وفي الجزء الرابع من رواية سرقت قلبي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الرابع من رواية سرقت قلبي
جنات حست بشعور خيي ممزوج بفرح ومش عارفه انها فرحانه او خايفه او متوترة توكلة ع ربي وخلاص 
وبعد ركبت معاه ف السيارة
ابراهيم طووول ساااكت ووقفتهم سيارة فيها سكرانين واغني وصلات لاخر الشارع منها
جنات خافت: ابراهيم
ابراهيم وسيب الباب متع السيارة مفتوح ونزللهم كانو صحابه سكرانين واغاني
ابراهيم فتح سيارة صاحبه من الخلف ع اساس الخطه وطلع شيشه فيها مادة صفرا سكير
جنات ايدها ع فمها تشوف ف ابراهيم يشرب:ي يسكر
ابراهيم يشرب لكن قعععد بكامل وعيه وشرب شرب وحدف الشيشه وركب معها
جنات بصدمه:انت سكران
ابراهيم ابتسم وساكت وزاد السرعه
ووصلو للحوش
ابراهيم شاف جنات:تصدقي انك حلوة لكن اليوم مش مقرب ولا رح نمسك امشي امسحي لـ في خليقتك وولو حاولتي تغريني بجسمك وشكلك ممكن ممكن…قاطعاته
جنات ونزلت وهي بكاااامل صدمتها ودمعه ف عيونها:هو سكران سكران الكلام مش منه هو حااابني ..وخشت اللحوش بهدؤ بعد الدوش
..وخشت اللحوش بهدؤ بعد الدوشمن وراى الباب
بدووون وطوول الدوش وهي تبكي:يسكر رح نكمل عمري مع واحد سكار علااااش وبكت بكت بكت بكت
وطلعت لابسه بيجامه عرايسه بيضة ومع مكياج خفيف تخفي بيه عيونها من البكي وطلعت كان ف الصالة كندرته ف جهه والقرواط ع الارض ف جهه وجاكية ف جهه
ابراهيم شافها وابتسم
جنات نزل خدت الكندرة من الارض
ابراهيم شافها:اوووو عرفتي مقامك الدم يحن علاش قمتها الكندرة ي كندرة
جنات مع روحها هدا مش سكران 
لو سكران ف ريحه ف الغرفه او انه دايخ وخدت الكندرة وخدت الجاكيت وخدت القرواطه ..وتلفتت بتمشي
لو سكران ف ريحه ف الغرفه او انه دايخ وخدت الكندرة وخدت الجاكيت وخدت القرواطه ..وتلفتت بتمشيابراهيم وقف:اي صح بنسااالك بس
جنات تلفتت:نعمم
ابراهيم يشوف ف البيجامه ع جسمها: اول مرة تلبسي بيجامه حرير ومريحه زيها صح اي صح انتي تلبسي ف ملابس يعطوك فيهم الناس ص د ق ه صح صدقه وشفقه
جنات :انت مش سكران
:انت مش سكرانابراهيم ضحك بهزوة: سكراااان
جنات تلفتت بتخش لدار النوم: محلاه ملابسي لو خدهم عليك وعفكرة ملابسي محليينك
جنات خشت وصكرة الباب بهدؤ وقعمزة وراى الباب ومنهااااارة لكن منزلتش ولا دمعه
ورقدت وتاني يوم ناضت وطلعت لصاله ع طول
ابراهيم فايق:فطوري توست بمربى فراولة ومعاه نسكافيه ساده وبسرعه (شافلها )انصراف
جنات رجعة لغرفتها لبسة توتة من ملابسها بيضا وسودة ولبسة فوقهم وشاح وطلعت
ابراهيم شافها لم اتجهت للمطبخ:مززززال ماشفتي شي
جنات جهزت التوست والنسكافيه وخدتهم ليه وهي بوشاحها
ابراهيم يشوف ف منضرها: انتي من عيلة مش زي عيلتي بنسالك قبل ماتجهزي الفطور غسلتي ايديك وغسلتي الصحون والكاسه
جنات ابتسمت: غسلت
ابراهيم ابتسم بستفزاز: توا امشي افطري انتي وياااريت تاكلي بشوية عشان متنخنقيش لانه الموجود عندي ماعمرك شفتيه عندكم
جنات ابتسمت:اممم حااق كلامك صح لشفته ف تلاجتك ماعمره شفته ف تلاجتنا بلكميه هادي لكن صدقني عيني شبعانه ومن اليوم….قاطعها
ابراهيم: اي اني مطلبتش رايك انصرفي 
جنات: اني عندك بصفتي شنو؟
ابراهيم ضحك بهزو:ههههههه غبيه معرفتيش ي عيوني بصفتك لكن يلا نقولك بصفتك شغالة وببلاش عندي ومع الوقت ممكن تصيري ملكي وتحت ايدا..ووقف
جنات اطربق كففف: مستحيل حتى ف حلمك صدقني نقتل روحي قدامك ولا يمسني شخص منافق زيك
ابراهيم يشوف لجه التانيه بسبب الكف ووجها احمر اووول كف ف حياته وشافلها بنظره تقتل:صدقيني الكفف هدا رح يجيك مني زي الصاعقه لكن من اعمالي لمعاك ومش بضرب لاني راجل ومستحيل نمد ايدي ع بنت ولو شفتيني ماد ايدي ع بنت وضربها اعرفي انها تهمني اوكي وعيشي وشوفي
جنات معادش قدرت تخفي دموعها وتللفت وخشت للغرفة
جنات مسحة دموعها: مستحيل نبكي مستحييل
ابراهيم فتح الباب وخش فتح دولاب وحول التيشرت متعه
جنات طلعت وصكرت للباب
وطلع ابراهيم وهو مغير ومدوش وطلع
جنات خشت للغرفة خدت السفرة متع الفطور وكان فااطر وولا على باله 
جنات حولت الوشاح وحطاته بعنف: رح تشوف بااستغزازي مني رح ينتقم بطريقه احلا ي ابراهيم
ابراهيم طلع وكانت امه جاياته: صباح الخير
فريال:صباح النور شنو فرحت بها هي هادي لميت علها
ابراهيم: مزال ع ووجودها معاي شهرين وتسعه وعشرين يوم وتمشي تحملها
بشرى اخت ابراهيم الكبيرة شافتله:انعممم
ابراهيم:امك تشرحلك
بشرى:تلعبوو بلبنت انتم
جنات عدلت السرير وملابسها وملابس ابراهيم وجهزة الفيلو عشان ياخدوه وشافت من الشباك امه ااخته
جنات حولت الوشاح وفتحت شعرهاا بس ومع مكياج من امبارح عدلاته وبس
ططططق طططق
جنات طول اليوم ابتمسمتها ع وجها ورحبت بيهم وبشرى فهمت كلل شي
فريال طبعاا مسالت شي ع ليلة امبارح
#تسريع بعد مرور اسبوع
ومرر الاسبوع زي السم ع قلب جنات وكل الفترة هادي عايشه معاه وهي بوشاحها وتوت المستورة
تاني يوم
جنات فاقت وهي دااايخه شدت راسها: اااه
ابراهيم وراى الباب كان يبي ياخد ملابسه سمعها تتوجع فتح باب بهدؤ ويشوفله شاده راسها
جنات عاطياته بضهرها وشاده راسها ووقفت وهي تتوجع وفقدة توزنها وطاحت ع الارض وراسها جي ع زواية السرير
ابراهيم قرب بسرعه قام راسها وهو يشوف ف الدم ع السرير يضرب فها ع خدها: جنااات ج جنااات فيقي جنااات .. فتح الدولاب خدي عبايتها ووشاح اسود ولبسها وخدي كمية كبيرة من قطن وداره ع راسها وطلع بها وهي ف حضنه للمستشفى
ووصلو المستشفى
الدكتورة طلعت: انت قريبها
ابراهيم حك جبينه بتوتر : هي هي مرتي
الدكتورة: اهااا خيرك هاملها مرتك للعلم هي من اسبوع مش واكله شي الواضح انها ف اشي بسيطه او حلوة هدا سبب دوختها لكن شن سبب الفلق لفي راسها
ابراهيم سكتت وطلع وسيبها
ابراهيم ركب ف السيارة:اني نبي ننتقم مش نبي نقتلها حتى (ضرب الدومان ) اني نبي نطلقها ومانبيش ولا علامه ع جسمها ادكرها فيني الززززززفت..ويضرب ف الدومان
جنات فاقت وهي تبكي بحرقه جنبها ف عزوزه مريضه
العزوزة:خيرك بنيتي موجوعه
جنات تبكي بحرقه وراسها ملفوف عليه الضماد
الممرضه جتها تجهز ف مهدى
جنات:مانبيش بعدي بللهي عليك مانبيش اني نبي امي بس بللهي عليك جيبولي امي
ابراهيم نزل وخش للمستشفى واول ماخش شاف الدكتورة قدامه
الدكتورة: زوجتك تبي امها
ابراهيم طلع وهو ساكت:امها تي اني الى اليوم مش شايفها امها ولا نعرفها..ركب ف السيارة وصل لحوش هل جنات وطق ع الباب وفتحتله وحدة تمشي بلقيلات
ساميه:اهلا ابراهيم كيف حالك
ابراهيم سلم علها:انتي ااه قصدي الحمدلله كيف حالك انتي
ساميه:تفضل خش وين جنات
ابراهيم بصدمه انه امها شبه عاجزة:جنات قصدي لا البسي بناخدك لجنات هي تبيك
ساميه ابتسمت:تعباتك مفروض هي جت وخلاص
ابراهيم يشوفلها ملامح وجها كانت بيضا ووضح من شكلها طيبه وابتسمه مافرقتش وجها
ساميه:مناخركش ولدي تفضل نضيفك حاجه وخلي نلبس اني تفضل
ابراهيم:صحيتي وللهي مستعجل
سامية:حاضر يلا..وخشت
ابراهيم جاه فضول يشوف الحوش حول كندرته وخش وجت قدامه صورة بنت صغيرة تجنن قامها وكانت ملامح جنات وهي تضحك ولابسه قفطان فيه ورد بجميع الالوان وكان عمرها سته سنوات تقريبا تضحك بهستريا وواضح انه اللقطه بصدفه تجننن بريئه وقعده الصورة ف ايده لعند ماطلعت ساميه ولابسه عبايتها
ساميه شفاته سرحان ف الصورة:هادي مرتك لم كانت صغيرة عفريته كانت مش هادية زي توا توا متغيره
ابراهيم ابتسم:ومتغيره عن قبل هلباا
ساميه:اي
وطلعوو وابراهيم حكالها انه جنات دايخه وهي ف المستشفى
ولم وصلو للمستشفى خشت ساميه بس وابراهيم قعد برا
بعد دقايق جنات مع امها هدت شوية لكن ماتتكلمش نهااائي
ابراهيم خش للغرفة لكن تفأجا بووجود تللته دكاترة
ابراهيم يشوف ف الدكاترة التلاته وتلاته:خيرر
دكتور عادل:حني بنقدمو شكوه عليكي استاد
ابراهيم شاف لجنات بعصبيه
جنات تفاجاة بكلام الدكتور:عفواا
الدكتور علي قرب من ابراهيم: بنت صغير كيف تقدر تضربها المستشفى كله سمعت بلقصه
ابراهيم بعصبيه:انت شننن دخلك فهمني
الدكتور علي: ارحم من ف الارض يرحمكم من ف السماء
ابراهيم لم سمع العبارة هادي حس بها
الدكتور علي طلع تلفونه:حني قررنا نقدمو شكوة فيك..وكلع الهاتف
ابراهيم معرفش شنو يرد كلام الدكتور كله صح
جنات قعمزت وراسها يدور:بدون شرطى لو سمحت
ابراهيم شاف ف جنات وقال مع روحه. كادبه عليهم وع اساس اني نضرب فيك ماتوقعتش تكدبي وراى الوجه البري هدا وحده كدابه…شاف الدكتور:جيب الشرطى
دكتور علي طلع هاتفه وساكته
جنات بنبرة باكيه:يكدبوو ي ابراهيم كدب اني دخت بس هو مضربنييش
ابراهيم بااستغراب ومش فاهم شي
جنات ايدها ع راسها شافت ابراهيم:الكلام مش مني صدقني ف شخص فهم غلط
دكتور عادل:البنت محرومه من الماكله تقدر تنكر الكلام
ابراهيم يتكلم
جنات:اني دايره دايت وبعدين انتم شنو دخلكم ومن قاللكم
ابراهيم بعصبية:هي مرتي انتم شنو حاشركم ومنين الكدب جايكم ولا تبو تفتحولي قصة جديده هني
عادل كلم الشرطى وطلبهم وفعلا بعد وقت جو الشرطى
ابراهيم:اطلعو نتفاهمو برا بللهي مش ضروري كلكم تتفرجو ع مرتي مش سبله هي ( شاف جنات )نوضي انتي مافيك شي نوضي لسيارة
جنات وقف وايدها ع راسها ووركبت مع امها لسيارة
ووصلو الشرطي ولم وصلو عرفوو ابراهيم
الشرطى شاف ابراهيم: احترامي
عادل وعلي شافو بعض
ابراهيم:فضحو بيا توا هي لكن يكلب انت ويها مش رح نسكتلكم تتبلو فيا وبعدين هي مرتي نضربها نقتلها ي ملكيي ومش رح نسكت
الشرطي:سيدي شن صاير
ابراهيم:مافي شي انتم امشو هدا افتراء
الشطى طلعوو
ابراهيم بعصبيه:ع الفضيحه هادي مش رح نسكت رح تندمو
علي:لـ ريحك ديره حني دكاترة
ابراهيم بصوت عالي وعصبيه ضربه بوني:دكتور تعلج الناس مش تقصقص
علي وقف ويمسح ف الدم من فمه:رح نشكي فيك
ابرهيم قرب بهزوة:ماننصحكش تشكي فيه لاني اني ضابط ولو نعرف انك شكيت فيا رح نسجنك واسأل عليا اسمي ابراهيم الحسن واسأل ع اسمي ف اييي مركز تمام ي دكتور ..وطلع
ابراهيم ف السيارة:هزوة
جنات:اني ماقلت شي
ابراهيم يسوق محبش يتكلم قدام ساميه ززززاد السرعه
جنات كانت متمنيى انه امها تروح لحوشها عشان تتفاهم مع ابراهيم
ووصلو للحوش جنات نزلت ونزلت مع امها وخشوو وابراهيم خش المربوعه
جنات شافت من الشباك انه خش للمربوعه وبدت تمشي بشوية بشوية وامها ف وقتها تصلي ف الضهر خشت المربوعه صكرت الباب نصه وقفت قدامه
جنات لابسة وشاحها وبتوتة قدامه تبي تاقاهم معاه وبتخش بسرعه قبل ماتكلمل امها صلي
جنات اشوف ف ابراهيم لمنزل راسه ونتعصب:اني ماقلت شي صدقني
ابراهيم وقف ووجها احمر:من كااادب عليهم غيرك تبي تلعبي معاي بلكدب صدقيني ناري كبرت اكتر رح نخليك تندمي ندمت عمرك
جنات:اني شن درت شن سبب كرهك ليا
ابراهيم:مزاج انتي لدرتيه حتى اعدائي مدروشي
جنات:شنو لدرته لاني وقفت قدامك وهزبتك انك شرطي فاشل ولا عشان كلمتك ع المسدس ولا عشان وقاحتك ولا عشان انت….قاطعها
ابراهيم بعصبيه:ضمييي فمك تعرفي نكرهكك لو نقدر نخفيك من دنيا هادي مقصرت لكن نحب نقولك انه اليوم اخر يوم تشوفي امك فيه
جنات بدون وعي شدت مرفقه:ردد بالك توصل ف ماما هي مريضه مستحيل تتحمل هي عندها السكر وعندها ايعاقه اني اسفه وصدقني معادش رح نكلمككك طوول عمري ولا رح نزعجك واي شي تبيه نديره لكن ماما ماتوصلش فها (قامت ايدها وحطتها ع لحيته ) اسفه اني
ابراهيم استغرب من حركته
جنات شافت امها كانت ف الباب ولم شافتهم مقربين من بعض رجعت داخل:ماما كانت ع باب اني مش حابه نمسك متصدقش روحك ي عموو..وطلعت
بعد مرور يومين
ططق ططق ططق
جنات فتحت الباب:اهلاا بشرى تفضلي خشي
بشرى خشت وعندها زوز بنات:خشو
جنات باسة البنات:شن اسمهم
اشتياق عمرها اربعه سنوات تجنن:ني استياق
جنات:محلاك ومحلا اسمك وانتي
عهد خمسه سنوات :ني عهد
جنات باستمهم:ربي يحفظهم تفضلوو
وبين الهدرزة العادية
بشرى:اا جنات ممكن سؤال
جنات:تفضلي
بشرى: ابراهيم كيف معاك اسمعيني هو خوي ونعرفه ماتكدبيش عليا
جنات:اني مستحيل نكدب عليك خووك عصبي بشكل مش عادي ويلا في النهاية هو زوجي ع كل حال وهدا نصيبي
بشرى:اني نعرف كل شي هو متفق مع امي
جنات:حسيت حتى امك من الاول مش متقبلتني
طططق طططق
جنات لبسة الوشاح وفتحت الباب:تفضل عندنا بشرى داخل
ابراهيم مدلها كياس فيهم فواكه:دخليهم..وخش لصالة
جنات دخلتهم وخشت لصالة وهي لابسة وشاحه وحني نصدمة بشرى وابراهيم حس بشبحات بشرى وشاف لجنات لتوترة
جنات حولت الوشاح
ابراهيم لم شاف جنات بتحول وشاحها وقف:اني نستاذن خليكم مع بعض
بشرى:خليك
ابراهيم:لالا بنطلع شن بيقعمزني معاكم…وطلع
بشرى:هدا شنو انتي تتحشمي منه
جنات توترت وساكته: لاااا شن نتحشم منه
تتبع
لقراءة الجزء التالي : الجزء الخامس من رواية سرقت قلبي
لقراءة الجزء السابق : الجزء الثالث من رواية سرقت قلبي
للإطلاع علي فهرس اجزاء الرواية : رواية سرقت قلبي ( جميع الأجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
