة زهرة الشيخ .

الجزء السابع عشر من رواية إدمان

__________«زهره الشيخ»_____________
مالك كمل باكو الدخان امتاعه وخش طول لعند رغد ف المطبخ شاف رؤيا معاها رجع خطوتين للخلف وينادي علها
رغد: شني
مالك: تعالي بسرعه
طلعت رغد لي مالك
مالك :مسكها من ايدها بقوه ومشى بعا لغرفته
رغد :بخوف خ خيرك مالك بعددد
مالك: طلق ايدها وضرب ايدها ب الحيط .. من ساالم
رغد: بصدمه وخوف ف نفس الوقت .. م من
مالك: مسكها بقوه انطقيي ماتزيد تحرقي د…اميي الزفت تعرفيه ولالا
رغد: بخوف ا اي نعرفه
مالك تحبييه
رغد: ..
مالك: زاد ضغط على ايدها احكي الن.. تحبيه ولا
رغد: ايه ايه نعرفه انته خيرررك شن فييك مالك
مالك: صار تعرفيه تمام نقولك من توا تحلميييي بيه حلممم انك تطلعي منهه البيييت هدا ياتكوني ليا يا ماتكوني لحدد فاهمه
رغد: بصدمه ا انت شن تقول
مالك: اي زي ماسمعتي رغد انا نبيك لياا انا نحبكك معقولا مالحظتي حركاتيي وتصرفاتيي معاك
رغد: من الصدمه بدت ترعش وبعدت عنه بسرعه انت بوعيك مالك انا اختك
مالك :اي بوعيي وانتي مش اختي رغدد انا قبل كم سنه سافرت على ليبيا عشان نبعد عنك لاني كنت متعلق بيك رجعت وتعلقت بيك اكثر وحبيتك
رغد :نزلو منها الدموع وحطت ايدها ع فمها بصدمه ..بس
قاطعها مالك رغد انتي ليا اناا وبسس وياريت تفهمي هدا الشي
رغد: مستحيييل مالك
مالك: تكنطى بصوت كله عصبيه وليييش مستحيل عللي السبب ترا …. انا تشوفي فيا انس لي تربيتي معاه ومعتبرك اخته انا مااالك من يوم يومي بعيد عنك ونقولك من لاخير ولا مره اعتبرتك اختي من يومي ونا نحبك رغد افهميي
رغد :تبكي بصوت وتبعد ف ايده منها
مالك: يمسح ف دموعها بللهي عليك رغدد ماتردينيي لاني بجد نحبك وفكرة انك تكوني لي غيري هدي انسها
رغد :تهز براسها مستحيل ماالك ..
مالك: ضغط علي ايدها بقوه..هز براسه تمام تو نشوفو خلها ف بالك مستحيل ياخدك شخص غيري وحبيبك هدا انسيه لاني بنمحييه عن الوجود
رغد: لا يا ما
مالك ماخلاها تكمل كلامها طلع وصكر الباب بقوه
‘قعدت ع السرير بصدمه دقايق ونضت غسلت وجهي ومشيت للمطبخ عند رؤيا ..
رؤيا :تشوف لي رغد كيف وجها بادي احمممر ..شن في رغد
رغد :نزلت منها دمعه بسرعه ومسحتها ..لالا شي
رؤيا: مسكت رغد وقعدتها ع الكرسي ..احكيلي خيرك شن فيك
رغد: تبكي سالم اليوم كلمهم
رؤيا: بفرحه به شن لي يبكي ف الموضوع
رغد :مش عارفه كيف بنقولك ..مالك تعصب عليا وهزبني
رؤيا: علاش!؟
رغد: تبكي مالك يحبنيي يا رؤيا وقالي مستحيل تكوني لشخص غيره
رؤيا: بصدمه كيييف انتي شن تقولييي رغد خوك هدا
رغد: تمسح ف دموعها تبي الحق لا مش خويا انا بنت عمه بس تربيت معاهم
رؤيا :كيف ؟
رغد :قصه طويله بكل
رؤيا :الي فهمته انه ولد عمك يحبك ؟ وشن الغلط ف الموضوع
رغد: تنهدت مش فاهمه عليا 😐
مالك ركب ف سيارته ومشى لشركه وفي راسه هلبا افكار 🔥
حواء وانس روحو للبيت
عائشه: اول ماسمعت ب الخبر ناصت تزغرط. .. واخيرا واخيرا بنشوف حفيدي الحمدلله يارب
حواء: متحشمه
انس :فرحان لابعد الحدود
دقايق ووصلت نهله وهي تتشبح يمين ويسار دور ع مالك .
وانس مشى لشركه عند خوه
حواء: فمن دوري
نهله: خو راجلك الطرف وين
حواء: تضحك مش عارفه
نهله: 😑اففف ديما حضي هكي ياخسارة الجيه
حواء: خزيي .
عائشه: كيف حالك بنتي
نهله: بابتسامه بخير عمتي وانتي كيفك
عائشه: نحمد ربي ونشكره.
رغد طلعت الحلو والقهوى وقعدت تهدرز على البنات.
سرحت وكل تفكيرها ف مالك والكلام لي قاله
مالك ف الشركه قاعد يتعارك مع الموظفين
مالك: طولك يا روح الغوه الاجتماع
انس: والسبب
مالك: بنضرته المستفزه ماعندي نيه
انس: اليوم رايق ماتعكرلي مزاجي تربح وناض طلع
مالك :اول ماطلع انس طلب كاسة قهوى واتصل ب طه
طه: كان يدور على شغل
مالك: ايوا
طه: ها
مالك: وينك
طه :برا ندور ف عمل
مالك: تمام تعالي لشركه توا
طه :تم .
بعد كم دقيقه وصل طه لشركه
خش للمكتب عند مالك
طه: خير
مالك :خيرات
طه :يشرب ف القهوه احكي
مالك :شن شهادتك
طه :لغات
مالك: تمام اشتغل معانا نبو ترجمة بعض اللغات
طه :تمام بس كانه في شي تاني ؟
مالك :اي في
طه شن ؟
مالك: اليوم في واحد دور اختك رغد من بوي
طه: برفعة حاجب اممم من هدا ان شالله
مالك :سالم ولد احمد …. قال يقرا معاها ف نفس الكليه .
طه :اها اي عرفته خيره
مالك :مش عارف مش مرتاحله انا
طه: نا مانعرفه مليح بس نشوف فيه ف الكليه
مالك :نجيك باالفقش ومن لاخير .. انا نبيها رغد ليا
طه :كيف؟
مالك: اي نبيها ليا ..بس كلهم واقفين ضدي يقولولي اختك ومش عارف ونا عارف انها مش اختي وماتربيتش معاها كان انس ممكن لانه تربو مع بعض اما نا متربي ف ليبيا وهيا هنا
طه: ماسك اعصابك نفهم انك تحبها .
مالك: اي حبيتها بس خبيت حبي لها في قلبي ..
طه: قعد يفكر شوي… تقدر تاخدها بطريقه وحده
مالك: كيف ترا
طه :انك تتزوجها في ليبيا لانه كلهم هنا يعرفوها ع اساس انها اختك والقليل من يعرف انها اختي انا
مالك: تنهد مش عارف المشكله فيها هيا ماضني توافق
طه: ع راحتها
مالك: في داخله ..ع راحتي انا يا افندي ..تمام توا ندير راي
طه :تمام رد بالك عليها يا مالك
مالك :ان شالله
طه: هي نستادن عندي ماندير
طلع طه ومالك قعد في المكتب وهوا يفكر كيف وبي اي طريقه يخلي رغد تحبه قعد نص ساعه على نفس الحاله بعدها روح على البيت..
خش وكانت رغد والبنات قاعدات
مالك: السلام اعليكم
كلهم وعليكم السلام
رغد :نزلت راسها
نهله :عيونها قريب يطلعو ..كيفك مالك
مالك: باستغراب بخير الحمدلله وانتي كيفك
نهله: تمام بشوفتك
مالك: بصدمه تمام هي توا طالع تبو شي
نهله :سلامتك بسس
مالك: ياعليك اشكال وخلاص
رغد: تشوف لنهله بنظرات تقزز
حواء: بصوت واطي حشمتينييي
نهله ☹️🔥
مرن يومين وكل يوم رغد تبعد عن مالك ..
كريم :ينادي على رغد
رغد :نعم بابا
كريم: تعالي جنبي
رغد :قربت وقعدت جنب كريم
كريم :بنتي في شاب اسمه سالم احمد… جا وطلبك مني وانا بنفسي سالت عليه وعلى عيلته وشن يشتغل والكلمه كلمتك انتي يجي وشوفيه واحكي معاه بعدها قوليلي شن قررتي
رغد: منزله راسها ومتحشمه ان شالله يصير خير
كريم: تمام
انس: قاعد يسمع وانا اخر من يعلم
كريم: 😑تو كنت بنقولك
انس: اوك
كريم :مانبي يعرف مالك انه سالم جاي غدوا سامعين
انس: علاش؟
كريم :هكي ..
خشت رغد لغرفتها وفي راسها كم سؤال ؟
الصبح
عائشه تنظم ف البيت مع رغد و حواء وانس جاب حلو جاهز من برا ودارن قهوه وشاهي وهك
مالك: قاعد يشوفلهم ومش فاهم شي…خيركم اليوم
انس: خيرنا
مالك :في حد جاي يعني
انس :مش عارف
مالك :ماعدل ع الموضوع
ع طاولت الغدا
كريم :مالك العشيه امشي للمكتب ضروري
مالك :خير تو كيف طلعت منه !
كريم :عندي اجتماع ومانقدرش نحضره لو تمشي بدالي
مالك: تمام ارتاح انت
انس: ف داخله يتسال علاش كل العيله مخبيه على مالك ….شن في ؟
رغد تاكل ومره مره تشوف لي مالك بخوف
مالك :🔥
العشيه
سالم طلع من الحلاق ولبس بدله راقيه وعلى الستايل
منيره ام سالم : شني نمشو
سالم: هي لحظه بس
بعد كم دقيقه طلعو
مالك طلع مستعجل لشركه
كريم: تمام دقايق ويوصلو
انس: نبي نعرف ليش مخبين على مالك
كريم :انسس
انس: 😑
عائشه: نادت على رغد
رغد: تهدرز مع حواء …نعم يام
عائشه :نوضي بدلي البسي اي حاجه حلوه وسرحي شعرك وحطي شوية مكياج
رغد :وعلاش هدا كله؟
عائشه :نوضيي بسرعه هوا جاي يشوفك مش تخلعيه الولد بشكلك وانتي طالعه من المطبخ
حواء: تضحك
رغد :😑باهي
مشيت لغرفتي طلعت بدله محترمه ودوشت وستشورت شعري ولبست وحطيت ميك اب خفيف….
وصل سالم مع امه فضلتهم عائشه ومعاها حوا وسالم دخله انس للمربوعه وقعدو يهدرزو
منيره: وينها بنتك
عائشه: مش عاجبها الوضع .. دقيقه تو تجي
ثواني وطلعت نا مع السفره متاع القهوه مديتلها الكاسه وقعدت جنبها
منيره: تبارك الرحمن تهبلي ماتوقعتك بهدا الجمال
عائشه: اي ماشالله😒
حواء: تضحك على حركات عمتها
انس :ينادي على رغد
مشيتله ومعاي القهوه امتاع سالم خشيت للمربوعه بكل برود ..السلام اعليكم
سالم :مش مصدق قريب يطير من الفرحه وعليكم السلام
انس :قاعد ويشوف ف نظراته
كريم :ينادي على انس بش يطلع ويخلي سالم ورغد ع راحتهم
انس: بعد كم تفنيصه في سالم ناض طلع و واقف فم الباب
مالك: راجع ع البيت لانه كان ناسي ملف وتصل ب انس: مارد عليه
الباب طق طق طق
كريم: فتح الباب ونصدم بعد شاف مالك قدامه
مالك :خش
كريم :خير ليش رجعت
مالك: باستغراب ناسي ملف
كريم: الله يستر
مالك: خش وشاف انس واقف فم باب المربوعه
مالك: شن دير؟
انس :بخوف في عندنا ضيف داخل
مالك: فتح الباب وخش للمربوعه شاف رغد قاعده ومتحشمه وسالم مقابلها ويضحك
مالك: شن صاير هنا
كريم :مالك تعال
مالك: لا منيش جاي رغد شن ديري هنا
رغد: من الصدمه قعدت تشوفله وماطلعت ولا حرف
سامر: وقف ا اهلين
مالك: شبحله من فوق للوطه …ممكن نعرف شن صاير
سامر :باستغراب ن نظره شرعيه
مالك: بابتسامه مستفزه صار نظره شرعيه ولتفت شبح في بوه كريم ورجع شاف في سالم …ماعندنا بنات لزواج
سامر :بصدمه كيف قصدي علاش
مالك: كلامي واضح ماعندنا بنات ورغد طلعها من راسك
كريم😑
سامر :ب باهي قولي علاش
مالك: 5 دقايق ماشي نجي مانلقا اثر ليك. فاهمم ومسك رغد من ايدها بقوه انتتيي فوتي قدامي
انس لحق مالك ورغد بسرعه على الغرفه
مالك🔥
..
نسرين تحكي مع يونس
نسرين فهمت عليا
يونس ايه
نسرين 🔥
..
خالد: شني جبتها البضاعه
الشاب: اي جبتها
خالد :يحسب ف كميه كبيره من لفلوس
ثواني وخشت عليهم الشرطه في المكان لي هما فيه
خالد:🔥
يتبع ……..

لقراءة الجزء التالي : الجزء الثامن عشر من رواية إدمان

لقراءة الجزء السابق : الجزء السادس عشر من رواية إدمان

للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى