الجزء

الجزء الثاني عشر من رواية ظلموني

الجزء الثاني عشر من رواية ظلموني

وفي الجزء الثاني عشر من رواية ظلموني وهو الجزء الأخير من الرواية هل ستكون النهاية سعيدة يا تري ام حزينة ؟ دعونا نعرف إجابة ذلك في السطور التالية بإذن الله مع الكاتبة زهرة الشيخ .

الجزء الثاني عشر من رواية ظلموني

اول ماوصلو للبيت كانو مازال ع السفره
قصي : شادها من شعرها سلوى سلوى
سلوى: شن في اطلق البنت شن دارت
قصي : تبي تعرفي شن دارت بنتك الصايعه لي مش متربيه
يوسف : قصي احترم نفسك
قصي: الماس كانت تطلع مع الياس وكل يوم وكل الشهور مامشتش للمدرسه كانت تطلع مع المتعاطي ولدك
يوسف :كيف
الماس: تبكي
سلوى: مستحيل بنتي ماديرها
يوسف : هوا سامعه ه الكلام من قبل جارنا قاله وكدبته وماتوقعت الماس الطفله دير هدا الشي
الماس : شدت بطنها تبكي ااااه بطني بعد عني بعد
سلوى: بنتي
خش الياس
كلهم:😳
الياس : خش زي التور الهايج ضرب قصي لين طاح ع الارض وقعد يضرب فيه ومحمد يضرب في الياس من الخلف
الماس : تبكي
الياس : حول عنهم ومشى عند الماس خيرك حبي شن فيك
ناض قصي جبد الياس يضرب فيه ومحمد جبد الماس لين طاحت ع بطنها وداخت ويضرب فها محمد
الياس : بصوت عالي بعد عليها حرام اعليك الماس حامل
كلهم انصدمو
الياس : قعد يفيق في الماس مافاقت
الياس : تعرفو لو صار شي في الماس ولا في ولدي اعتبرو اروحكم ميتين كلكم تسمعو فيا ورفع الماس مشى بيها.
.
.
عند ريماس اتصلت ب فهد
فهد : صباحوو
ريماس : صباح النور
فهد :كيف حالك توا كنت بنجيك بعد نروح
ريماس: باهي احسن اها حتى نا كنت بنجي لدوره
فهد: فرح اا بتبدي خلاص بتجيبك نسرين ولا نجيك
ريماس: لا توصلني نسرين هي تو بنجي
فهد : تمام
بدلت ريماس ونزلت لقت نسرين تقطع ف الخضره
ريماس: هاتي نا نكملك
نسرين : لا طيبي العشا الغدا خليه عليا
ريماس: اوك تمام نحسابك فاضيه توصليني لاكن تو نمشي نكلم فهد
نسرين : لا بلله تعبناه الولد في جرتنا ساعدنا هلبا ساد تو نكلم احمد يوصلك ف طريقه وفرحانه انك فكرتي في كلامي
ريماس : تمام تسلميلي
عند سلوى
سلوى : مشت لغرفتها بدلت ونزلت بتطلع
يوسف : ع وين
سلوى: بنشوف بنتي
يوسف : تطلعي برا البيت معاش تردي وماليك مكان بينا ساد انه بنتك جابتلنا العار حتى الجيران روها
سلوى: هه نسيت ولد
يوسف : انا كلامي واضح بتقعدي ولا بتمشي لبنتك
سلوى: بنمشي
يوسف: انتي طالق
سلوى: تجمعو الدموع ف عيونها تبكي وطلعت
خدت تكسي وتتصل ب الماس ماترد امشت لكل المستشفيات مالقتها
صاحب التكسي : لوين توا قوليلي نوصلك
سلوى : نزلني هنا وهاك لحساب
نزلت وتشوف يمين ويسار تبكي تبي تطمن ع بنتها بس
سلوى: وين بنمشي ماعندي حد اها دكرت مشت تتمشي لين وصلت فم بابهم بيت امينه المرحومه خبطت مافي حد فتح
طلع جارهم
الجار: ع وين يا بنتي البيت مافيه حد
سلوى: ك كيف مافيه حد وين امينه
الجار : عطاتك عمرها ماتت ليها شهرين
سلوى: تبكي وطاحت ع الارض وتبكي كله مني مشيت تزوجت وعشت حياتي ولا مره ماقلت نجي نشوفك لين متي يااام سامحيني وتبكي
الجار : ربي يصبرك بنتي وبيمشي
سلوى: ناضت استنى ستنى ياحاج والبنت السمرا لي معاها وين
الجار: قصدك ع ريماس جت مرا رفعتها معاها من يوم فراق العزا ماريتها
سلوى: بدت تدكر كيف كانت تعامل فيها وكيف ريماس كانت تحبها وكيف امها امينه تنصح فها وتقوللها ماتخربي الماس وماتفرقي بينهم وهي ف الاخير ماعندها حد غيرك بعدي
طاحت سلوى مره تانيه وتبكي
عند الياس
رفع الماس لبيته وتصل بدكتور صاحبه يجي يشوفها
الدكتور : تو تاخد دوها وتصير احسن رد بالك عليها بس
الياس : تمام
طلع الدكتور وهوا راجع سمع تلفون الماس يرن
الياس: الو
سلوى: الياس طمني عليها الماس كيفها ها احسن
الياس: اي احسن
سلوى: وينكم انتم
الياس : مانقدرش نقولك
سلوى: اطمن انا اطلقت وتوا حاليا ف الشارع مابنقول لحد نبي نطمن ع بنتي ونرجع
الياس : وين بضبط انتي
سلوى: ف شارع ……..
الياس : تمام تو نجيك
بعد ربع ساعه وصل عندها ركبت معاه سلوى
سلوى: ليش هكي يا الياس شن دارتلك الماس بيش تغلط فها
الياس: انا مغلطش انا وياها نحبو بعض ومادرنا شي غلط وبعد تجيب تو نتزوجها
سلوى: اصلا كل المشاكل انا سببها وتبكي
الياس:🙄
وصلو وطمنت عالماس
عند ريماس
وصلت للمستشفى
وبدت في اول درس وكان كل لي في بالها انها تحقق احلام جدتها
وفهد : واقف معاها ومش مقصر
بعد مرور4شهور بضبط وع نفس الحاله
ريماس نجحت وحصلت ع شهادة التمريض وبدت تشتغل مع فهد وتعلقو ببعض هلبا لاكن مازال ماعترف فهد ولا هي عترفت بحبها
الماس : في شهرها السابع وسيبت كل شي وكل تفكيرها الياس ولي ف بطنها
الياس : زادت عليه المسؤليه وزاد عليه الشغل ومطلوب والشرطه دور فيه هوا وصاحبه انس
فهد : حكا لامه عن ريماس وكل شي عن قصتها وكيف تعرفو ويبيها تخطبها ليه ف اقرب وقت
سلوى: كل يوم تدكر كلام امها وكل يوم تحس بتأنيب الضمير ولا يوم رقدت مرتاحه وفوق هدا الشي كله دور ع ريماس تبي تشوفها
ف المستشفى
فهد : ف المكتب
الباب طق طق طق
فهد تفضل
ريماس : خبت وجها ب الملف اسفه ع التاخير دكتور سوووري
فهد: مات بضحك ع حركات ريماس الطفوليه لالا ضروري عقاب هدي ثاني مره
ريماس: حي حي ع الكدب هدي اول مره
فهد: اخرتها طلعت كداب
ريماس : قصدي
فهد: قصدك😏🤨ورفعلها حواجبه
ريماس: هههههه
فهد : خشي خشي عندنا حاله اليوم
ريماس: اممم خشت باااه ان شالله بشفاء
فهد : ان شالله ويشفيني يا ربي
ريماس: خافت خيرك فهد مريض ولا شن فيك
فهد: اي بكل كان ريتي مانرقد اليل
ريماس: قعدت ع الكرسي خيرك شن فيك شن يوجع فيك
فهد: قلبي يوجع فيا وغمزلها
ريماس:😂😂😂😂😂 فهمت عليك
فهد: واخيرا فهمتي عندك علاج ليه يا دكتوره
ريماس: لا ماعندي
فهد: عطاها السماعه اسمعي نبضي كان طبيعي ولالا
ريماس: ههههه رفت السمعه وحطاته ع قلبه وبدت تسمع خيرك امالا كنت تجري
فهد: اول مانشوفك يبدا يجري
ريماس: 😂🤦🏼‍♀️بااارد نوض في حاله تستنا فيك
فهد : باااه تو نوريك
خشو ع الحاله بعد كملو
فهد: ريماس
ريماس: تنظم ف الادوات نعممم
فهد: خلي لي في ايدك تعالي ننزلو اشربي معاي كاسة قهوى
ريماس: تمام
نزلو للكفتيريا
قعدو ع الكراسي وطلب قهوى وريماس طلبت عصير كوكتيل
فهد: ريماس بنقولك حاجه
ريماس: ها تفضل
فهد: ا انا مانقدر نخبي اكثر من هكي
ريماس : شن تخبي
فهد : اني نحبك اي نحبك يا ريماس وعارفك مش متاع حب وخطبه وزواج عندك احلام تبي تحققيها بس انا مش حنقيدك
ريماس: بس
فهد : بس شن احكي
ريماس: نزلت راسها مش عارفه شن بنقولك
فهد: رفع راسها بيده لا قولي لو ماتبيني عادي مابنتغير عليك ولا شي بس ياريت لو توافقي حبيتك بصدق حتى الوالده حكيتلها عليك
ريماس: نفكر ونرد عليك
فهد : خودي راحتك بس اليله نبي الجواب
ريماس : تمام
بعد كملو
ريماس : اتصلت بنسرين جتها روحت بها وطول الطريق ريماس تفكر
اول مانزلو مشت لغرفتها بدلت ونزلت مشت للمطبخ تقطع وطيب ف العشا خشت عليها نسرين
نسرين: الحلو شن يطيب
ريماس: طبيخه وبيتزا
نسرين: سلم بنتى الفالحه
ريماس: ههههههه
نسرين: كيف جو الشغل والمدرسه اليوم
ريماس: الحمدلله
نسرين وكيف حال فهد اليوم
ريماس: اا حاله باهي
نسرين: الحمدلله خدت كاسة حليب وبتطلع
ريماس: استني ماما
نسرين: شن فيك اصلا اليوم مش ع بعضك
ريماس: اممم بخصوص فهد قال يبي يخطبني وعجبته
نسرين: والله وانتي شن رايك والله انه راجل وماشالله عليه
ريماس: اي عارفه بس
نسرين: بس شني وين تحصلي احسن منه وفوق منها يحبك
ريماس: يعني نوافق
نسرين: من رايي وافقي زيه مش حنحصلو بس الراي رايك انتي في الاخير
ريماس: خلاص تو غدوا نكلمه
نسرين: يعنى لي سمعته منك انه موافقه
ريماس اي
نسرين: حضنتها والف مبروك وربي يهنيك
ريماس: نزلت راسك متحشمه تسلمي
كملت العشا وتعشو وغسلت اماعين العشا
وخشت لغرفتها لقت رسال حب من فهد
ريماس: بدينا
اتصل بها فهد
فهد مازال صاحيه
ريماس اي
فهد تعشيتي
ريماس اي وانت
فهد مازال نستنا ف الرد
ريماس امممم وكان مش موافقه مابتتعشى ولا كيف
فهد لا ندير إضراب يومين والثالت ناكل
ريماس ههههه خزي
فهد ههه شن ردك به
ريماس تو نبعتلك رساله
فهد تمام نستنا
وصكر
ريماس بعتتله موافقه وقفلت التلفون
وفهد اول ماراها اتصل لقاها مقفل افففف تو نا نوريك
بعد مرور 3 ايام
فهد مع امه وخوه واخته المتزوجه مشو لعند نسرين طبعا بعد ماخدت فاطمه موعد مع نسرين
خشو كلهم ورحبت بيهم نسرين واحمد راجلها الرجاله خشو ف المربوعه
وفاطمه مع نسرين متشوقه تبي تشوف البنت لي ختارها فهد
بعد خمسه دقائق خشت ريماس معاها الضيافه ضيفت وقعدت تسال فها فاطمه وتجاوب وفاطمه عجبتها ريماس اخلاق واسلوب واحترام وحتى شكلا كانت عاجبتها
وختارو يوم للتلبيس الخاتم 💍 بعد يومين
بعد يومين ريماس مشت للكوافيره مع نسرين وطلعت تحفه ولبست 👗 فستان وتسريحه ومكياج خفيف
دارو حفله بسيطه بحظور شوي من اقارب نسرين وخالات فهد
كلهم يستنو فها ويقرمو قبل لاتجي لانه سمعو انها سمرا وتوقعو تطلع شينه
اول ماخشت ريماس كلهم مش مصدقين انها هيا وكيف بنت سمرا هك حلوه والخ
تعرفو العنصريه عندنا كيف 👆
خشت وكلهن جن باركولها
وخش فهد بيلبسها 💍 وحتى فهد مش مصدق انها ريماس متغيره 180 درجه وقريب يطير من الفرحه وريماس نفس الشي
مر كل شي ع خير وروحو الضيوف وقعد نسرين وبنات اخوتها يضمن ف الحوسه
وريماس من التعب خشت طول رقدت
وفهد قعد يتصل بيها لين رقد حتى هوا
ف الصبح
عند الماس
ماما: بطني توجع فيا بطني مش قادره
سلوى: شن واكله ولا شن رافعه شي تقيل
ريماس كان نندري ماسالتك
سلوى: باهي هك كلمي الياس يكلم الدكتور
ريماس :خدت منها التلفون اتصلت ب الياس
الياس :الوو
ريماس : ايوووا الياس بطني والله مش قادره نتحمل الوجع
الياس : ب باهي تو نجيك
بعد ربع ساعه جا الياس وريماس ع وشك انها تولد
الماس : تعيط وتنتف ف شعرها
الياس: رفعها وحطها ف السياره ومشى
وسلوى تدعي لربي انها تكون بخير
عند ريماس
ناضت بدلت وفطرت قلبها يوجع فها مشت للمدرسه وروحت مازال قلبها يوجع
البيت لي ساكن في الياس بعيد شوي ساعه ونص مع الزحمه بيش وصلو لي وسط البلاد داخل وكانت الماس بتولد خلاص وتضرب في الياس وهوا متحمل
الياس كانو عيونه ع الماس كيف تتوجع اول ماشاف قدامه شاحنه بوووووم خشت فيهم
.
.
.
روحت ريماس بدلت وفطرت وكلمت فهد يجها يمشو للعمل وطول الطريق ريماس شاده ف قلبها
اول ماوصلو
الممرضه : دكتور في حالتين في حاله خطيره مره بتولد خشت فيهم شاحنه بسرعه يادكتور
فهد : تمام هي جهزو غرفة العمليات ريماس كان قلبك يوجع فيك مازال خودي راحه
ريماس : لا عادي
وخشو ع الماس كانت كلها جروح وبتولد خلاص
فهد: ريماس عدي كلمي دكتورة نساء ولاده
ريماس : كلمت الدكتوره وخشت مع فهد وريماس تشوف لختها وسارحه فها
عند سلوى
وصلها اتصال ل و خبروها ع الحادث قريب جنت خدت مفتاح سيارة الياس الثانيه ومشت بها وقعدت تسال ع الطريق لين وصلت
سالت الاستعلامات ع الحالتين لي توا وقفت فم باب الغرفه قعدت ع الارض وتبكي
وفي نفس الوقت وصل اتصال لعند يوسف ع الحادث ومشى يوسف وقصي للمستشفى وقفو جنب سلوى يستنو ف الياس
عند الماس
ولدت ولد وكان اسمر البشره زي ريماس
وللاسف ماقدرو ينقذو الماس
ريماس: شن صار
فهد: متعصب بس راضي بامر ربي ماتت
ريماس : بكت من غير ماتحس
فهد : خيرك شن في
طلعت ريماس من الغرفه وفهد ورها ريماس ريماس
سلوى: اول ماسمعت اسم ريماس وقفت تشوف ف ريماس
وريماس : مانتبهت ل سلوى
فهد : شن في خيرد ريماس ولا قلبك يوجع فيك
ريماس : مانعرفش خيرني
سلوى: ا انتي ريماس
تلفتت ريماس وشافت لسلوى وزبطتها طول
ريماس : م من انتي
سلوى: انتي ريماس عز الدين
ريماس: ا اي
سلوى: شبحت ف ريماس من فوق للوطه بعيون مليانه دموع ضمتها بنتي ريماس انا امك امك سلوى يا بنتي
يوسف/ قصي / فهد: 😳🙄
ريماس: س س سلوى بعدي عني وتبكي وتوخر انتي مش امي انا امي ماتت يوم مشت تزوجت وخلتني بروحي يوم فرقتني عن اختي
سلوى: اي اي غلطت ونا نعترف كل شي درته ف الماضي غلط سامحيني يابنتي واختك اختك الماس داخل هي لي دارت الحادث انا صح فرقتكم بس نا نعتدر منك وسامحيني اسفه من اليوم مش حيفرقكم شي ف ه الدنيا
ريماس : اختي لي داخل
سلوى : اي
ريماس : ماتت وتبكي ماتت انا مش مسامحتك حتى شكل اختي التوام مانعرفاش ماتت قدامي وما نندري عنها من تكون وتبكي
سلوى: لاا بللهي عليك سامحني ساد عاقبني ربي ماتت امي ماريتها وماتت بنتي الماس ماعندي غيرك ريماس ماتسيبيني وتبكي لين داخت ورفعوها
ريماس : خشت ع الغرفه فتحت ع وجهه الماس تشوف ف ملامحها وفهد يشوف فها
الماس: صح عمرك ماحبيتيني وكنتي منقرفه مني ومن لوني ومش طايقه تشوفي وجهي بس نا من صغري كنت نحبك ومانشوفش ف حركاتك وياما ضربتيني وسبيتيني بس كبرت ونا نرسم في ملامحك انتي قطعه مني ومن روحي وتوا نوعدك انه ولدك حيكون قطعه مني ونسخه مصغره عني
فهد : ريماس ك كيف صار كيف مش انتي وحيده وامك متوفيه
ريماس : لا امي نكرتني امي تخلت عني بسبب لوني امي منقرفه مني واختي التوام نفس الشي صح انا يتيمة الام والاب بوي توفه وامي توفت ولي دايخه برا تكون لي جابتني بس مش امي ولو تعرف انه شكلي هك لو قتلتني قبل لا نجي ع الدنيا
عند الياس
حالته جيده وجت الشرطه ورفعاته خبرهم ع مكان انس وحكمو عليهم مؤبد وحاليا 2020/8/5 مازال ف السجن بس انس مات
بعد مرور سنه
تزوجت ريماس مع فهد و خدت ولد الماس تربي فيه وسلوى حتى هي سامحتها وخدتها تسكن معاها
يوسف وولاده اختفو ماسمعت عنهم شي الا انه محمد مرض وسافروه
وفي سنة2019تلاقت ريماس ب عمها علي كان مدكرينه في مدينه طرابلس
وريماس عندها ولد قمحي اسمه مهند وبنت بيضه سمتها الماس وولد الماس اسمه عز الدين سلوى سماته
.
.
النهايه
☆الجمال لا يحتكر لونً معين،، أو صفات جمالية معينة،،
الجمال شيئا لا حدود له أو تفاصيل ……
مجموعة ملامح تتكون،، فتعطي وجها من صفاء لا شائبه فيه
ولا عيب،، ولا شي يصفه سوي أنه جميل ومن إبداع الخالق .
1-انتي حلوة بجسمك المعبي ..
انتي حلوة لأنك طويلة وحلوة لأنك قصيرة
انتي حلوة بعيونك الملونة وبعيونك الي بسواد الليل .. انتي حلوة
انتي حلوة بشعرك الطويل .. وحلوة بشعرك القصير
انتي حلوة ب شعرك المجعد ..
انتي حلوة ببشرتك السمراء الي زايداتك حلاوة
حلوة بطريقة كلامك ..
مهما كنتي او من وين انتي في اي عالم ! انتي حلوة
انتي مش ساكنة في العالم !
العالم هو الي سـاكن فيك
انتي حلوة بكل تفاصيـلك ..
تقبلي نفسك
لو ح تتقبلي نفسك زي ماكنتي ح يبدا غصب عنهم يتقبلوك
مهما قالولك او مهما حاولو يحطموك ح تقعدي حلوة !
اوقفي ع المراية وقولي اني حلوة مش توقفي ع لمرايا وتقولي انا شينه
حلوة بقلبك ! حلوة بعقلك ! حلوة بروحك قبل الشكل
2-اصدقاء السوؤ اسؤ من الاعداء
اللهم ابعد عنا رفاق السوء والمنافقين

لقراءة الجزء السابق : الجزء الحادي عشر من رواية ظلموني

للإطلاع علي فهرس أجزاء الرواية : جميع روابط اجزاء رواية ظلموني للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى