وفي الجزء الخامس ماذا سنري من جميل الأحداث داخله وهل يا تري ستكون سعيدة ام لا ؟ كل هذا وأكثر سوف نعرفه في السطور التالية بإذن الله من رواية حتي الممات للكاتبة نور عبدالسلام .
الجزء الخامس من رواية حتي الممات
ليان خافت من نظرة عيونه
روان : المرحومه
ليان : وعلاش يناديني بيها
خديجة : ليونه بنتي مالك كويس لولا موت مرته
ماتت ومش اي موته ماتت مذبوحه على يدين لكلاب دواعش وهو يحبها من صغره وخذيناك له
عشان تشبهينها هو مش قادر ينساها او يحب غيرها
ممكن شافك تخيلك هيا بس تقدري تقنعيه تخليه
يتغير للأحسن يتحسن ع يديك ويحبك انتي ليان
وينسى المرحومه شوفي نا بروحي بنشوف وليدي
يضحك ونشوف عياله فرحيني ياليان وقعدت تبكي
ليان : انا شن ذنبي نقعد مع واحد يشوف فيا حد ثاني كنت نحلم ب حد يحبني يحميني يحافظ علي
خديجة : عندي امل انك تصلحيه انا واثقه فيك
متخلينيش نندم لاني اخترتك من بين بنات ناس
فرحيني الله يربحك
مالك : اطلعييييييي
مسحت دموعها وطلعت لقاته مع بوه
ليان : هيا اني واتيه
خديجة : الله يربحك دنيا واخرة
طلعت معاه وركبو سياره ووصلو فيلا بسرعة لانه ف نفس المنطقة
سعد : البنية حرام
خديجة : اني واثقه فيها تقدر تخليه يلين لها
سعد : هذا كان صار منه خوذي اللي تبيه
خديجة : تفأل خير وانت ديما مصكرها ف وجي
سعد : مش قصة مصكرها ف وجك بس هو يحب بشرى وكل يوم نلقاه عند قبرها يبكي وف غرفتهم
مايخشلها فات هو مايخلي حد ينظف غرفتها
وصلو للحوش خشت تجري الدار صكرت ع روحها يدق
مالك : افتحي كنك راجلك انا شن خايفة مني
قعد يحكي وهيا مقعمزه ع سرير تبكي
اشويه سكت ناضت فتحت الباب ب شوية ملقاتش
ردت لدارها رقدت
في صبح ناضت ع صوت
قعمزت تستوعب فتحت بدون ماتسأل لقاته هو
مالك : وسعي نبي نخش
خش قالب وجه ميبيش يحكي معاها لاشي ينفخ
ويدور ف دولاب
اففف وين الهم
ليان : على شن ادور
مالك : شي
ليان : مشت لسرير بترقد حست حد قرب منها
طبع بوسه ع خدها جت بتقعمز منعها
مالك : انتي نقولك اللي نبيه انتي بشرى
ليان : م
مالك : ضغط ع يدها
ليان : مالك واعره سيب يدي حرام عليك
مالك : سيب يدها اولا جو لدموع فكيني منه وانك حساسه والكلام فاضي انتي بشرى وحركات نبي بابًا
ماعنديش نا جو هذا طلاق منيش مطلق طلع من
اهني مافيش الا بإذني فاهمه
ليان : غمضت عيونها وتبكي
مالك ب عصبية : فاهمه
ليان مزالت مغمضة عيونها وتبكي تهز ف راسها بإيجاب
مشا خش ادوش وليان تبكي ياربي شن درت ف عيشتي عشان نبتلى ب ه المريض النفسي ياربي
علاش اني
خش يمسح ف شعره ولابس منشف اخرى ف وسطه ومن صدره عريان مزلتي قاعده انزلي
حبي الفطور واتي هنلحقك هيا ابشيشتي
خنقتها العبره ونزلت تجري مريض نفسي
رهف حاسمه الامر وبتكلم امها تقوللها على عيشتها
وتطلب طلاق مستحيل تعيش اكثر من هك مع احمد واحمد راضي ب طلاق اتصلت ماما
ابتسام : حبيبة ماما شنو حالك وحال راجلك
رهف : حمدلله ماما قاطعتها
ابتسام : الله يربحه ويربح هل دارك لولاهم مالقينا حق عملية خوك توا نحنا طالعين على تونس بخوك
رهف : دمعتها ف عينها جد باهي تروحو طيبين
ابتسام : خيرك يا ماما فيك شي
رهف : لالا ولاشي سلمي على بابا وعلى خوتي
ابتسام : يصل ديري بالك ع رويحتك
ررهف : باهي
ابتسام : واحملي بسرعة نبو نثبتو ه راجل مزال كم عملية لخوك
رهف : ان شاء الله
ابتسام : هيا ب سلامة
رهف : تنهدت وطلعت لقت ريحته كريهة قالبه صاله وتلفزيون والع ودخان وحشيش ع طاوله
قعدت تلم ف دنيا فتحت رواشن احمد فتح
عيونه تؤ تو تي صكري النم
رهف : دنيا ظهر خلاص نوض صلاة
احمد : خير امك انتي تبي كفوف
رهف : را نمشي نحرش هلك
احمد : بري تحسابيني نخاف انتي اللي خاسره ياحلوة انتي وعيلتك جيعانه
رهف : حيوان حقير
احمد : ديرلي فطور اجري
رهف : تشوفله ب قرف
ف الليل
كنت نتفرج ع مسلسل تركي عشق ودموع
ع خشة مالك
مالك : حطي ع رقم 6
ليان : حطت وجت بتنوض
مالك : خذاها ف حضنه بشيشتي مش انتي تحبي ريال تفرجي
ليان : منقرفه وتبي تنوض هيا متحبش كورة ومتحبش لتلصق بالحيل ومالك حاضنها
ب قوة مخليها ع حجره
ليان : مالك معش بتطلع اليوم
مالك : مرات علاش
ليان : لا نسأل بس
مالك : جهزيلي زبون بنلبسه غدوه
ليان : باهي خليني بيش نجهزه
مالك : تبي نسافرو شهر عسل ولا عادي
ليان : ع راحتك
مالك : نشوف وضعي
بعدها طلعنا كلنا للبحر
رهف : حقير والله لولا خوي مانقعد عنده دقيقه
ليان : ماتقدرش تواسيها يعني هيا مش خير منها
ليان : ياريتنا ما كبرنا
رهف : تذكري لما تلبسي فيلو تقولي بنولي عروس مجد
ليان : مسحت دموعها بضحكة عليك عار
رهف : ونا كنت نحب غيث ونزلو دموعها
ليان : حي مزلتي تحبيه
رهف : هزت راسها
خديجة : ليان
ليان : نعم
خديجة: شوفي مالك
ليان : عدلت وشاحها ولقاته مقعمز بروحه قدام شط ضم رجليه ف بعض وطبق يديه عليهن قربت منه حسيت بيه مضايق قعمزت جنبه التفت دمعه
معلقه ف عينه التفت جهة تانية مسح دموعه امشي
ليان : خيرك
مالك : مافي شي
ليان : لا في وفي نبي نحكي مخنوقه معش نقدر نتحمل نعيش عيشه زي هك
مالك : خيرها عيشتك احلى عيشه
ليان : القصة مش قصة فلوس القصة انت تشوف
فيا حد ثاني اما ادللني وتبتسملي تبتسم لبشري
مش لليان عارف كيف ننحرق من داخل عارف
جحيم اللي ف قلبي لما تقولي بشيشتي ترضاها
ناديلك ب اسم حد ثاني نددللك ونتخيلك حد ثاني
مالك بغضب : شن تخرففيي يلعن
ليان : انت اللي شن تخرف نا معش نقدر نتحمل
مالك : شن تبي بزبط
ليان : كل حد يمشي ف حاله قول ما تفهامنش
مالك : هني جمالك طلاق مش مطلق
ليان : علاش علاش تعذب فيا شن مديرتلك اني
رهف : تمشي بتكلم ع احمد ع الغداء تسمع احمد
احمد : حلوه تي متخافش مرتي هيا هالمرة نجيبهالك ب اارادتها طلعت عادي تخون فيا
يعني مش شريفة نهددها نخبر عيلتها تخاف
وتجي معايا رجليها فوق رقبتها بس انت اللي وتيلي
قتلك عليه
رهف : منصدمه
يتبع …
لقراءة الجزء التالي : الجزء السادس من رواية حتي الممات
لقراءة الجزء السابق : الجزء الرابع من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
