وفي الجزء الخامس عشر من رواية اولاد سلطان هل سنري مواقف حزينة مع ابطالنا داخل احداث الجزء ام ستسير الأمور تجاة المواقف السعيدة ؟ دعونا نعرف إجابة هذا التساؤل في السطور التالية بإذن الله مع الكاتبة ميشو محمد .
الجزء الخامس عشر من رواية اولاد سلطان
وصل انس وصدام
انس:وين شيماء
فاطمه: فكوني منها ومتدخلوش
صدام: خيرهاا؟!
فاطمه: اليوم خطبها فرج خو صاحبتي
صدام:من فرج
انس: فكونا منهم عيت ال،،،، وين شيماء
شيماء نزلت:نعم
صدام قعمز:كيف حالك
ايلاف:الحمدلله بخير كيف حالك انت
صدام:تمام
انس سلم ع عهد وقعمز:ادوي القصه شن عرفه فها هو
شيماء: صاحبت ماما هي
صدام:اموركم لكن اعرفي كان بتاخدي فرج عادي لكن اني مش رح نزورك ره
كلهم ضحكو
من غير انس
من غير انسانس:هنينا صدام
صدام:عيت ال،،،، اني قتلك عادي خوديه لكن اني مانيش جاي ومرات حتى العرس منحضرش وانتي حرة
سلطان خش:السلام عليكم
كلهم:وعليكم السلام
سلطان: كيف حالكم يابنات
ايلاف وعهد:الحمدلله كيف حالك ياعمي
سلطان قعمز:خيره فرج
صدام: خيرك بوي بجديات تتكلم فرج
شيماء بصوت واطي قعمزت جنب صدام:علاش خيره
صدام:مافيشي لحيه راه وناعم هلباا ز البنت
شيماء 
انس تعصب:بوي بجدياتقارن مازن بـ فرج
سلطان: مازن مشي ف حاله
انس وقف وتعصب:فرخه شوفيلي تعرفي توافقي عليه هدا امورك عادي مش عيب لكن اعرفي عمرك كله معاه ز اختك رانيا يعني مافيش طلاق ولا حرج سامعه معاه ومع غيره
سلطان:شي اكيد
شيماء:تسالو فيا؟!
صدام ضحك:ابدعينا جاوبي
ضحكت عهد وايلاف وكريمه وشيماء
شيماء:مانبيش يابوي
سلطان زعل بان عليه: سلم بنتي زيدي فكري كويس هو اني نعرفه
صدام ضحك:اي كويس لين خلاص لدرجة انه يقول هاي
كلهم ضحكو ماعاد انس وفاطمه وسلطان
انس: اقعدي ف حوش بوك ادللي ياشيماء لكن متكسريش رقبتي بنسيب دراه وانتي حرة
صدام:لالا خلاص خاطي عيت ،،،،، الامور تمام
عهد ركبت لحوشها ورووحت ايلاف
في السيارة
انس يسوق: قعده تتحشمي
ايلاف: لالا هدرزت وتعرفت ع عهد
انس يسوق:كويس كويس
ايلاف: علاش متضحكش؟!ز صدام
انس: يفتفت ع ايامه ماعندي علاش نضحك
ايلاف:راجلي النكدي 
انس:مرتي القنينه
ايلاف: عادي نتمشو ف الحديقه
انس:اوكى يلا..ونزلو يتمشو وكانت الجردينه معبيه ناس 
(محلاااااهاا تبدي تتمشي ف عز اليل وماحد يعرفك وزحمه تسمعي دوشه تهدريزهم تجبرك تبتسمي محلاه الجردينه في اليل تهبل )
)انس يتمشى:ايلاف
ايلاف منسجمه ف البروده: هممم
انس: وتين اليوم مشفتهاش!!
ايلاف ببصارة: تعاركت معاها وقالت بتقعد عند عهد اليوم
انس: ضربتها؟!
ايلاف شفتله: نبصرو مع بعض وعهد قتلها اقعدي معاي قالت وتين انه حوشنا اعييي وبتقعد مع عهد اني قتلها اقعدي…. قاطعها
انس: اخر مره متشورينيش
ايلاف وجعتها : حني واحد مصار شي هو يوم
انس: نعرف بس اني قلت تاخدو شوري
ايلاف: حاظر.وكملت تتمشى معاه
انس: معيطتش اليوم قالت تبي امها؟!
ايلاف: انس بنت صغيرة مش ضروري اديرلها اهميه هلبباا تسال ف حاجات تافهاا قصدي باهي كان عيطت شن بدير
انس: الحقيني . ومشي لسيارة
ايلاف تعصبت لحقاته
(الزواج مش كله نحبك وحبيبي وحبيبتي فيه خلافات وعركات شي طبيعي يعني منغير منوهمكم بزواج مزيف)
ايلاف ركبت
انس ولع السيارة: اسلوبك اخر مرة نقولها
ايلاف: انس البنت مش بنتك متتعمقش معاها هلباا… قاطعها
انس بعياط: مللللكششش علاااقه بااااممممي اني نسال وانتي تجاوبي وبس بلاش من فلسفتك متع العواويل
(راجلك ف وقت غضبه يقول اي شي اعرفي انه متعصب انتي اهدي الموضوع وهكي الامور تمشي لوز
وصدقيني طول ماانتي محترمتيه هو رح يحترمك (طبعاا يكون راجل مش اي عيل)
ايلاف سكتت
انس تنهد وخفض صوته وعيونه ع الطريق: البنت ياتيمه يااايلاف
ايلاف: واني ياتيمه ونحس بها ياانس وصدقني بما انك تحبها رح نكون ام لها مش مجرد مرت عم
انس قام ايدها باسها: ريحيني الله يريحك
ايلاف شافتله. ياريتني وتين
انس ضحك: لالا تغاريش انتي اولا لكن نحبها الفرخه قصدي شوفي تناديلي بابا في احلا من هكي
ــــــــــــــــ
مازن قعد يستنى شن صار بعتلها رسالة( آنآ آحترق ببطـىء)
شيماء ع النت شافت الناتيجه نززلت 
شيماء قامت لهاتف ورنن
مازن: ايوواه
شيماء: حبيبي ياعيوني ارقد غيرك مش رح نشوف ولا رح نفكر
مازن: غير اعطيني اسمه
شيماء: اسمع جي انس وبابا سالني رفضت اني
مازن: لآ تلوميني إن جئتگِ بلآ موعد يآ سيدتي نظرة منگِ فقط كآنت كفيلة بأن ترديني غريقآ في بحر عينيگِ ~
شيماء: عيوني بس؟!
مازن: أنت بسمة انطوت بالعمر الحزين ، أنت لي جنة في وسط العابرين ..
شيماء: ياحليلي
مازن: شيماء اسمعي اني عندي حل لكن نبي نسالك قبل
شيماء: نشالله
مازن: انذل روحي لـ بوي ويجي يخطبك ز مطلب بوك
شيماء: الجمله لقلتها تمام لكن اياااك مازن اياك اذل روحك بينك وبين ربي مش رح نسامحك ز ماانت رفضت انه اني نكلم بابا ونترجاه واني نرفض انك اذل روحك، تفرحني انك تكون مع بوك وفرحان لكن مش اذل روحك مستحيل نسامحك سامع
مازن: اي والحللل جربت جميع الطرق هكي مكتوبلنا معقولا !!!
شيماء بكت:مستحيل حني نصلو وندعو ربي معانا ونحبو بعض
مازن:خايف نكون ظالمك يعني انتي ملاك والكل يتمناك والعيب فيا اني م…قاطعاته
شيماء مسحت دموعها: موتي اهون من كلمة ظالمك انت مش ظالم انت مظلوم بابا يحاسب فيك ع شي مش بيدك وشي بيد ربي
مازن: قوليلي شن ندير
شيماء: انت مافي شي مدرتاش توا جي دوري ماتقوليش لا مازن
مازن:لااا
شيماء:مازن…قاطعها
مازن:كلمة هي لااا
شيماء سكتت
مازن: بنجي لـ بوك نعطيه كتيب العائلة لعطاهولي بوي مع الفلوس المهم بوك يبيني ولد وعندي اصل اني بنوريه الوراق
شيماء: باهي نكلم ماما عادي ماما تتفاهمني نقوللها نبيك وهكي ونقوللها تقنع بابا بلله عليك ماتقولش لا
مازن سكت سكت:تمام
شيماء فرحت: لساعه 3 توا
مازن: نيلو قيام الليل يلا
وصكرو وصلو
ــــــــــــــــــــــــــ
تاني يوم
وتين ناضت تبكي: وين بوووي
صدام يفطر: خيرك
وتين: نمشو لمدرسة 
صدام ضحك: ارقدي الناس تفرح تحصل فرصه تغيب وانتي
وتين عيطت بقوة: ااااااااا بابا
صدام: باه نوضي
عهد فاقت: خيرها
صدام: تبي المدرسة
عهد: معندهاش ملابس هني
صدام اتصل بـ انس: ايوواه صباح الخير
ــــــــــــــــــــ
مازن ناض مشي للكليا وشاف الناتيجه ابتسم: ياريت اني نشوفك ونقولك نجحتي
اتصل بها من التسعه
شيماء راقده: هااا
مازن ضحك: راقده
شيماء: مازن شن تبي؟!
مازن ضحك وركب سيارته: نجحتي ياقردة نوضي نبي الزردة
شيماء راقده ابتسمت: مازن بنرقد
مازن يضحك 
: محلاه صوتك راقده مش رح نصكر نوضي نجحتي
: محلاه صوتك راقده مش رح نصكر نوضي نجحتيشيماء: اي شفتها امس ف النت قديمه
مازن: شيماء نبي نشوفك واليوم وتوا
شيماء فتحت عيونها: كيف؟!
مازن: معقولا تتخرجي بدون هدية اليوم نبيك
شيماء: مازن شن تخرط
مازن: نبي نشوف فرحتك
شيماء: انت فرحت صح بس منقدرش يامازن لا
مازن: اوكي نديرلك خدمة توصيل تاخدي هديتك اقل شي
شيماء: افهمني رح يسالوني منين
مازن: خلاص مانبي شي مبروك.. وصكر الخط
شيماء تعصبت نزلت: ماما ي ماااماا
فاطمه: هااا نقصي صوتك
شيماء خشت المطبخ وتلبكت: ماما اني نبي مازن
فاطمه فنصت فها: نعممم من هدا
شيماء: صاحب انس
فاطمه: خلاص هدكا رفضه بوك
شيماء: هو كويس ياامي وديما مع انس وصدام
فاطمه: شن بنمشي نخطبه اني
شيماء: يااام خيرك
فاطمه:تحشمي نهارك اسود تحشممني صبح
شيماء طلعت من المطبخ توتوت
ـــــــــــــــــــــ
بعد العصر
تتبع..
لقراءة الجزء التالي : الجزء السادس عشر من رواية اولاد سلطان
لقراءة الجزء السابق : الجزء الرابع عشر من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
