وفي الجزء السابع من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.
الجزء السابع من رواية زوجة المغترب
عددت الايام ورغد جيتها لي بيتناا قلت شدديد.. ما عرفت راجلها منعها ولا هي براها
بس برغم من كده كانت مواصلهه معاي تلفونات..
في الفتره دي حددت مع وضاح مواعيد عرسي.. وقررنا يكون بعد شهر بالضبط من تاريخ خطوبتناا
.. كنت دايراوو بعد التخريجج.. بس وضاح استعجل.. ووراني انو ما عندوو مانع اني اقرأ بعد اتزوج.. ف قلت ليه لا!
اليوم دا كنت طالعه مع رغد ماشين السوق.. قلت لي مزمل يوصلنااا بي عربيتوو.. كان رافض بس بعد سمع انو رغد معاي دغري وافق..
وصلناا وطول الطريق كنا ساكتين والجوو كان مكهرب شدديدد.. في العاده رغد هي ال بتطلف الجو بس ما عارفهه حصل معاها شنو!
…………………..
في آخر فتره لاحظت لتغيرر شدديد في شخصيه رغد .. بقت ما بتتونس معاي كتير .. ما بتضحك.. ما عارف حاصل معاها شنوو..
بقيت بشوفها وقت نكون عايزين ننوم.. وغالبا بنكون ساكتين..
بي طبعي كلامي ما كتير.. بس هي ما كانت بتسكتت..
اهااا في اليوم دا جاتني قبل اطلع الشغل وقالت وهي بتصلح في ليااقه قميصي.. ماشه السوق مع فطومه..
قلت ليها خيرر.. واديتها شويهه قروش في حال عجبها شي وكده
شالتها ومن سكات كانت طالعه.. قلت ليها رغد حاصل معاك شنو؟؟ قالت لي شنو؟؟
قلت ليها ماعارف بس ما طبيعيه قالت لي لا ماف شي..
قلت ليها بجدد؟؟ طيب نطلع بعد ارجع نتعشى برا رأيك شنو؟؟
ودي كانت اول مره اطلب منها نطلع من اتزوجنااا..
ابتسمت ابتسامه خفيفه وقالت لي طييب..
…………………….
وقفت قدام المرايه بخت اللمسات الأخيره بعد لبست فستان كبدي .. واسع ماسك شويهه في النص.. وطرحه بيجيه..وشنطه صغيره بيجيه..
أثناء ما برش في العطر الباب دق.. مشيت وفتحت ليو وانا شايلهه الشنطه في يدي.. على اساس نطلع طواليي..
وقف مسافهه بعاين لي .. لمن اتحسست ونزلت رأسي.. وبقيت براحه اعاين في روحي.. في شي غلط؟؟
رجعت اعاين ليو تاني لقيتوو مواصل.. قلت ليو بأرتباك نطلع؟؟
قالي ايووه اتفضلي..
المكان كان لطيف وفيوو شموع كتييره و زي عازفين كده لكن النصحيه نعسوني
ما كان في ونسهه كتيره بيني وبين وائل..
بس رغم كده الطلعه ما كانت كعبه
عدت الايام والمفروض انوو مده الشهر خلااص انتهت.. وعلى حسب كلامنا ننفصلل واي زول يشوف حياتوو..
بس الحصل انو كان باقي لي عرس فطومهه شويه.. وما هان علي ارجع و اخليها وما احضرر
ف كلمت وائل انو نخلي موضوع الطلاق لي قدام شويهه.. واصلا مشاكلناا الكانت كتيره ديكك شبهه اختفت..
انبسطط ورحب بالفكره..
…………………….
حست بي معقولهه؟؟ للدرجه دي باين اني م كانت عايز اطلقهاا وبتلكك ..
فرحتت شدديد بالخبرر.. وقررت اني اعوضها في ال كم يوم الزادوو ديل.. قررت اني اعاملها معامله ترضي ربنا .. اني احاول احببها فينيي واخليها ترضى بي ..
واول خطوه عملتهاا اني قللت ساعاتت غيابي عن البيت..
وبقيت اغلب الوقت معاها.. حتى لو ما اتكلمنا كتيرر.. بس كنت بحاول اساعدهاا.. اخد رايها.. بأي شكل ادخل في حياتهاا..
في يوم وأثناء ما قاعد معاها سألتها..
ناويه تعملي شنو يا رغد بعد الطلاق؟؟
قالت لي ارجع اقرأ نفسي اقرأ تصميمم واتخرج منوو وافتح شركهه.. وتكبرر وابقاا مشهوره وغنيه شديد
ضحكت وقلت ليها .. غنيه عرفناها.. مشهوره؟؟؟
قالت لي ايي.. ولا اقول ليك لااا.. عشان بعدين ما يقعدو يفتشوو وراي ويطلعو صوري القديمه
ضحكت تاني وقلت ليها.. على فكره ممكن تنزلي جامعه هنا رأيك شنو؟؟
اصلا كده كده قاعده في البيت ساي..
شكلها الفكره ما عجبتها لأنها سكتت وبقت تقلب في جوالها..
م عرفت ما حابهه تقرأ هنا .. ولا للدرجه دي مضايقاها القعده معاي!
عدت الايام وماف جديد يذكر غير عرس فطومه ال بقرب يوم بعد يوم..
وفي يوم الحنه وبالليل .. كان في زي قعده كده بيناا نحن الشباب..
بعد شويه جوو البنات شايلين الحنه.. وكل بنت وقفت قصاد ولد تحننوو.. وحكمه ربنا رغد جات قصادي .. بس شكلها اتذكرت اني م بحب اتحنن حتى في عرسنا ما اتحننت!
بسرعه مشت على البعديني.. اللي كان مزمل!
قلت ليها بسرعه رغد وانا؟؟
اتلفتت علي وهي مستغربه.. قلت ليها اي داير اتحنن..
ابتسمت وجات علي وبدت..
برغم من اني بكرهه الحنه.. و ما بحبهاا.. بس لو ح تكون مع مزمل راضي بيها!
…………………..
كانو ببتسموو وبضحكوو .. كأنو ما هم ال من فتره اصواتهم بتلم الشارع!
الموضوع كان حارقني.. وكنت بحاول اقوم من مكاني.. بس تقى كل مره توقفني وتقول لي خليني اكمل بعدين قوم..
الدقايق ابت تمر .. والنار ال في قلبي كل شويهه بتأكل فيها زياده..
لحدي ما وائل قال نحن نستأذن بعد دا..
بصوت مخنوق قلت ليو .. اقعد لحدي تنشف طيبب.. واتونس
قال لي مره تانيه.. نمشي نلحق ننوم وراي شغل بكره
………….
بعد رجعناا بي نص ساعه بالضبط وائل نام.. كان باين عليوو تعبان لاني ناديتوو كذا مره وما صحاا..
بقيت حايمه في البيت ماشه جايه.. وبحاول القى موضوع لأنو ما كان جايني نووم..
ف فتحت جوالي وبقيت بحضر في مقاطع مخيفهه.. ما عارفه ليه بسس دا الفكرت فيو في الوقت داك..
اهااا شويهه كده والكهربه قطعت..
استغربت طبعا قطر وكهربه تقطع!
شكلوو جبناا الكج معاناا من السودان وجينا
طووالي بقيت بتخيل في المناظر الشفتهاا ديك ودخلت فينيي خوفهه..
ولعت فلاشي ومشيت ع وائل ال كان راقد نايم لسسه..
قلت ليو وائل.. برضو ما صحاا معاي..
رقدت جمبوو ولسه خايفه..
كان مربع يدينوو ونايم.. جبت واحده من يدينوو وختيت رأسي فيهااا وقربت منو شدديد ..
وبدون مبالغه حسيت بالامان وشعور الخوف راح..
قبل ما انوم الكهربه رجعت..
كنت عايزه ازح منو بس لقيتوو مسكني بيدو التانيه وقال ما تزحي وهو لسه مغمض عيونو..
حسيت بالخجل بس في نفس الوقت كنت مبسوطه ..
…………………
شوووق انا طالعع عايزين حاجه؟؟
…
شوق زحي التلفون دا من خلقتكك شويه ما ممكن كده!
اها اها زحيتوو ما تبدأ محاضره.. في شنوو؟؟
ااسألي امك عايزين شي؟؟
اتحركت عليها لقيتها لسه نايمه على غير العاده..
قلت ليها امي دايره شي مازن قال طالع ..
ما لقيت رد .. هزيتهاا برضوو ما صحتت..
وانا برجف ووببلع في ريقي.. رفعت يدها.. لقيتها وقعت
“أياك ان تكمل يومك دون سماع صوت امك واخذ رضاها.. الموت لا يعرف وقتااا”
يتبع ……..
لقراءة الجزء التالي : الجزء الثامن من رواية زوجة المغترب
لقراءة الجزء السابق : الجزء السادس من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء .
