الجزء الثامن من رواية اريدك انت

وفي الجزء الثامن من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .

الجزء الثامن من رواية اريدك انت

حسام خلا اشغاله كلها و مشو لي بيت ناس نور ،،، نور كانت فرحانه انه ابوها راجع  كانت بتنطط و مبسوطه و زي صلاة الضهر جو داخلين نور جرت عليه حضنته  و بكت هو زاتو بكى معاها قال ليها كيفك ي بتي ،، قالت ليهو انا تويسه ي بابا انت تاني م ح تمسي متان صح ،، قال ليها ايوة صح ،، قالت ليهو بس انا ح امسي لانه انا علست حتام  ،، عوض انصدم وكان واضح انه زعل شديد قعد و قال لي وصال انه تجيه جوة مشت ولحقتها حسينه قال ليهم ده شنو البتقولو البت دي ،، قالت ليهو حسينه حسام ولدي ،، وصال قالت ليهو ي حاج ح نعالجها و ،، قال ليهم تعرسو لي نور من دون رضاي ،، في اللحظه ديك دخل حسام ماسك نور وهي كانت مبسوطه شديد ظاهر عليها قعد وقال ليه امه و وخالتو وصال الضيوف بره ممكن تطلعو انا عاوز اتكلم معاهو  ،، طلعو و عمو عوض قال ليهو انت منو ،، نور قالت ليهو ده حتام  ،، ابوها شافها مبسوطه وهي بتنطق اسمه تعصيبه خفه و قال لي حسام فهمني ،، قال ليهو انا يوم العرس م كنت عارف انه نور عيانه شفتها في الصور الورتني ليها امي و عجبتني و وافقت اتزوجها كان مفهمين نور انه م تتكلم معي بس هي اتكلمت وانا عرفت انها عيانه بس تميت العرس و سقتها دبي صراحه ي عمو عوض انا بحبها شديد والله نفسي اعالجها و اعيش باقي عمري معاها  ،، عمو عوض اطمئن شوية وقال ليهو كمل ،، قال ليهو امي و خالتو وصال فكره بي قلوبهم عشان كده عرسو لينا بالطريقه دي بس انا م زعلان لانه لو م الطريقه دي م كان قابلتها ولا حبيتها وانا عارف كل الحصل وحاسي انه حسن ورى الموضوع ده و عمونا انا القروش مجهزها ح اديها ليهو 

عمو عوض قعد مع نور قال ليها احكي لي ي بتي انتي فرحانه ،، قالت ليهو ي ابوي حتام ده حلو و بديب لي سوتلاته و حلاوة و م بهليني انوم في الدلام وتل م يتون طالع ببوتني (بجيب لي شوكلاته و حلاوة و م بخليني انوم في الضلام وكل م يكون طالع ببوسني فضحته) ،، ضحك وقال ليها طيب تقعدي معانا و م تمشي معاه (كان داير يشوف رأيها)،، قالت ليهو لا بمسي مع حتام ،، ضحك وقال ليها سمح …..طلعو بره في اللحظه ديك جاء داخل و قال ليهو اوووووووو حمد لله على السلامه وعاين لي نور ،، نور جرت و ادست ورى حسام و

نور جرت و ادست ورى حسام حسن قال ليها معقولة لكن ي خطيبتي تدسي مني و ي نسيبي حمد لله على السلامه ياخ،، حسام قال ليهو احسن تحترم عمرك عشان م اتصرف تصرف م ينفع ونور بس مدسيه بي وراه ،، حسن قال ليهو خطيبتي و بنتفاهم مالك انت ،، حسام قال ليهو مرتي و لو عاوز تتفاهم اتفاهم معي ،، نور عاينت ليهو وقالت ليهو انت واحد سين و م حلو تمان ،، قال ليها هههههه مقبولة منك ي كتكوتي ادسي وراه كلها ايام و تبقي مرتي ،، حسام م قدر يمسك روحه و مسكه دقاه نور خافت منه و جرت حسام قال ليهو اتفضل بره ،، حسن م صدق انه فكاه وطلع طوالي بقى بفتش على نور م لقاها عمو عوض قال ليهو بهناك في الغرفه ديك مشى خش ليها لقاها ضامه رجولها عليهو قال ليها نوور ،، رجعت لي ورى وبقت تعاين ليهو ،، قال ليها مالك ي نور خايفه مني ،، قالت ليهو انت تديته ،، قال ليها لانه غلط ي نور ،، قالت ليهو هلاص انا م ح اغلط عسان م تدني ،، حسام زعل لانه اتهور وهي خافت قال ليها انتي حتى لو غلطتي علي م بدقك ي نور قالت ليهو وأد ،، ابتسم قال ليها وعد 

طلعو ونور كانت مبسوطة و اغلب الوقت قاعده مع حسام  خلص اليوم و رجعو نور كانت مبسوطه شديد ونامت وهي بتضحك في حضن حسام باسها على جبينها وقال ليها جاء دورك انه تتعالجي مع انه حبيتك كده ومستعد اكمل معاك كل عمري كده وانتي طفلة بس يلا لازم ترجعي زي زمان  باسها و نام  الصباح صحى حسام قال ليها يلا ح اوديك تقعدي مع امك و ابوك وانا بعد اخلص بجي بسوقك وعندي ليك مفاجأه فرحت قامت جهزت ومشى وداها سلم عليهم ولمن خلاص طالع نور قالت ليهو حتام ،، قال ليها ايوة ،، اشرت ليهو بي يدها بمعنى تعال،، قال ليها ايوة احكي ،، قالت ليهو م بتني الليله على دودمي( م بستني الليله على جضومي) ،، حسام ده م عرف يودي وشه وين و عمو عوض وخالتو وصال كتمه الضحك و دخلو جوه ،، قال ليها كده ي نور تحريجيني قدام اهلك بوريك بعدين باسها على خدودها الاتنين و طلع  عمو عوض و خالتو وصال انبسطو شديد و عرفو انه حسام الزول المناسب ليها 

بعد رجع حسام و ساقها قال ليها انا الليله موديك مطعم وبعده المفاجأه  مشو وطلبو بيتزا كبير و اتنين مشكل اكلو وكانت نور بتوسخ روحها في الاخير حسام قعد جنبها وبقى يأكلها و ياكل هو بعدها و اذا وسخت روحها بقشه ليها  قالت ليهو يلا وليني  (وريني) ،، قال ليها اشتقتي لي دبي ،، قالت ليهو اي اي  ،، قال ليها ح نمشي هناك نحنا في نهاية الاسبوع  ،، نطت فيهو وحضنته كل الفي المطعم اصلا نفسنو من هو بأكل فيها ف لكم ان تتخيلو م حدث لي مشاعرهم  ،،، بليل بعد نور نامت حسام طلع تلفونو و اتصل وقال ليهو بكره قابلني وقفل الخط ونام ،، الصباح نور اصرت تمشي لي اهلها قال ليها طيب يلا بينا  وداها و بعد وصلها قدام امها و ابوها باسها على خدها وطلع 

حسام قاعد في الكرسي و بحسب في الدقايق منتظره يجي اول م جاء قال ليهو واخيرا شرفت ي حسن ،، قال ليهو ايوة قلت كفاك من قبيل بتكون قاعد  ،، قال ليهو انا جبت ليك القروش و ح تاخدها و تزح من طريقنا انا و نور ،، حسن انخلع وقال ليهو لا لا ي زول انحنا كان الاتفاق انه خمس شهور و تمت ،، قال ليهو فعلا تم الاتفاق و جابو ليك القروش وانت شلتها كمان و انت الخليت نور تفقد الوعي ،، حسن قال ليهو انت ج جنيت ي زول م انا العملت كده ،، قال ليهو نور اتذكرت و كلمتني ،، قال ليهو كلمتك شنو بس انا لمن

☆يتبــــــــــــــــــــــــــــــــــــــــــــع☆☆

لقراءة الجزء التالي : الجزء التاسع من رواية اريدك انت

لقراءة الجزء السابق : الجزء السابع من رواية اريدك انت

للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح

جميع حقوق الرواية محفوظة للكاتبة نوحه صلاح