في الجزء الثاني من الرواية تبدأ الأحداث رويداً رويداً في التكون ومعرفة طبيعة الشخصيات أكثر وتأتي الكثير من اللمسات الرائعة من كاتبتنا في صياغة الكلمات في هذا الجزء، لذلك هيا بنا وجهز فنجان قهوتك لنبدأ قراءة الجزء سوياً .
الجزء الثاني من رواية رجل يحببنه الكثير للكاتبة لوزة ليبية
عايشة :صباح الخير
مرام:صباح النور
عايشة:احيييه انحس في روحي طايبة ومارقدتش باهي
مرام:انا مارقدتش بكل
عايشة:عﻻش؟
مرام :هكي ماقدرتش كل مانغمض عيني يجي قدامي هاني
عايشة:مريضة انتي راه… امريييضة
مرام:مريضة مانبيش حبوب مريضة نبي هالشبوب
عايشة:يعطيك والله شبشب على دماغك …تو لو ان بينكم عﻻقة وهوا فاتك وتجوز انقولو لكن انتي حب من طرف واحد تبني ف اوهام بروحك ها شبحلي ها ضحكلي ها مش عارفة شنو
مرام:انتي بلوة عﻻش ديما تجرحي فيا… كﻻمك اتقول بالطة
عايشة :نبيك تفيقي على عمرك الراجل قاري فاتحته واليوم بيدخل
مرام:باهي به تو نجيبه حتى لو انه متجوز …هاني ليا انا
عايشة:لحناك الشارفة نوضي خلي نضمو الحوش ونديرو فطور ل عمتي وامي وخلي نقلبو وجوهنا لحوشنا
هاني فاق تلفت يمين يسار مالقاش حسام وهيثم
حك لحيته وقعد يفكر زعما شن اندير توا امممم خيره هيثم ماجاش.وحسام هدا كله نوم…
خدي نقاله واتصل ب حسام اتصل مرة اتنين 10 وماردش عليه
بعد ساعة ونص
جي حسام خش للأستراحة وقال:
صباح الخير ياعريس
هاني:والله انت العريس الباين
حسام:ههههههه والله تعرف ماﻻخير جو فستري لقيتها دايرتلي شموع ومعطر جو بريحة الفاندر
هاني:ماقتلكش احكي
حسام:وهداكا العشي الرومنسي وتحﻻية
هاني عطي بونية على بطن حسام
حسام:احيه خير بﻻك
هاني:اتشيش فيا مزالو 13 الساعة بش نوصل للحظات اللي اتقول عليها
حسام:به بما ان بروحنا خلي نحكيلك كيف ادير ¤_¤
هاني:ﻻ نعرف ضم فمك |:
حسام:به اهم حاجة وقت ا…
قاطعه هاني وقاله:
خﻻص حسام
حسام:به به اهو سكتت تو بعدين وقت تتخزرط ياعافن تو تقول ياريتني سمعت من حسام
هاني:ههههههه تي انت يوم عرسك طلعت تأشر من بلكونة زي المهبول لين ركبلك مسعود ولد عمك ههههههههههه XD
حسام:ايه كنت زيك نحساب روحي زابط لكن تخزرطت معش فهمت شي من شي
هاني:هيا فكني منك وانت حشيشتك المواضيع هادي 
فيحاء :عزيزو هيا منذر يستنى فينا بيحطنا في المزين
عزو:باه هيا …وين ماما
فيحاء: قاعدة ادير في الفطور هيا سقدي روحك لمي حاجاتك
وطبعا الوقت يمشي عالسريع جي الليل وبالتحديد مع ساعة 10
وصلت عزيزة لصالة وخشت على اغنية حلوة ودارت حفلتها ورقصت مع صحباتها ودارو جو حلو
في حوش هاني
خ سميحة:هيا يالطفية بنمشو نجيبو العروسة
خ لطفية:من بتاخدي معاك تاني
خ سميحة:تعرفي انتي ماعندي حد غيركم جيبي بناتك وانا وياك وجارتي فتحية وبنتها
في استراحة هيثم
هيثم جاب سورية هاني وبيلبسهاله
هاني:هات تو نلبس بروحي
حسام:البطم غلط وانت تفرفش
حول تو نبطملك انا …ايوه هكي تمام …قرروطله ياهيثم
هيثم:اوك
حسام:تمام شن ناقص
هيثم:برفان بس
حسام:تي برا جيبله شخشير اﻻبيض شن رصاصي اخيه
هيثم:باهي وانت اتنق
حسام ل هاني:شنو بتمشي طول لصالة واﻻ بتمشي لحوشكم
هاني:بنمشي للحوش امي والعويلة اكيدة يستنو فيا
حسام:اوكي هيا هيثم
هيثم:استنى يا هاني دير فرقة على الجنب
حسام:تي شن فرقة عالجنب مقدمها
هيثم:والله حلوة
حسام:اخيه يبان قدومي متع سبعينات
هيثم:تي انت شن دخلك ياراجل
هاني:تسكتووو بنمشي امشفشف باهي هيا سقدوني تره
حسام:اوووو الناس معش بيصبرو ياهيثم *_*
هيثم:ولعت ياحيه عليها ولعت ويش ايطفيها ^^
هاني:هيااااا بﻻ تسهويك انت وياه قاعد ع اعصابي
طلعو تﻻتة سيارات من استراحة هيثم بيب بيب لين وصلو حوش هاني وطلعو النساوين يزغرطو ركبو في سيارات
وصلو لصالة وفيحاء وامها طلعو عزيزة وركبوها عند هاني وعيلة عزيزة ركبو سيارات وكلهم اتجهو لحوش هاني
وفي الطريق
هاني:خيرك ساكتة عزو
عزيزة:ﻻ شي
هاني:لك تؤبري ئلبي شو محﻻكي
عزيزة:هههههه تسلملي ابن عمي
هاني:لك دخيلو خجﻻن انا
عزيزة:ههههه
وبعد ربع ساعة درسو السيارات قدام حوش هاني
هاني ل عزيزة: هيا بيبي خلي نساعدك تنزلي
ونزلها وخششها للحوش ومرام قريب اتموت ودمعتها ف عينها وقفت تشوف فيهم من بعيد الكل ايزغرط وفرحان وهيا تتخيل في روحها مكان عزيزة …
بعد شوي طلع تاني هاني واتجه لتدريجة
في التدريجة
حسام:هاني حط فبالك كل شي بالهدوء رد بالك تتعصب واحدة واحدة تمشي اﻻمور
هاني:تمام
حسام:كلمتين حلوات قبل كل شي
هاني:تمام
حسام:وقت ا…
هاني:حسام ! خﻻص فهمت من امس تعاود ف نفس الدوة ~_~
حسام:يابلي بنقولك ماتنساش الركعتين بش ربي يفتحها عليك
هاني:ايه ايه عارف
حسام:به مدامك عارف
زتمت التدريجة
وركب هاني لحوشه
خش وسكر الباب…. ^^
قدم خطوات ووصل باب داره
السﻻم عليكم
عزيزة:وعليكم السﻻم
قعمز جنبها هاني وحط صبعه تحت ذقنها ورفعلها راسها وقاله:الف مبروك يااروع عروس
عزيزة:الله يبارك فيك حبوبي
هاني:شن الجو هههه
عزيزة:تمام شن جوك انت حبيبي
هاني:اكيد تمام بما اني قاعد جنبك….
عزيزة مكسوفة وقتله:نقولك حاجة
هاني:قولي حاجات
عزيزة:استحشتك ياعمري
هاني:حتى انا ياروحي …
بيحط ايديه على خدها …جي حسام فباله وادكر كﻻمه.. ماتنساش الركعتين بش ربي يفتحها عليك ^^
عزيزة:هههههه
هاني:هههه خيرك تضحكي
عزيزة: حبيبي منظرك ايضحك ايديك متشنجات في الهواء من بكري
هاني:ههههه ماه ادكرت نوضي بدلي وتوضي وخلي نصلو ركعتين
عزيزة:اوكي
بعد ساعة ونص
وقدام حوش هاني مقعمزين حسام وهيثن في سيارة
هيثم:بش هدا هاني اللي جاي
تلفت حسام وفتح باب السيارة وقال اوووو طيب فيك ياوحش
هاني:ههههههه
هيثم:شنو ساعتين نراجو فيك شن صار
هاني:مشت اﻻمور
حسام وهيثم:مبارك مبارك
هاني:الله يبارك فيكم
هدرزو شوية هكي وبعد دقايق…
هاني:هيا وجهك انت وياه بنركب
حسام:اوكي اجري هي
هيثم:هرول هرول
ورجع هاني لحوشه وسكر الباب
وخداهم النوم
يتبع ……..
لقراءة الجزء التالي : الجزء الثالث من رواية رجل يحببنه الكثير للكاتبة لوزة ليبية
لقراءة الجزء السابق : الجزء الثاني من رواية رجل يحببنه الكثير للكاتبة لوزة ليبية
للإطلاع علي فهرس الاجزاء كاملة : جميع اجزاء رواية رجل يحببنه الكثير كاملة للكاتبة لوزة ليبية
جميع الحقوق محفوظة للكاتبة لوزة ليبية .
