في الجزء السابع عشر هل تري برأيك سيكون لمجري الاحداث بين ابطال الرواية منحني جديد أم سيكون هناك مفاجآة من نوع خاص لا تخطر علي البال أبداً سوف تحدث ؟ كل هذا سنعرفه في تفاصيل الجزء في السطور التالية .
الجزء السابع عشر من رواية بقايا امرأة
سرين … الوو ..
زيد … << بصوت متعصب >> علاش مسكره تلفووووونك ؟؟
نسرين … انى مش مصطره انى نبررلك موقفى دكتور زيد صح ؟؟
زيد .. نسرين انتى علاش تتصرفى هكى ؟؟
نسرين .. كيف نتصرف هكى ؟؟
زيد … نسرين بالله عليك ماتخلنيش نهبببببل .. انتى عارفه انى شن نحس اتجاهك وتتجاهلى فيا .. علاش تتصرفى هك معاى ؟؟
نسرين .. لو انت حاب نكملو مشوار خدمتنا مع بعض ياريت ياريت تسكر موضوع هوا ..
زيد .. فهمينى علاش ؟؟
نسرين .. زيد انى كيف طالعه من تجربه سيئه .. وانت نفس الشى .. وانى مش محتاجه حاليا اى علاقه فى حياتى ومش ناويه نخش فى اى تفاصيل تشغلنى على صغارى .. وانى موضوع الارتباط سكرته .. وكل حياتى لصغارى بس بس
زيد … اووك .. من لحظه اعتبرنى اخ ليك .. وزيد الاول انسيه اوك ..
نسرين . انى اسفه بس والله انى نفسيا تعبانه وحاليا نمر بى ظروف صعبه .. فاياريت تخليلى مساحه بينى وبين نفسى نعيد فيها حساباتى
زيد … اوك تمام .. سلام
سكر تلفون زيد لوحه على سرير وقعمز وكان فى داخله شى محروق من كلمها .. او من حضه .. ومن هاللحظه قرر ان يتعمل بالاسلوب الا يخلى نسرين ترجعله وتحبه .. بس بدون مايتنازل .. ومايعطيها فرصه ترفضه وتحسسه انه غريب …
بينما نسرين … حطت تلفونها على سرير وكان كل همها تصفى ماضى بطريقتها .. لانها لو ماخدتش حقها منهم .. مستحيل تعرف تفتح صفحه جديده مع نفسها او مع اى حد …
وفات اليوم وراء اليوم من الشهر المتبقى وكانو اسعد ايام تقضيهم مريم مع وائل … بينما كانو اكبر ايام تتحدى نسرين فيها نفسها وبدت لما تشوف صغارها … ومنهم هما بس تستمد قوتها …
مريم … الوووووو 
استاحشتك يامعفن اسبوعين بعيد عليا هلبااااااااا
وائل … حبيبتى والله حتى انى مستاحشك بس والله من لما وصلت هنا وانى مش ملحق الكورس يكمل ساعه 6 … ومنها استغليت الوقت وخديت كورس تانى .. وانتى موصيتنى على حاجات تبيهم للعرس فانطل عانى وصديق مسافر معاى وناخد فيهم …
مريم … شن خديتلى ؟؟
وائل … استلمت … الفيلو الا موصيه عليه… وجبتلك حاجات دخول
مريم … اهم شى ابيض ماتخليشى فال شين علىنا هههههههههههههههه
وائل … تى خدتلك حاجات بيض تى اسكتى ماتخلنيش نهبل من توا بس
مريم ياصايع انت .. ههههههههههه
وائل … ااااااه الفرق بين مشيتى هادى ومشيتى هديكا … قداش كنت مشتاق نشوف مرتى رشيقه ونشريلها الحاجات الا نشوف فيها هنا مهبلتنا ..
مريم … ماتنقش عليا لنوليلك زى شوال سكر ههههههههههههههه
وائل … بيبى مهم مهم انى استاحشتك هلبببببببببه
مريم … خلاص دخولنا بكرا امتى اليوم توصل طيارتك ؟؟
وائل … امممممممممم هيا توا 5 عشيه … انى مفرووووض ساعه 8 نكون فى مطار .. وطيارتى تطلع 11 فى الليل … يعنى بعون الله ساعه 2 او 3 نكون وصلت للحوش لو ماتعبتش فى مطار وبهدلنى شعب الكريم الليبى المتواضع
مريم … هههههههههه نبى نقولك ماتزعلش .. انى عزمت نسرين على عرسنا ..
وائل … شن تقولى انتى ؟؟؟
مريم .. والله خاجرى نشوفها كيف ولت هههههههههههه نحس فيها باب معاش بيطلعها وبعدين اقلها لما تشوفها تحمد ربك انى كنت من نصيبك نبصر نبصر << مع شبحت خبت >> بس فى الاخير هيا صديقتى وام صغارك فالو جت اقلها بالك نحاولو نوصلو لصلح ونرجعو خوت
وائل … انتى شن تفتفتى ؟؟ مانبيش نخرط انى .. مررررريم صكرى … وانتى مسؤاله بس …
مريم … حبيبتى اسمعننننننننى
وائل … مريييييم خلاااص سكرى بجد تعصبت مانبيش نغلط وفى بعض …
مريم … اوك .. سلام ..
وائل … سلام ..
سكرت مريم وكانت متعمده انها تعزم نسرين لما وصلتلها رساله على موعد عرسهم .. وبعدها بعتتلها بطاقه حفلتها … وكان كل غرضها تكسرها وتدلها وتشوفها وهيا ضعيفه وسمينه ومكسوره .. وتشوف نضارت الحمد وشكر فى عيون راجلها … وماكنتش يخطر فى بالها ولو لحظه ان نسرين الاوله ماتت … وهيا الا قتلتلها .. ونولدت نسرين مش رح يعرفها حد .. حتى اقرب اس ليها …
نوره … يهبببببببببببببببببببل قفطان … يقتتتتتتتل … والله اول ماشفت رقمه 36 قولت مستحيل يجيك .. بس لما شفت وزنك اليوم انصدمت وانقهرت وكررررهتك يا$&$&$&… 59 كرررررهتك انى وليت بقررررره قدامك …
نسرين …. ههههههههههههه ومازل … لما تشوفى صدمة الناس التانين ههههههههههههههه رح يموتو ماتحاوليش هههههههههه
نوره << اختفت ابتسامتها >> شن تقصدى ؟؟ بجد شن تقصدى ؟؟ بكرا بتمشى قصدك ؟؟
نسرين … ونبيك تساعدينى ..
نوره … انتى بجد ولا بعقلك ؟؟
نسرين .. انى بعقلى … رح نطلع الا داروه فيا … ورح نضوق مريم من نفس الكاس …
نوره … شن بديرى ؟؟
نسرين … هههههههههههه شن بندير … انى نقولك شن بندير … خلاصة .. انى الا نعرفه وعارفه ان وائل يدوب فيه رح نديره … هههههههه رح نخلى وائل يهببببببل …. رح نضوقها من نفس كأس خيانه …. قسما بالله الامانخليها تبوس رجلى بس انى نخليهولها …
نوره …. نسرين انتى بجد مانعرفكش .. انتى ماكنتيش هكى ..
نسرين << بشبحه مليانه دمووووع وحقد>> القلب هوااااا القلب هوااا الا نحررررق معاش فيه اى مكان للحب … ونار هيا رح نطفيها بدموعها … تصورى نطفيها بدموعها … وكل مانشوف صغارى يبكو وهما بعاد على بوهم … نار ترقى اكتر …
نوره … انى خايفه عليك …
نسرين … ههههههههه خايفه عليااااا ؟؟؟ شن متوقعه يصيرلى اكتر من الا صارلى ؟؟؟ انى استفدت من اخطائى حبيبتى … وبعون الله الانسانه طيبه العبيطه ماتت … وتوا انسانه جديده … قادره انها تحل مشاكلها بروحها وتوقف لااى حد خدى حقها منها … مهم … انى نبيك تساعدينى …
نوره .. فى شنى ؟؟
نسرين … انى عرفت ان مسئوله على دى جى والبروجكتر صاحبتك زمان .. وقبلها كانت تخدم فى مزين … ولما تعاركت هيا وصاحبت مزين طلعت وبدت تخدم فى صاله هيا …
نوره … باهى انتى شن تبى بزبط ؟؟
نسرين … فى سى دى نخدم فيه اكتر من شهر .. نبيها تحطه …
نوره .. شن فى ؟؟
نسرين … فيه فى الاول صورى انى وهيا فى كليه ايام دراسه … وبعدين صورتى انى وهوا فى ليلة دخول وهوا يلبسلى فى دبله ومجموعة صور لينا فى شهر العسل … وبعدين الفيديو الا صورته ليهم فى حوشى وهما يخونو فيا … وبعدين حصلت صوره ليها هوا وياه من يلبس وفى دبل لبعض .. نبيها نشغله فى صاله ومانبيشى تشغله الا بعد مانأشرلها انى باايدى ونطلع من صاله .. ونبى الا فى صاله كلللللللهم يشوفوه السى الدى … وصدقينى صدمه الا رح يشوفوها مش تخلى حد ينوض ويشوفه …
نوره … بجد انتى ؟؟ وشن الاغنيه ؟؟ الا حطيتها ..
نسرين … خاينين .. اغنية هيتم شاكر << زى بعض انتم الاتنين زى بعض >> … تعالى .. تعااااالى …
وخدتها من ايدها وقعمزتها وفتحتلها السى الدى …
نسرين … << سكرت كمبيوتر >> … معاش تبكى .. معااااااتبكى … انى بكرا راجلى بيتزوج … نبى نقوى بيكم معااااااش تبكى … خلااااااص امسحى دموعك …
وطبتت اختها وبدو يبكو … وبعدين حولت اختها نوره ومسحتلها دموعها وقالتلها …
نوره .. انى معاك … فى اى شى ديريه … ورح نقنعها صاحبتى ولو اضطريت انى ندير اى شى … خليك جنب صغار انى ماشيتلها توا … لانى نعرف حوشها … ولو تأخرت مادورنيش … مش رح نروح لين نقنعها ..
نسرين … نوره … نحببببك..
نوره … حتى انى حبيبتى ونبيع دنيا على خاطرك … سكرى انتى مزين بس ..
نسرين .. اوووك .. رح نستناك …
طلعت نوره … مشت لمحل مكياج … قبل … وشرت مكياج فى عاده كانت ماركات اغلى من قدرتها لزباين العادين وخدت معاهم خصلات عيرة شعر … وبعدما حطتهم فى شنطتها … خطمت على محل الورد وشرت باقت ورد وشكلاته … ومشت لصاحبتها …. وفاتت ساعه وراء ساعه من لما خشت للحوش صاحبتها … وماطلعتش … ونسرين على نار …
لحد ماجت ساعه 11 فى الليل … ونعسها نوم نسرين ورقدت … ومافاقتش صبح الا على صوت اختها تخبط بشبشب …
نوره … نووووووضى ياااااالله نوووووووووضى …
نسرين … ساعه كم تواااا ؟؟ انتى روحتى ؟؟ شن صار ؟؟
نوره … ههههههههههههههههههههههه
نسرين .. على شن تضحكى ؟ انى ماكنتش نحلم صح ؟؟
نوره .. لا ياعبيطه … انى امس روحت موخر لان اهلها شدونى على العشى .. وحاليا ساعه 12 ظهر وانتى ظاربتيها نومه من امس ..
نسرين .. شن صار معاك ؟؟
نوره … حكيتلها قصتك وورتيها السى دى كله .. تى بنت قعدة تبكى .. حسيتها تقول خاشه بتستشهد وقالتلى انى معاكم باش ندمروها هالواطيه وطز فى الخدمه … وقالتلى الا يقرب من سى ولا ينحيه نفرمه فرم .. وانتى ماتعرفيهاش عاد طول فى عرض بنت ماشالله تخوف هههههههه وانى بينى وبينك كنت ندور فى مزينه شاطره زيها فاقتلها اخدمى معاى والا بيا بيك لين نكبروه مزين ووافقت وتعشينا وهدرزت مع امها وروحت .. غير كلمت خوك جى وراى لحد ماوصلت للحوش … وامى فى تلفون فتحلتى قضيه وكيف راجلك مسافر وتطلعى .. ووووووووه ههههههههه
نسرين …. نقزت من سريريها وطبتها انتى احلى اخت فى دنيااااااا كلهاااااااا
نوره .. احم احم .. اليوم خصصته كله ليك اليوم انتى عروستنا ..
نسرين … شنى ؟؟
نوره .. خدتها من ايدها … ورفعتها للمزين …
نسرين .. خديت ارقى المكياج .. الا فى اسواء ظروفك مش رح يمتسح … وخديتلك كل الا تحتاجيه اليوم باش تطلعى ملكه
نسرين .. اكيد كلفك موضوع فوق الالف صح ؟؟ والله انتى احلى واحن اخت فى دنيا نحبببببببك
نوره … يامجنونه انتى … خلاص هيا برى اغسلى وحكى سنونك واستعدى … باش نونتيك ..
نسرين .. اوك اعطينى شووووى بس ونجيك .. نشوف صغارى ونخش تواليت ونطلع قفطان وكابى وباقى حاجاتى نشوف شن ناقص منهم
نوره .. صغارك فطرتهم وحطيتهم فى جراى قدام تلفزيون … واتفقت مع خوك يرفعك ويجيبك من صاله بعدين اهم شى زى ماخططنا بس …
وبالفعل … خشت نسرين تواليت … وشافت صغارها وباستهم ولعبت معاهم شوى … وبعدين نزلت لاختها … الا بدلتها فى جلسات ترطيب والاقنعه .. وتدليك لشعر ومونكير وبرد لظوافر رجليها وايدها وبعدها بدت تخدم على مكياجها وشعرها … ووواخيرا نسرين طلعت زى ماتمنت بزبط مكياج خفيف وراقى مع رسمة عين راقيه وشعر منفوخ وشوى ملوى مفتوح ومسدول على ظهرها … ومونكير احمر قاتم لون روجها … ومع القفطان الاسود الا كان قمة فى الاغراء عليها طلعت سندريلا … سندريلا بكل ماتعنيه الكلمه …
نسرين … شن رايك ؟ حلووووه ؟؟
نوره … تهبببببببببببلى قلبى قلبى … صاله اليوم اول ماتخشى عليهم بيحاسبوك هيفا وهبى … توقعى ينوضو يصورو معاك
نسرين … بطلى تسهووووويك ههههههههه ساعه كم توا ؟؟
نوره …. ساعه 11 فى الليل
نسرين .. توا بنمشى … وحاليا مريم كيف وصلت وكيف بتخش هيا ووائل فى صاله وصيتى صاحبتك لما نخش من صاله نبيها تدير الاناره هاديه ؟؟ وتدير موسيقه مميزه ليا وتكون احلى من الاتدرجت عليها عروسه ..
نوره … اى اهم شى نبيك فيفى عبدو
نسرين … رح نخليه يتخايلنى ايام شهر العسل هههههههههه ليا شهرين نتدرب عليها رقصه باش تطلع زى مانبيها انى …
نوره …. اه نبيله عبيد انتى فى الراقصه والسياسى مش هوينه اتاريك
طلعت نسرين بعد مالبست كابها وطلعت … ولقت خوها يستنى فيها … وبمجرد ماوصلت لصاله … كلمت دى جى .. وبالفعل لقت كل شى تخطط ليه صار … وجت اللحظه المنتضره … وقفت نسرين قدام المدخل الا يدخل لصاله .. وغمضت عيونها شوى وبعدين خشت … واول ماحطت عينها على صاله والكوشه وشافت منظرهم وبدت تقرب منهم ودمعه فى عيونها وقلبها بيطلع … بس حاولت تابن قويه ومبتسمه قدر الامكان … وطبعا الاضاءة والموسيقه كان ليها تأتير ان الكل يشوف من الا خشت لصاله بطريقه هيا … والاغرب ان معرفهاش حد حتى صديقتها … واول ماوصلت جنبهم ابتسمت ووقفت قدامهم بزبط وجت دى جى ومدتلها المايك … وهنا قالتلهم
نسرين … جيت وحبيت نبارك لصديقتى اغلى صديقه واوفى صديق مع زوجها المصون ان شالله ربى يهنيكم ياررررب ووعدتك انى يوم عرسك مهما كان السبب رح نرقصلك … ورح نوفى بوعدى
وطبعا هنا مريم تبحلق لنسرين ومش فاهمه ولاعارفه … ووائل قعد زى مسطول يشبحلها … ولحد اللحظه هيا حس انها حلم وان هوا يتخايل … ومريم قعدة تشوفله كيف ماحولش عيونه على اى تفاصيل جسمها من اول مانفتحت اغنية الرقص الشرقى ونسرين ترقص وتشبحله وتبتسمله شبحات كلها اغراء وتمايل وهوا سرحان فيها وفى تفاصيل جسمها ورقصتها الا كانت كلها قمه فى الاغراء ونظراتها الا كانت كفيله تولع راجل حتى ولو كان فى الكوشه جنب عروسته …
واول ماكملت الاغنيه … قربت منهم … وطبست عليه فى ودنه وقالتله الف الف مبروك وعقبالى يارب وناضت وهما عيونهم فى بعض … وبعدين قربت لى مريم الا كانت مندهله ومش مصدقه … وطبست وقالتلها مبروك صديقتى الوفيه ومانسيتكش حتى فى الهديه ورح توصلك بعد شووووووى وباستها من خدها وناضت وعطتهم بالقفى وتلفتت لوائل وشافت نظراته الا كانو قمه فى كل المشاعر الا فى دنيا … وكملت طريقها وطلعت من القاعه وقبل ماتطلع … شبحت لى دى جى واشرتلها باايدها وطلعت …. وفى اللحظه الا لبست كابها وركبت لسياره …
الدى جى … طفت الاضواء وشغلت الفيديو … وناس كلها تتفرج
هيتم شاكر << زى بعض >>
زى بعض ………….انتوا الاتنين زى بعض
زى بعض…………..وعمركم ما هتنسوا بعض
وقبل ما تتدارو منى وقبل ما تخلو عنى
وقبل ما تتدارو منى وقبل وقبل ما تخلو عنى
اعرفكم ببعض…………..اعرفكم ببعض
انت خاين وهيا خاينه ………..انتا ظالم وهيا ظالم
انت خاين وهيا خاينه ………..انتا ظالم وهيا ظالم
فى الغدر واحد اه………. فى الظلم واحد اه
اتنين ياعينى بيخونوا واحد……..وهيجى يوم هيجى يوم هيجى يووووووووووووووووم
واتخونوا بعض …………
خدتوا ايه من جرح قلبى…….. تاه ومش لاقى الطريق…….
قلبى اول مره حب………… كل ذنبه انه برئ
عمركم ما هتنسوا ابدا دمعتى ونظره عنيا……..
غدركم خلانى اقوى…….. اقوى من الجرح الى بيا
انت خاين وهيا خاينه ………..انتا ظالم وهيا ظالم
فى الغدر واحد اه………. فى الظلم واحد اه
اتنين ياعينى بيخونوا واحد……..وهيجى يوم هيجى يوم هيجى يووووووووووووووووم
واتخونوا بعض …………تستهلوا بعض
يتبع…………
لقراءة الجزء التالي : الجزء الثامن عشر من رواية بقايا امرأة
لقراءة الجزء السابق : الجزء السادس عشر من رواية بقايا امرأة
للإطلاع علي فهرس اجزاء الرواية : جميع اجزاء رواية بقايا امرأة كاملة للكاتبة كيندا
جميع الحقوق محفوظة للكاتبة كيندا من ليبيا .
