الجزء

الجزء الثالث من رواية سرقت قلبي

الجزء الثالث من رواية سرقت قلبي

وفي الجزء الثالث من رواية سرقت قلبي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء الثالث من رواية سرقت قلبي

فريال وصلت للعرس وبدت تسأل ومتشوقه تشوف ف الصبايا ومش عاجبها حددد ☹️طبعاا هي ماتمشيش لعراس عاديات تمشي للفخمات بس لكن بسس نزار ولانه صاحب ولدها من قبل ماحبتش ترفض ووصلو اهل العروسه وفعلا معاهم بنت تجننن لابسة قفطان اسود ماشي ع الجسم وكمامه طوال ومشبكات وبسيط وحلو مع مكياج ماشي مع القفطان
فريال سألت علها وفعلا طلعت هيا نفس البنت لنعجبة بها لكن لم سألت علها حكولها اني امها شبه معاقه وماتقدرش تمشي وبسرعه تدهش ومن عيلة فقيرة
فريال وبنتها ع طاولة بروحهم
فريال متعصبه. البنت قنينه مقلنا شي ومشالله زين ورضا والدين لكن اني مانقدررش ناخدها لخوك الدنيا مقامات
بسمه ساكته
فريال: اني مانقول شي ياخدها عادي لكن الجيران وصاحباتي واقاربي بيهزو علينا الهمم الاسود احسسن حل نشاوره ع غزلان جيران خالتك
بسمه تشوف ف امها بصدمه: غزلااان احلا من هادي ماما خيرك انتي اكيد حولة 😁
فريال: الفايده مش ف الشكل هديكا كبيرا مع عمر خوك لكن هادي صغيرره
بسمه: شن صغرهه من جيلي هادي
فريال طلعت الهاتف من شنطتها واتصلت: تعلا روح بينا العروسة جها تزار هيا
ابراهيم: اني برا اطلعو
طلعوو وروحوو وهي مكتومه طووول الطريق
(خلونا منهم توا الهوو ف نزار وهديل 😍❤)
نزار وصلوه لباب الصالة وخش بياخده بيروح بها وبدت الزغاريط 💃💃💃💃
هديل وجها احمر وزرق وخضر اوول مرة يلمسها نزار وقداام الناس واول بوسه ع راسها فوق الكوشه
نزار شاد ايد هديل وبتسم ويشوف ف معازيم ووقف
هديل قلبها بمم بمم بمم بممم بمممم بممممم بمممم بيطلع من مكانه💗
نزار شافها وهديل كاتت تشوف ف ايد نزار لشاده ايه نزار ضغط ايدها هديل قامت راسها ووضح علها التوتر
نزار بصوت واطي ويشوفلها:اهددي خيرك
هديل سااااكته 🙂😂😂😂😂
جنات تاترت انه اختها رح تسيبها 💔🤐ومشت للحمام بخطواة سريعه
بعد مرور نص ساعه
نزار وهديل ف حوشهم
هديل خشت لحوشها خدت شهيق بقوووة لدرجه نزار ضحك
نزار 😂😂:خيرك قصدي حوشنا مش تحدي وانتي ليشوفك يقول خاشه بديري امتحان😂😂
هديل سااكته
نزار بعد الطرحه من وجها:انتي انتي مرتي 😍❤
هديل شافتله:نزار ناجلووها بلييز 💔
نزار ابتسم لكن اضيق من داخل:اي عادي ولا يهمك خودي راحتك تقدري تغيري
هديل خشت دار النوم وحسست انه اضيق 💔:خييرني هدا يوم فرحته وحتى لو تاجلت اليوم يعني فرحة عرسنا ضاعت ..خشت للحمام مع دوووش سخوون وسريع طلعت زي اي بنت جريئة لبسة الروب لمجهزة نزار ع السرير مع مكياج وبرفان عرايسي ❤ وطلعت الروب ابيض ناعم وشعرها مفتوح
هديل خشت الصالة لكن مافي حد رجعت لغرفة لجنب دار النوم مافي حد وقفت ع الباب
هديل واقفه ع باب الغرفة وتشوف ف الغرفه:هديل ي غبية
نزار طلع من الحمام الخارجي بهدو وسمعها تتكلم بروحها قرب وهو ساكت ومبتسم بيضحك 😄
هديل: حمارة سيبت راجله ف يوم زي هدا وربي حماارة هديل غبية حرمته من احلا ليلة اكيد اضايق مني اووووف حماارة
نزار حاوطها من الخلف وايده ع خصرها:اووبه مجنونه شن تحكي انتي
هديل خايفه صح ومتوترة لكن تللامس ف ايده لمحاوطينها
نزار ابتسم وريحتها واصله لعنده وغررق ف رقبتها وبهمس:ريحتك تجنن 🤤❤
هديل وجها احممممر تلفتت:ن نزار
نزار مبتسم:عيونه ❤
هديل ابتسمت بخوووف وخدت شعرها لماته دراته ع جنب بتوتر:اممم اااا
نزار يشوف ف الروب ابيض ع جسمها الابيض:ماتخفيش تكلمي معقولا اني نخوف لدرجه مش قادرة تدوي
هديل قامت عيونها فيه:اممم
نزار قرب وايده ع ضهرها ومبتسم ومنتصر انها خايفه 😂😂😍
هديل زادت تلبكت لم قرب
نزار:ادوي
هديل بتتكلم قاطعها
نزار ايده ع كثف هديل وتنزل:شن رايك نتكلمو داخل
(ياااسر الباقي عيب 🤐😁 مرة تانية رح نزودها تزعلوش ❤)
..
ابراهيم ف الصالة مع امه بروحهم:كيف كيف مافهمتش
فريال :لسمعته
ابراهيم:البنت هادي وبس عجباتك بااه ماعجباتكش غيرها مافيش
فريال بتتكلم ومتعصبه
ابراهيم قاطعها:مش لاني ميت علها لاااا حطي ف بالك لا نعرفها ولا نبها لكن مجرررد راي ومدامك رفضتي مافيش عندي غيرها هادي
فريال: لكن
ابراهيم قاطعها ووقف:صدقيني مافي بيني وبينها كلمه مجررد تعارف وبس وتعارف هدا وجه لوجه وللعلم اني مش رح نوقف بنصيب البنت باش تفكري انه اني بتعلق بها لا وربي عااادي تتزوج مادخليش لكن لو تزوجت هادي اعتبري الامر انتهى بين انه ابراهيم يتزوج اني سايرتك وطلبة منك تطلبها لكن انتي شنو عجباتك ف كللل شي لكن هي فقيرة وصاحباتك بيهزو عليك لانه كناينهم وووواووو
فريال:اني مانبيهاش اني امك
ابراهيم:هه حتى اني مانبيهاش اصلا ولا طايقها لكن مجرررد انتقام هادي اول بنت تتجرئ وتهزبني وكل كلاامها يومها يعني انه اني واحد فاشل
فريال وقف.تبيهااش 😨
ابراهيم:يماا تبيني نتزوج صح رح نتزوجها هي وبعد تلاته شهور انتقام منها نطلقها ورح نتزوج اي وحده تختارها انتي
فريال طلعت ومشت لغرفتها ومتدت ع السرير وهي تفكر ف داخلها..نوافق خيرلي اني اربعه سنين نحاول معاه واصلا هي تمشي معاه وعادي لو طلقها وين المشكله رح تاخد مؤخر مليحح ورح نزوجه بعدين لـ غزلان
..
تااني يوم
جنات فاقت متاخرة وبسرررعه بدلت لانه المحاضرة مهمة وطلعت ع السرريع وبدون فطور
ووصلت وبسرعه خشت للقاعه
جنات شافت ابراهيم قدامها وفتحت الباب
الدكتورة: سيدة جنات شنو فطرتي ونضمتي امورك
جنات: اسفه دكتورة لكن وللهي مش بقصدي اسفه
الدكتورة: اطلعي
جنات طلعت
الدكتورة صكرت الباب
ابراهيم يشوف ف جنات ومربع ايديه ومبتسم وبأنتصار
جنات حست انه يشوفلها لكن ماشفتش جهته وتجهة للحمامات (اكرمكم الله ♥)
ابراهيم مربع ايده: اليوم حلوو من بدايته
جنات خشت الحمام وعيونها مدمعات: علااش هكيي اني جيت عشتن المحاضرة هادي خصوصا 💔😭😭😭😭 ودموعها ينزلو
جنات مسحت دموعها بعنف وخدت الشنطتها والمذكرة وعدلت وشاحها وطلعت
جنات تشوف ف ابراهيم قدام الباب المخرج وطلعت وقعمزت ف الساحه تستنى ف بنات يطلعوو باش تاخد المحاظرة
وطلعوو
جنات اتجهة لبنات:صباح الخير بنات
البنات: صباح النور
جنات:ممكن ناخد المحاضرة توا هني نكتبها وبسرعه
ابراهيم يشوفلهم ويسمع ف حديثهم
جيداء:اني مكتبت شي
ساجده:اني كتبت شوية
بااختصار البنات مش متع ثراية جايين يهدرزو وضيعوو وقت
جنات:اوكى واتجهة للباب بتخش تتكلمم الدكتورة
ابراهيم: حالتك تسخف لو اني ف مكانك مستحيل نطلب اي شي من حد
جنات شافتله: عفووا ي عموو الشرطي اني مش انت (مع ابتسامه مستفزة) ومشت
الدكتورة:حبيبتي اني نجي بكري وندرس ع شانكم وف النهاية انتي تجيني ف نهاااية المحاضرة فهميني كيف بمعاولك ولا بنشرحلك ولا بنكتبلك..وتلفتت بتطلع
ابراهيم يشوفلهم كيف يتنقشوو
جنات: دكتورة بللهي عليك مهمه المحاضرة بللهي عليك اني نبي المحاضرة نكتبها بس
الدكتورة تلفتت وتلفونها يشرين وطللعت
ابراهيم قرب من الدكتورة: صباح للخير
الدكتورة: صباح النور ؟
ابراهيم: ممكن عشاني اني جديد دكتور هني ممكن تعطيها لانه امبارح كان عرس اختها
جنات قربت متعصبه: دكتورة شكرا ممانبي شي.. وبتطلع
الدكتورة فتحت شنطتها وطلعت المذكرة متعها: خودي المدكرة وبسرعه اكتبيه توا
جنات بااستفزاز: لا مانبيش وشكراا
ابراهيم: الحق مش فيك
جنات كملت طريقها
ووقفها صوت علاء: استني ي بنيه
جنات تلفتت نعمم
علاء دكتور ف التانوية ف ايده مدكرة: تفضلي انتي طالبة مميزة عندي
جنات ابتسمت وخدتها: شكراا دكتور
علاء: الدكتورة حكتلي انك تاخرتي وهكي ف خديتها من كالبه المدكرة ياريت تصورها حتى بلهاتف
جنات: ااهاا الصراحه منقدرش نصورها لكن رح نكتبها بسرعه
علاء: تمام وبعدين اعطيها لصالبه هبه فوق هي
جنات: تمام شكراا
ابراهيم تعصب ومع روحه رفضت مساعدتي وقبلة مساعده الشايب هدا 😏🙄
بعد مرور نص ساعه
ابراهيم طلع الهاتف: ايوووه
فريال: خيرك تكشخ
ابراهيم بعصبيه: اليوووم اليوووم تطلبي فيتها البنت اليوووم.. وصكر الخط
ابراهيم يشوفلها تكتب ف القاعه بروحها قرب منها وطق ع الباب: تسمحيلي نخش
جنات بضيق: تفضل
ابراهيم وقف جنبها وهي تكتب: تسمحيلي نساعدك
جنات تكتب: لااا
ابراهيم تعصب لكن يمتل: جنات اني معجب بيك
جنات وقفت كتابه
ابراهيم طبعاا يغري فها باش توافق عليه: اني معجب بيك ونبيك بلحلال اني رح نبعت عيلتي
جنات حطت القلم بهدؤ ووقفت بااحترام: اسفه بجدد لكن اني رافضة القصه نهائي ربي يبعتلك الاحسن .. وخدت شنطتها ومدكرات وطلعت
ابراهيم ف عقله بنت تافهه ترفضني هكي رح يزيد لذت الانتقام تحسابني مييت علها وقعمز ع الكرسي ويفكر .. اني ضروري نكون الشخص الكويس ومطيع لفترة معها .. ووناض بسرعه ويدور بعيونه شافها مقعمزة ف الساحه جهة ظل وتكتب لكن جتها صاحبة المذكرة بتاخد مذكرتها
هبه ابتسمت: حبيبتي كملتي
جنات: لاا طويله
هبه. اي عندك حق طويله وصعبه باه عادي تجيبها غضوا
جنات: لاا نقدرش غضوا صدقيني
هبه: لكن حني غضوا عندنا زوز محضرات انتي بتغيبي واني لازمتني المحضرة اليوم
جنات: اني اسفهه مانقدرش وضروري نكتب الباقي 💔
هبه: والحل ؟
ابراهيم: الحل انه هي تكتب ولم تكملها تعطيهالي وغضوا انعطيهالك
جنات: اي ممكن
هبه شافت ابراهيم ابتسمت: شكرا اني غضوا ناخدها منك دكتور .. ومشت
جنات نزلت راسها تكتب: عااادي جدا
جنات رنن هاتفها لكن التغطيه صفرررر ناضت من مكانها وسيبة المذكرات وتبي ترد: الووو ماما تسمعي فيا الووو
ابراهيم شافها مشت تتصل قرب من الطاولة لفي الساحه لكن كانت جنات تشوفله لمقرب من الطاولة وقعدة تراقب فيه شنو بيدير
ابراهيم بدون مايشوفلها عرف انها تشوفله قعمز مكانها زي الولد الطيب وبدي يكتب وهو يكتب ويقول ومتعصب هدا ممزال تتي اني حتى واجبي مانحبش نكتبها بنكتب للبنت هادي 🤦‍♂️
جنات ابتسمت وقلبها نغز كيف يكتبلها وقعدت تتفرج عليه وتقول معقولا مهتم بيا ❤
..
هديل فاقت واخيرا ولم فتحت عيونها شافت نزار فايق ويتفرج علها: صباح الخير
نزار مبتسم: صباح الورد تعرفي
هديل ابتسمت: نعمم
نزار: ليلة تامه مرقدتش واني نتفرج عليك ❤
هديل 😓 تلبكت:
نزار قرب وجبدها ليه: ومشبعتش مزال ولعرفته من بوساتي متع امبارح وعضاتي انه نومك تقيل
هديل ابتسمت: اي تقيلل اتقل من دمي
نزار يلعب بشعرها وجبد الشرشاف وغطها: من اليلة هادي انتي ع اسمي انتي ع اسمي وملكيي ومافي ولا شخص ف دنيا هادي كلهرح يشركني بفرحتي بيك ❤
هديل: ي عمري ني
نزار زاد قرب: اول مرة نسمعها صوت وصورة ❤😂
هديل بتسهوويك: واخرر مرة 😁
نزار نزل فها بوسة وضحك وعض ❤
..
جنات تتفرج عليه يكتب خطف قلبها قرب: عفوا منك لكن شكراا
ابراهيم وهو منزل راسه ويكتب وابتسم بكررره وقام راسه يمتل ومبتسم بحب: اي خدمه ولا يهمك
جنات قعمزت وبدت تكتب:تصدق لو نقولك حتى القلم حبرة وقف 😁
ابراهيم بتمتيل ابتسم:هلبااا اكيد رح توجعك
جنات بجدد خطف قلبها: شكراا
ابراهيم:اهاا اني نويك ي بنت الناس
جنات ابتسمت:اوكي نشوف اموري ونكلمك حاضر
ابراهيم:اليوم رح نبعت امي
جنات ضحكت بتلبك:لااا امس كان عرس اختي مش وقتها توا اجلها
ابراهيم تعصب من داخل لكن مش مبين:اوكي تمام براحتك لكن رح تتغير معاملتك معاي؟
جنات:الصراحه انت مستفز وهلباا لكن اوكي رح تتغير نشالله
ابراهيم وقف ومبتسم:اكتبي..ومشي
ابراهيم خش لحجرة المدرسات واتصل بـ امه ورفض انها تطلب جنات اليوم لكن طلب منها تجيب رقم امها وتكلمها ع انهمرايدين بنتهم
#ف_مرورر_الاسبوع هدا ابراهيم مبطلش ابتسمات لـ جنات ونهاية الاسبوع
ابراهيم:صباح الورد ي وردة
جنات ابتسمت:اهلا
ابراهيم:اليوم طلبتي
جنات:نعرفف
ابراهيم:فرحانه؟
جنات:شن رايك انت
ابراهيم شاف جيداء وساجده يشوفولهم قرر يستغل الفرصة:تعرفي انك حلوة
جنات ابتسم بضحكه عفوية:هدا من ذوقك تسلم
ابراهيم بنبرة صوت:اكيد تعرفي انك تجنني
جنات توترة وضحكت:باي..وتلفتت بتمشي
ابراهيم خش للكلية ويراقب فها من وراى الزجاج العاكس
ابراهيم شخص تاااني:رح تندمي تموتي بشوووية وبببطىء رح تشوفي شنو رح يصير ف الشخص ليتمدا معاي ف الكلام ولانك بنت مانقدرش نضربك او نسببلك مشاكل لكن رح تنددددمي ماعمري رح ننسى شبحتك ولا رح ننسى كلامك بهزوه رح تشوفي حاجات ماعمرك شفتهااا ي يا حلوة
جنات طبعاا زي اي بنت غبية وطيبه عنوانها فكرت انه شخص كويس وبسبب غباها مسالته ع شي ولا فكرة شن سبب انقلاب شخصيته
ابراهيم لانه شاب عصبي وغني واناني ومايحبش جبر الخاطر نهاااائي لكن مش سيئ ف نفس الوقت هو مايحبش ولااااا شخص يتهز ع طبيعة خدمته او مجرد شبحه فيه غير لائقة ورح تعرفوو شن سبب كررهه لنساء وشن سبب رفضه لزواج وشن سبب الغرور والانانيه والاسلوب التافههه
#تسريييع
تمت الخطبه عاااادي جدا وطبعاا بوها فرح قريب طااار
#تسريع_اكتتر بعد مرور شهرين دارت بياان
وف كلل الايام هادي محسسها بلحب لكن ماعمره قاللها كلمة نحبكولا هو سمعها منها
وووقفت الكليا بعد امتحانات نص السنه وهم ف عطله
#تسريع_اكتر
ف يوم العررس جتها رسالة (انتي تحفري ف قبرك بيديك طريقك غلط ابراهيم مش نصيبك)
جنات لم قرة الرسالة وهي ف المزين نغزها قلبها 💔:هادي طريقي مستحيل رسالة تغيرلي رايي
وف اليل جنات زي الملاك الابيض تسريحه وفيلوو والصالة من ابراهيم وكل شي فخم وخصوصا الفيلوو وبعد ماخش ابراهيم ببدله سودا وملامحه الرجولية ولحيته وتكشيرته وشعره ومشته وطول وسمريته
وصل لعندها:مبروك
جنات حست بشي غريييييييب 💔
تتبع………

لقراءة الجزء التالي : الجزء الرابع من رواية سرقت قلبي

لقراءة الجزء السابق : الجزء الثاني من رواية سرقت قلبي

للإطلاع علي فهرس اجزاء الرواية : رواية سرقت قلبي ( جميع الأجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى