الجزء

الجزء الخامس من رواية عكس ما تمنيت

الجزء الخامس من رواية عكس ما تمنيت

وفي الجزء الخامس من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .

الجزء الخامس من رواية عكس ما تمنيت

محمد وروبا كانو بفطرو
روبا م حنمشي لماما
محمد ماما منو
روبا ولدتك ممكن اقول ليها ماما
محمد بسعادة اكيد خلانمشي ليها العصر
روبا طيب مش قلت لي ح نقعد معاها
محمد ايوا
روبا طيب م ننمشي مرة واحدة
محمد بالجد انا اصلا مشتاق ليها موت
روبا اسفة اني بعدتك من امك
محمد قلنا م بينا اتعتزار
روبا طيب
محمد بس انا زعلت منك
روبا لي كدا اعمل شنو
محمد صالحني
روبا طيب م عندي مانع بس وريني كيف
محمد مد ليها خدو
روبا شنو
محمد ح اكون عايزك تديني كف مثلا
روبا فهمت كيف انت يا ولدي رباطبي م تبطل مساخة
محمد هههههههههه انتي حكاية والله … اخلصي طيب
روبا قربت من باست خدو كدا رضيان
محمد بس الخد التاني زعل
روبا محمد
محمد خلاص خليني جعانة
روبا خلاص وقربت على خدو التاني باستو كدا رضو
محمد امممم
روبا لا لو م رضو رضو وقامت جرت الغرفة
محمد لحقها لقها بترتب في هدوها وهدومو
روبا اجهز اشان نمشي لماما
محمد حاضر وشال هدومو دخل ادوش
روبا كمان كانت فرحانة لبسو ونزله حاجاتهم واتحركو وصلو شقة ناس محمد دخلو لقو أمه نايمة و اها غرفته جهزو هدومهم ورتبها وغيرت لبست قمييص بيتي كان في اكل جابه وهم جابو معاهم جهزتو محمد كان راقد جاتو محمد انا جهزت الاكل صحي ماما
روبا حاضر مشت غرفة ام محمد دخلت ماما ماما وربتت على كتفها
ام محمد فتحت انت منو
روبا انا روبا زوجة محمد
ام محمد جيتو بتين تعالى النسلم عليك يا بتي وباستها
روبا بابتسامة ممكن اقول ليك يا ماما
ام محمد اي قولي لي طوالي نفسي يكون عندي بت
روبا حضنتها وانا كمان نفسي يكون عندي ام ماما اتوفت وانا صغيرة
امه انا امك
روبا طيب قالتها بفرحة انا جهزت الاكل تالي ناكل
أمه حاضر اغسل وشي واجي
اتعشو واتونسو روبا وأم محمد حبو بعض شديد دخلو نامو ومحمد كان تاني يوم نازل دوام
روبا جهزت حاجاته من بليل والصباح صحت قبيله جهزت الشاي واي صحته دخل ادوش وشرب الشاي
محمد روباااااا
روبا جاتو نعم
محمد ماشي يلا وباس جبهتها
روبا في امان الله وصلته لحدي الباب
روبا وام محمد قضو اليوم ونسة وعلمت روبا الطبيخ وشربو القهوة
محمد بهناك مشي لي أحمد
أحمد عريسنا الحلو
محمد بابا تسلم وسلم عليه بالاحضان كيف صحتك اسبوعين م شوفتك
أحمد تمام اها روبا كيف ومعاك كيف.
محمد كويسة بتسلم عليك والله أحوالنا تمام الحمد لله
أحمد انا داير اسلمك قسم في الشركة
محمد لا يا عمي لو راضي بي كدا انا موافق لكن م اشان بقيت رجل بتك استقل الحتة دي
أحمد ابدا م في استغلال بس انا حبيت اخليك تستقل
محمد لا خليني جمبك هنا لو داير راحتي
أحمد طيب ي ولدي في النهاية كله حقك انت وروبا انت ولدي
محمد تسلم يا ابوي
أحمد يلا الشغل كتير عليك خلصه
محمد تمام يلا سلام
أحمد سلام وطلع محمد مشي لقى ياسمين
محمد ممكن نحكي
ياسمين حاضر ومشو مطعم الفندق كان فاضي
محمد انا عندي ظروفي الخلتني اتزوجها بس م بقدر احكي ليك عنها
ياسمين لا لازم اعرف
محمد قلت م بخصك
ياسمين لا بخصني ولا انت اتزوجتها اشان قروشها
محمد ياسمين حاسبي على كلامك
ياسمين محمد م بحاس انت خاين واناني بتاع مصلحتك بس هي وحدة أنانية
محمد قلت حاسبي على كلامك م بقبل فيها كلمة
ياسمين وبتقول اتزوجتها اشان موضوع ياخي البشوفكم بقول انكم بتحبه بعض من سنين انت قايل لمن شلتها والضحك والجري دا كلو وصلني دا غير الطلوع والنزول
محمد دي قسمة ربنا كتبها لينا قيمتنا انتهت مع بعض
ياسمين قول مصلحتك انتهت معاي وانا ح اجي شنو جمب بت المدير سيد الأعمال الجدادة البتبيض دهب
محمد لحدي هنا وكفاية
ياسمين كفاية انت انت م ختيت لي اعتبار ولا احترمت يوم كنت مرتبطة معاك ياخ كنت تقدرني وكلمني قبل الخطوة دي انت واحد واطي رمت ليه خاتم كان جايبو ليها م دايرة اعرفك تاني توف على دي رجولة
محمد كان بسمع فيها هو غضبان شديد حس انه فعلا خاين وكسر بقلبها وخسر حبه وكله بسبب وروبا غضبه زاد اكتر بس فضل م يمشي البيت ورجع البيت متأخر
روبا من جهة تانية اليوم كلو كانت مع ام محمد بجهزو الاكل وبعدها
ام محمد انتي ي روبا لا حنة لا دخان مالك
روبا والله يا ماما م بعرف اعمل حاجة من ديل
ام محمد خلاص بكرة انا بجهز ليك الحفرة عند اختي والحنة تمشي الكوفي ترسمي
روبا حاضر زي م تقولي بعمل
ام محمد طيب يلا ي بتي انا داخلة انوم اتجهزي زين لمحمد م تخليه يضيع منك امسكي فيه قوي
دخلت ادوشت واتعطرت وبخرة الغرفة ولبست فستان راقي وانتظرت لحدي م يجي اتأخر وجاء الساعة 12
روبا شافتو داخل مشت عليه باستو من خدو لي اتاخرت حمد الله على السلامة
محمد ببرود كان في شغل كتير وزحها من طريقه ودخل الغرفة دخلت وراه لقتو دخل الحمام استغربت من تصرفه افتكرت انه ح يكون فقدها زي م هي فقدته
محمد طلع لقاها مجهزة الاكل
روبا أنا طبخت اليوم ماما علمتني الأكلات الانت بتحبها
محمد م جعان شكرا
روبا شالت الصحن طيب ضوق حتى وقول لي رايك
محمد م دايرة
روبا ارجوك وقربتها منه
محمد قلت م داير اسمعي الكلام
روبا عليك الله اشان لقمة وحدة بس
محمد دفر الصحن وقع منها قلت م داير يعني م داير م كل حاجة بالغصب
روبا بدموع بس انا م غصبتك انا كان نفسي اضوقك اكلي بس كنت فرحانة اني طبخت اول مرة وليك
محمد وانا أظن قلت م داير م في داعي تتعابطي صاح ولا كل حاجة عندكم بغصب
روبا انا غصبتك على
محمد علي بتهور وغضب اني اتزوجك
روبا بس انا م غصبتك
محمد ابوك غصبني وانتي شغالة م بعرف مشاعر وكلام فارغ
روبا محمد انت واعي للبتقول فيه
محمد اي واعي وواعي جدا كمان الحمدلله اني م قربت منك كنت ندمت اكتر انا م ندمان على حاجة الا اني اتزوجتك خسرت حب حياتي بسببك
روبا عاينت ليه بكسرة وحسرة طيب اولا انا اسفة اني غصبتك على الزواج مني م عندك مشكلة انا بحلك من قيد ارتباطنا انت حر بالنسب لأبوي انا بتكلم معاه بس عارف انا الندمانه عليه شنو
محمد عاين ليها
روبا تعرف خاسرة انك تعرف اوعدك ارجع الأمور احسن من الاول واسفة اني اتعابط فيك اشان تاكل واسفة اني دخلت حياتك وجوطتها وخسرتك حب حياتك زي م بتقول بوجعها ليك وكل حاجة بترجع بس حاجة وحدة بس
محمد شنو
روبا مشت منو م ليك حق تعرف عن اذنك ودخلت الحمام قبل م يرد بكت هو كان سامع صوت بكاها معقولة
محمد معقولة قدرت تجرحها بالطريقة دي حرام عليك عملت ليك شنو زنبها شنو هي
روبا بعد غسلت وشها وغيرت فستها لبجامة طويلة شالت لحاف فرشتو في الأرض
محمد ح تعملي شنو
روبا طفت اللمبة م ردت ورقدت
محمد نزل ليها وجراها من يدها مية مرة قلت م تتجاهليني
روبا أظن م كل حاجة بغصب ح تجبرني اني اتكلم ولا دا كمان اشان انا غصبتك تتزوجني
محمد روبا
روبا لو سمحت عايزة انوم
محمد زح منها رقدت وهو رقد في السرير
أمه سمعت كلامه كله وقررت تتكلم معاه الصباح
الصباح روبا صحت بدري شديد أو نقدر نقول انها م نامت قامت صلت وطلعت ليه غيار وطلعت لنفسها غيار لبست وطلعت مشت لابوها في الفندق
روبا دخلت المكتب لقتو جا وبفطر بابا.
أحمد الناس البياعة معقولة اسبوعين م اشوفك
روبا حضنته وقعدت بابا انت عارف اني بحبك صاح وانت بتحبني صاح
أحمد اكيد انتي بتي الوحيدة
روبا لو طلبت منك حاجة تنفذها لي
أحمد اطلبي دايرة شنو
روبا دايرة أطلق من محمد لو سمحت بابا طلقني منه
أحمد لي ي بتي في شنو احكي لي عمل حاجة غلط عليك
روبا لا بس م قادرة اتعود عليه انا م دايره ي ابوي انا اتكلمت معاه وهو وافق بس خاتي اعتبار ليك.
أحمد بس انتي اتزوجتي م تميت ليك اسبوعين الناس ح تتكلم
روبا م مهم احسن م اكون م سعيدة وعايشة مع انسان م بحبه ولا بحبني
أحمد طيب المهم سعادتك ي بتي بس خلي يكمل زواجكم شهر على الأقل
روبا شوفه محمد وبرضاه
أحمد منو الغصبه قبل كدا اشان اغصبه تاني
روبا المهم اها انت كيف وصحتك كيف
أحمد بخير ي بتي الحمدلله رايك شنو بعد موضوعك دا يخلص نسافر.
روبا اوكي انا محتاجة كدا شديد بس اول نعمل عمرة
أحمد ومالو نعمل عمرة
وبقو يتونسه
محمد من جهة تانية صحي لقى البيت هادي نادى روبا بس م ردت خاف انها تكون سابته ومشت فتح الدولاب لقى هدومها عاين يمين شمال لقى ورقة مكتوب فيها”محمد انا ماشة لأبوي اسفة اني طلعت من غير اذنك بس كنت نايم روبا”
محمد ااوووف مع اني كنت ناوي اصالحها…س طلعت ادوش وغير وطلع لقى أمه قاعدة
محمد صباح الخير يا أمي
أمه صباح النور تعال عايزاك
محمد قعد جمبها خير يا أمي
أمه الحصل منك امبارح دا كان أكبر غلط م كان لازم تجرح البت وتكسر بخاطرها كدا حرام ي ريتك كنت شفتها وهي فرحانة وبتجهز ليك الاكل لا وكمان اتعلمت ودخلت المطبخ اشانك انا م ربتك انك تهين بنات الناس
محمد انا عارف اني غلطان بس كنت غضبان وهي م راعت دا
أمه انت قلت ليها انا زهجان نحكي بعدين م قلت انفجرت فيها حرام لو عندك مشكله تجاه زول فضي غضبك فيه م تجرح شخص م عندو ذنب
محمد بس ياسمين امبارح
أمه ياسمين دي مفروض تكون من الماضي
محمد اقيفي احكي ليك وحكى ليها كل الكلام الحصل بينه وبين ياسمين
أمه شايف انه دا مبرر ليك لا م مبرر وفي الأثناء دي دخلت روبا صباح الخير يا ماما صباح الخير يا محمد
محمد وأمه صباح النور
روبا معليش ي ماما كنت مشتاقة لأبوي مشيت شوفت وم بكون فاضي الصباح بدري
أمه ولا يهمك ي بتي
روبا عن اذنك اغير هدومي
أمه طيب اتفضلي اذنك معاك دخلت غيرت
أمه قوم صالح مرتك بطل هبل لو خسرتها ح تندم
محمد دخل لقاها غيرت ومسكها تلفونا روبا
روبا ااممممم
محمد مشيتي لابوك لشنو
روبا المشيت ليه لأبوي يتكلم فيه معك ابوي الغصبك على الزواج مني
محمد روبا اسف ممكن تسامحني انا كنت غضبان
روبا عاينت ليه ورجعت لتلفونها
محمد قلت م بحب التجاهل
روبا عايزني اقول ليك شنو
محمد عاتبني جوطي اعملي اي حاجة
روبا 😂😂😂😂😂 اعاتب اجوط تصدق ضحكتني ياخي الواحد لو حس انه مغصوب على زول بتجرح فما بالك قالها ليك في وَشك
محمد م قاصد سامحني
روبا اسامحك طيب مسمحاك بس بشرط رجعني زي م كنت قبل اسمع كلامك قلبي م اتكسر كرامتي اتهانت انت حسستني بأني وحدة من الشارع بتتلصق فيك اشان تقضي وقت وانت رافضها
محمد روبا عارف نفسي جرحتك بس
روبا اسمع يا ود الناس انت م عندك معاي كلام كلامك مع الغصبك ولحدي م يحصل لسانك م يخاطب لسان ورجعت قعدت
محمد وانا ما قابل الكلام دا
روبا م ردت
محمد. عصب وجرها من يدها قلت ليك م تتجاهلني
روبا انت عايز شنو ممكن افهم
محمد انتي زعلانة مني ياروبا
روبا اها ويعني.
محمد كيف ويعني انا م بحب زعلك
روبا وانا م زعلانة انت م قلت الا الحقيقة والحقيقة م بتزعل
محمد والله كنت غضبان
روبا ابتسمت له م هي الحقيقة بتظهر وقت الغضب يا محمد
محمد روبا ارجوك
روبا ترجوني لي شنو محمد انا عمري م اتختيت في الموقف دا
محمد طيب اعمل شنو اشان تسامحني
روبا ولا حاجة ممكن تفكني
محمد لا الا تسامحني
روبا اووووف محمد اانا من قبيل بتكلم بهدوء م عايزة انفعل
محمد انفعلي كوركي اعملي لي المهم تصفي من نحايتي
روبا انت كسرت فيني حاجة
محمد بصلحها اديني فرصة واقبلي اعتزاري
روبا لالا ودايرة تتفك بس مسكها اكتر محمد فكني
محمد وقربها اكتر
روبا فكني قلت ليك
محمد وريني شراستك
روبا دفرته داير تشوفها صاح ضربته في صدره شوف وبقت تضرب فيه وهو واقف ليها وهو مبتسم
روبا اتغاظت منه بتضحك لي
محمد اشان قدرت اخليك اطلعي الجوامع وطلعتي غضبك
روبا دايرة تمشي بس ضمها ليه شديد اسف اسف والله كنت معصب وم عرفت نفسي قلت شنو روبا انفجرت في البكا انا بكرهك انت حسستني اني فارضة نفسي عليك بكرهك
محمد اششششش اهدي خلاص اسف اسف
روبا كلم بابا وأنهى الموضوع دا ارجوك
محمد خلينا نحكي بعدين رفعها من الأرض رقدها في السرير نومي انتي م نومتي امبارح
روبا غمضت عيونا وغفت من التعب كان عايزة تاخد استراحة من كل حاجة
————————————–
———————
*☆يتبــــــــــــــــــــــــــــــــــــــــــــع☆☆*

لقراءة الجزء التالي : الجزء السادس من رواية عكس ما تمنيت

لقراءة الجزء السابق : الجزء الرابع من رواية عكس ما تمنيت

للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر

جميع الحقوق محفوظة للكاتبة روبا جعفر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى