وفي الجزء الرابع ماذا يا تري سوف يحدث مع أبطال الرواية ؟ هل سيكون هناك مفاجآت سعيدة تنتظرهم أم لا ؟ كل هذا وأكثر سوف نعرفه سوياً في السطور التالية من الرواية الليبية رواية قلبي ملكي ولكن أنت من للكاتبة كيندا .
الجزء الرابع من رواية قلبي ملكي ولكن أنت من
مريم … شن في ؟؟؟ شن صار… تكلم وقفتلي قبي … ولدك شفته نازال لوطه ووجهه مايتفسرش …
محمد … وشن تشوفي فيا اني متلا الا نضحك ؟؟ اقسم بالله اقسم بالله لو ماوافق علي شروطي الا قولتله عليها .. حتي الجوش هوا مارح يعتبه .. اني يتحدي فيا ومداير روحه راجل عليا ؟؟؟
مريم …
استعود من شيطان … وقولي … شن قالك ؟؟
محمد .. ااااه اعود بالله من شيطان الرجيم … خليته هوا يبدا … قولت خلي نسمعه قبل … ونعرف هوا شن يبي وكيف يفكر باش حتي نبدا عطيته فرصه يحكي … والدكتور .. اني صرفت عليه وحطيت دم قلبي .. وفي الاخير يتحداني ويقولي كلام ماقدرتش نستوعبه .. لا وقالي اني جاي نعطيكم علم بس لاني نحبها ومستحيل نغير رأي … وزاد طاش لما فتحتله موضوع بنت عمه … وهب وبدي يعيط … تقول قولتله بنزوجك غول …
مريم … باهي ولي شنو وصلتم ؟؟؟
محمد … بعد ماسمعت اللك والعجن الا قاله .. تأكدت انا قرارنا كان صح .. وولدك مش رح يقعد في البلاد اكيد … فااقلها ياخد بنت من دما … اقلها مهما لف ومشي رح ترجعه لينا … ولهدا حطيتلها شروط وهيا … اني مستعد نكمل نعطيه كل الا وعدته ليا .. ولكن مش قبل مايتزوج بنت عمه ونشوفها سعيده معاه .. يومها رح نعطيه الفلوس الا من غيرهم مش رح يقدر يدير ولا حاجه غادي ولا رح يقدر حتي يصرف علي سكنه واكله غادي …
مريم … باه شن قالك ؟؟
محمد << يشرح لعصبيه وبصوت عالي >> … شن قالي ؟؟؟ قولي شن ماقالش هوا .. هب وبدي يعيط واني مانبي منك شي ومش رح نتزوجها لو كان نقعمز هنا .. وحط في بالك لارح نتزوجها ولا رح نقعد في حوش هوا تاني .. يهدد فيا انه رح يطبع ويسيب الحوش … بس علي منو ؟؟؟ براحته … وشنطته واتيه حطيهاله فم الباب … مش اني الا عيل يكسرلي كلمتي ويعلي صوته عليا … ايه وحطي في بالك بس قولتله اني اتميت فيها العرس توا بعد اسبوعين ومش رح يتأجل شي ولا رح يتغير شي … وتوا نشوف كلامه يمشي ولا كلامي …
مريم … معليشي يامحمد استهدا بالله حتي هوا اكيد مصدوم … وحاط في باله شي ولقاك انت راسم ومفصل كل شي بروحك .. وحتي هوا بيقولك اني مش عيل … عمري 34 سنه … بس انت استعود بالله واهدي واني لما يروح توا نكلمه ماشي ؟؟
محمد … اسمعي … عندك اليوم ؟؟؟ يا يوافق وتبدي توتي يا ياخد شنطه ويرجع من منين جي وتوا يوريني شهادته بدوني شن بيدير بيها …
مريم … خلاص … انزل انت لوطه معاي توا وغير جوك وليها حلال …
وهنا ناص من الكرسي بعد مانفخ بصوت مهموم متعصب بعدين شبحلها وقاللها …
محمد …. كلمي امها قولها توتي البنت … ومن اليوم اطلعو احجزوالصاله وتم كل شي …
مريم … معقوله نطبع ونتم … وولدك رافض معقوله يامحمد ؟؟
محمد … رح يوافق … ولدك اهو اكتر انسان تهمه مصلحته ورح يحسبها صح … ولدي ونعرفه … انتي ديري الا قوتلك عليه … اليوم سبت … الخميس رح تكون فضانيه … وخميس الا بعده رح تكون حفلة بنت … وهدا اخر كلام
مريم … اني غير ولدك يوافق .. بعون الله نلحقو نديرو كل شي .. هوا اصلا بيكون عرس واحد وحتي صاله بنديروها يوم واحد مشتركه وتم ويوم سهريه ويوم حمام بس … وبعون الله غير ولدك يوافق بس والباقي سهل ..
محمد … << بوجه متعصب >>… يوافق غصبن عنه … لما يكون القرار قراره هدا واحد طايش ومتهور ..
مريم … خليه توا لا تكلمه ولاتصتدم بيه .. واول مايروح ويكون هدي رح ننتكلم معاه … خلينا ننزلو توا بس .. انت اشرب شاهي واني ننزل نساعدهم ونحط الغدي معاهم ..
ونزلو مع بعض لوطه … ووجهم كان مايتفسرش … واول مانزلو قالتلهم ..
وريده … محمد .. وليدي .. خيرك متغشش هكي ؟؟ ووين ليت خيره مانزلش وسلم علينا ؟؟
وهنا هرب عليهم الضي بسرعه وماعرفوش شن يقولو … وقالتلها مريم …
مريم … اهو جاي غير تحشم لما سمع انا جارتنا هنا فاقال نطلع ندير مشوار مهم وبعدين نجي نسلم براحتي 
محمد … امي … عندي موضوع مهم … بصراحه نبي نقوللكم عليه … واهي الفرحه فرحتين
وهنا مريم شبحت لمحمد وهيا خايفه وبعدين قعمزة لما هوا قعمز وقاللهم …
محمد … بما انا العيله هنا كلها … فاحابه نقوللكم خبر بعون الله رح يفرحكم … وهوا موضوع بصراحه جي بسرعه ومفركس .. بس بعون الله رح يتم علي خير … وكل مافي موضوع .. اني طلبت ايد ريحانا بنتنا لي ليت … وبوها وافق … وكدلك امها … وبعد موافقة العروسه اكيد … رح يكون العرس بعد اسبوعين بس .. يعني قبل رمضان بي 4 ايام بس …
وهنا شاف صدمه علي العيله باستتناء اب وام ريحانا لان كان عندهم علم بالموضوع … بينما امه قالتله …
وريده … كيف وامتي صار هدا ؟؟ معقوله اني وبوك اخر من يعلم ؟؟
محمد … والله ياميمتي الموضوع جي فجأه … وليت بعد رمضان طول راجع لهولندا وبيستقر غادي .. ومادبيه ياخد مرته معاه وهوا ماشي للغربه … وامه نفس الشي تبيه تمشي معاه عروسته وتونسه ..
ام ريما << سهيله >> …. بس امتي بتلحقو تلمو روحكم قبل رمضان .. اجلتوها لبعد رمضان …
مريم … شن رايكم انت ياحميده ؟؟
حميده … لا انتم فصلو واحنا نخيطو واصلا البنت بروحها ماتبيش هالهرجه وهالدوشه ونوبه طالعتلي فيها حلال وحرام …
واصلا البنت بروحها ماتبيش هالهرجه وهالدوشه ونوبه طالعتلي فيها حلال وحرام …سهيله … باهي وريحانا موافقه ؟؟
وهنا نطت ملاك بعصبيه علي مرة عمها وقالت …
ملاك … اي اني سألتها وموافقه
وهنا امها ناضت تشبحلها ومصدومه وكل متفاجي بردة فعلها … بس هيا تصرفت هكي لانها كانت تعرف مرة عمها انها كانت مادبيها ليت ياخد بنتها مش بنت حميده … ولكن كلمت الكل ملاك خلت الكل ينطمس ويسكت ويتفاجئ من ردة فعلها … وعم الهدوء علي المكان علي دخلت ريحانا الا كانت في مطبخ تدير في قهوه لي بوها .. واول ماشافتها مرة عمها سهيله … درات روحها تبي تتصرف بشكل عادي وقالت …
سهيله …. رووووووووووووووي اهي عروستنا جت وشفناها وضحكه من هنا لهنا … مازال عريسنا نشوفوه والفرحه في عيونه
ريحانا … ههههههه ربي يهديك يا مرة عمي وسكتت
ههههههه ربي يهديك يا مرة عمي وسكتتسهيله << ردة بسم وقالت >> شن يهديني … شن قولت عيب ولا غلط اني .. اهي طلعتم تبو بعض واحنا اخر من يعلم وعرفنا قبل العرس بااسبوعين بس شن مازال تاني … اما باش تقولولي موضوع طب زن هادي مانصدقهاش اني …
شن مازال تاني … اما باش تقولولي موضوع طب زن هادي مانصدقهاش اني …وريده << العزوزه>> … نبي انتي خيرك طالعه بزعابيبك علي بنت … اني عندي علم بالموضوع << وغمزة لولدها >> وتم مش ظروري انتي تعرفي … وبنتك تهنيتي عليها ولا لا معناها خلاص … ماعندك علاش ينحرق دمك … نوض سلم مرة وليدي للمطبخ حطي الغدا علي نار … وخلي العيلتين يتفاهمو مع بعض … وخلينا فرحانين … ولما بتعطي حد من صغارك ماتقوليناش الا قبل العرس بااسبوعين … غير ان شالله يجيهم سعد زي الرعد بس زي بنتنا ريحانا هي نوضي للمطبخ سلم بنيتي نوضي ..
هي نوضي للمطبخ سلم بنيتي نوضي ..راجل سهيله…. والله الا عندك الحق ياامي … توا لاش العجن والبل ياسهيله .. ربك يكملهم علي خير … والبنت نصيبها جي فجأه … نقولو لا ؟؟ خلي لين نشهرو بيها قبلها بشهور …
سهيله … باهي واني شن قولت ماقولت شي … غير في ريما لما سمعتم قبل العرس بشهر كلهم قالو كيف …
وريده … اني نايضه نشوف شيباني شن يبي خير ….
وناضت حناي وريده لانها لو زادت شوي كانت رح تعطي سهيله طريحه … اما عمي
بينما عمي فوزي قال لسهيله …
فوزي … اليوم عندي نيه في مسقي من ايدياتك هي نوضي وخودي عروستنا معاك وقولو بسم الله …
سهيله … ماشي …
وناضت للمطبخ ووملامحها مايتفسروش … وريحانا ناضت معاها وقلبها يدق .. لانها كانت تعرف بينها وبين نفسها ان مرة عمها هادي لاتحبها ولاتحب امها مهما امها كانت كويسه ودرات معاها الطيب … بس ناضت وخلاص باش ماتكبرش حساسيه اكتر …
بينما مريم قالت لي حميده …
مريم … عندي حاجات فوق بنديرها … تركبي معاي ؟؟؟ اصلا نبي نتفاهم اني وياك علي شوية حاجات تخص العرس وهكي ..
حميده …. هي نوضي … خلي نكلم اللاي بس نقوللها اني راكبه فوق شوي
مريم … لا لا هيا توا اكيد في دارها مع شيبان ي واهي ملاك لوطه … ملااااااااك … عواني مرة عمك وريحانا وشوفيهم كانا محتاجين شي وكان هدا خودي ديرلي لفه على حوش .. وكانا سألت علينا حناك قوللها ركبو فوق شوي ونازلين …
واهي ملاك لوطه … ملااااااااك … عواني مرة عمك وريحانا وشوفيهم كانا محتاجين شي وكان هدا خودي ديرلي لفه على حوش .. وكانا سألت علينا حناك قوللها ركبو فوق شوي ونازلين …ملاك …. ماشي تمام …
عبد السلام <<< اب ريحانا >> … جيبي فنجاين قهوه حتي لبوك وعمك سلم بنتي وسخني القهوه … لان بنتكلمو شوي …
ملاك … حاضر عمي
وخشت في داخلها وتتمتم وتقول … عقبالي يارررررب منين يلتمو علي موضوعي يارب
ووكيف ناضت بتسخن القهوه … شرين الباب … فاطلعت تفتح وفي ايديها القهوه … وكيف شدة السزوه باايد وبتفتح الباب لانه كان عاصي … الا كان ورا الباب فتحه بالقوه … فا جت القهوه علي صدره كلها مبزعه ….
وهنا ملاك من غير وعي … شدة طرف وشاحها الحرير الا كان علي شعرها وقعدة تمسحله في سوريته الا تبزعت عليها القهوه وتقوله ….
ملاك … اسفه اسفه بجد انت فتحت الباب بالقوه …
وفي اللحظه هيا تسلحب الوشاح من شعرها وطاح وهيا مطبسه وتمسحله وهوا مبحلق في شعرها وشكلها بدون وشاح وعيونه مصدومات في قلوب … وولا حرف ينطق
وماقامتش عينها لين حست باايد مسكتها وقالتلها …
وائل …. ولايهمك … بس تصوري اني محظوظ ان تبزعت عليا القهوه
…. ولايهمك … بس تصوري اني محظوظ ان تبزعت عليا القهوه وهنا ملاك هرب عليها الضي لما شافاته يشبح ليها بنظره اول مره يشوفلها بيها ورجعت لبست وشاحها بسرعه ووجهها ولي زي طماطمه الحمره وقالتله …
وقالتله …ملاك … بجد اني اسفه
وائل …. ولايهمك << مع ابتسامه >> رح نروح نبدل
ملاك << وهنا مسكاته من ايده وقالتله >> لا خليك << وبعدين فاقت لروحها وقالت >> مافيش داعي تضرب مشوار لحوشكم … رح نجيبلك سوريه من ليت ونجي
وائل << مع ابتسامه >> مانبيش نتعبك .. هوا ليت روح ؟؟؟
.. هوا ليت روح ؟؟؟ملاك … اي روح … لحظه بس رح نجيبلك سوريه ونجي
وائل … تمام نستني فيك
ملاك …. اركب معاي علاش تستني << وفجأه فاقت لكلمتها عبيطه وقالتله >> … ماما وامك فوق .. اركب فوق حتي تخش لتواليت ..
وائل .. تمام ..
وبسرعة البرك .. ركبت ملاك تجري زي مهبوله لشقتهم وهوا وراها ويضحك برغم ان مش عوايده انه حتي يكون مبتسم … وخشت لدار ليت بدون حتي ماتسمع امها شن تقول … وفتحت شناطيه وبدت تنكت وتنكت وتنكت لين طلعت سوريه … وبعدين وقفت تكبه من دار تشوفه خش ولا لا … وبالفعل لقاته يتكلم مع مرت عمه وامه … وماسمعتش الا صوت امها يقول
مريم … ملاااااااااااك … وصلي ولد عمك للحمام …. واعطيه سوريه من سواري خوك غير ايدي مشغوله …
وهنا طلعت ملاك من دار بسرعه وقالتله …
ملاك … تعال وائل
وجي وائل وراها ووجه زي الطماطمه من الحشم …. ومدتله سوريه … وخشت لتواليت … واول ماسكر الباب سمعت تلفونه يرن فاوقفت تسمع وهوا يقول …
وائل … اه حبيبي … اي تم شوي بس ساعه تانيه … اي تمام ولايهمك …
وهنا ملاك نزلت عليها صدمه زي ساعقه … صدمه خلت دموعها يصبو زي المطر … وطلعت بسرعه من الحوش ونزلت … وقعدة واقفه في دروج … شوي تستوعب اول صدمه ليها في موضوعها … ومافاقتش من موضوعها الا علي صوت بوها ينادي فيها …
محمد … ملاااااااااك ملااااااااااااك … وين مشيتي نستنو في قهوه يابنت …
وهنا مسحت دموعها بسرعه ونزلت وقالت ..
ملاك …. هيا هيا بابا اني جيت … ونزلت بسرعه .. بعد ماقامت سزوة القهوه وخشت بيها داخل ….
وخشت لحوش حناها وقلبها نار وعيونها تحاول تبتسم بيهم غصبا عنهها … وهنا خشت للمطبخ قالتلهم ..
ملاك … ريحانا حطي القهوه تاني علي نارومديها لبوك وعمي برا لين نبدل وشاحي ونشف القهوه .
ريحانا … شن في خيرك << بحركات وهمس >> ؟؟
ملاك … لا لا مافي شي … واحسبي فنجان رابع .. مرات خوك يشرب معاهم
ريحانا … وائل ؟؟ شن جيبها هنا ؟؟؟
ملاك .. مش عارفه لما تشوفيه اسأليه ..
وطلعت بسرعه للحمام وخدت وشاح من اوشحت ريحانا بدلاته … وخدت نشافه وقردل والوركينه وطلعت برا تنشف في القهوه من فم الباب… واول مابدت تنشف شافاته نازال … فا دارت روحها عادي كأن مافي شي … وهوا اول ماوصل فيها قاللها …
وائل … ربي يحفظك وابتسملها ابتسامه علي جنب وخش لحوش جده داخل …
وابتسملها ابتسامه علي جنب وخش لحوش جده داخل …وهنا حست بشي غريب في جملته وعيونه .. هل هوا بالفعل قاصدها .. او هوا يلعب … او هيا زي اخته غير هيا فاهمه غلط … وبين كل هالافكار الا تلف في دماغها … قاطعها صوت امها تنادي فيها … فاركبت فوق تشوف فيها …
وفاتت ساعه ورا ساعه … وكل واحد فيهم مشغول … بتخطيط للعرس الا بدي في عد تنازالي وبدون موافقة العريس اصلا … والعشيه … طلعت حميده ومريم ومعاهم البنات وحجزو في صاله … بدو يلفو علي المحلات … وماكملو اول مشاوريرهم الا ساعه 12 في الليل … فاروحو وحميده وريحانا خشو لحوش جدهم … بينم مريم وملاك ركبو فوق … واوال ماوصلو لشقتهم … ملاك قالت لمريم …
ملاك … ماما شن القصه ؟؟ وين ليت قاعد مابانش ؟؟
مريم … اااااه سكتي والله قلبي مغموم والباين بيصير شي … ان شالله غير يروح قبل مايروح بوك بس ومايصيرش صدام تاني ويهديه ربي ويقتنع
ملاك .. تلفوني يرن …. حي ليت يتصل …
مريم … ردي عليه وقوليله امي راقده …
ملاك … اوك …
وفتحت الخط …
ملاك …. ايوا .. وينك ياليت معقوله تطلع من غير ماتسلم حتي عليا ؟؟؟ ولحد توا ماتروحش
ليت … اني فم الباب … بوي قاعد ؟؟؟
ملاك … لا لا بابا مازال ماروح …
ليت … باهي وامي ؟؟؟
ملاك .. < شبحت لامها وقالت> ماما راقده .
ليت … اوك .. افتحي الباب وماتقوليش لحد نبي نركب لشقه بسرعه وبننزل ..
ملاك .. اوك تمام ..
ونزلت ملاك بسرعه وفتحتله الباب وركب بسرعه وهيا لحقاته … وبمجرد ماركب خش لدراه بسرعه وسكر الباب قبل ماتلحقه … ونزل شنطات من فوق دولاب وبدي يفتح في دولايب ويستف … ولكن امه في لحظه هيا خشت عليه …
<< بدت تفك منه في لبس وقالتله >>…
مريم … شن تدير انت ؟؟ ليت انت خيرك تتصرف هكي انت بتموتني ناقصه عمر ؟؟؟
ليت <<< بوجه متعصب >> انتم الا علاش تكرهوني هكي … علاش مصرين توقفو قدام سعادتي وتخطبولي وتمو في وحده اني اساس نعتبر فيها اختي … تعرفي شن معني اختي … معناها لو نقدر نتزوج ملاك معناها نتزوجها …
مريم … ريحانا مش اختك … والبنت بنت ناس ومؤدبه وخلوقه واقلها نعرفو اصلها من فصلها …
ليت … انت شن ضاركم .. هوا انتم الا بتتزوجوها ولا اني … انتم الا بتجيبو منها صغار ولاااني … ارحمووووووني خلاص راجلك يدل فيا بالقرش الا بيعطيهولي ويدل فيا … بس خلاص بلاش انتهي كلي شي … ومش رح نقعد في حوش .. ومانبيش منكم قرش وانسو ان عندكم ولد اسمه ليت …
وهنا مريم مالقتش نفسه الا وهيا مادتله كف وقالتله …
مريم … اسمه بوك ياقليل الربايه .. بالفعل اني الا ماعرفتش نربيك .. ولا وليت دكتور وعشت سنتين برا خلاص شفت نفسك علينا وقررت تنسي اننا بوك وامك …
ليت … <<< بوجه متعصب اكتر والعياط زاد … الاب الا يدلني بالقرش الا بيعطهولي ويتخد قرار نيابة عني ويلويلي ايدي ويساومني هدا اب ؟؟؟ جاوبيني ؟؟
مريم << بملامح حاده >> … شوف اني لطالما كنت معاك ودائما كنت نوقف ضد بوك واني الا كنت مدلعاتك … بس لهنا وخلاص … اقسم بالله .. اقسم بالله لو ماخديت الا احنا راضين عليها ولو سكرت دماغك لاانت ولدي ولا اني نعرفك … وانسي ان عندك اب وام ….
ليت … يعني حتي انتي تتصرفي زيه ؟؟؟ اوك تمام … بس تدكرو انتم الا اخترتم … وحط باقي حوايجه في شنطه وطلع … وهوا طالع من داره … لقي بوه واقف فم البابواوال ماشافه ماتكلمش الا في لحظه الا كان فيها ليت طالع من شقه … وهنا قاله محمد …
محمد … استني … هات مفتاح سياره … وبطاقة المصرفيه …
ليت <<< بوجه مصدوم >> … بجد انت تتكلم ؟؟
محمد … هاااااااااات … تمام … توا الباب يفوت جمل … وتدكر بس … مش رح تخش للباب هوا الا وانت موافق علي كل شروطي …
وطلع ليت وشنطه في ايده وقرب الباب وراه … وهنا مريم انهارات من البكي وقالتله …
مريم … باحشمتي … بعد بكرا مفروض فاضنيه وتلبيسه … والخميس الا بعده الدخول … وولدك لم شلاتيته وجلي ؟؟ شن بنقول لناس اني ..
محمد .. ماتخافيش رح يجي صدقيني ورح يوافق … انتي جهزي لكل شي بس وخليه ..
مريم …. والله لو مايجي بعد بكرا الامانهبل … اني خلاااااص تعبت والله تعبت …
محمد … مريم .. خلاص شن بتنوضي عماره كلها ؟؟ قولنالك ولدك رح يجي ويحضر ويتعرس وتفرحي بيه ويخي رح يحطها فوق عيونه انتي اصبري وتو تشوفي ..
انتي اصبري وتو تشوفي ..مريم … واني ماشيه ورا كلامك للاخير …
محمد … خلاص خلينا نخشو نرقدو توا وصباح رباح …
وهنا خدي محمد باايد مريم وخشو لدار … بينما ملاك خشت لدارها قبلهم اول ماشافت امها الوضع مرتبك … وانتهت الليله علي الكل .. وكل واحد باله مع شخص واحلامه راسمها بشكل … وتقريبا كل واحد حلم بحلم … قرب الواقع من تحقيقه ليه … ماعاد شخص واحد … كان سارح قدام البحر ويفكر ومش عارف وين يمشي ولا وين يجي … ولا كيف يتصرف … ولا لحد وين وصلت بيه .. وماقطعش افكاره هادي الا صوت تلفونه يرن … وهنا فتح الخط وقال ..
ليت … << بصوت ملئ بالحزن >> اهلين معتصم شن اخبارك ..
معتصم .. قولت خلي نطمن عليك ..شني لهدرجه من لقي احبابو نسي اصحابه … من رسالتك وانت في مطار ليبيا الا قولتلي فيها وصلت بسلامه معاش شفت الو منك .. شكلك زايط يامعلم وخديت الموافقه ودنيا مش سيعاك
وخديت الموافقه ودنيا مش سيعاكليت … اااااااه … تنكت انت .. قول انصبت فوق كارته ماكنتش نحلم بيها حتي الحلم …
معتصم … << بصوت مخلوع >> .. شن في خيرك ياراجل …
ليت … اصلا ماعنديش غيرك نحكيله .. اصلا انت نقيت فيها ياندير شؤم لدلك حلهالي …
معتصم .. احكي شن في ؟؟
وهنا ليت حكالي علي كل شي من طق طق بسلام عليكم … واول ماكمل حكيه قاله …
ليت .. بعد كل الا حكيتهولك ؟؟ شن الحل ؟؟
معتصم … ههههههه والله توقعتها تصور ..
ليت .. تضحك … تي باهي باهي برا في حالك خلاص بالله عليك لنغلط فيك ..
معتصم … تي استني يامان ..كل مشكله وليها حل … وعندي ليك فكره بعون الله بيها ترضي اهلك وترضي نفسك وتحصل كل شي في وقت واحد ..
ليت .. تكلم … انطق جوهره ياراجل …
وهنا معتصم بدي يخططله ويحكيله .. شن الحل الوحيد الا يقدر يديره باش يطلع من المشكله هيا ويرضي اهله وفي نفس الوقت يرضي اهله … وبعد ماكمل معتصم كلامه … قاله ليت ..
ليت … اكيد انت هبلت … انت متوقع الموضوع سهل هكي ؟؟؟ اكيد انت هبلت …
معتصم … ماعندكش خيار تاني … وهدا انسب حل ليك … فكر فيها وادرسها … انت هكحي تقدر ترضي اهلك وتسافروترضي نفسك ..
ليت … وهيا ؟؟ اني بالهسهوله تتوقع نخش ندمرلها حياتها وتطلع ؟؟
معتصم … ماعندكش خيار تاني … او اقعد في شارع اندب وعيط وبوك واخد منك كل شي ولازك في الحوش .. وهكي لارا بتقولك تعالي واني نرفعك برموش عيوني ونوصلك لهولندا … صدقني فكر فيها وادرسها وقرر .. بس تدكر لو قررت تسكر دماغك وماتوافقش بوك … انسي كل احلامك الا انت رسمتها … ومعاش عندك وقت لو مفروض فضانيتك بكرا زي ماانت تقول والعرس خميس الا بعده ..
ليت .. مانقدرش … انت تطلب في شي مستحيل بنسبالي ..
معتصم .. خلاص ادرسها وقررها واعقلها … واني توا بنسكر … وبكرا توا نتصل بيك ونطمن عليك … يابيها باركتلك .. يابيها ندبت معاك
ليت .. سكر سكر وراس امك سكر لنفصل عليك .. سلام ..
وسكر تلفون .. ووقف ولوح رشاده الا في ايده وخدي شنطه ومشي لرئيسي باش يوقف اول تاكسي ويحطه في اقرب اوتيل …
وفاتت الليله … ومريم وحميده لاهين في تجهيزات … وملاك وريحانا طالعين يشرو في بتات ووالحجزوات … والعماره متفركسه والكل لاهي بالموضع الا خش فجاه بدون اي مقدمات … اما ليت .. فا اكتفي انه يسكر تلفونه ويقعد في الاوتيل مايطلعش طول اليوم وهوا يفكر ومش عارف كيف يتصرف …
وفات اليوم … وجي اليوم المنشود … والكل يسال علي ليت الا مابانش ولا سلم ولا حتي شافوه … وبوه وامه كل مره يطلعو بكدبه شكل … وجت العشيه .. والكل يجهز في الضيافه والحوش .. ولاكل … ومش باين ليت … ومع المغرب بدو يجو رجاله وتتملي الصاله .. ومريم قاعده علي نار … وخاصة انها معاش لقت شي تقوله .. لجده وحناه وعمامه الا يسألو وينه … واول ماطقت ساعه 7 بزبط …
يتبع…….
لقراءة الجزء التالي : الجزء الخامس من رواية قلبي ملكي ولكن أنت من
لقراءة الجزء السابق : الجزء الثالث من رواية قلبي ملكي ولكن أنت من
للإطلاع علي فهرس أجزاء الرواية : جميع اجزاء رواية قلبي ملكي ولكن أنت من للكاتبة كيندا
جميع الحقوق محفوظة للكاتبة كيندا .
