وفي الجزء الثاني عشر من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الثاني عشر من رواية عالمي
لمن جو أهلها م عرفت اتكلم ولا اقول ليهم شنو بقو يسألو وامها لمن قعدوها ابوها قاال لي يامن اتكلم قلت ليه بنان اغمي عليها بس عبد السلام قال ليهم مم يامن وعاين ليهم حكا ليهم بي العارفو والحصل ف البيت كلهم بقو يعاينو لي بعض بدهشه رحمه قالت لي عقيمه؟ 
قلت ليها للأسف استغفر الله امي قالت مش بركه م عرستها عصبت قلت ليها وهسي بعرسها ود م كلام ليك لزوله مركبين ليها اجهزه وبعدين صح هي بت اختك هسي الحصل شنو؟ قالت لي يامن احترم امك وم بتعرسها السماء د قريب استغربت من امي أمي م بسوء د والله عاينت لخالتو نسيبه قالت لي صحي كلامها صح هي بتي واي شي بس عدم الجنا حار قلت ليها ي خالتي انتو بتقولو ف شنو انتو متخيلين انا اعرسها بعد العملتو فيني اول حاجز يخليني م اعرسها العقم تاني حاجه خيانتها ياخ بدر بدر المعاها سنين طلقها انا اجي اضحي بي سعادتي مستحيل امنيه قالت لينا وهي بتكورك وبتبكي انتو كلكم فهمكم عميق م عارفين الحاصل ع بنان وبعد د وبعد د هي م قصرت ف حقكم كدي ي يامن قول لي متين جيت قعدتها بعد خانتك وشفت مالها؟ بتين وانتي ي خالتي ورد عشان امي انا ف عطبره بتقولي كلامك د لو هي ماف قسما بالله كانت وحده فتحت فمها بالغلط ساي ماف وانتي ي امي نسيبه ليه م تدافعي لي بتك وتحسسبها انها ك اي مره يعني متخيلين العقم حرام مثلا هي البتتحكم في امر ربنا هااا قولو لي العقم د من عندها ولا من عند ربنا قااطعتها عشان كلامها حار بي برضو م بعرس عقيمه هو ربنا ابتلاها م ابتلاني عشان اضحي بي نفسي وامكن زاتو لو عرستها تعاديني كانت عاوزه تديني كف بس عاينت وراي بصدمه وقفت يدها وهي دموعها جاريه عبد السلام قال بنااان كلنا اتلفتنا واذا هي ورانا ودموعها جاريه وبتعاين لينا نظره عمرنا م حننساها نظره د شنو الكلام د معقده حواجبيها وعيونها محمره من البكاء وشبه مغمضاها يدها الماسكه بيها قلبها ويدها التانيه التوب م اتكلمت معاي وكانت ماشه امنيه مسكتها وقالت ليها بصوت مبوح سوقيني معاكعاينت ليها ومسكت يدها وطلعو من المستشفى….
——————————
*وانتو الكنت قايله لو الدنيا م شالتني بتشيلوني انتو وخليتوني اردد كنت أظن وخاب ظني*..
فجأه صحيت مخلوعه وللحظه اتذكرت كل شي من سريري د سامعه كواريك بره فكيت الأكسجين والاجهزه ونزلت لبست التوب عديل وياريت م طلعت وانا بسمع خالتي بتقول مش بركه م عرستها بقيت اسمع ف كلامهم ودموعي جاريه وكل دقيقه قلبي بطلع احساس م بتوصف كنت قايله اهلي لمن اقع حيوقفوني تاني بس الظاهر انا كنت بحلم او بقول ف حاجه مستحيله كنت حاسه ان السند الكنت بعتبرهم سندي للأبد اتزح زي احساس الام لمن تفقد ثقتها ف بتها بس بس انا فقدتهم كلهم
*ك سقوط ابن من نظر ابيه وك سقوط حبيب ف نظر حبيبته وك سقوط اخ من نظر اخيه تبا فقد سقطو من نظري كلهم*
لمن أمنية قربت تدي يامن كف كنت منتظرها تديهو عشان تصحيه من الوهم د بس شافتني واتصدمت اني في وشكلها خافت وقايله م سمعت الكلام عاينت ليهم كلهم نظره ليه؟ وين الاهل وين السند وين وين انا الكنت قايله اهلي هم سندي الليله اتكسرت منهم مش كفايه حياتي كنت ماشه لاني م طايقه حد وم عارفه امشي وين امنيه مسكتني قالت لي سوقيني معاك حسيت بي امان لمن مسكت يدها وطلعنا قالت لي ارح بسرعه نمشي بيتنا قبل يعرفو نحن وين قلت ليها وديني منهم بس قالت لي طيب طيب ركبنا ركشه وانا دموعي جارية وم قادرة اوقفها مشهدهم لسه ف بالي لمن وصلنا البيت قلت ليها ولد عمتك قاعد قالت لي شغال م بجي هسي يلا دخلت وانا تعبانه وم قادرة افكر ف شي جسمي مكسر والفيني م هين كالعاده ختيت راسي ف رجلها قلت ليها هو اصلا ربنا كاتب لي اعيش كده ….
امنيه انا اصلا ربنا كاتب لي اعيش كده امنيه انا عملت شنو عشان اتعاقب امنيه وريني اعيش كيف بفكرك من اتجاوز الحصل امنيه أصعب شي الزول م يلقا اهلو ف الحاره امنيه انا م جبل عشان الدنيا تقع ف كتفي أمنية انا فاهمه انتي م فاهماني عشان م جربتي احساسي امنيه ليه اهلي الوثقت فيهم خزلوني ولا بدر بدر الكنت قايله حيهون علي طلقني ولا يامن يامن الحباني سنين اليوم واقف بقول انا م بعرس عقيمه بس ي أمنية انا ذنبي شنو يارب يارب انا بموت والله قلبي واجعني وتقيل شديد امنيه شهديني انا حموت
*_-_-_-_-_-_-_-_-_-_-_-_-_-*
*أحيانا علينا أن نضع ورقة على باب حياتنا ليقرأها كل من يريد الدخول مكتوب عليها* ……
*أنا أكافح في معركة أنت لاتعلم عنها شيئا رجاء كن لطيفا وأنت لاتدرك حجم المعارك التي خضتها مع نفسي لأبدو لك بكل هذا السلام رجاء كن متفهما …..فاأحيانا السكوت حكمة وأحيانا تعب وأحيانا صبر ….وغالبا أنه علامة قلب تعود على الألم فصمت*…
*☆اشوفكم
☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الثالث عشر من رواية عالمي
لقراءة الجزء السابق : الجزء الحادي عشر من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
