وفي الجزء الثالث عشر من رواية قد كفاني دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة آيه إبراهيم .
الجزء الثالث عشر من رواية قد كفاني
بعد الدكتور طمن ياسر وقال ليهو ممكن بعد كدا تتطلعوا بس ما تتحرك كتير عشان ممكن يحصل ليها إجهاض وطلب مني اهتم بنفسي. رجعنا البيت لقيت موظفات الشركة كلهم موجودات في البيت قالوا انهم ما عرفوا الحصل شنو؟ لانو ياسر طلع وكان متوتر شديد فعشان كدا جينا نسأل منكم في واحدة اول مرة اشوفها جات وسلمت علي وقالت لي سلمتك قولتا ليها الله يسلمك بس ما عرفتك قالت لي انا مناسك زوجت عبد الكريم صاحب ياسر قالت علي عليك الله اعفي لي ما جيتك في بيتك لكن بإذن الله يوم اناوعبدالكريم بنجيكم زيارة. بالجد عبد الكريم دايما بحكي عنك وعن ياسر اتمنيت اشوفك والله
قولتا ليها حتى انا اتمنيت اشوفك لانو ياسر زاتو طبيعي في سيرتكم المهم اتونسنا وقالت لي انو عبد الكريم ود عمتها وتزوجوا قبلي زواجنا بي ٣ سنوات وعندها بنتين أسماءهم( إيمان وصبا) والأولاد (محمد ومؤمن) وإتونسنا مع باقي الموظفات و قولتا ليهم شكرا ما كان تتعبو قالو لي مافي تعب في واحدة قالت لي حصل عليك شنو؟خلتي راجلك زي المجنون قولتا ليها مضاعفات وهسي احسن الحمد الله قعدو شويه وبعدو قالوا ماشين مشيت ناديت ياسر من الديوان عشان يوصلهم قال لي بوصي ليهم احمد انا ما بمشي وبخليك والله بقيت اخاف عليك شديد
قولتا ليهو انا كويسة وكان احتجت اي حاجة اخواتي قعدات وبعدين التوصيل ما بيأخد من زمنك كتير وبالمره تصلي العصر في المسجد قال لي خلاص ما مشكلة مشيت لقيهم طالعين ودعتهم وهم طالعين مناسك وهي بتسلم علي ختت لي في يدي حاجة انا استغربت وعاينت في يدي لقيتا ختت لي قروش قولتا ليها لالا يأخ وحاولتا ارجعها ليها قالت لي ما تكسفيني دي اول مره نتلقى فيها وانا براي خجلانة اني جيت ويدي فاضية فما تزيديها علي واقبلي بيها عشاني
قولت ليها لا يأخ جيتك براها بالدنيا قالت لي نحنا اتأخرنا بعد كدا نستأذنك نتلقى في ساعة خير ان شاء الله وصلتا معاهم لي الباب ياسر قال ليهم اتفضلوا اوصلكم في طريقي رفضوا بس انا وياسر اصرينا عليهم وبعدو ركبوا وانا رجعتا البيت قعدتا في الحوش مثاني جاتني ورقدت في رجولي وقالت لي مشتاقة لي اختي المشغولة دايما
قولتا ليها اختك تنشغل عن أي شئ الإ اشتياقك ليها
شويه كدا دموعها نزلت قولتا ليها في شنو يا بت !؟ انا قدامك كويسة مالك بتبكي ولا في موضوع تاني؟ قالت لي والله يا مهجة خايفة شديد انا ما دايرة ازح من جمبك دايرة اكون دايما معاك وكانت ماسكاني عليها بقوة قولتا ليها مثاني قولي بسم الله انا كويسة والموت الخايفة منو دا مصيرنا كلنا كان ما الليلة بكرة يعني مافي مفر منو قالت لي انا ما ناكرة الموت بس ان شاء الله اموت قبلك قولتا ليها مثاني حبيبتي فاكرة اني ما بتعذب من بعدك ولا شنو؟ مثاني انتي الوحيدة الفضلتي في عائلتي انتي الإنسانة الوحيدة البموت الف مرة لو يوم حصل لك حاجة ما تقولي كدا تاني فاهمه
مهاد جات واتكلمت مع مثاني حتى بعد اخد فترة من البكى سكتت رتال كانت قاعدة ورا ضهري وفرحانة انو ح يجيها اخو أو اخت تلعب معاهم رئبال جاب لي عصير وقعد يحصر لي رجولي ومبسوط شديد
ياسر بعد جا جاب معاهو كمية من الفواكه وقال لي اخدتا اجازة شهر عشان اكون مهتم بالبيبي الأمو ما شغالة بيهو
الأيام دي وكانت اسعد ايام عدة على حياتي رئبال وابوهو بقومو الصباح بعملو الشاي وبنضفو البيت وياسر كان بتطبخ عديل كدا مع انو مهاد ومثاني ما مقصرين بس هو قال عاوز يهتم بينا بذات نفسو ورئبال بقى مهتم بأختو حتى اتعلم انو يسرحها في الأول ما كانت بترضى بس تاني لمن اتعلم بقت تجيب ليهو ادوات التسريح
وفي الفترة دي ياسر بقى قريب شديد من التؤام ورتال بقت متعلقة بيهو شديد حتى مرات بتقول ما عاوزة تمشي المدرسة عشان تكون مع ابوها في الفترة دي السعاده العائلة ازدادت وكانوا شئ اساسي انهم بتشاكلوا في اسم المولود ياسر بقول بسميهو انا ريتال تقول ليهو لا انا بسميهو ورئبال بقول ليهم ولا زول فيكم امي البتسمهو في يوم بعد شربنا الشاي ياسر قال لي عاوزين نطلع انا والأولاد مشوار تقدري تمشي معانا قولتا ليهو اي قال لي يا شيخة انتي جادة بي بطنك دي
قولتا ليهو جادة والمكان على مزاجي قال لي إنتي تأمري خلاص اجهزي وحددي مكانك الدايراهو مع اني عارفو وانا بكلم الأولاد وبخليهم يجهزو قولتا ليهو خلاص تمام جهزنا ومشت لي مثاني وقلت ليها ارح معانا قالت لي عمي عبدالله كأنوا محموم ما بقدر اخليهو والله قولتا ليها خلاص ما مشكلة ومشيت لي عمي عبدالله في الديوان وسألتو عن صحتو قال لي والله امبارح كدا عندي حمة بس الليلة كويس مشيت بيتي عملت ليهو عصير واديتو حبوب الضغط وبعدو طلعنا ياسر قال لي اها نمشي البحر صح؟ قولتا ليهو بعد نرجع من مكاني الليلة العاوزة امشي ليهو بعدو نمشي البحر قال لي غريبة الليلة ماشة وين غير البحر؟ قولتا ليهو ماشة بيتنا القديم لانو سمعت انو سيدو قال عاوز يكسرو عاوزة اشوفوا للمرة الأخيرة 
قال لي اي شئ ولا البكى غالية وبعدين الوصل لك انو سيدو قال عاوز يكسرو ليه ما قال لك انو ياسر قرة عينك اشترهو قولت ليهو قول والله يا ياسر قال لي والله جد نطيت ليهو في رقبتو وقلتا ليهو والله ما مصدقة الحمد الله بالجد ما م عارفة اقول شنو ريتال جات من المقعد الورا وقالت لينا انتو بتقولوا في شنو؟ انا حزحيت من ياسر . ياسر اتكلم بصوت براح وقال ليها دايما جاية في الوقت الغلط قالت ليهو ابوي قولتا شنو ؟ قال ليها ولا حاجة ريتال قالت ليهو انا متشوقة اشوف المكان ما قربنا نحصل قال ليها بعد كدا حصلنا اخدي الصبر يا السمحة وصلنا البيت وكان زي ما خليناهو دخلتا عليهو وبقيت ما سامعه غير صوت الذكريات
وصوت ابوي لمن يقول لي اعربي كذا واضبطي آواخر الكلمات ابوي الكان اعظم استاذ لغة عربية مر في حياتي والإستعارات الما بتفارق لسانو صوت أمي لمن تقعد وتقول لي اتناولي لي الحطب عشان اجرجر الطرقات ديل سريع
ورهف قبل الحادث لمن كانت بتمشي وبنتسابق انا وهي البحصل ابوي اول منو
الذكريات كلها اتهدت في زهني وابت تقارقو دخلتا في غرفتا وكانت قريبة تقع عايت فيها واتمعنتها انا في الحقيقة ما قاعدة اشوف مجرد حيطان انا قاعدة اشوف في كل زاوية منها سعادتي الكانت مع عائلتي والبقت مجرد زكريات قعدتا في آخر ركن في الغرفة ولسة الأصوات بتترد في أذني اذا قولتا بكيت بكون قصرتا في حق نفسي لاني في الحقيقة ما قاعدة ابكي انا بموت
ياسر كان قاعد جنبي ختيت راسي في كتفوا ودموعي بللت قميصوا هو كان بتكلم بس انا ما سامعاهو انا سامعة دقات قلبي الحاسة بيها وقفت من شدة الألم بسمع انين جسمي الإشتاق لي حضن امي عمرها الحياة ما كانت عادلة في حقي وعمري ما شكيت منها والحمد الله هسي ما شاكية منها اسأل الله ان يجمعني بيهم في أعلى الجنان
بلسان ياسر كنت متأكد انو مهجةح تتألم لمن تعرف انو بيتا الفيهو كل زكريتا ح يهدم ما بهون علي اشوفها حزينة عشان كدا بعت جزو من شركتي لانو الأيام دي ما كان عندي قروش وما كنت عاوز انزل اشغل لاني اتعلقتا شديد بمهجة والتؤام والبيبي الفي بطنها فقررت انزل بعد توضع وبقدر ارجع باقي الشركة عشان كدا ما شلت ليها هم همي الوحيد كان انو بس مهجة ما تزعل وبالفعل اشتريت البيت بعد تعب شديد وإتفأجاة لمن قالت عاوزة تزورو لانو انا عارف هي ما عندها الشجاعة الكافية لانو تفتح باب الماضي متأكد جروحها اتغفل عليها الباب قبل تبرا وصلنا البيت وكنت بتحاشى اني اشوف عيونها لانو متيقن انها ح تكون عبارة عن مطر دخلنا وكانت سرحانة بعيد وبتبكي من غير صوت وجسمها كلو برجف حاولت اتكلم معاها كتير بس مافي أي تجاوب وكأنو ما سامعاني عشان كدا اكتفيت بي اني اقعد جنبها واسكت شوية ورمت نفسها على كتفي ودموعها بللت قميصي لكن في الحقيقة قطع قلبي ما قدرت اشوفها بالحالة دي بعد هدت شوية طوالي رجعنا البيت ….
نرجع لي مهجة رجعنا البيت وما قولتا لي مثاني مشيت بيتنا نهائي اتوضيت وصليت وطوالي رقدتا نومتا
من جانب آخر امي إنتي ليه ما زي ام رئبال!؟ ام رئبال حنينة وطيبة وبتحب اولادها وأولاد الناس ياريت لو كانت امي على الأقل هسي كان عندي اخوان بدل قاعد براي زي المجنون .
اوف يا ديني وايماني يأخ المنعولة دي ما تجيب لي سيرتا نهائي ما ممكن امشي بيت امي. امي تشكر فيها اشرب الجبنه مع النسوان القاهم بشكرو فيها وانت تجي تزيد علي وجعتي وتقول لي ياريت لو كانت امي انا بعرف اتصرف
اقعد هنا انا ماشة قريب وجاية واذا في زول قال لك أريج وين قول ليهم في الحمام فاهم 
= اها يا الأكلت قروشي وما حققتا مطالبي راجي شنو؟
_يا زولة انا قولتا لك بقتل لك الطفل واخلي لك العائلة دي كلها حزينة انتي شبكتيها لالا دا ولد اخوي وما بقدر اقتلوا وانا مهجة ما بقدر اعمل ليها حاجة
=لكن انت ما قالو اقوى شيخ وبتقدر تعمل اي حاجة حتى سحر الموت والليلة انا طالبة ابسط شئ انهم يتفرقوا وادمر حياتها بالحزن على ياسر حبيب قلبها
_انتي بتتكلمي ساي عشان ما عارفة مهجة
مهجة يا مدام بتقرا القرآن ليل ونهار وقيام الليل عنها زي الفرض والتحصين دا ولا بالغلط ما بتنساهو كيف دايرة يمشي فيها سحر!! يأخ دي في فرحها بتسجد سجدة شكر وفي حزنها بتبكي في المصلاية لي أول مرة في حياتي اعمل سحر وما يسري في المسحور انا ح ارجع لك قروشك واعتبري نفسك انك ولا بتقدر عليها = يأخ كفى حتى انت تشكر فيها ما كفاية بقية الناس معقول تغلبك خلاص ما عندك حيلة تانية ؟؟
_هي الحيل غير السحر كتير بس انتي جاهزة لي التنفيذ 
؟
=بعمل أي حاجة بس المهم الشيطانية دي تدمر حياتها بالجد ما بتعرف كمية الحقد الفي قلبي ليها الناس كلها زمان كانت بتحبني انا وحاليا كل الحب والدلال الفي الدنيا من نصيبا نفسي اعرف هي عملت شنو عشان اخوي يموت فيها زي دا !!
_ بطلي كلام كتير واسمعي ختطي ….
=يا زول هي انا الكلام دا ما بقدر عليهو مافي طريقة غير كدا
_للأسف مافي ودي آخر طريقة تنفذيها ولا مهجة تكون سعيدة ومحاطة بهالة من الحب والإحترام والتقدير
=بفكر وبديك الرد
_استعجلي قبل فوات الأوان
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الرابع عشر من رواية قد كفاني
لقراءة الجزء السابق : الجزء الثاني عشر من رواية قد كفاني
للإطلاع علي فهرس اجزاء الرواية : رواية قد كفاني ( جميع الأجزاء كاملة ) للكاتبة آيه إبراهيم
جميع الحقوق محفوظة للكاتبة آيه إبراهيم .
